Luk 19
19
Yisa nan lampogaarteeb yudaansɔɔ po
1Li poorpoe ki Yisa din baar Jeriko ki gaar. 2Ki jasɔɔ din be leŋ maŋ ki tee lampogaarteeb yudaanɔ, ki u sann din yi Sakeus; ki u din mɔk mɔkint bonchiann. 3Ki u din koor a wun la Yisa nba tee wunba, ŋaan ki fit lau. Niib din yabit nan wun lauwa, kimaan u din tee jajinjiŋe. 4Li paak ki u chiar ki gar tɔɔnn po ki saa doo sinsabik a wun la Yisa garu, kimaan u yaa wun gar leŋe. 5Ki Yisa nba tan baar sinsabik maŋ boor, ki u yaat gotɔ ki yetɔ a “Sakeus, kakitir ki sik na. See ki n dii a ŋaak ni dinna.”
6Ki Sakeus din kakit ki sik yiama ki foontɔ nan parpeenn, ki bi saan u ŋaak ni. 7Ki niib nba din la linba na maŋ ki bi ji din burin ki yeen a “Jɔɔ na saan kɔɔ biitdaanɔ ŋaak ni.”
8Li poorpoe ki Sakeus fiir ki set ki yet ti Yomdaanɔ Yisa a “N Yomdaanɔ, gotir, n sa bɔkit n mɔkint kur ki tur talasdamm, ki wunba ki n mi ki diiu fobit, n sa jiinɔ taar munna.” 9Ki Yisa yetɔ a “Tinnu baar ŋaak na niib paak dinna, kimaan jɔɔ maŋ mun tee Abraham yaaboonne. 10Min nisaarik Bik baar a n lon binba bot na ki lab ŋaan tinnib.”
Toontunna banntaa barjouk
(Matiu 25.14-30)
11Ŋanne ki Yisa yin niib nba gbiintir maan maŋ na barjouk, kimaan bi dukii a Yisa nba per Jerusalem na, a li paak Yennu naan yaa lin baar yiame. 12Ki u yetib a “Nijaansɔɔ din be ki din tan nyii ki saan digbann banfɔkira, a bin saa dinnɔ naan, ki li poorpo ki wun jen kpen ŋaak ni. 13Wa daa din ki nyii yoonba na, ki u yiin u daaba piik ki tur turib salinkuna yenn yenn, ki betib, ‘I saa man ki saa kpent kpinkpouŋ nan likirii maŋ nan ma tan sa jen.’ 14Ŋaan ki u doo ni niib na namɔ. Wa saan yoo nba ki bi tun toomii kpanbar na boor ni, a bi ki sak a ŋɔɔ-n teen bi bati.
15“Tɔn, ki nijaann na saan saa set dii naan maŋ ki tan jen. Wa jen yoonba, ki u te ki bi yiin u daaba nba ki u daan turib likirii na, a u loon wun bann nyɔɔt nba ki bi la likirii nba ki u daan turib na ni. 16Ki sinsinn yɔɔ na baar u boor ki tan yetɔ a ‘Chanbaa, salinkunn nba ki a daan turin na, n kpent kpinkpouŋ ki la salinkuna piik ki pukin li paak.’ 17Ki u yomdaanɔ yetɔ a ‘N faan, a tee daabiŋanɔe. Fa dia bonmintik fanu biaŋinba na, li paak, n sa tura doi piik yudant.’ 18Ki wunba mun paa u paak na baar u yomdaanɔ boor ki tan yetɔ a ‘Chanbaa, salinkunn nba ki a daan turin na, n kpent kpinkpouŋ ki la salinkuna ŋaŋŋmue.’ 19Ki u yomdaanɔ yetɔ a ‘N sa tura doi ŋaŋŋmu yudante.’
