Yohana 18
18
Mako Yesu
(Mat 26:47-56; Mar 14:43-50; Luk 22:47-53)
1Munyo Yesu ocowo kwayo me, oay kodi jofonjirok pere to jokalo jwom Kidiron. Kenyo oyido nitie ndelo moro, to Yesu kodi jofonjirok pere jodonj'iye. 2Yuda, jacami sereko, oyido bende oŋeyo kenyo, rupiri ndir madit Yesu onwaŋo otieko bedo kenyo kodi jofonjirok pere. 3Ameno Yuda okidho kenyo kodi kitipa pa jolweny kodi jokur moro ma Ot pa Were ma jotel pa jocway ri Were i wi migam kodi Jofarisayo jooro. Jotiŋo mac odingili, talin, gi gilweny. 4Yesu oyido oŋeyo gimoro je m'onwaŋo kidho timere kwoŋe. Riameno ocore bongi jo to penjo jo ni, “Wirango ŋa?” 5Jodwoko ni, “Yesu Janazareth.” Go odwoko ni, “A an me.”
Yuda jacami sereko, onwaŋo ocungo gi jo. 6Munyo Yesu owaco rijo ni, “A an me.” Jogik gi yuŋey gin to jooy piny ngulungulu. 7Yesu odoko openjo jo ni, “Wirango ŋa won.” Jowaco ni, “Yesu Janazareth.” 8Yesu owaco rijo ni, “Atieko waco riwin ni a an me. Ere ka wirangan, weyi win jome jowokadhi.” 9Gime otimere ama, ŋey gima ndir no go owaco wotundi i kare ni, “Ongoye kad'acel m'orwenyo kwoŋ joje m'imiyan.” 10Simon Petero oyido nitie g'abor; oyuyo to toŋo ŋeca pa jadwoŋ pa jocway ri Were i wi migam, to codo woko ithe maracuc. Nyingi ŋeca no oyido Maliko. 11#Mat 26:39; Mar 14:36; Luk 22:42Yesu owaco ri Petero ni, “Dwoki abor i ode! Onyo akir'amadhi agwata ma candirok ma Baba omiyan?”
Yesu ruwaŋ Anas
12Lwak jolweny kodi jotel pajo kodi Joyuda ma jokur jomako Yesu, jotweyo go, 13to jotero go pa Anas m'oyido obedo ba cipa Kaifas, m'oyido jadwoŋ pa jocway ri Were i wi migam i oro no. 14Kaifas me ama ndir ca omiyo Joyuda rieko nike oyido ber loyo ka ŋat'acel otho ri ji je.
Petero kwedere kwoŋ Yesu
(Mat 26:69-70; Mar 14:66-68; Luk 22:55-57)
15Petero kodi jafonjirok man joluwo Yesu. Paka jafonjirok man no oyido oŋeyere maber gi jadwoŋ pa jocway ri Were i wi migam no, go bende odonjo gi Yesu i diedipo pa jadwoŋ no. 16Petero odoŋ woko to cungo cegin gi dhiot. Jafonjirok man, m'oyido oŋeyere maber gi jadwoŋ no, ogik oluwo gi nyako m'oyido kuro dhiot, to rwako Petero. 17Nyako m'oyido kuro dhiot owaco ri Petero ni, “In won me k'acel kwoŋ jofonjirok pa ŋato?” Petero odwoko ni, “Be, akibedo.”
18Piny onwaŋo ŋic, riameno jotic kodi jokur jomoko mac aka onwaŋo jocungo jothoko mac no jooyo. Petero bende okidho to cungo gi jo ka oyo mac.
