Папулярныя біблейскія вершы з Aduya 2

Падзяліцца

Nawolo nyi Degbeŋgyoo ne faana nyansa, ɔ nɔɔman te nombia man kagyeŋ na nombia man kenyii na lee.

Me bu, akpaa n lɛɛ me nombia do, te n mo maŋ mmaraase do n konɔɔ man, te n see deŋele tei nyansa, te n mo nombia man kenyii do n konɔɔ man, te n yase n sia gyoo ŋe man, te n baake nombia man kenyii keŋkeŋ, te n kɛo ke ŋgba kɔba wolom, te n yase sia kɛo ke ŋgba kolo kpaakpaa keŋ weesɛɛ nɛ, kenaŋ na n ke nyii Degbeŋgyoo keyee nawolo, na n kena Wurubuarɛ nombia kagyeŋ man.

Ɔ ne desina kede see fa baŋ be gbɛɛneŋ tenɛɛ, ŋon yɛna baŋ nombiikum be doo ba kekyaabii man ya nɛ yoo nyeele pampasaŋ. Nawolo nyi ɔ ne gyee baŋ bee di nombia kegbɛɛ dɔɔ nɛ gbɛɛneŋ, te ɔ ne kɛɛ baŋ bee di anokoare fa e nɛ keta man.

Nawolo nyi baŋ be gbɛɛneŋ tenɛɛ nɛ ne gyaela baa kyaa tɛɛle keŋ dɔɔ, na baŋ nombiikum be doo be man ya nɛ ke ka ke dɔɔ. Mɔna baa munu akpanyanyaŋtena lee tɛɛle keŋ dɔɔ, na baa wɔlɛɛ baŋ bɔɔ ne di anokoare ya nɛ lee ke dɔɔ.

Nyansa gyae ke lɛɛ n nyee lee alo ŋon ɔ ba mo ayimɛɛ wuu ɔ wose nɛ gyaŋ, lee alo ohuhoo ŋon ɔ na mo nɔɔwoya gyoŋ nyiŋan beo balaŋ nɛ gyaŋ. Ŋon bɛɛna wa alebiiritɛɛ baale, te ɔ bɛɛ nɔɔkebakesee keŋ ɔ be yɛɛ Wurubuarɛ siaman nɛ.