Папулярныя біблейскія вершы з YASFADOCI LOKU 22

Падзяліцца

Ufimv, si tahaivna gelv neiv uci pvyrgilv iboni yrmv taphikv : pvyaqv mvtv nelv ni tasi tahawa, gelv wakv, wah silvwepi, iwvpi.

pvyaqv gi macdola nvnvhbrcigamowa, wvhsi bur gi dapwahsawa hrlwi ilafeyrgi; macimi silwelu gelv, ina balaku nuhgi mahci kugeivna, hryecsimi gi janinrki.

Chena tvkuwhv utah mvma, macimi iah mahci meliwaci niyrwa, u puskunv ini chena u tah melvhi nihi, Neiv yomv gelvwv ma-melofu-yaqa : yomv si Ivweku ni mrm-kvwalamofowa-nagi, isiwa.

Chena nili taphikvnvli nahfrpi iah mahci ulrqefi-wihfanici, Yrmv taphikv inv ini mvivgi mah-drcimowa ni mskumagi, datapilv’ hini fa-feginvmvwofu-yaqa gelvwv.

Macimi bami vhqitahawanici vlikv si manwi mvmrtuma; macimi u wesvfowa brsi galv ini magi-pvgikvwigi msqi inwili svhgigi usgi-drmqa sfayrli.

Pvyaqv tagi gelvwv yone wa hilafi-yaqa : wakv inv vliwi yalafitv alagenv gelvwv welrni inv brsi inv ufemamv ilafita; macimi inv wa-gimrwitv, ma-mamagini-lutvwi-watv.

Chena, Gi wetvmola Betv, inv nrbaiv mvtv wah kvlhotvmwv inugi grsagigi, brluhi gelv ga nfana gircimu yasi wrkvmivni, u talrli.