Папулярныя біблейскія вершы з Maatiyee 5

Падзяліцца

Nɔɔyʋ fɛyɩ se ɛsɔkɩ kanɖʋ nɛ ɛpam-kʋ ɖaakuɖe tɛɛ. Ɛlɛ́, ɛsɩɣ-kʋ ɖenɖe pʋkʋyɩ camɩyɛ ñaba yɔ nɛ pɩnaɣ mbá patɩŋa payɩ pɛwɛ ɖɩɣa taa yɔ. Ḿbʋ́ pʋmʋnaa se mɩ-ñalɩmɩyɛ ɛñalɩ ɛyáa ɛsɩndaa nɛ pana mɩ-camɩyɛ lakasɩ nɛ pasa mɩ-Caa weyi ɛwɛ ɛsɔdaa yɔ.»

«Mɩ ɖɔɖɔ lɛ kedeŋa ñalɩmɩyɛ. Đɩsɩ nzɩ́ sɩwɛ piyaɣ ñʋʋ taa yɔ, panaɣ-sɩ paa le.

Mbá pa-taa wɛ cɩɖɩcɩɖɩ yɔ, pehiɣ pa-tɩ! Mbʋ́ pʋyɔɔ yɔ, pɔkɔŋ Ɛsɔ naʋ.

Mbá pañɩnɩɣ kpem se pala mbʋ́ pʋtʋʋzaa yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ-wɛ haʋ mbʋ́ pañɩnɩɣ yɔ.

Ɛlɛ́, ma meheyiɣ-mɩ se: ɩsɔɔlɩ mi-koyindinaa nɛ ɩsɛɛ Ɛsɔ mbá pɛwɛ mɩ-wayɩ kaŋ kaŋ yɔ pɔ-yɔɔ

«Ɛyáa mbá pasɩm pa-tɩ se pɛtɛkɛ pʋyʋ Ɛsɔ ɛsɩndaa yɔ, pehiɣ pa-tɩ! Mbʋ́ pʋyɔɔ yɔ, pɛkɛ Ɛsɔ Kewiyaɣ taa ñɩma.

Mbá pañɩnɩɣ laŋhɛzɩyɛ yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ-wɛ yaʋ se e-piya.

Mbá pɛ-ɛsɛ ñɩŋaa yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ pa-laŋa hɛzʋʋ.

Mbá ɛyáa wɛ pa-wayɩ kaŋ kaŋ se palakɩ mbʋ́ pʋtʋʋzaa yɔ, pehiɣ pa-tɩ! Mbʋ́ pʋyɔɔ yɔ, pɛkɛ Ɛsɔ Kewiyaɣ taa ñɩma.

Mbá panaɣ lɛlaa pʋtɔdɩyɛ yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ naʋ pa-pʋtɔdɩyɛ.

«Mbá mɩ patʋʋ-mɩ nɛ pɛwɛɛ mɩ-wayɩ kaŋ kaŋ nɛ pɛcɛtɩɣnɩ mɩ-taa tɔm ndɩ ndɩ mɔ-yɔɔ yɔ, ihiɣ mɩ-tɩ! Mɩ-taa ɛhʋlʋmɩ nɛ ɩmayɩ amaya, mbʋ́ pʋyɔɔ yɔ, mɩ-kɩhɛyʋʋ ɖɔ Ɛsɔ cɔlɔ pɩtɩɩfɛyɩ. Meheyiɣ-mɩ se ḿbʋ́ paawɛ náyaa mbá pɛlɛyɩ-mɩ kɔm yɔ pa-wayɩ kaŋ kaŋ.»

Mbá pɛwɛ hɛɛɛ yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ-wɛ cɛlʋʋ kedeŋa ŋgá ɛɖʋwa se ɛhaɣ ɛ-ñɩma yɔ.

Yesu tasɩ-wɛ heyuu se: «Mɩ lɛ kedeŋa ɖɔm. Ɛlɛ́, yee ɖɔm leleŋ ɛsɩba lɛ, ɛzɩma palakɩ-pʋ? Pɩfɛyɩ wazaɣ nakɛyɛ ɖɔɖɔ kpem. Pɔlɔʋ-pʋ awayɩ yem nɛ ɛyáa ɖɔ pʋ-yɔɔ.

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Yee nabʋyʋ ɛkɛ toovenim yɔ, ɩtɔ yem se: ‹Ɛɛɛ!› Yee pɩtɛkɛ toovenim yɔ, ɩtɔ yem se: ‹Aayɩ!› Yee ɩtasɩ natʋyʋ sɔzʋʋ yɔ, tʋtʋ kɛnɩ Satanɩ ñɩndʋ.»

Yesu tasɩ-wɛ heyuu se: «Ɩnɩwa ɖɔɖɔ se peheyi ɖɔ-cɔzɔnaa se: ‹Nɔɔyʋ ɛyɔkɩ lɛlʋ ɛsɩyɛ yɔ, pɔyɔkʋʋ ɛ-ñɩnɖɛ. Nɔɔyʋ eholi lɛlʋ keɖe yɔ, poholuu ɖɔɖɔ ɛ-ñɩnɖɛ.› Ɛlɛ́, ma meheyiɣ-mɩ se: ɩtaakpa mi-koyindinaa kɩma. Yee nɔɔyʋ ɛcɛbɩ ñe-nesi kɩbanzɩ laɣzaɣ kadaŋa yɔ, kɛzɩ lɛɛka nɛ ɛtɛzɩ-kɛ cɛbʋ.

Yee ñɛ-ɛsɩyɛ eyekina se ŋla kɩwɛɛkɩm yɔ, hɔɔzɩ-ɖɩ nɛ ŋlɔ poliŋ. Ɛyʋ hɔɔlʋʋ kʋɖʋmʋʋ lesuu kɩlɩ wee wee ɛzɩ ɛɛwɛɛ ɛtɩŋa pilim nɛ pɛpɛɖɩ-ɩ ɖenɖe kʋñɔŋ maatɛŋ wɛɛ yɔ. Yee ñe-nesi kɩbanzɩ eyekina se ŋla kɩwɛɛkɩm yɔ, sɛtɩ-sɩ nɛ ŋlɔ poliŋ. Pɩkɩlɩ wee wee se ŋlesi ñe-nesi kʋɖʋmsɩ ɛzɩ ŋŋwɛɛ ñatɩŋa pilim nɛ pɛpɛɖɩ-ŋ ɖenɖe kʋñɔŋ maatɛŋ wɛɛ yɔ.»