Папулярныя біблейскія вершы з Kɛ́nsísɔ́ 22

Падзяліцца

Mawu Mavɔmavɔ bló bɔ tócí ɔ́ jɛ xó ɖɔ jí, bó kanbyɔ́ Baláamu ɖɔ: “Étɛ́ un ka wa nú we bɔ a xo mì azɔn atɔn?”

Hwenɛ́nu ɔ́, Mawu Mavɔmavɔ hun nukún nú Baláamu bɔ é mɔ wɛnsagun ɔ́ ɖo te ɖo ali ɔ́ jí, bó hɛn hwǐ tɔn alɔ mɛ. Ée é mɔ mɔ̌ tlóló ɔ́, é xwe agbɔ̌nnusú do.

Bɔ Mawu Mavɔmavɔ kanbyɔ́ ɛ ɖɔ: “Nɛ̌ ka gbɔn bɔ a xo tócí towe azɔn atɔn? Ali wɛ un wá gbo nú we, ɖó un mɔ ɖɔ to élɔ́ e mɛ a xwe ɔ́, dindɔn gbé wɛ a xwe.

Tócí ɔ́ ká ɖɔ nú Baláamu ɖɔ: “Tócí towe wɛ un nyí bɔ a nɔ xá káká wá jɛ égbé a cé? Un nɔ ko bló mɔ̌ ɖě ɖ'ayǐ wɛ a?” Bɔ Baláamu yí gbe n'i ɖɔ: “Éeǒ!”

Baláamu ka yí gbe nú tócí ɔ́ ɖɔ: “Nǔ e a wa xá mì ɔ́ wú wɛ un xo we. Nú hwǐ wɛ ɖo alɔ ce mɛ ɔ́, un ná kó hu we xóxó!”

Tócí ɔ́ lɛ́ mɔ wɛnsagun ɔ́, bó mlɔ́ ayǐ ɖo gǎn tɔn glɔ́. Ée tócí ɔ́ mlɔ́ ayǐ mɔ̌ ɔ́, Baláamu sin xomɛ ɖésú, bó ɖó kpo n'i.