Mata 16
16
Farisa bəd gə̀b kə̀ Saduki bəd gə̀b tá, bə̀ dɛ̀d inkɔrə nə́ŋ̀á
(Markus 8.11-13; Luka 12.54-56)
1 Farisa bəd gə̀b kə̀ Saduki bəd gə̀b tá, gbad bə̀ yaà Yéésù sunú. Bə̀ í'ù gúdǹ ko'ǹmbə̀ kə̀ gɔ̀'wà yée gə́, bə̀ dɛ̀rə̀ oò ì' bənə́ inkɔrə nə́ŋ̀ aa dá i'ǹ gə́, kpɛŋsɛ́l oò bə̀ gə́, vúgà Vɛnɛ́b naà roó. 2Yéésù kè' í' bə̀: «Nyàm mà'ì gə́, íí bàà: ‹Sɛŋ dá kuùm sɔ̀ɔ̀nkèá, kàandə, lɛg tə́ yɛ̀ɛ́lloá.› 3Bít kə̀ limtə́ pít kɔ̀, íí bàà: ‹Nyà'aa nwan dákíìn naŋàá, kàandə, lɛg tə́ diíŋdoá bít yɛ̀ɛ́lloá.› Íí bánì in bəraa taà lɛg bərə baàn i'ǹmbìá, bít ééleè íí bán taà inkɔrə bəraa tə́ taàn bə́ŋyée rə baàn i'ǹmbə̀ gá gú? 4Nɛ́b tɛ́m yɛ̀ɛ́l vaksə́ bə̀ bəraa ìì ləə Vɛnɛ́b indaŋ̀mbə̀ bə́ŋyée sín yée, bə̀ dɛ̀d inkɔrə nə́ŋ̀á, zá Vɛnɛ́b ì' bə̀ inkɔrə ɔ̀d nə́ŋ̀má gá. Vɛnɛ́b dá bə̀ gbantumsə̀ oò aa bə̀ dɛ̀rə̀ Jonas də, inkɔrə ní i'nàá.»
Bít, zá' dàà bə̀ gə́, ɛ̀m kúnú.
Farisa bəd gə̀b kə̀ Saduki bəd gə̀b inváàndoá
(Markus 8.14-21)
5Nɛ́ɛ̀m nɛ́b sáànmbə̀ bəd taà bə̀ na' nwuu gbà'á gon gúu gə́, yid bə̀ bɔ̀'à bə̀rɛ́d pa'ǹnà bə̀ naú. 6Kàanyée gə́, Yéésù bàà bə̀: «Ìì gú' yíl aí bə̀ kə̀ Farisa bəd gə̀b inváàndoá, bít kə̀ Saduki bəd gə̀b inváàndoá.»
7 Nɛ́b sáànmbə̀ bəd bə̀ bàà ɔ̀dnə́ŋ̀ bəd boò bòdba: «Bə́n pa'ǹnà bə̀rɛ́d naà síndə, gám taà inváàndo nwɔŋ kàani.»
8Yéésù gàb nwɔŋ aa ìì tə́ gáàm də gə́, bít dɛ̀d bə̀: «Kə̀ níìbə̀ íí bàà taà íí kə̀ bə̀rɛ́d naà sín gú? Íí nɛ́b aa yée, tɛ́mbagké íí tə́ bɛ̀ŋ́sə̀wàá! 9Íí kə̀ ingabké naà bə́ŋ̀ sínì? Bít sèl íí zá' bə̀rɛ́d bəraa núnà, mə́ gàm nɛ́b vɔ̀ɔ̀m bəd laa núnà zɔ̀ŋ laa iira zè kób də sínì? Bítsɔ̀ŋ, aa nyɛ́d də, pìlə̀m bəd leè pú' íí nyí' taà rú gú? 10Sínkɔ̀, bə̀rɛ́d bəraa nə́ŋsínà, mə́ gàm nɛ́b vɔ̀ɔ̀m bəraa laa núnà zɔ̀ŋ laa iirə rə, aa nyɛ́d də, pìlə̀m leè pú' íí nyí' taà gú? 11Ééleè íí gàb taà aarə, mə́ gám bənə́ bə̀rɛ́d nwɔŋ gá gú? Ìì gú' yíl íí kə̀ Farisa bəd gə̀b inváàndoá, bít kə̀ Saduki bəd gə̀b inváàndoá.»
12Kàanyée gə́, nɛ́b sáànmbə̀ bəd bə̀ gàb taá, Yéésù bàà bənə́ gú'nnə́ yíl kə̀ bə̀rɛ́d inváàndo gá; zá bənə́ gú'nnə́ yíl kə̀ Farisa bəd gə̀b kə̀ Saduki bəd gə̀b insánkeá.
