Папулярныя біблейскія вершы з Čơdơ̆ng Phŭn 25

Падзяліцца

Yahweh laĭ glaĭ kơ ñu, Ơi adon kơ dua boh lŏn čar hlak dŏ amăng kian ih, laih anŭn dua kơnung djuai mơ̆ng amăng lăm ih či hơmâo tơlơi pơčơlah; kơnung djuai anai či kơtang hloh kơ kơnung djuai adih, laih anŭn ayŏng ñu či mă bruă kơ adơi ñu.

Ñu laĭ kơ Yakôb, “Tañ bĕ, brơi kâo ƀơ̆ng añăm mriah ih anŭn bĕ! Kâo hlak rơpa đơi!” Yuakơ anŭn yơh arăng iâu kơ ñu Edôm.

Isa̱k iâu laĭ Yahweh kiăng kơ pơhla̱o hĭ bơnai ñu, yuakơ gơ̆ jing sa čô đah kơmơi plao. Yahweh laĭ glaĭ tơlơi ñu iâu laĭ, tui anŭn bơnai ñu HʼRebekah pi kian yơh.

Esâo laĭ, “Anai nê, kâo jĕ či djai laih, hơget hiam kơ kâo jing ayŏng tha lĕ?” Samơ̆ Yakôb laĭ, “Ƀuăn rơ̆ng hăng kâo amơĭ hlâo.” Tui anŭn, ñu ƀuăn rơ̆ng hăng Yakôb hăng sĭ hĭ tơlơi jing ayŏng tha ñu kơ Yakôb.

Tơdơi kơ anai, adơi ñu tơbiă rai, tơngan ñu djă̱ ƀơi kơđŭl tơkai ayŏng ñu; laih anŭn ƀing gơñu pơanăn gơ̆ Yakôb. Hlak Isa̱k nămpluh thŭn tơdang HʼRebekah hơmâo rai ană kơmar anŭn.

Isa̱k jing mơnuih khăp ƀơ̆ng añăm hlô mơnơ̆ng glai, tui anŭn ñu khăp kơ Esâo, samơ̆ HʼRebekah khăp kơ Yakôb.