Jatel pa jocway ri Were i wi migam penjo Yesu
(Mat 26:59-66; Mar 14:55-64; Luk 22:66-71)
19Jadwoŋ pa jocway ri Were i wi migam no openjo Yesu kwoŋ jofonjirok pere kodi fonji pere. 20Yesu odwoko ni, “Ndiri je aluwo kamaler ri piny, aka afonjo i kitipa pa jom'oyeyo pa Joyuda kodi i Ot pa Were, kama Joyuda je jocokere iye, aka ongoye gima fodi awaco nyaliŋliŋ. 21To raŋo ma wipenjan ameno? Penji win ji ma jotieko winjan. Kole joŋeyo gim'atieko waco rijo.” 22Munyo Yesu owaco ama, acel kwoŋ jokur ogoyo lembe g'adhoŋ aka owaco ni, “Inyalo nedi luwo ameno gi jadwoŋ pa jocway ri Were i wi migam?” 23Yesu odwoko ni, “K'awaco gimoro marac, nyuthi ginago kamaler. To ka gim'awaco otire, raŋo igoyan?”
24Gikenyo Anas odhiro go, ma fodi otwey cinge, pa Kaifas, jadwoŋ pa jocway ri Were i wi migam.
Petero kwedere kwoŋ Yesu kendo
(Mat 26:69-70; Mar 14:66-72; Luk 22:55-57)
25Petero oyido fodi ocungo kenyo oyo mac. Gikenyo jowote jopenjo go ni, “Ibende ikibedo acel kwoŋ jofonjirok pa ŋato?” To Petero kwedere ni, “Be, akibedo acel kwoŋ jo.” 26Acel kwoŋ ŋecin pa jadwoŋ pa jocway ri Were i wi migam, wat pa ŋata Petero oyido ocodo woko ithe ca, oluwo malo ni, “Akinenin bonge i ndelo kaca?” 27Petero odoko okwedere to waco ni, “Be.” Piyo piyo no to wod gweno koko.
Yesu ruwaŋ Pilato
(Mat 27:1-2,11-14; Mar 15:1-5; Luk 23:1-5)
28Jokwanyo Yesu i ot pa Kaifas to jotero go i cel pa gavana. Piny onwaŋo obedo odikin worwor. Joyuda jok'odonjo i cel rupiri oyido joyenyo jowokure ma jok'obedo makoc i kite ma cik, ŋey jowocami kalima ma Kadho. 29Am'omiyo Pilato owok woko romo gi jo to waco ni, “Banja aŋo ma wiosa jame?” 30Jodwoko ni, “Di wakikelo go bongin bedi go k'otimo raco moro.” 31Pilato owaco ni, “Wiwegi kwany win go aka winen banja pere i kite ma cik mewin.” Joyuda jodwoko ni, “K'oyey wan neko dhano.” 32#Yoh 3:14; 12:32(Me onyutho adieri gima Yesu onwaŋo otieko waco munyo go nyutho kiti tho ma go latho.) 33Pilato ogik i cel to lwoŋo Yesu to penjo go ni, “In i Kere pa Joyuda?” 34Yesu odwoko ni, “Penji me wok bongin iwon, kosa joman ama jowaco rin kwoŋan?” 35Pilato odwoko ni, “Iparo nike a Jayuda? Kole ji perin wegi kodi jotel pa jocway ri Were i wi migam ama jokelin bongan. Itimo aŋo?” 36Yesu owaco ni, “Ker paran k'obedo ma piny ka; bedi ker paran bedi ma piny ka, di joma luwan jolwenyo ma geŋan ma d'akipodho i cingi Joyuda. To, ker paran ki ma piny ka!” 37Gikenyo Pilato openjo go ni, “Kere in ibedo kere?” Yesu odwoko ni, “Eno iwaco ni abedo kere. Kole onywolan ri gime aka abino i piny ka luwo ri adieri. Nyatoro je ma tiyere g'adieri winjo dwondan.” 38Pilato openjo ni, “Aka adieri meno aŋo?”
