Папулярныя біблейскія вершы з Jâŋ 1

Падзяліцца

Nɨ́m mwi̧, nùb kù yi gamtɨ́ bɨ́ ŋgə́, ŋgáb ɨ́ ə́mnè ŋgə́. Ŋgə́ ɨ́ nà nùb kɨ́ nyòm ŋgáb sei munɨ́b Mèèín.

Mèín ɗɔ̀ɔ́b nyààŋɓàyèwá, nò kùb du ɓénɨ Kìn yaácɨ̀ nɨ ku. Ŋgə́ yaá gín Mèèín, ŋgə́ nɨ̀mɨr yɨɨ́m Mèín á.

Mwa yaá ɓə̀ə̀nɨ sɨ́mnɨ̀rí, sɨ́mnɨ̀r ɨ́ dù nɨ́ ŋgə́ ɗèìnkɨ́wa.

Nò kùb ɓé Kìn yi settií síí nóò nɨ̀vɨ́tè, ŋgə́ ɨ́ gò dùnɨ mvókín nɨ́mè. Ŋgə́ yaá yúklîn ɓe ndɨ̀ŋyàáŋ ɓe àmɨɨr. Nɨ́m yi péé mgbíí ŋgéé, mgbíí Mèín yi túmne kpòk muní noò yaà.

Nɨ́ɨ́b lâs Mèín yi nyaŋhɨ ɓe Kìn kɨ́ á, nɨ́m kù ŋgə́ yi du ɓe Kìn kɨ́ nyààŋwáá nɨ ɗàà. Mè mɨ̀cɨ̧̀ ɗoŋwo ŋgə́ yá á, ŋgə́ duna nɨ̀vɨ́tɨ̀b mwa á.

Kpíí kɨ́ no, Jâŋ ɨ́ pê Yésù ŋgə́ gàìnwònɨ, ŋgə́ ɨ́ tà: «Pə́náye, mwin ndèɗúú Mèèín á rè, tɨ́céín ɓa ákɨ́nɨ cuum nùb ɗɔ̀bɨ́nné á rè.

Nò kùb ɓé Kìn, yaácɨ̀ ɗɔ̀bín. Nɨ́m kù Mèín yi du ɓe Kìn kɨ́ nyààŋwáá nɨ ɗàà, ɨ́dù nùb ɗɔ̀bɨ́nné ɨ́ dù bɨ́ ŋgə́ ɗə̀ə̀ŋwá. Ŋgə́ yi goó ŋgə́ nɨ̀mɨrí ti̧í̧, ɨ́dù gbàŋ noò ɨ́ dù nɨ́ ŋgə́ gàmwá.

Mwa yi du gònɨ ɗɔ̀bín ɓə̀ə̀nànɨ nɨ̀vɨ́tɨ̀b kɨ́ yi nɨ́ mwa àmɨrì á, cáŋhȩ̀ mwa kíì yaáhá cè nɨ́ kí.

Mòyíìs ŋgáré á Mèín yi nawo nɨ́m ɓíhɨ̀b lu, ɨ́dù Yésù Krístù ɨ́ gewo ndɨ̀ŋnyàáŋ ɓe àmɨɨr lu.