Kusintii Andunya 13
13
1Aburamu í dede hai ilɛi Ezibiti í nɛ ikpa ilɛi Negɛbu má, nŋu do aboɛ do mii iyi í nɛ fei, nɔ Lɔtu í tooɛ.
Njɛ kufɛɛfɛi Aburamu do Lɔtu
2Aburamuu í baa í jɛ ilu amani, í nɛ mɛɛmu ŋa do isɔ fũfũ do wura. 3Í dasi isɛɛnɛɛ wa hai Negɛbu í bɔ ikpa Betɛli tengi bii í tako í gũ ilei acɔɛ si aninii Betɛli do Ai. 4Waati iyi í to bɛ nɔ í tɔɔ Aɔ̃ Lafɛ̃ɛ, tengi bii í tako í ma bi kuweeu wo.
5Lɔtu mɔ iyi í ya maa too Aburamuu í nɛ angudã ŋa do kɛtɛ ŋa do ilei acɔ ŋa. 6-7Ŋɔi ija í naa si gãmɛi woo degbei Aburamu ŋa do woo degbei Lɔtu ŋa si na iyi í jɔ̀ kukpɔi mɛɛmu nŋa ŋa í jɔ̀ inya bii à wau kaa to aŋa fei à wa bɛ ajɔ. Waati bɛɛbɛ inɛi Kanaã ŋa do inɛi Ferɛzi ŋai à waa buba si ilɛu.
8Ŋɔi Aburamu í sɔ̃ Lɔtu í ni, ǹ wa n tɔɔɛi, maà jɔ̀ kakɔɔ ku lɔ si gãmɛi awaɛ, walakɔ si woo degbem ŋa do si woo degbeɛ ŋa, domi awa nyaanze akã ŋai. 9I kù waa yɛ ilɛu ihɛ̃ fei si wajuɛi? Jɔ̀ ka fɛɛfɛ njɛ. Bii ì bɔ ikpa awɔ canga, amu mɔ an bɔ ikpa awɔ njɛ, bii ikpa njɛ mɔi ì bɔ, an bɔ ikpa canga.
10Ŋɔi Lɔtu í wu iju lele í cɔ ikpa idoi Zuudɛ̃ɛ bii bantuma nla gɔ wa sũ hee ku bɔ ilu iyi à ya kpe Soaa. Wee inyau í nɛ mandi jiida bɛi lamboi Aɔ̃ Lafɛ̃ɛ walakɔ bɛi ilɛi Ezibiti. Waati bɛɛbɛ Aɔ̃ Lafɛ̃ɛ kù kpa ilui Sodomu do Gomɔɔ titã. 11Ŋɔi Lɔtu í so bantumai Zuudɛ̃ɛu bɛ fei. Nɔ í bɔ ikpa nunui daakɔ. Bɛɛbɛi à ce à fɛɛfɛò njɛ. 12Aburamu í bubai si ilɛi Kanaã nɔ Lɔtu mɔ í koo í buba si bantuma si afei ilu ŋa iyi à wa bɛ nɔ í gũ ilei acɔɛ ŋa hee kɔkɔi ilui Sodomu. 13Wee inɛi Sodomu ŋa, inɛ laalɔ ŋai. Ilu dulum ŋai jiida si wajui Aɔ̃ Lafɛ̃ɛ.
Aburamu í dabii si ilɛ iyi à ceaa kuwãɛu
14Iyi Lɔtu do Aburamu à fɛɛfɛ njɛ à tã ŋɔi Aɔ̃ Lafɛ̃ɛ í sɔ̃ Aburamu í ni, wu ijuɛ lele i cɔ nunui alɛ do nunui daakɔ nɔ i cɔ do ikpa awɔ njɛi kpãai inunu do ikpa awɔ cangai kpãai inunu. 15Ilɛ iyi ì waa yɛu bɛ fei, awɔ do dimiɛ ŋai an mua do ajɔ fei. 16An jɔ̀ tɔkuɛ ŋa a kpɔ bɛi sãa. Inɛ iyi á yɔkɔ ku ka sãau, lafɛ̃ɛ á yɔkɔ ku ka dimiɛ ŋa. 17Dede i dabii si ilɛu i cɔ kusɔɛ do kucĩɛ domi awɔi an mua. 18Ŋɔi Aburamu í tɔtɔɔ ilei acɔɛ ŋa nɔ í koo í buba inɔ agboi Maree kɔkɔi ilu iyi à ya kpe Eborɔ̃ɔ, nɔ í ma inya bii á ya cea Aɔ̃ Lafɛ̃ɛ kuwee.