20“Ki lɔɔ mun bia baar ki tan yetɔ a ‘Chanbaa, gotir a salinkunn nee na. N daan gbin n ninfiaŋ nie ki bɔr, 21kimaan n daan tiina a tonu na paake. A tuu jikit linba ki tee a yari, ki bia jaan linba ki a ki buri.’ 22Ki u yomdaanɔ yetɔ a ‘Fin daabibiiuk na, n sa jii a mɔŋ mɔŋ mɔmaame ki pak gbenna. A poŋ mi nan n tuu tee nitoŋo, ki tuu jikit linba ki tee n yari, ki bia jaan linba ki n ki buri. 23Bee teen ki a ki kpent niib n likirii maŋ, ki bin tan paanin paatiri? Ma bo tan jen na, n bo sa la n likirii paatira,’ 24ŋaan yet binba see leŋ na a ‘Gaat salinkunn maŋ u boor ni, ki tur wunba mɔk salinkuna piik na.’ 25Ki bi betɔ a ‘Chanbaa, u poŋ mɔk salinkuna piik.’ 26Ki u jiimm a ‘N beerie, wunba mɔk bona, bi sa pukinɔ; ŋaan wunba kɔŋ bont, bi bia sa tont bonmintik nba ki u poŋ mɔk na. 27Tɔn, n datai na nba ki loon ki n teen bi bat na, ŋann baat namm nna na ki tan kpib n numm nna.’ ”
Yisa baat Jerusalem ki bi dontirɔ
(Matiu 21.1-11; Mak 11.1-11; Jɔɔnn 12.12-19)
28Yisa nba pak ki gbenn na, ki bi yaa bin do Jerusalem, ki Yisa gar bi tɔɔnn. 29Ki bi tan per Betfeje nan Betani doi nba kpia kunkonn nba ki bi yir Olif Tiinii kunkonn na; ki Yisa tun u poorpoweiteeb na ni bannlee, 30ki betib a “Yi saa digbanbik nba be i tɔɔnn po na ni. I-i sai baar, i sa la bonsar ki u lor, ki sɔɔ daa ki mi jakɔ. Yin lotɔ ki baar nanɔ na; 31ki wunba-i boi-i a ‘Bee teen ki i lotɔ?’ yin betɔ a ‘Ti Yomdaanɔe loonɔ.’ ”
32Ki bi saan la borkur kaman nan Yisa nba pakib biaŋinba na. 33Ba saan saa lot boŋ maŋ yoonba ki bondamm lab ki boib a “Bee ki i lot boŋ maŋi?”
34Ki bi jiin yetib a “Ti Yomdaanɔe loonɔ,” 35ŋaan dat boŋ maŋ ki baar nanɔ Yisa boor ni. Ki u poorpoweiteeb jii bi lianta, ki paan boŋ na paak ki jakin Yisa. 36Wa jak boŋ na yoonba ki nisiab jikit bi chinchena nan bi liata ki lat sɔnu ni.
37Wa tan per Jerusalem ki u baar sɔnsinsikir nba nyi Olif Tiinii kunkonn paak na. Leŋe ki u poorpojɔɔmu bonchiann piin piak Yennu nan kpianpaarii nan parpeenn, kimaan ba din la bakitnauŋ toonjaana nba kur ki Yisa tun na; ki bi yeen a 38“Yennu mɔsonŋann be kpanbar nba baat nan ti Yomdaanɔ Yennu sann paak. Parmaasir be Yendɔuŋ ni; dont Yennu sann sanpaapo man.”
39Ŋanne ki Farisiinba siab nba be nibur na ni yet Yisa, “Wanntɔɔ, betir a poorpojɔɔmu na ki bin ŋmin.”
40Ki Yisa jiin yetib a “Nnara, niib maŋ-i ŋmin, ŋaan tana nba dɔɔ sɔnu ni na sii yikin piak Yennuwa.”
Yisa nba mɔ Jerusalem teeb paak biaŋinba
41Wa din per ki tan la Jerusalem ki u mɔ doo na teeb paak, 42ki yet a “Li-i bo-i tee ki i bann parmaasir sɔnu dinna, li bo sii ŋan ki turi. Ŋaan mɔtana li liir i yan, ki i kan fit banni. 43Yoo baat ki i datai tan sa baar, ki maa joongungɔnt ki lint i doo ŋaan loon i paak lɔkir kur, 44ŋaan tan libit i kura nan tiŋ ki kpi-i perrr. Bi tan sa gbenn i ŋei maŋ chain, ki tangbiinn gbaa tan kan tenni. Muksuk na tan sa teen nneewa, kimaan ya ki bann Yennu tinnu yoo na paak.”
Yisa nba ŋamm Yennu jiantu ŋasaakak biaŋinba
(Matiu 21.12-17; Mak 11.15-19; Jɔɔnn 2.13-22)
45Li poorpoe ki Yisa din saan kɔɔ Yennu jiantu ŋasaakak ni, ki din saa ber binba kɔi bonkobit, ki nyinnib, 46ŋaan yetib a “Li sɔb Yennu gbouŋ ni a ‘N ŋaak sii tee Yenmiaru ŋaake,’ ŋaan ki yimme kpintir ki teenn fatiteeb kinkar boor.”
47Tɔn, daar kur ki Yisa din be Yennu jiantu ŋasaakak ni ki want niib Yennu maan. Ki Yennu jiantu yudamm nan sennu wannteeb nan tiŋ maŋ yudamm loon bin kpiu, 48ŋaan ki fit la sɔnu nba ki bi sa kpiu, kimaan niib na kur din chaan bi tuba ki gbiintir u maan.
