Yauhas 16
16
1“Kuv qhia tej no rau nej, kom nej thiaj tsis tso kev ntseeg tseg. 2Lawv yuav muab nej ntiab tawm hauv tej tsev sablaj mus, thiab yuav muaj ib lub sijhawm thaum cov neeg uas lawv muab nej tua yuav xav tias lawv ua li ntawd yog lawv ua Vajtswv haujlwm. 3Lawv yuav ua tej no rau nej, rauqhov lawv tsis paub Leejtxiv thiab tsis paub Kuv. 4Kuv xub qhia tej no rau nej, kom thaum txog lub sijhawm uas lawv ua li ntawd rau nej, nej thiajli yuav nco tej uas Kuv twb qhia rau nej lawm.
Vaj Ntsujplig Tus Dawbhuv Tes Haujlwm
“Thaum chivthawj Kuv tsis tau qhia tej no rau nej, rauqhov Kuv tseem nrog nej nyob. 5Tiamsis nimno, Kuv yuav mus cuag tus uas txib Kuv los, txawm li ntawd los nej twb tsis muaj ib tug nug hais tias Kuv yuav mus qhovtwg. 6Nimno vim Kuv qhia zaj no rau nej lawm, yuav ua rau nej ntxhovsiab heev. 7Tiamsis Kuv qhia tseeb rau nej hais tias, qhov uas Kuv ncaim nej mus ntawd yuav zoo dua; yog Kuv tsis mus, tus Pab yuav tsis los cuag nej. Tiamsis yog Kuv mus lawm, Kuv yuav txib Nws los nrog nej nyob. 8Thaum Nws los lawm, Nws yuav qhia kom neeg ntiajteb paub txog kev txhaum, kev ncajncees, thiab Vajtswv txoj kev txiavtxim. 9Hais txog kev txhaum, ces yog vim lawv tsis ntseeg Kuv; 10hais txog kev ncajncees, ces yog vim Kuv yuav mus cuag Leejtxiv, thiab nej yuav tsis pom Kuv ntxiv lawm; 11hais txog kev txiavtxim, vim tus uas kav lub ntiajteb no twb raug txiavtxim lawm.
12“Tseem tshuav ntau zaj uas Kuv xav qhia rau nej, tiamsis tamsim no ntshe nej yuav ris tsis taus. 13Thaum Vaj Ntsujplig tus uas qhia qhov tseeb los lawm, Nws yuav coj nej mus rau hauv txhua yam uas yog qhov tseeb; Nws yuav tsis hais rawsli Nws xav, tiamsis yuav hais rawsli tej uas Nws hnov, thiab yuav qhia tej uas yav tomntej yuav tshwm tuaj rau nej paub. 14Nws yuav ua rau Kuv tau ntsejmuag, rauqhov nws yuav muab Kuv tej lus coj los qhia rau nej. 15Txhua yam uas Leejtxiv muaj puavleej yog Kuv tug; vimli ntawd, Kuv thiaj hais tias Vaj Ntsujplig yuav coj tej uas Kuv muab rau nws ntawd los qhia rau nej.
Kev Ntxhovsiab Yuav Hloov Ua Kev Zoosiab
16“Tsis ntev no, nej yuav tsis pom Kuv lawm, thiab tomqab ntawd tsis ntev, nej yuav rov pom Kuv.”
17Ces Yexus cov thwjtim qeeleej txawm sibtham hais tias, “Qhov uas Nws hais tias, ‘Tsis ntev no, nej yuav tsis pom Kuv lawm, thiab tomqab ntawd tsis ntev, nej yuav rov pom Kuv,’ thiab Nws hais tias, ‘Rauqhov Kuv yuav mus cuag Leejtxiv,’ yog txhais licas? 18Qhov uas Nws hais tias, ‘Tsis ntev no,’ yog txhais licas? Peb tsis paub xyov yog Nws hais dabtsi!”