Piyɛr bàà vú' gə́, Yéésù kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó
(Markus 8.27-30; Luka 9.18-21)
13Yéésù ɛ̀m dá wə́ə́ Kaisara aa Filipiya bìl kàd bərə gə́, dɛ̀d nɛ́b sáànmbə̀ oò bəd nwɔŋ aa yóo: «Nɛ́b bəd bàà tə́ leè, nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə yílə́ gú?»
14Kè' bə̀ í', bə̀ bàà: «Nɛ́b kam bàà bə̀ ń kùmsə̀n Yohana nɛ́d baptisma bə̀ piìnná. Nɛ́b kambəd bàà ń Eliya ra, bít nɛ́b kambəd sɔ̀ŋ ìì bàà ń Zeremiya ra. Bít nɛ́b ɔ̀d kambəd kɔ̀ ìì bàà, ń Vɛnɛ́b gbantumsə̀ nə́ŋ̀á.» 15Yéésù dɛ̀d bə̀, bàà: «Zá aí gə́, íí bàà mə́ nɛ́ɛ̀réè gú?»
16Simon Piyɛr kè' í'ù gə́, bàà: «Ámda ń kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó, Vɛnɛ́b galə̀ Wàá.»
17Kàanyée gə́, Yéésù bààù: «Ḿ bɔ̀b pə̀dkè Vɛnɛ́b bə̀ yàá, ámda ń Simon, Jonas wàá. Nɛ́ŋə̀ bàà ì'nnà sə̀n vɛ́nà aarə gá, zá Báá mə́ aa lɛgə́ paà rə bàà ì'nnà sùnú. 18Bít máá gə́, mə́ tə́ən kíìn baanàá, bə́ŋyée bə̀ dá n dɛdǹ Piyɛr. Bəŋ pel aarə yílú, má taà Eklisiya bəd wálàá, kìínmbə̀ bəŋ wúl bèl bə̀ páàn kíin. Val kə̀ yíl oò bə̀ máá, bɔ̀b kpɛŋsɛ́l nə́ŋ̀má Eklisiya bəraa wál yérə kaànmbə̀ gá. 19Máá ii in wúlwaàl bə̀ kedǹ Vɛnɛ́b Gààd lɛgə́ paà bə̀ bə̀ piinàá. Màn aa ń kèrə̀ waàlì zɔ̀ŋə yɛ́b bərə, Vɛnɛ́b dáù waàl kíìn dáá ǹ kedǹ lɛgə́ poú. Bít màn aa ń kèrə̀ waàl zɔ̀ŋə yɛ́b bə síndə, lɛgə́ paà kɔ̀ Vɛnɛ́b kèrə̀ waàl gá.»
20Kàanyée gə́, Yéésù tɔ̀g nɛ́b sáànmbə̀ oò bəd, boò bàà nɛ́ŋə̀ nə́ŋ̀má, obəǹ da bəǹ kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ rə sí.
Yéésù bàà nyɛ́' val nwɔŋ oòra, kə̀ díímke oò bə̀ valú
(Markus 8.31–9.1; Luka 9.22-27)
21Sɔ̀d sɛŋ aarə bəní, Yéésù zá' pìì nɛ́b sáànmbə̀ oò bəd nwɔŋ aa baànmbə̀ nyɛdkè: «Má kíìn ɛɛ̀m Urusalima bìlú. Mə́ ɛ̀mì gə́, má búúd kíìn dáàn bé'ǹ gbàákù, dám bəd nɛɛ̀n tɛ́mú, láŋsə́ gààd bəd nɛɛ̀n tɛ́mú, kə̀ nɛ̀n indaŋ̀mbə̀ bəd nɛɛ̀n tɛ́mú. Bə̀ dá mə́ kíìn lo'nàá, zá sɛŋ toorə bə gə́, má kíìn díìm valú.»
22Kàanyée gə́, Piyɛr dɛ̀d gbá'ù kàrú, oò nə́ŋ̀ní, pììù álǹmbìá, bààù: «Vɛnɛ́b oò nwán n kúnú, Báátììkpɛ̀ŋá! Ə́ùwə́, in aarə, wə́ə́ n gá!»
23Yéésù lìb bí' núù gə́, bít bàà Piyɛr: «Ǹ gbad kíìn máá kàrú, ámda, ń Satan! Ń tə́ kìínmbə̀ bəŋ aa nɛ́ŋə̀ dá dunwà yíl ta'ǹ bərə kíin. Inselké ń lúŋ Vɛnɛ́b bə̀ sé, zá tə́ kìínmbə̀ nɛ́b bəd bə̀ kíin.»
