JOHAN 16
16
1“Lungkia a na paimanglouhna ding un na kiang uah hiai thute ka genta hi. 2Sinagogte ah ahon nongsak ding ua; kuapeuh nou hon that Pathian tung a thil hoih hih in akithei ding ua huai bang hun hong tung ding ahi. 3Huai thilte ahih ding ua, Pa leh kei hon theih louh ziak un. 4Hiai thute na kiang uah ka genta hi, ahun ahong tun chiang a, ka hon hilh khinta chih na theih nawnna ding un. Hiai thilte na kiang ua ka om takdih ziak in atung a ka hon hilh louh him na hi uhi.
Kha Siangthou Nasep
5“Tu in hon sawlpa kiang ah ka pai ding a noute kuamah in, koi a hoh ding? chi in na hon dong kei uh. 6Hiai thute na kiang ua ka gen ziak in na lungtang uh lungkhamna in adimzou hialta hi. 7Himahleh thutak ka hon hilh ahi; ka pai nou a ding in ahoihzaw hi; ka pai keileh na kiang uah Khamuanpa ahong tung kei ding a; ka paileh bel na kiang ua hon sawl ding ka hi. 8Amah ahong tun chiang in khelhna thute ah, diktatna thute ah, leh vaihawmna thute toh kisai a khovel asiamlouhdan atheisak ding hi. 9Khelhna thu ah siam louh atang ding uh, kei hon gintak louh ziak un. 10Diktatna thu ah siam louh atang ding uh; Pa kiang ah ka pai ding; nou kei na hon muh nawn tak louh ding ziak un. 11Vaihawmna thu ah siam louh atang ding uh; hiai khovel lal siam louh a apuk tak ziak in.
12“Na kiang uah gen ding tampi ka nei lai a, himahleh tu in zaw na chin tadih kei uhi. 13Himahleh amah Thutak Kha ahong tun chiang in, thutak tengteng ah nou ahon pi ding; ama phuahtawm in thu agen kei dia; azak peuhmah agen zaw ding, thil hong tung dingte leng nou ahon theisak ding hi. 14Ama'n kei ahon pahtawi ding a; kei a ala ding a, nou kiang ah ahon theisak ding hi. 15Pa'n thil aneih tengteng kei a ahi; huaiziak in kei a ala ding a, na kiang uah ahon theisak ding, ka chi hi.
Mangpha Khakna Thute
16“Sawt louchik in nou kei na hon mu kei ding ua; sawt louchik mah in na hon mu nawn ding uh,” achi hi.
17Anungzuite khenkhat in, i kiang ua athugen bang ahi, sawt louchik in nou kei na hon mu kei ding uh, sawt louchik mah in na hon mu nawn ding uh achih leh Pa kiang a ka hoh dek ziak in, achih? akichi uhi. 18Amau mah in, sawt louchik, achih bang chihna ahia? Athugen i theisiam kei uh, achi uhi.
19Huan amah dot ut anei uh chih Jesu'n athei a, akiang uah, “Sawt louchik in nou kei na hon mu kei ding uh, sawt louchik mah in nou kei na hon mu nawn ding uh chi a ka thugen na kidong uh maw? 20Chihtaktak in, chihtaktak in ka hon hilh ahi, na khitui uh ake ding a, na kap huphup ding uh, khovel bel akipak ding; na lungkham ding ua, himahleh na lungkham uh kipahna asuak ding hi. 21Numei nau nei ding in avei lai in alungkham nak hi, ahun atun tak ziak in; himahleh nau asuahtak in alunggimna athei nawnta kei hi, khovel a naungek hong pian a akipah ziak in. 22Tu in nou na lungkham uh; himahleh ka hon mu nawn ding a, na lungtang uh akipak ding, na kipahna uh kuamah in hon laksak kei ding hi. 23Huai ni chiang in nou kei bangmah na hon ngen kei ding uh. Chihtaktak in, chihtaktak in ka hon hilh ahi, Pa kiang a bangpeuh ka min a na nget uleh ahon pe ding hi. 24Tutan in ka min in bangmah na ngen nai kei uh. Ngen un, huchi in na mu ding uh, na kipah uh akimna ding in.