19Yexus paub tej uas lawv xav nug Nws, yogli ntawd, Yexus thiaj hais rau lawv tias, “Puas yog nej sibnug txog qhov uas Kuv hais tias, ‘Tsis ntev no, nej yuav tsis pom Kuv lawm, thiab tomqab ntawd tsis ntev, nej yuav rov pom Kuv’? 20Kuv qhia tseeb rau nej hais tias, nej yuav tsa suab quaj thiab ncia dhawv, tiamsis neeg ntiajteb yuav muaj kev zoosiab; nej yuav muaj kev ntxhovsiab, tiamsis nej tej kev ntxhovsiab ntawd yuav hloov ua kev zoosiab. 21Thaum tus pojniam tabtom yuav yug menyuam, nws ntxhovsiab kawg li vim lub caij mob plab los txog nws lawm. Tiamsis thaum nws yug tau tus menyuam lawm, nws yeej tsis ncoqab qhov uas nws mob plab ntawd lawm, rauqhov nws zoosiab hais tias muaj ib tug menyuam tau yug los rau hauv ntiajteb no. 22Nimno nej zoo ib yam li ntawd thiab; tiamsis Kuv yuav rov los cuag nej dua, mas nej lub siab yuav puvnpo thiab yuav zoosiab kawg li. Txoj kev zoosiab ntawd yuav tsis muaj leejtwg txeeb tau tawm ntawm nej mus.
23“Thaum txog hnub ntawd, nej yuav tsis thov Kuv txog ib yam dabtsi li. Kuv qhia tseeb rau nej hais tias, yog nej tuav Kuv lub npe thov ib yam dabtsi ntawm Leejtxiv,#16:23: yog nej tuav Kuv lub npe thov ib yam dabtsi ntawm Leejtxiv; tej phau ntawv qub uas xuas tes sau, muaj yog thov ib yam dabtsi ntawm Leejtxiv, Nws yuav muab yam ntawd rau nej hauv Kuv lub npe. Nws yuav pub yam ntawd rau nej. 24Txog rau niajhnub no los nej twb tsis tau thov ib yam dabtsi los ntawm Kuv lub npe; nej ciali thov nej thiaj yuav tau, kom nej txoj kev zoosiab thiaj yuav muaj puvnpo.
Yeej Lub Ntiajteb Lawm
25“Tej uas Kuv hais rau nej no, Kuv ua lus pivtxwv hais xwb. Tiamsis thaum txog lub sijhawm ntawd, Kuv yuav tsis ua lus pivtxwv hais lawm, Kuv yuav qhia ncajnraim txog Leejtxiv zaj rau nej lawm xwb. 26Thaum txog hnub ntawd, nej yuav tuav Kuv lub npe thov Leejtxiv; tiamsis Kuv tsis tau hais tias, Kuv yuav sawvcev thov Leejtxiv pab nej, 27rauqhov Leejtxiv yeej hlub nej. Nws hlub nej rauqhov nej hlub Kuv thiab ntseeg tias Kuv yog tus uas Vajtswv txib los. 28Yeej yog Leejtxiv txib Kuv los thiab yog los rau hauv lub ntiajteb no; zaumno Kuv ho yuav tawm hauv lub ntiajteb no mus thiab rov mus cuag Leejtxiv.”
29Ces Yexus cov thwjtim hais rau Nws tias, “Zaumno Koj qhia ncajnraim rau peb lawm xwb, Koj yeej tsis ua lus pivtxwv qhia li. 30Nimno peb paub tias Koj paub ibpuas tsavyam huv tibsi; tsis tas ib tug twg yuav nug Koj lawm; tej no ua rau peb ntseeg tau hais tias, Koj yog tus uas Vajtswv txib los tiag.”
31Yexus teb lawv hais tias, “Nimno nej ntseeg lawm tiag lov? 32Lub sijhawm tabtom los, thiab twb los txog lawm, nej nyias yuav khiav nyias mus tsev, thiab nej yuav tso Kuv tseg cia nyob ib leeg. Tiamsis yuav tsis yog tshuav Kuv tibleeg nyob xwb, rauqhov Leejtxiv nrog Kuv nyob thiab. 33Kuv qhia tej no rau nej, kom nej cov uas twb koom nrog Kuv lawm thiaj yuav muaj kev nyabxeeb. Nyob hauv ntiajteb no nej yuav raug kev tsimtxom. Tiamsis ua siab tawv qhawv! Kuv twb kovyeej lub ntiajteb no lawm!”
Цяпер абрана:
Yauhas 16: MWW2022
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022 United Bible Societies. All rights reserved.
