Папулярныя біблейскія вершы з Matayo 7

Падзяліцца

“Lompi nʉ nyenye mʉkʉpegwa, penzi nʉ nyenye mʉkʉlija, pɨndʉli nʉnyenye mʉkʉlʉgʉɨlwa.

Kʉnsoko, wɨhi nʉwɨlompa wɨpegwa nʉyʉ nʉwɨpenza wɨlija nʉyʉ nʉwɨpɨndʉla wɨlugʉɨlwa.

“Kʉlʉlo, mʉntʉ wɨhi nʉkʉkela inkani yane izi nɨkʉtambʉla, ʉkimpyanigwa nʉ mʉntʉ nʉkete mahala, naɨ ʉzengile nyʉmba akwe mitalagwe.

“Aya ɨhi nɨmʉloilwe ɨantʉ amʉtendeele, nʉnyenye atendeeli ʉʉ. Ɨyɨ yɨyɨ dogoelyo amalagɨɨlyo ang'wa Mʉsa nʉ ʉmanyisi nʉa amanga ang'wi Itunda.

Ingɨ nzɨla nɨhongile kʉ ʉpanga mpinyɨ, nʉ mʉlango nʉa kingɨɨla kʉng'wanso ingɨ ʉpinyɨ, nɨ antʉ akeehʉda nɨahʉmile kʉmɨlɨnga nzɨla nanso.

Ingɨli kʉkɨɨla mʉlango nʉ ʉpinyɨ, kʉnsoko nzɨla nɨhongile kʉʉlimɨli ingɨ ngalɨ, nʉmʉlango nʉakingɨla kʉng'wanso ʉgalɨ, nɨ antʉ nɨakɨɨe nzɨla nanso ɨdʉ.

Anga ize ʉnyenye nɨmɨanyamɨlandʉ, mʉlɨngile kʉapa ɨana anyu maintʉ nɨmaza, Kʉlʉ kʉʉlʉ ʉ Tata wanyʉ nʉa kigʉlʉ ʉkitʉma nakɨlɨnkɨɨe.

Ʉʉgwa Yesʉ akaaɨla, “Leki kʉapɨsɨɨlya nɨangɨɨza, nʉ nyenye mʉleke kʉpɨsɨɨligwa ni Itunda, kʉnsoko anga itɨ nɨmʉkʉapɨsɨɨlya nɨangiza, nʉnyenye ʉʉ nɨmʉkʉpɨsɨɨligwa ni Itunda, ngele yɨyo yɨɨyo nɨmʉkʉagemeelya ɨanyu, ni Itunda yɨyo ʉkʉmʉgemeelya.

“Ingɨ mʉntʉ wɨhi nʉkija inkani yane wahite kʉikomanɨɨlya, wimpyani nʉ mʉntʉ mʉpʉngʉ nʉʉzengile nyʉmba mihanga hanga.

Kʉnɨkɨ ʉone kɨntʉ kɨniino mʉliho la mʉnyandʉgʉ wako, papo paapo ʉhite kʉona kɨntʉ kɨkʉlʉ nɨkɨmolɨ mʉliho lako? Angwɨ, ʉhʉmile ʉlɨ kʉmʉɨla ʉmʉnyandʉgʉ ako, ‘Mʉnyandʉgʉ tɨga nʉkʉhegelye kɨntʉ nɨkɨniino mʉliho lako, itungo lɨlo lɨɨlo ʉewe wingɨɨwe nɨkɨntʉ kɨkʉlʉ mʉliho lako?

“Hʉgʉki nɨ amanga aʉteele, antʉ nɨ ɨtendisa kɨna apolo anga nkolo kʉnʉ mʉkatɨ akete ʉlʉgʉ ʉkʉlʉ ɨhanga mbugi. Mʉkʉalɨnga kʉntendo nɨ akitʉma, itɨ gwa, antʉ ɨkalane matogo mʉ mɨgʉnga, ang'wɨ nkʉyʉ mʉ mʉgagao? A, a!

Itɨ gwa, mʉtɨ nʉ ʉza wɨpeza nkali ninza, nʉ mʉtɨ nʉ ʉbɨ wɨpeza nkali nimbɨ.

Mʉtɨ nʉ ʉza shanga ʉhʉmile kʉpa nkali nimbɨ, hangɨ mʉtɨ nʉ ʉbɨ shanga ʉhʉmile kʉpa nkali ninza.

Kʉlʉlo mʉtɨ wɨhi nɨshanga wɨpeza nkali nɨnza wɨteng'wa nʉkʉgʉmɨlwa mʉmoto.