24Bítsɔ̀ŋ, Yéésù bàà nɛ́b sáànmbə̀ oò bəd kə̀ aakíin: «Nɛ́ŋə̀ aa í' mə́ì bagǹmbə̀ rə, oò dàà yíl oò bə̀ seèlǹmbìá. Oò pà' téélɛŋké oò ra, bít oò bàg mə́ kúnú. 25Kàandə, màn aa í' gɔ̀ŋsə́ oò súùnmbə̀ rə, dáù kíìn bɔ̀'nàá. Zá màn aa dá gɔ̀ŋsə́ oò bɔ̀'ǹ máá bə̀ bagǹmbə̀ rə, dá gɔ̀ŋsə́ aa bɛ́d bə gá rə bɔbàá. 26Nɛ́ŋə̀ bɔ̀b in bəraa zɔ̀ŋə yɛ́b bərəì kóólé, zá bɔ̀' gɔ̀ŋsə́ oòì gə́, dáù níì gbá'ǹ gú? In nə́ŋ̀má sé. In aa nɛ́ŋə̀ dá piìn zɔ̀ŋə yɛ́b ba, dá kə̀ gɔ̀ŋsə́ oò káàn ke'ǹ də, níì gú? In nə́ŋ̀má sé. 27Kə̀ aakíin də, nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə, dáà ɛɛ̀mmà kə̀ Báá oò kaŋsɛ́l laa nyɛdkèá, kə̀ malaika oò bəd tá, bít dá kóó nɛ́ɛ̀réè, in oò bəraa mà' rə, mú'sɛ̀l dùm oò káánàá. 28Mə́ tə́ ii kíìn baanàá, aarə nwɔŋ sɔ̀ɔ̀ná, nɛ́b kam nɛ́b aa zɔ̀ŋə yée tə́ŋú, val kòd bə̀ bə́ŋ̀ gá, bə̀ dá nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə sína bé'ǹ, yaà tə́ gààd ləə̀n nɛ́b bəd yílú.»
Цяпер абрана:
Mata 16: SLNT98
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Nouveau Testament en Samba Leko © Alliance Biblique du Cameroun, 1998.
Mata 16
16
Farisa bəd gə̀b kə̀ Saduki bəd gə̀b tá, bə̀ dɛ̀d inkɔrə nə́ŋ̀á
(Markus 8.11-13; Luka 12.54-56)
1 Farisa bəd gə̀b kə̀ Saduki bəd gə̀b tá, gbad bə̀ yaà Yéésù sunú. Bə̀ í'ù gúdǹ ko'ǹmbə̀ kə̀ gɔ̀'wà yée gə́, bə̀ dɛ̀rə̀ oò ì' bənə́ inkɔrə nə́ŋ̀ aa dá i'ǹ gə́, kpɛŋsɛ́l oò bə̀ gə́, vúgà Vɛnɛ́b naà roó. 2Yéésù kè' í' bə̀: «Nyàm mà'ì gə́, íí bàà: ‹Sɛŋ dá kuùm sɔ̀ɔ̀nkèá, kàandə, lɛg tə́ yɛ̀ɛ́lloá.› 3Bít kə̀ limtə́ pít kɔ̀, íí bàà: ‹Nyà'aa nwan dákíìn naŋàá, kàandə, lɛg tə́ diíŋdoá bít yɛ̀ɛ́lloá.› Íí bánì in bəraa taà lɛg bərə baàn i'ǹmbìá, bít ééleè íí bán taà inkɔrə bəraa tə́ taàn bə́ŋyée rə baàn i'ǹmbə̀ gá gú? 4Nɛ́b tɛ́m yɛ̀ɛ́l vaksə́ bə̀ bəraa ìì ləə Vɛnɛ́b indaŋ̀mbə̀ bə́ŋyée sín yée, bə̀ dɛ̀d inkɔrə nə́ŋ̀á, zá Vɛnɛ́b ì' bə̀ inkɔrə ɔ̀d nə́ŋ̀má gá. Vɛnɛ́b dá bə̀ gbantumsə̀ oò aa bə̀ dɛ̀rə̀ Jonas də, inkɔrə ní i'nàá.»
Bít, zá' dàà bə̀ gə́, ɛ̀m kúnú.