Yauhas 16
16
1“Kuv qhia tej no rau nej, kom nej thiaj tsis tso kev ntseeg tseg. 2Lawv yuav muab nej ntiab tawm hauv tej tsev sablaj mus, thiab yuav muaj ib lub sijhawm thaum cov neeg uas lawv muab nej tua yuav xav tias lawv ua li ntawd yog lawv ua Vajtswv haujlwm. 3Lawv yuav ua tej no rau nej, rauqhov lawv tsis paub Leejtxiv thiab tsis paub Kuv. 4Kuv xub qhia tej no rau nej, kom thaum txog lub sijhawm uas lawv ua li ntawd rau nej, nej thiajli yuav nco tej uas Kuv twb qhia rau nej lawm.
Vaj Ntsujplig Tus Dawbhuv Tes Haujlwm
“Thaum chivthawj Kuv tsis tau qhia tej no rau nej, rauqhov Kuv tseem nrog nej nyob. 5Tiamsis nimno, Kuv yuav mus cuag tus uas txib Kuv los, txawm li ntawd los nej twb tsis muaj ib tug nug hais tias Kuv yuav mus qhovtwg. 6Nimno vim Kuv qhia zaj no rau nej lawm, yuav ua rau nej ntxhovsiab heev. 7Tiamsis Kuv qhia tseeb rau nej hais tias, qhov uas Kuv ncaim nej mus ntawd yuav zoo dua; yog Kuv tsis mus, tus Pab yuav tsis los cuag nej. Tiamsis yog Kuv mus lawm, Kuv yuav txib Nws los nrog nej nyob. 8Thaum Nws los lawm, Nws yuav qhia kom neeg ntiajteb paub txog kev txhaum, kev ncajncees, thiab Vajtswv txoj kev txiavtxim. 9Hais txog kev txhaum, ces yog vim lawv tsis ntseeg Kuv; 10hais txog kev ncajncees, ces yog vim Kuv yuav mus cuag Leejtxiv, thiab nej yuav tsis pom Kuv ntxiv lawm; 11hais txog kev txiavtxim, vim tus uas kav lub ntiajteb no twb raug txiavtxim lawm.
12“Tseem tshuav ntau zaj uas Kuv xav qhia rau nej, tiamsis tamsim no ntshe nej yuav ris tsis taus. 13Thaum Vaj Ntsujplig tus uas qhia qhov tseeb los lawm, Nws yuav coj nej mus rau hauv txhua yam uas yog qhov tseeb; Nws yuav tsis hais rawsli Nws xav, tiamsis yuav hais rawsli tej uas Nws hnov, thiab yuav qhia tej uas yav tomntej yuav tshwm tuaj rau nej paub. 14Nws yuav ua rau Kuv tau ntsejmuag, rauqhov nws yuav muab Kuv tej lus coj los qhia rau nej. 15Txhua yam uas Leejtxiv muaj puavleej yog Kuv tug; vimli ntawd, Kuv thiaj hais tias Vaj Ntsujplig yuav coj tej uas Kuv muab rau nws ntawd los qhia rau nej.
Kev Ntxhovsiab Yuav Hloov Ua Kev Zoosiab
16“Tsis ntev no, nej yuav tsis pom Kuv lawm, thiab tomqab ntawd tsis ntev, nej yuav rov pom Kuv.”
17Ces Yexus cov thwjtim qeeleej txawm sibtham hais tias, “Qhov uas Nws hais tias, ‘Tsis ntev no, nej yuav tsis pom Kuv lawm, thiab tomqab ntawd tsis ntev, nej yuav rov pom Kuv,’ thiab Nws hais tias, ‘Rauqhov Kuv yuav mus cuag Leejtxiv,’ yog txhais licas? 18Qhov uas Nws hais tias, ‘Tsis ntev no,’ yog txhais licas? Peb tsis paub xyov yog Nws hais dabtsi!”