Khovel Tung A Vualzohna
25“Huai thute ahem in na kiang uah ka genta hi; ahun atung dekta, huai hun chiang in na kiang uah ahem in thu ka gen nawnta kei ding a, chiantak in Pa tanchin ka hon hilh ding hi. 26Huai ni chiang in keimah min in thil na ngen ding uh; Pa kiang ah ke'n ka hon ngetsak ding ka chi kei hi. 27Pa in amah ngei in noute ahon it ngal a, nou kei na hon it ua, Pa a kipan ka hi chih na hon gintak ziak un. 28Kei Pa kiang a kipan hong pawt a, khovel a hong pai ka hi a; khovel paisan a, Pa kiang a pai nawn ding ka hi,” achi hi.
29Huan anungzuite'n akiang ah, “Ngai dih, tu in teltak in na genta, ahem in na genta kei hi! achi uhi. 30Nang bangkim na thei a, kuamah hon dot na kiphamoh kei chih tu in ka theita uh; hiai ziak in Pathian kiang a kipan hong pai na hi chih ka gingta uhi,” achi uhi. 31Jesu'n adawng a akiang uah, “Tu in na gingta uh maw? 32Ngai un, ahun hong tung ding ahita, tu in leng atung lellel hi, huai hun chiang in noumau inn chiat ah na dalh vek ding ua, keimah kia na hon nuse ding uh. Himahleh ka kiang a Pa a-om ziak in keimah kia in ka om kei hi. 33Hiai thute na kiang uah ka genta hi, keimah a na khamuanna ding un. Khovel ah gimthuakna na nei ding uh, himahleh khamuangtak in om un, ke'n khovel ka zouta,” achi hi.
Цяпер абрана:
JOHAN 16: PAITBSI
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
JOHAN 16
16
1“Lungkia a na paimanglouhna ding un na kiang uah hiai thute ka genta hi. 2Sinagogte ah ahon nongsak ding ua; kuapeuh nou hon that Pathian tung a thil hoih hih in akithei ding ua huai bang hun hong tung ding ahi. 3Huai thilte ahih ding ua, Pa leh kei hon theih louh ziak un. 4Hiai thute na kiang uah ka genta hi, ahun ahong tun chiang a, ka hon hilh khinta chih na theih nawnna ding un. Hiai thilte na kiang ua ka om takdih ziak in atung a ka hon hilh louh him na hi uhi.
Kha Siangthou Nasep
5“Tu in hon sawlpa kiang ah ka pai ding a noute kuamah in, koi a hoh ding? chi in na hon dong kei uh. 6Hiai thute na kiang ua ka gen ziak in na lungtang uh lungkhamna in adimzou hialta hi. 7Himahleh thutak ka hon hilh ahi; ka pai nou a ding in ahoihzaw hi; ka pai keileh na kiang uah Khamuanpa ahong tung kei ding a; ka paileh bel na kiang ua hon sawl ding ka hi. 8Amah ahong tun chiang in khelhna thute ah, diktatna thute ah, leh vaihawmna thute toh kisai a khovel asiamlouhdan atheisak ding hi. 9Khelhna thu ah siam louh atang ding uh, kei hon gintak louh ziak un. 10Diktatna thu ah siam louh atang ding uh; Pa kiang ah ka pai ding; nou kei na hon muh nawn tak louh ding ziak un. 11Vaihawmna thu ah siam louh atang ding uh; hiai khovel lal siam louh a apuk tak ziak in.
