Папулярныя біблейскія вершы з Yuuhanna 16

Падзяліцца

Ana gult leeku kulla l-kalaam da, achaan talgo al-salaam beyi ana. Akiid, fi l-dunya intu tatʼabo. Laakin chiddu heelku achaan ana annasart fi l-dunya.»

Wakit Ruuh al-Hagg yajiiku, hu yuguudku fi l-hagg al-kaamil. Al-kalaam al-yuguulah ma jaayi minnah bas laakin hu yuguul kulla cheyy al-yasmaʼah wa yiʼooriiku be l-cheyy al-lissaaʼ ma bigi.

Lahaddi al-yoom, intu ma saʼaltu cheyy min Allah be usmi. Asʼalooh wa hu yantiiku achaan tafraho farha chadiide.

Laakin nuguul leeku al-hagg, yabga leeku akheer kan namchi. Kan ana ma namchi, al-Muʼaawin ma yaji leeku. Laakin kan ana macheet khalaas, nirassilah leeku. Wa wakit hu yaji, hu yiʼarrif le naas al-dunya zunuubhum wa yiʼarrifhum al-haal al-saalhe wa l-hisaab.

Wa yabga leeku misil da. Hassaʼ tatʼabo laakin ana nigabbil battaan nichiifku wa intu tafraho farha chadiide wa ma fi naadum yichiil minku al-farha di. «Wa fi l-yoom al-yaji da, intu ma tasʼalooni cheyy. Asmaʼo nuguul leeku al-hagg, ayyi cheyy al-tasʼalooh min abuuyi be usmi, hu yantiiku.

Asmaʼo nuguul leeku al-hagg, intu tabku wa tahzano wa naas al-dunya yafraho. Sahiih, intu tahzano laakin al-farha tibaddil leeku al-hizin.