Папулярныя біблейскія вершы з Simuluho 17

Падзяліцца

Abrame ha n'a s'a na ni lilimo ze mashumi a supile ka a mabeli ni ze supile ka ze peli, Mun'a Bupilo a iponahaza ku yena, mi a li, “Ki na Mulimu ya Maata Kaufela. U be ya lukile mwa bupilo bwa bao kamukana kuli u si ke wa nyazahala.

Ha u sa li Abrame, kono u ta bizwa Abrahama. Libizo le, ki lona le li ta ba la hao, kakuli ni ku eza mushemi wa mishobo ye miñata.

“Ni ta buluka sepiso ya ka ku wena ni kwa baikulu ba hao mwa masika a sa taha, ili bulikani bo bu si na ku fela. Ni ta ba Mulimu wa hao ni Mulimu wa baikulu ba hao.

“Bulikani bo ni ka iswala ni wena ki bo. Ni sepisa kuli u ta ba mushemi wa mishobo ye miñata.

Kono Mulimu a li, “U fosize. Musal'a hao Sara u ta ku pepela mushimani, mi u ta mu biza Isaka. Ni ta buluka bulikani bwa ka ni yena ni baikulu ba hae. Ki bulikani bo bu si na ku fela.

Ni ta ku fa, wena ni baikulu ba hao, naha ye y'o li muenyi ku yona nako ye. Naha kaufela ya Kanana i ta ba ya mina kuya kuile, mi ni ta ba Mulimu wa mina.”

Abrahama a kubama, a inamezi fafasi, kono h'a hupula, a kala ku seha, a li, “Kana mutu a ka pepa mwana ha s'a fitile fa lilimo ze mwanda? Ni yena Sara, kana a ka ba ni mwana a nz'a na ni lilimo ze mashumi a supile ka a mabeli?”

Mi Mulimu a li ku Abrahama, “Cwale ni musal'a hao, u si ke wa mu biza Sarai. Libizo la hae cwale ki Sara.

Ku ya kwa mupato i ta ba poniso ya kuli ku na ni bulikani mwahal'a mina ni na.

Ni ta buluka bulikani bwa ka ni mwan'a hao Isaka, ya ta pepwa ki Sara isaho, ka yona nako ye.”

Ku zwa cwale ni kuya kuile mu swanezi ku sehulula matalo a bana ba mina ba bashimani kamukana, ha ba se ba na ni mazazi a supile ka li li liñwi a ku pepwa. Ku ta ba cwalo ni kwa batanga ba ba pepezwi ku mina, kapa be mu lekile kwa bazwahule. Yo muñwi ni yo muñwi u swanezi ku ya kwa mupato, mi seo i ta ba sona sisupo fa mibili ya mina, ku bonisa kuli bulikani bwa ka ni mina ha bu na ku fela.