19Yexus paub tej uas lawv xav nug Nws, yogli ntawd, Yexus thiaj hais rau lawv tias, “Puas yog nej sibnug txog qhov uas Kuv hais tias, ‘Tsis ntev no, nej yuav tsis pom Kuv lawm, thiab tomqab ntawd tsis ntev, nej yuav rov pom Kuv’? 20Kuv qhia tseeb rau nej hais tias, nej yuav tsa suab quaj thiab ncia dhawv, tiamsis neeg ntiajteb yuav muaj kev zoosiab; nej yuav muaj kev ntxhovsiab, tiamsis nej tej kev ntxhovsiab ntawd yuav hloov ua kev zoosiab. 21Thaum tus pojniam tabtom yuav yug menyuam, nws ntxhovsiab kawg li vim lub caij mob plab los txog nws lawm. Tiamsis thaum nws yug tau tus menyuam lawm, nws yeej tsis ncoqab qhov uas nws mob plab ntawd lawm, rauqhov nws zoosiab hais tias muaj ib tug menyuam tau yug los rau hauv ntiajteb no. 22Nimno nej zoo ib yam li ntawd thiab; tiamsis Kuv yuav rov los cuag nej dua, mas nej lub siab yuav puvnpo thiab yuav zoosiab kawg li. Txoj kev zoosiab ntawd yuav tsis muaj leejtwg txeeb tau tawm ntawm nej mus.
23“Thaum txog hnub ntawd, nej yuav tsis thov Kuv txog ib yam dabtsi li. Kuv qhia tseeb rau nej hais tias, yog nej tuav Kuv lub npe thov ib yam dabtsi ntawm Leejtxiv,#16:23: yog nej tuav Kuv lub npe thov ib yam dabtsi ntawm Leejtxiv; tej phau ntawv qub uas xuas tes sau, muaj yog thov ib yam dabtsi ntawm Leejtxiv, Nws yuav muab yam ntawd rau nej hauv Kuv lub npe. Nws yuav pub yam ntawd rau nej. 24Txog rau niajhnub no los nej twb tsis tau thov ib yam dabtsi los ntawm Kuv lub npe; nej ciali thov nej thiaj yuav tau, kom nej txoj kev zoosiab thiaj yuav muaj puvnpo.
Yeej Lub Ntiajteb Lawm
25“Tej uas Kuv hais rau nej no, Kuv ua lus pivtxwv hais xwb. Tiamsis thaum txog lub sijhawm ntawd, Kuv yuav tsis ua lus pivtxwv hais lawm, Kuv yuav qhia ncajnraim txog Leejtxiv zaj rau nej lawm xwb. 26Thaum txog hnub ntawd, nej yuav tuav Kuv lub npe thov Leejtxiv; tiamsis Kuv tsis tau hais tias, Kuv yuav sawvcev thov Leejtxiv pab nej, 27rauqhov Leejtxiv yeej hlub nej. Nws hlub nej rauqhov nej hlub Kuv thiab ntseeg tias Kuv yog tus uas Vajtswv txib los. 28Yeej yog Leejtxiv txib Kuv los thiab yog los rau hauv lub ntiajteb no; zaumno Kuv ho yuav tawm hauv lub ntiajteb no mus thiab rov mus cuag Leejtxiv.”
29Ces Yexus cov thwjtim hais rau Nws tias, “Zaumno Koj qhia ncajnraim rau peb lawm xwb, Koj yeej tsis ua lus pivtxwv qhia li. 30Nimno peb paub tias Koj paub ibpuas tsavyam huv tibsi; tsis tas ib tug twg yuav nug Koj lawm; tej no ua rau peb ntseeg tau hais tias, Koj yog tus uas Vajtswv txib los tiag.”
31Yexus teb lawv hais tias, “Nimno nej ntseeg lawm tiag lov? 32Lub sijhawm tabtom los, thiab twb los txog lawm, nej nyias yuav khiav nyias mus tsev, thiab nej yuav tso Kuv tseg cia nyob ib leeg. Tiamsis yuav tsis yog tshuav Kuv tibleeg nyob xwb, rauqhov Leejtxiv nrog Kuv nyob thiab. 33Kuv qhia tej no rau nej, kom nej cov uas twb koom nrog Kuv lawm thiaj yuav muaj kev nyabxeeb. Nyob hauv ntiajteb no nej yuav raug kev tsimtxom. Tiamsis ua siab tawv qhawv! Kuv twb kovyeej lub ntiajteb no lawm!”
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022 United Bible Societies. All rights reserved.