Farisa bəd gə̀b kə̀ Saduki bəd gə̀b inváàndoá
(Markus 8.14-21)
5Nɛ́ɛ̀m nɛ́b sáànmbə̀ bəd taà bə̀ na' nwuu gbà'á gon gúu gə́, yid bə̀ bɔ̀'à bə̀rɛ́d pa'ǹnà bə̀ naú. 6Kàanyée gə́, Yéésù bàà bə̀: «Ìì gú' yíl aí bə̀ kə̀ Farisa bəd gə̀b inváàndoá, bít kə̀ Saduki bəd gə̀b inváàndoá.»
7 Nɛ́b sáànmbə̀ bəd bə̀ bàà ɔ̀dnə́ŋ̀ bəd boò bòdba: «Bə́n pa'ǹnà bə̀rɛ́d naà síndə, gám taà inváàndo nwɔŋ kàani.»
8Yéésù gàb nwɔŋ aa ìì tə́ gáàm də gə́, bít dɛ̀d bə̀: «Kə̀ níìbə̀ íí bàà taà íí kə̀ bə̀rɛ́d naà sín gú? Íí nɛ́b aa yée, tɛ́mbagké íí tə́ bɛ̀ŋ́sə̀wàá! 9Íí kə̀ ingabké naà bə́ŋ̀ sínì? Bít sèl íí zá' bə̀rɛ́d bəraa núnà, mə́ gàm nɛ́b vɔ̀ɔ̀m bəd laa núnà zɔ̀ŋ laa iira zè kób də sínì? Bítsɔ̀ŋ, aa nyɛ́d də, pìlə̀m bəd leè pú' íí nyí' taà rú gú? 10Sínkɔ̀, bə̀rɛ́d bəraa nə́ŋsínà, mə́ gàm nɛ́b vɔ̀ɔ̀m bəraa laa núnà zɔ̀ŋ laa iirə rə, aa nyɛ́d də, pìlə̀m leè pú' íí nyí' taà gú? 11Ééleè íí gàb taà aarə, mə́ gám bənə́ bə̀rɛ́d nwɔŋ gá gú? Ìì gú' yíl íí kə̀ Farisa bəd gə̀b inváàndoá, bít kə̀ Saduki bəd gə̀b inváàndoá.»
12Kàanyée gə́, nɛ́b sáànmbə̀ bəd bə̀ gàb taá, Yéésù bàà bənə́ gú'nnə́ yíl kə̀ bə̀rɛ́d inváàndo gá; zá bənə́ gú'nnə́ yíl kə̀ Farisa bəd gə̀b kə̀ Saduki bəd gə̀b insánkeá.
Piyɛr bàà vú' gə́, Yéésù kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó
(Markus 8.27-30; Luka 9.18-21)
13Yéésù ɛ̀m dá wə́ə́ Kaisara aa Filipiya bìl kàd bərə gə́, dɛ̀d nɛ́b sáànmbə̀ oò bəd nwɔŋ aa yóo: «Nɛ́b bəd bàà tə́ leè, nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə yílə́ gú?»
14Kè' bə̀ í', bə̀ bàà: «Nɛ́b kam bàà bə̀ ń kùmsə̀n Yohana nɛ́d baptisma bə̀ piìnná. Nɛ́b kambəd bàà ń Eliya ra, bít nɛ́b kambəd sɔ̀ŋ ìì bàà ń Zeremiya ra. Bít nɛ́b ɔ̀d kambəd kɔ̀ ìì bàà, ń Vɛnɛ́b gbantumsə̀ nə́ŋ̀á.» 15Yéésù dɛ̀d bə̀, bàà: «Zá aí gə́, íí bàà mə́ nɛ́ɛ̀réè gú?»
16Simon Piyɛr kè' í'ù gə́, bàà: «Ámda ń kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó, Vɛnɛ́b galə̀ Wàá.»
17Kàanyée gə́, Yéésù bààù: «Ḿ bɔ̀b pə̀dkè Vɛnɛ́b bə̀ yàá, ámda ń Simon, Jonas wàá. Nɛ́ŋə̀ bàà ì'nnà sə̀n vɛ́nà aarə gá, zá Báá mə́ aa lɛgə́ paà rə bàà ì'nnà sùnú. 18Bít máá gə́, mə́ tə́ən kíìn baanàá, bə́ŋyée bə̀ dá n dɛdǹ Piyɛr. Bəŋ pel aarə yílú, má taà Eklisiya bəd wálàá, kìínmbə̀ bəŋ wúl bèl bə̀ páàn kíin. Val kə̀ yíl oò bə̀ máá, bɔ̀b kpɛŋsɛ́l nə́ŋ̀má Eklisiya bəraa wál yérə kaànmbə̀ gá. 19Máá ii in wúlwaàl bə̀ kedǹ Vɛnɛ́b Gààd lɛgə́ paà bə̀ bə̀ piinàá. Màn aa ń kèrə̀ waàlì zɔ̀ŋə yɛ́b bərə, Vɛnɛ́b dáù waàl kíìn dáá ǹ kedǹ lɛgə́ poú. Bít màn aa ń kèrə̀ waàl zɔ̀ŋə yɛ́b bə síndə, lɛgə́ paà kɔ̀ Vɛnɛ́b kèrə̀ waàl gá.»