Цяпер абрана:
Luk 19: BIM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luk 19
19
Yisa nan lampogaarteeb yudaansɔɔ po
1Li poorpoe ki Yisa din baar Jeriko ki gaar. 2Ki jasɔɔ din be leŋ maŋ ki tee lampogaarteeb yudaanɔ, ki u sann din yi Sakeus; ki u din mɔk mɔkint bonchiann. 3Ki u din koor a wun la Yisa nba tee wunba, ŋaan ki fit lau. Niib din yabit nan wun lauwa, kimaan u din tee jajinjiŋe. 4Li paak ki u chiar ki gar tɔɔnn po ki saa doo sinsabik a wun la Yisa garu, kimaan u yaa wun gar leŋe. 5Ki Yisa nba tan baar sinsabik maŋ boor, ki u yaat gotɔ ki yetɔ a “Sakeus, kakitir ki sik na. See ki n dii a ŋaak ni dinna.”
6Ki Sakeus din kakit ki sik yiama ki foontɔ nan parpeenn, ki bi saan u ŋaak ni. 7Ki niib nba din la linba na maŋ ki bi ji din burin ki yeen a “Jɔɔ na saan kɔɔ biitdaanɔ ŋaak ni.”
8Li poorpoe ki Sakeus fiir ki set ki yet ti Yomdaanɔ Yisa a “N Yomdaanɔ, gotir, n sa bɔkit n mɔkint kur ki tur talasdamm, ki wunba ki n mi ki diiu fobit, n sa jiinɔ taar munna.” 9Ki Yisa yetɔ a “Tinnu baar ŋaak na niib paak dinna, kimaan jɔɔ maŋ mun tee Abraham yaaboonne. 10Min nisaarik Bik baar a n lon binba bot na ki lab ŋaan tinnib.”
Toontunna banntaa barjouk
(Matiu 25.14-30)
11Ŋanne ki Yisa yin niib nba gbiintir maan maŋ na barjouk, kimaan bi dukii a Yisa nba per Jerusalem na, a li paak Yennu naan yaa lin baar yiame. 12Ki u yetib a “Nijaansɔɔ din be ki din tan nyii ki saan digbann banfɔkira, a bin saa dinnɔ naan, ki li poorpo ki wun jen kpen ŋaak ni. 13Wa daa din ki nyii yoonba na, ki u yiin u daaba piik ki tur turib salinkuna yenn yenn, ki betib, ‘I saa man ki saa kpent kpinkpouŋ nan likirii maŋ nan ma tan sa jen.’ 14Ŋaan ki u doo ni niib na namɔ. Wa saan yoo nba ki bi tun toomii kpanbar na boor ni, a bi ki sak a ŋɔɔ-n teen bi bati.
15“Tɔn, ki nijaann na saan saa set dii naan maŋ ki tan jen. Wa jen yoonba, ki u te ki bi yiin u daaba nba ki u daan turib likirii na, a u loon wun bann nyɔɔt nba ki bi la likirii nba ki u daan turib na ni. 16Ki sinsinn yɔɔ na baar u boor ki tan yetɔ a ‘Chanbaa, salinkunn nba ki a daan turin na, n kpent kpinkpouŋ ki la salinkuna piik ki pukin li paak.’ 17Ki u yomdaanɔ yetɔ a ‘N faan, a tee daabiŋanɔe. Fa dia bonmintik fanu biaŋinba na, li paak, n sa tura doi piik yudant.’ 18Ki wunba mun paa u paak na baar u yomdaanɔ boor ki tan yetɔ a ‘Chanbaa, salinkunn nba ki a daan turin na, n kpent kpinkpouŋ ki la salinkuna ŋaŋŋmue.’ 19Ki u yomdaanɔ yetɔ a ‘N sa tura doi ŋaŋŋmu yudante.’
