Папулярныя біблейскія вершы з HINI UWASI-BIADRCIMOWA ya-sfadoci MAFIYO 10

Падзяліцца

Wrpvtv-muku, ni gi ta lasgo-lapwv brsi magefvki ini ala-mwhauhi : labur-wafiku waciganvhi brsi mvnadoki, macimi nvnvhbrje-lafiku brsi myrsi-pvwefvki.

Hinv ma-mkvkv u ta lanvwawewa wah wvntu ini; macimi inv wa-wvndotv u ta lanvwawewa nelv uci wa mkv ini.

Chena tagi kufahku nihki nr-nfrcki nili wivufi-weyr-nvli, pvyaqv rlwi kvtvwafeki wvhsi nfrwrci nili mvyrwi-weyrnvli : wakv kufahku grjekv inv da-dapi ilafitv wvhsi mvci-lutvwrci nayeswi mvyrwi-weyrnvli macimi wivufi-weyrnvli vhqinvmowa-nagi.

Chena inv ba-bur mvmakv ud rsitahfagemi macimi ni nrwvlwi nakv-laqv, notqa-lamakufi neiv.

Jrgi wiyafv waciganvhi nah muhgrci tabrci rcimaqv ya-lvhfvmewrci ilaneki, nahfrpi nelv inv nah muhgrci tabrci rcimv ya-lvhfvmeci n’ Uhfv wafapvh-kvmigigi ya-pitv. Wakv goqa-nafv-grci nah girci-maqv ya-lvhfvmewrci ilaneki, nahfrpi nah gircimv inv ya-lvhfvmeci n’ Uhfv wafapvh-kvmigigi ya-pitv.

Gega-hahku nihki ya-qilu-gacki, hunsgr-nahku nihki na-pagiki, fvfvyrg-hahku nihki wasgilhvgama-gicki, luhfa-pvgi-lahku wvninah-feki : gi gisrcha-gopwv gelvwv, gisrci meli-waku.

Tagi kusiwaku waciganvhi; vliwi ki ta lalamakufipwv gelvwv notv maci udawani-wis-giluhfvki.

Tagi si tahaku yasi biriv wvhsi ini usgi-drmqa sfvdoiv grmr-nelafewa : mvtv ni bir wvhsi biaci fvdoiv grmrnelafewa, gisghikv wakv.