Matiu 4
4
O Satan i lar o Iesu
(Mk 1:12-13; Lk 4:1-13)
1 #
Ibr 2:18; 4:15 Numur a Tokodos na Nion i ben o Iesu usa una nubual kalako taro uni, sur o Satan in lari. 2#Kis 34:28Ra i sa wewel pas a wat na noino bung na mirum ma a wat na noino bung na waspi, numur i murak. 3Ra a tene ululam i wanpat toromi, ma i watungi tano lena, “Ra ui a Nutun o God, un inanos a kum watat ri sur det in nanpat a beret.” 4O Iesu i balu i lena, “Di sa tumus tari una Buk Tabu lena, ‘A taro ka det ser laun nama utna na inangon kut, det ser laun nama kum wasiso rop ra i pirso gusun a wan o God.’” Lo 8:3
5Numur o Satan i ben pasi usapat o Jerusalem, a tamon anun o God, ra i utur tari sapat netes sakit una rumu na etabor. 6Ma i watungi tano lena, “Ra ui a Nutun o God, un sirok pirso, uni di sa tumus tari una Buk Tabu lena,
‘In watungi torom anun a kum ensel sur det in tamtamabat ui.
Det in pam pas ui nama kum lamandet,
sur gong u tuka a kikim un tu wat.’” Sng 91:11-12
7O Iesu i balu i lena, “Di sa tumus tari kai una Buk Tabu lena, ‘Gong u lar a Labino anum a God.’” Lo 6:16
8O Satan i ben melet pasi usapat netes una labino tangai, ra i ese tar a kum tamon rop una rakrakon bual tomo nama kum minamarin det rop kai tano. 9Ra i watungi tano lena, “Ra un kis butkeke ma un lotu torom iau, a kum utna rop ri an pitar tari tam.” 10O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’” Lo 6:13
11Numur o Satan i wan pas gusuni, ra a kum ensel det wanpat toromi, ma det waruti.
O Iesu i turpas anun a pinapam na warawai una papor Galili
(Mk 1:14-15; Lk 4:14-15)
12 #
Mt 14:3; Mk 6:17; Lk 3:19-20 O Iesu i longoro i lena, di sa uruk tar o Jon una karabus, ra i milet melet utong una papor Galili. 13Ra i wan tagitong o Nasaret, i kis tiro o Kapernaum, a tamon ra i kis una usalin nisan a du tasi Galili, una piso anun a kabotaro Sebulon ma a kabotaro Naptali, 14sur in pam sot pas a wasiso anun o God ra o Aisaia a poropet i sa wasiso mugu taru uni lena,
15“A piso anun a kabotaro Sebulon ma a piso anun a kabotaro Naptali,
milau a kisapi ra i wan unago utasi, una papor danim Jodan utong,
der kis una papor Galili, ra a taro ra awu sur a taro Juda det kis iai.
16A taro ra det kis una dumirum
det sa tama a labino talapor,
ma det ra a dumirum na minat i pulus bat det,
a talapor i sa wanpat torom det.” Ais 9:1-2
17 #
Mt 3:2; 19:27 Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”
O Iesu i kabo pas a wat na mugano nat na ususer
(Mk 1:16-20; Lk 5:1-11)
18Ara bung o Iesu i usal una usalin ina du tasi Galili, ra i tama pas o Saimon, di watungi kai nam o Pita, ma o tisino o Endru. Der woro a uben sa utasi, uni der aru tene woro uben. 19I watungi tander lena, “Mur in mur iau, sur an ususer mur sur mur aru tene ben taro.” 20Uniutra, der katutur pas gusun anunder a kum uben, ma der muri.
21Ra i wan tagitiro, i tama pas o Jems dersino nam o Jon, aru nutnutun o Sebedi. Detul tamano kis taru una pot ma detul mabon anundetul a kum uben. Ra o Iesu i kabo der. 22Uniutra, der katutur pas ma der wan gusun a pot ma a tamander, ra der mur o Iesu.
O Iesu i ulangolango a kum misait
(Lk 6:17-19)
23 #
Mt 9:35; Mk 1:39; Ap 10:38 O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop. 24#Mk 6:55Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop. 25#Mk 3:7-8Ma a labino kunur na taro taginin una papor Galili ma tagitiro una papor Dekapolis, ma tagisapat o Jerusalem, ma tagun a papor Judia ma tagitong una ara papor danim Jodan det mur o Iesu.
Цяпер абрана:
Matiu 4: kqw
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2019 Wycliffe Bible Translators, Inc. All rights reserved.