20“Ki lɔɔ mun bia baar ki tan yetɔ a ‘Chanbaa, gotir a salinkunn nee na. N daan gbin n ninfiaŋ nie ki bɔr, 21kimaan n daan tiina a tonu na paake. A tuu jikit linba ki tee a yari, ki bia jaan linba ki a ki buri.’ 22Ki u yomdaanɔ yetɔ a ‘Fin daabibiiuk na, n sa jii a mɔŋ mɔŋ mɔmaame ki pak gbenna. A poŋ mi nan n tuu tee nitoŋo, ki tuu jikit linba ki tee n yari, ki bia jaan linba ki n ki buri. 23Bee teen ki a ki kpent niib n likirii maŋ, ki bin tan paanin paatiri? Ma bo tan jen na, n bo sa la n likirii paatira,’ 24ŋaan yet binba see leŋ na a ‘Gaat salinkunn maŋ u boor ni, ki tur wunba mɔk salinkuna piik na.’ 25Ki bi betɔ a ‘Chanbaa, u poŋ mɔk salinkuna piik.’ 26Ki u jiimm a ‘N beerie, wunba mɔk bona, bi sa pukinɔ; ŋaan wunba kɔŋ bont, bi bia sa tont bonmintik nba ki u poŋ mɔk na. 27Tɔn, n datai na nba ki loon ki n teen bi bat na, ŋann baat namm nna na ki tan kpib n numm nna.’ ”
Yisa baat Jerusalem ki bi dontirɔ
(Matiu 21.1-11; Mak 11.1-11; Jɔɔnn 12.12-19)
28Yisa nba pak ki gbenn na, ki bi yaa bin do Jerusalem, ki Yisa gar bi tɔɔnn. 29Ki bi tan per Betfeje nan Betani doi nba kpia kunkonn nba ki bi yir Olif Tiinii kunkonn na; ki Yisa tun u poorpoweiteeb na ni bannlee, 30ki betib a “Yi saa digbanbik nba be i tɔɔnn po na ni. I-i sai baar, i sa la bonsar ki u lor, ki sɔɔ daa ki mi jakɔ. Yin lotɔ ki baar nanɔ na; 31ki wunba-i boi-i a ‘Bee teen ki i lotɔ?’ yin betɔ a ‘Ti Yomdaanɔe loonɔ.’ ”
32Ki bi saan la borkur kaman nan Yisa nba pakib biaŋinba na. 33Ba saan saa lot boŋ maŋ yoonba ki bondamm lab ki boib a “Bee ki i lot boŋ maŋi?”
34Ki bi jiin yetib a “Ti Yomdaanɔe loonɔ,” 35ŋaan dat boŋ maŋ ki baar nanɔ Yisa boor ni. Ki u poorpoweiteeb jii bi lianta, ki paan boŋ na paak ki jakin Yisa. 36Wa jak boŋ na yoonba ki nisiab jikit bi chinchena nan bi liata ki lat sɔnu ni.
37Wa tan per Jerusalem ki u baar sɔnsinsikir nba nyi Olif Tiinii kunkonn paak na. Leŋe ki u poorpojɔɔmu bonchiann piin piak Yennu nan kpianpaarii nan parpeenn, kimaan ba din la bakitnauŋ toonjaana nba kur ki Yisa tun na; ki bi yeen a 38“Yennu mɔsonŋann be kpanbar nba baat nan ti Yomdaanɔ Yennu sann paak. Parmaasir be Yendɔuŋ ni; dont Yennu sann sanpaapo man.”
39Ŋanne ki Farisiinba siab nba be nibur na ni yet Yisa, “Wanntɔɔ, betir a poorpojɔɔmu na ki bin ŋmin.”
40Ki Yisa jiin yetib a “Nnara, niib maŋ-i ŋmin, ŋaan tana nba dɔɔ sɔnu ni na sii yikin piak Yennuwa.”
Yisa nba mɔ Jerusalem teeb paak biaŋinba
41Wa din per ki tan la Jerusalem ki u mɔ doo na teeb paak, 42ki yet a “Li-i bo-i tee ki i bann parmaasir sɔnu dinna, li bo sii ŋan ki turi. Ŋaan mɔtana li liir i yan, ki i kan fit banni. 43Yoo baat ki i datai tan sa baar, ki maa joongungɔnt ki lint i doo ŋaan loon i paak lɔkir kur, 44ŋaan tan libit i kura nan tiŋ ki kpi-i perrr. Bi tan sa gbenn i ŋei maŋ chain, ki tangbiinn gbaa tan kan tenni. Muksuk na tan sa teen nneewa, kimaan ya ki bann Yennu tinnu yoo na paak.”
Yisa nba ŋamm Yennu jiantu ŋasaakak biaŋinba
(Matiu 21.12-17; Mak 11.15-19; Jɔɔnn 2.13-22)
45Li poorpoe ki Yisa din saan kɔɔ Yennu jiantu ŋasaakak ni, ki din saa ber binba kɔi bonkobit, ki nyinnib, 46ŋaan yetib a “Li sɔb Yennu gbouŋ ni a ‘N ŋaak sii tee Yenmiaru ŋaake,’ ŋaan ki yimme kpintir ki teenn fatiteeb kinkar boor.”
47Tɔn, daar kur ki Yisa din be Yennu jiantu ŋasaakak ni ki want niib Yennu maan. Ki Yennu jiantu yudamm nan sennu wannteeb nan tiŋ maŋ yudamm loon bin kpiu, 48ŋaan ki fit la sɔnu nba ki bi sa kpiu, kimaan niib na kur din chaan bi tuba ki gbiintir u maan.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце