Папулярныя біблейскія вершы з Jǎan 4

Падзяліцца

Mawu ɔ́, Yɛ wɛ é nyí; bɔ mɛ e ná sɛn ɛ lɛ́ɛ ɖó ná sɛn ɛ gbɔn hlɔ̌nhlɔ́n Yɛ ɔ́ tɔn mɛ, bó ná sɛn ɛ ɖo nǔgbó mɛ.”

Hwe ɔ́ nu ɖo nǎ su wɛ, éɖíe ka ko su e, bɔ Mawusɛntɔ́ titewungbe lɛ́ɛ ná sɛn Tɔ́ ɔ́ gbɔn hlɔ̌nhlɔ́n Yɛ ɔ́ tɔn mɛ, bó ná sɛn ɛ ɖo nǔgbó mɛ. Đó Mawusɛntɔ́ mɔ̌hunkɔ lɛ́ɛ ba wɛ Tɔ́ ɔ́ ɖe.

Mɛ e ka ná nu sin e nyɛ ná ná ɛ ɔ́, kɔ sɔ́ ná xú i gbeɖé ǎ. Sin e nyɛ ná ná ɛ ɔ́, ná húzú tɔjɔtɛn e mɛ sin e nɔ ná gbɛ mavɔ mavɔ mɛ é ná nɔ sa sín é.”

Jezu ka yí gbe n'i ɖɔ: “Ényí a ko tunwun nǔ e Mawu nɔ ná mɛ ɔ́, bó tunwun nyɛ mɛ e ɖɔ nú we ɖɔ: nǎ sin mì ma nu ɔ́ wɛ ɔ́, hwi ɖésú wɛ ná ko byɔ́ sin mì bɔ un ná ko ná sin e nɔ ná gbɛ mɛ ɔ́ we.”

Jezu ka ɖɔ nú yě ɖɔ: “Nǔɖuɖu ce wɛ nyí ɖɔ ma bló jlǒ mɛ e sɛ́ mì dó ɔ́ tɔn, bó ka wa azɔ̌ e é zɔ́n mì ɔ́ yi kpé.

Nyɔ̌nu ɔ́ ka ɖɔ nú Jezu ɖɔ: “Mɛɖaxó! A ma ka ɖó nǔɖé, bó ná dó dun sin ɔ́ ná nɛ́, tɔ ɔ́ ka lɛ́ gɔ́ngɔ́n. Fítɛ́ a ka ná ba sin e nɔ ná gbɛ mɛ é sín?

Nyɔ̌nu ɔ́ ka ɖɔ n'i ɖɔ: “Un nywɛ́ ɖɔ Mɛsíya ɔ́ ɖó ná wá: (Mɛsíya ɔ́ sín tínmɛ wɛ nyí Klísu.) Bɔ hwenu e éyɛ́ ná wá ɔ́, é ná tín nǔ bǐ mɛ nú mǐ.” Bɔ Jezu ɖɔ n'i ɖɔ: “Nyɛ mɛ e nyí mɔ̌ ɔ́ ɖíe ɖo xó ɖɔ nú we wɛ e.”

“Mi vɛ́ wá kpɔ́n! Nya ɖě ɖíe! É ɖɔ nǔ e un wa ɔ́ bǐ nú mì. Klísu ɔ́ ná ko wɛ ǎ cé?”