Папулярныя біблейскія вершы з Kološanenge 3

Падзяліцца

Zľidžan jekh avres a odmuken tumenge, te hin varekas vareso pre varekaste. Odmuken jekh avreske avke, sar o Kristus odmukľa tumenge.

Gondoľinen pre oda, so hin upre, a na pre oda, so hin pre phuv.

Savoro, so keren, keren andral o jilo sar le Rajeske, a na sar le manušenge.

Tumen san le Devleskre avrikidle manuša, sveta, saven o Del igen kamel, vašoda tumen uren andro lačhejileskeriben, lačhipen, pokora, kovlejileskeriben the trpezľivosť.

O lav le Kristoskro mi el barvales andre tumende. Andre savoro goďaveripen sikaven jekh avres a dovakeren tumenge. A paľikeribnaha andro jile giľaven le Devleske o žalmi, o chvali the o duchovna giľa. A savoro, so keren, abo vakeren, keren andro nav le Rajeskro le Ježišoskro a prekal leste paľikeren le Devleske, amare Dadeske.

Ale upral savoreste uren tumen andro kamiben, savo sphandel savoro andre dokonalo jednota.

Avke, te imar ušťiľan le Kristoha andral o meriben, roden oda, so hin upre, kaj bešel o Kristus pal e čači sera le Devleskri.

A o smirom le Kristoskro mi ľidžal tumare jile, se sanas vičimen andre jekh ťelos, hoj te dživen andro smirom. A aven vďačna.

Vašoda murdaren andre tumende o žadosci le ťeloskre: O lubipen, o nalačhipen, o nažužipen, e nalačhi žadosca the o lakomstvo, so hin e modloslužba.

Bo imar muľan a tumaro dživipen hin garudo le Kristoha andro Del.

Ale akana čhiven tumendar kada savoro het: E choľi, e vibušnosť, o nalačhipen, o nalačhe lava pal aver džene the o džungale lava andral o muj.

Ma klaminen jekh avreske, bo imar čhiďan tele le purane manušes leskre skutkenca a urďan pre tumende le neve manušes, saves o Del furt kerel neveder pal peskri podoba, hoj furt feder te prindžarel Oles, ko les kerďa.

Muršale, kamen tumare romňijen a ma chučkeren pre lende avri choľaha.

Čhavorale, šunen le dajen the le daden andre savoreste, bo ada hin le Rajeske pre dzeka.

Džuvľale, podden tumen tumare romenge, avke sar oda kampel te kerel andro Raj.