Цяпер абрана:
Kusintii Andunya 13: MKL
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
2021, SIM International et UEEB
Kusintii Andunya 13
13
1Aburamu í dede hai ilɛi Ezibiti í nɛ ikpa ilɛi Negɛbu má, nŋu do aboɛ do mii iyi í nɛ fei, nɔ Lɔtu í tooɛ.
Njɛ kufɛɛfɛi Aburamu do Lɔtu
2Aburamuu í baa í jɛ ilu amani, í nɛ mɛɛmu ŋa do isɔ fũfũ do wura. 3Í dasi isɛɛnɛɛ wa hai Negɛbu í bɔ ikpa Betɛli tengi bii í tako í gũ ilei acɔɛ si aninii Betɛli do Ai. 4Waati iyi í to bɛ nɔ í tɔɔ Aɔ̃ Lafɛ̃ɛ, tengi bii í tako í ma bi kuweeu wo.
5Lɔtu mɔ iyi í ya maa too Aburamuu í nɛ angudã ŋa do kɛtɛ ŋa do ilei acɔ ŋa. 6-7Ŋɔi ija í naa si gãmɛi woo degbei Aburamu ŋa do woo degbei Lɔtu ŋa si na iyi í jɔ̀ kukpɔi mɛɛmu nŋa ŋa í jɔ̀ inya bii à wau kaa to aŋa fei à wa bɛ ajɔ. Waati bɛɛbɛ inɛi Kanaã ŋa do inɛi Ferɛzi ŋai à waa buba si ilɛu.
8Ŋɔi Aburamu í sɔ̃ Lɔtu í ni, ǹ wa n tɔɔɛi, maà jɔ̀ kakɔɔ ku lɔ si gãmɛi awaɛ, walakɔ si woo degbem ŋa do si woo degbeɛ ŋa, domi awa nyaanze akã ŋai. 9I kù waa yɛ ilɛu ihɛ̃ fei si wajuɛi? Jɔ̀ ka fɛɛfɛ njɛ. Bii ì bɔ ikpa awɔ canga, amu mɔ an bɔ ikpa awɔ njɛ, bii ikpa njɛ mɔi ì bɔ, an bɔ ikpa canga.
10Ŋɔi Lɔtu í wu iju lele í cɔ ikpa idoi Zuudɛ̃ɛ bii bantuma nla gɔ wa sũ hee ku bɔ ilu iyi à ya kpe Soaa. Wee inyau í nɛ mandi jiida bɛi lamboi Aɔ̃ Lafɛ̃ɛ walakɔ bɛi ilɛi Ezibiti. Waati bɛɛbɛ Aɔ̃ Lafɛ̃ɛ kù kpa ilui Sodomu do Gomɔɔ titã. 11Ŋɔi Lɔtu í so bantumai Zuudɛ̃ɛu bɛ fei. Nɔ í bɔ ikpa nunui daakɔ. Bɛɛbɛi à ce à fɛɛfɛò njɛ. 12Aburamu í bubai si ilɛi Kanaã nɔ Lɔtu mɔ í koo í buba si bantuma si afei ilu ŋa iyi à wa bɛ nɔ í gũ ilei acɔɛ ŋa hee kɔkɔi ilui Sodomu. 13Wee inɛi Sodomu ŋa, inɛ laalɔ ŋai. Ilu dulum ŋai jiida si wajui Aɔ̃ Lafɛ̃ɛ.
Aburamu í dabii si ilɛ iyi à ceaa kuwãɛu
14Iyi Lɔtu do Aburamu à fɛɛfɛ njɛ à tã ŋɔi Aɔ̃ Lafɛ̃ɛ í sɔ̃ Aburamu í ni, wu ijuɛ lele i cɔ nunui alɛ do nunui daakɔ nɔ i cɔ do ikpa awɔ njɛi kpãai inunu do ikpa awɔ cangai kpãai inunu. 15Ilɛ iyi ì waa yɛu bɛ fei, awɔ do dimiɛ ŋai an mua do ajɔ fei. 16An jɔ̀ tɔkuɛ ŋa a kpɔ bɛi sãa. Inɛ iyi á yɔkɔ ku ka sãau, lafɛ̃ɛ á yɔkɔ ku ka dimiɛ ŋa. 17Dede i dabii si ilɛu i cɔ kusɔɛ do kucĩɛ domi awɔi an mua. 18Ŋɔi Aburamu í tɔtɔɔ ilei acɔɛ ŋa nɔ í koo í buba inɔ agboi Maree kɔkɔi ilu iyi à ya kpe Eborɔ̃ɔ, nɔ í ma inya bii á ya cea Aɔ̃ Lafɛ̃ɛ kuwee.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
2021, SIM International et UEEB