Папулярныя біблейскія вершы з Sɛ́nflínmɛ 5

Падзяліцца

Sí tɔ́ towe kpó nɔ towe kpó, lě e nyɛ Mawu Mavɔmavɔ, Mawu towe ɖɔ gbɔn nú we é; énɛ́ ɔ́, a nǎ dɔ́ ji, bɔ nǔ ná nyɔ́ nú we ɖo to e ná we wɛ nyɛ Mawu Mavɔmavɔ, Mawu towe ɖe ɔ́ mɛ.

Mi ná wlí ali e Mawu Mavɔmavɔ, Mawu mitɔn ɖe nú mi ɔ́ télélé, bó ná sixú nɔ gbɛ bó j'awǎ, bó ná sixú dɔ́ ji ɖo to e ná yí wɛ mi ɖe é mɛ.”

Ma jɛ kpo bó ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ. Ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn. Lo ɔ́, mɛ e yí wǎn nú mì, bó nɔ́ nyi sɛ́n ce lɛ́ɛ ɔ́, un nɔ nyɔ́ xomɛ dó mɛ ɔ́ wú káká yi jijimɛ afatɔ́n (1.000).

Ma ka kpa bǒcyɔ ó; ma kpa nǔ e ɖo jǐnukúnsin aga lɛ́ɛ, nǔ e ɖo ayǐkúngban jí ɖo do lɛ́ɛ, nǔ e ɖo sin mɛ ɖo ayǐkúngban glɔ́ lɛ́ɛ ɖě sín akpajlɛ́ ó.

Ma sɛn nǔ ɖěvo zɛ nyɛ wú ó.

Ma zé nyɛ Mawu Mavɔmavɔ, Mawu towe ɔ́ sín nyǐkɔ dó da ayihún ó, ɖó nyɛ Mawu Mavɔmavɔ ɔ́, un nɔ gɔn tó dɔn nú mɛ e ná zé nyǐkɔ ce dó da ayihún ná é ǎ.

Nú yě sixú ɖó ayixa mɔ̌hun, bó ɖó sísí nú mì, bó nyi sɛ́n ce lɛ́ɛ bǐ ɔ́, nǔ ná nyɔ́ nú yě kpó vǐ yětɔn lɛ́ɛ kpó káká yi.

Wlǐbo nú gbɔjɛzán ɔ́ bó sɔ́ ɖó vo nú nyɛ Mawu Mavɔmavɔ, Mawu towe lě e un ɖɔ gbɔn nú we é.

Nukún towe ní má nɔ nɔzo towe sín asi wú ó; nukún towe ní má nɔ xwé tɔn wú ó; nukún towe ní má nɔ nɔzo towe sín gle wú ó; nukún towe ní má nɔ mɛsɛntɔ́ tɔn súnnu wú ó, nukún towe ní má nɔ mɛsɛntɔ́ tɔn nyɔ̌nu wú ó; nukún towe ní má nɔ nyibú tɔn wú ó, nukún towe ní má nɔ tócí tɔn wú ó; nukún towe ní má nɔ nǔ e nyí étɔn lɛ́ɛ ɖěbǔ wú ó.”

Ma lɛ aga ó.

Ma ɖe kúnnu agɔ dó nɔzo towe wú ó.

Ma hu mɛ ó.

Ma ja ajo ó.

Flín ɖɔ kannumɔ wɛ émí nyí ɖo Ejípu, bɔ nyɛ Mawu Mavɔmavɔ, Mawu towe zé hlɔ̌nhlɔ́n ce e nukɔn nǔɖé má nɔ́ nɔ te ɖe ǎ é dó ɖe we tɔ́n. Énɛ́ ɔ́ wútu wɛ nyɛ Mawu Mavɔmavɔ, Mawu towe ɖɔ nú we ɖɔ hwi ní nyi gbɔjɛzánsɛ́n ɔ́.

Azǎn ayizɛ́n wɛ ɖo te nú we ɖo aklúnɔzángbla ɖokpó mɛ bɔ a nǎ dó wa azɔ̌ towe lɛ́ɛ bǐ ná. Lo ɔ́, azǎn tɛ́nwegɔ́ ɔ́, gbɔjɛzán wɛ; gbɔjɛzán ɔ́, nyɛ Mawu Mavɔmavɔ, Mawu towe ɔ́ tɔn wɛ. Ma wa azɔ̌ ɖěbǔ gbe énɛ́ gbe ó. Vǐ towe súnnu kpó nyɔ̌nu kpó ɖě ní má wa azɔ̌ ó; mɛsɛntɔ́ towe súnnu kpó nyɔ̌nu kpó ɖě ní má wa ó; jǒnɔ e ɖo xwé towe gbe lɛ́ɛ ɖěbǔ ní má wa azɔ̌ ó; nyibú towe lɛ́ɛ, tócí towe lɛ́ɛ, abǐ kanlin towe ɖě lɛ́ɛ ɖě ní má wa azɔ̌ ó. Mɛsɛntɔ́ towe súnnu kpó nyɔ̌nu kpó bǐ ɖó ná gbɔjɛ́ hwi ɖɔhun.

“Nyɛ wɛ nyí Mawu Mavɔmavɔ, Mawu towe e ɖe we tɔ́n sín Ejípu fí e a nyǐ kannumɔ ɖe é.