12“Na kiang uah gen ding tampi ka nei lai a, himahleh tu in zaw na chin tadih kei uhi. 13Himahleh amah Thutak Kha ahong tun chiang in, thutak tengteng ah nou ahon pi ding; ama phuahtawm in thu agen kei dia; azak peuhmah agen zaw ding, thil hong tung dingte leng nou ahon theisak ding hi. 14Ama'n kei ahon pahtawi ding a; kei a ala ding a, nou kiang ah ahon theisak ding hi. 15Pa'n thil aneih tengteng kei a ahi; huaiziak in kei a ala ding a, na kiang uah ahon theisak ding, ka chi hi.
Mangpha Khakna Thute
16“Sawt louchik in nou kei na hon mu kei ding ua; sawt louchik mah in na hon mu nawn ding uh,” achi hi.
17Anungzuite khenkhat in, i kiang ua athugen bang ahi, sawt louchik in nou kei na hon mu kei ding uh, sawt louchik mah in na hon mu nawn ding uh achih leh Pa kiang a ka hoh dek ziak in, achih? akichi uhi. 18Amau mah in, sawt louchik, achih bang chihna ahia? Athugen i theisiam kei uh, achi uhi.
19Huan amah dot ut anei uh chih Jesu'n athei a, akiang uah, “Sawt louchik in nou kei na hon mu kei ding uh, sawt louchik mah in nou kei na hon mu nawn ding uh chi a ka thugen na kidong uh maw? 20Chihtaktak in, chihtaktak in ka hon hilh ahi, na khitui uh ake ding a, na kap huphup ding uh, khovel bel akipak ding; na lungkham ding ua, himahleh na lungkham uh kipahna asuak ding hi. 21Numei nau nei ding in avei lai in alungkham nak hi, ahun atun tak ziak in; himahleh nau asuahtak in alunggimna athei nawnta kei hi, khovel a naungek hong pian a akipah ziak in. 22Tu in nou na lungkham uh; himahleh ka hon mu nawn ding a, na lungtang uh akipak ding, na kipahna uh kuamah in hon laksak kei ding hi. 23Huai ni chiang in nou kei bangmah na hon ngen kei ding uh. Chihtaktak in, chihtaktak in ka hon hilh ahi, Pa kiang a bangpeuh ka min a na nget uleh ahon pe ding hi. 24Tutan in ka min in bangmah na ngen nai kei uh. Ngen un, huchi in na mu ding uh, na kipah uh akimna ding in.
Khovel Tung A Vualzohna
25“Huai thute ahem in na kiang uah ka genta hi; ahun atung dekta, huai hun chiang in na kiang uah ahem in thu ka gen nawnta kei ding a, chiantak in Pa tanchin ka hon hilh ding hi. 26Huai ni chiang in keimah min in thil na ngen ding uh; Pa kiang ah ke'n ka hon ngetsak ding ka chi kei hi. 27Pa in amah ngei in noute ahon it ngal a, nou kei na hon it ua, Pa a kipan ka hi chih na hon gintak ziak un. 28Kei Pa kiang a kipan hong pawt a, khovel a hong pai ka hi a; khovel paisan a, Pa kiang a pai nawn ding ka hi,” achi hi.
29Huan anungzuite'n akiang ah, “Ngai dih, tu in teltak in na genta, ahem in na genta kei hi! achi uhi. 30Nang bangkim na thei a, kuamah hon dot na kiphamoh kei chih tu in ka theita uh; hiai ziak in Pathian kiang a kipan hong pai na hi chih ka gingta uhi,” achi uhi. 31Jesu'n adawng a akiang uah, “Tu in na gingta uh maw? 32Ngai un, ahun hong tung ding ahita, tu in leng atung lellel hi, huai hun chiang in noumau inn chiat ah na dalh vek ding ua, keimah kia na hon nuse ding uh. Himahleh ka kiang a Pa a-om ziak in keimah kia in ka om kei hi. 33Hiai thute na kiang uah ka genta hi, keimah a na khamuanna ding un. Khovel ah gimthuakna na nei ding uh, himahleh khamuangtak in om un, ke'n khovel ka zouta,” achi hi.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.