20Kàanyée gə́, Yéésù tɔ̀g nɛ́b sáànmbə̀ oò bəd, boò bàà nɛ́ŋə̀ nə́ŋ̀má, obəǹ da bəǹ kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ rə sí.
Yéésù bàà nyɛ́' val nwɔŋ oòra, kə̀ díímke oò bə̀ valú
(Markus 8.31–9.1; Luka 9.22-27)
21Sɔ̀d sɛŋ aarə bəní, Yéésù zá' pìì nɛ́b sáànmbə̀ oò bəd nwɔŋ aa baànmbə̀ nyɛdkè: «Má kíìn ɛɛ̀m Urusalima bìlú. Mə́ ɛ̀mì gə́, má búúd kíìn dáàn bé'ǹ gbàákù, dám bəd nɛɛ̀n tɛ́mú, láŋsə́ gààd bəd nɛɛ̀n tɛ́mú, kə̀ nɛ̀n indaŋ̀mbə̀ bəd nɛɛ̀n tɛ́mú. Bə̀ dá mə́ kíìn lo'nàá, zá sɛŋ toorə bə gə́, má kíìn díìm valú.»
22Kàanyée gə́, Piyɛr dɛ̀d gbá'ù kàrú, oò nə́ŋ̀ní, pììù álǹmbìá, bààù: «Vɛnɛ́b oò nwán n kúnú, Báátììkpɛ̀ŋá! Ə́ùwə́, in aarə, wə́ə́ n gá!»
23Yéésù lìb bí' núù gə́, bít bàà Piyɛr: «Ǹ gbad kíìn máá kàrú, ámda, ń Satan! Ń tə́ kìínmbə̀ bəŋ aa nɛ́ŋə̀ dá dunwà yíl ta'ǹ bərə kíin. Inselké ń lúŋ Vɛnɛ́b bə̀ sé, zá tə́ kìínmbə̀ nɛ́b bəd bə̀ kíin.»
24Bítsɔ̀ŋ, Yéésù bàà nɛ́b sáànmbə̀ oò bəd kə̀ aakíin: «Nɛ́ŋə̀ aa í' mə́ì bagǹmbə̀ rə, oò dàà yíl oò bə̀ seèlǹmbìá. Oò pà' téélɛŋké oò ra, bít oò bàg mə́ kúnú. 25Kàandə, màn aa í' gɔ̀ŋsə́ oò súùnmbə̀ rə, dáù kíìn bɔ̀'nàá. Zá màn aa dá gɔ̀ŋsə́ oò bɔ̀'ǹ máá bə̀ bagǹmbə̀ rə, dá gɔ̀ŋsə́ aa bɛ́d bə gá rə bɔbàá. 26Nɛ́ŋə̀ bɔ̀b in bəraa zɔ̀ŋə yɛ́b bərəì kóólé, zá bɔ̀' gɔ̀ŋsə́ oòì gə́, dáù níì gbá'ǹ gú? In nə́ŋ̀má sé. In aa nɛ́ŋə̀ dá piìn zɔ̀ŋə yɛ́b ba, dá kə̀ gɔ̀ŋsə́ oò káàn ke'ǹ də, níì gú? In nə́ŋ̀má sé. 27Kə̀ aakíin də, nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə, dáà ɛɛ̀mmà kə̀ Báá oò kaŋsɛ́l laa nyɛdkèá, kə̀ malaika oò bəd tá, bít dá kóó nɛ́ɛ̀réè, in oò bəraa mà' rə, mú'sɛ̀l dùm oò káánàá. 28Mə́ tə́ ii kíìn baanàá, aarə nwɔŋ sɔ̀ɔ̀ná, nɛ́b kam nɛ́b aa zɔ̀ŋə yée tə́ŋú, val kòd bə̀ bə́ŋ̀ gá, bə̀ dá nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə sína bé'ǹ, yaà tə́ gààd ləə̀n nɛ́b bəd yílú.»
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Nouveau Testament en Samba Leko © Alliance Biblique du Cameroun, 1998.