Папулярныя біблейскія вершы з Juan 14

Падзяліцца

<<Jawka kawaytami qamkunata kachapaykü. Ali kawaynïtami qamkunata qoykü. Noqa yanapashqäno manami pipis yanapäyäshunkisu. Ama lakikuyaysu ni mansakäyaysu.

Saymi Jesús nirqan: <<Noqami näni kaykä, rasun kaqmi kaykä y runakunata kawayta qoqmi kaykä. Noqata mana chaskikamarqa Taytä kaqman manami pipis chanqasu.

<<Ama lakikuyaysu. Tayta Diosmanpis y noqamanpis yärakayämuy.

Aywakuptïnami noqapa trukä Yanapäkuq Espíritu Santuta qamkunaman Taytä kachamunqa. Paymi lapanta yachasiyäshunki y lapan yachasishqäkunata yarpäsiyäshunki.

Mandamientükunata cumpliq kaqmi rasunpaypaqa kuyaman. Kuyamaq kaqtaqa Taytäpis kuyanmi. Noqapis kuyarmi paywan kaykäshaq>>.

Tayta Diosta ruwakuptïmi juk Yanapäkuqta kachamunqa. Paymi imayyaqpis qamkunawan kaykanqa. Payqa rasun kaqta tantiyasikuq Espíritu Santumi kaykan. Tayta Diosta mana cäsukuqkunaqa Espíritu Santutapis manami chaskikuyanqasu. Sayno chaskikuyanqasu payta mana ashir y payta mana reqirmi. Qamkunami isanqa reqiyanki qamkunawan kaykaptin y qamkunacho kananpaq kaptin.

Noqapa jutïcho imatapis Taytäta manakuyaptikiqa rurashaqmi. Surin karmi sayno rurashaq Taytä alabash kananpaq. Jutïcho imatapis manakuyaptiki manakayämashqaykita rurashaqmi.

<<Noqata kuyamarqa lapan mandamientükunata cäsukuyay.

Taytäpa wayinchöqa askami cuartukuna kaykan. Sayno mana kaptinqa manami <qamkunapaq cuartu kamarikuq aywashaq> nïmansu karqan.

Kamariskamurnami qamkunata pushanäpaq kutimushaq. Saynöpami noqa kashqä kaqcho qamkunapis kayanki.

Sayno niptinmi Tomás nirqan: <<Taytay, mayman aywanaykipaq kashqantapis mana musyaykarqa ¿imanöpataq nänitapis reqiyäshaq?>>