Ithumo ri Yesu banja ma tho
(Mat 27:15-31; Mar 15:6-20; Luk 23:13-25)
Gikenyo Pilato ogik woko bongi Joyuda to waco rijo ni, “Akinen banja moro kwoŋ go. 39To paka winitie gi cik mewin, ndir je agonyo riwin jatwec moro i hongo ma kalima ma Kadho, wimito agony riwin Kere pa Joyuda?” 40Jodwoko go gi koko ni, “Be, ki go! Wamito Baraba!” (Baraba oyido jakwo m'ojoko jo.)
Цяпер абрана:
Yohana 18: DHOPE
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhopadhola DC Bible © Bible Society of Uganda, 2018.
Yohana 18
18
Mako Yesu
(Mat 26:47-56; Mar 14:43-50; Luk 22:47-53)
1Munyo Yesu ocowo kwayo me, oay kodi jofonjirok pere to jokalo jwom Kidiron. Kenyo oyido nitie ndelo moro, to Yesu kodi jofonjirok pere jodonj'iye. 2Yuda, jacami sereko, oyido bende oŋeyo kenyo, rupiri ndir madit Yesu onwaŋo otieko bedo kenyo kodi jofonjirok pere. 3Ameno Yuda okidho kenyo kodi kitipa pa jolweny kodi jokur moro ma Ot pa Were ma jotel pa jocway ri Were i wi migam kodi Jofarisayo jooro. Jotiŋo mac odingili, talin, gi gilweny. 4Yesu oyido oŋeyo gimoro je m'onwaŋo kidho timere kwoŋe. Riameno ocore bongi jo to penjo jo ni, “Wirango ŋa?” 5Jodwoko ni, “Yesu Janazareth.” Go odwoko ni, “A an me.”
Yuda jacami sereko, onwaŋo ocungo gi jo. 6Munyo Yesu owaco rijo ni, “A an me.” Jogik gi yuŋey gin to jooy piny ngulungulu. 7Yesu odoko openjo jo ni, “Wirango ŋa won.” Jowaco ni, “Yesu Janazareth.” 8Yesu owaco rijo ni, “Atieko waco riwin ni a an me. Ere ka wirangan, weyi win jome jowokadhi.” 9Gime otimere ama, ŋey gima ndir no go owaco wotundi i kare ni, “Ongoye kad'acel m'orwenyo kwoŋ joje m'imiyan.” 10Simon Petero oyido nitie g'abor; oyuyo to toŋo ŋeca pa jadwoŋ pa jocway ri Were i wi migam, to codo woko ithe maracuc. Nyingi ŋeca no oyido Maliko. 11#Mat 26:39; Mar 14:36; Luk 22:42Yesu owaco ri Petero ni, “Dwoki abor i ode! Onyo akir'amadhi agwata ma candirok ma Baba omiyan?”
Yesu ruwaŋ Anas
12Lwak jolweny kodi jotel pajo kodi Joyuda ma jokur jomako Yesu, jotweyo go, 13to jotero go pa Anas m'oyido obedo ba cipa Kaifas, m'oyido jadwoŋ pa jocway ri Were i wi migam i oro no. 14Kaifas me ama ndir ca omiyo Joyuda rieko nike oyido ber loyo ka ŋat'acel otho ri ji je.
Petero kwedere kwoŋ Yesu
(Mat 26:69-70; Mar 14:66-68; Luk 22:55-57)
15Petero kodi jafonjirok man joluwo Yesu. Paka jafonjirok man no oyido oŋeyere maber gi jadwoŋ pa jocway ri Were i wi migam no, go bende odonjo gi Yesu i diedipo pa jadwoŋ no. 16Petero odoŋ woko to cungo cegin gi dhiot. Jafonjirok man, m'oyido oŋeyere maber gi jadwoŋ no, ogik oluwo gi nyako m'oyido kuro dhiot, to rwako Petero. 17Nyako m'oyido kuro dhiot owaco ri Petero ni, “In won me k'acel kwoŋ jofonjirok pa ŋato?” Petero odwoko ni, “Be, akibedo.”
18Piny onwaŋo ŋic, riameno jotic kodi jokur jomoko mac aka onwaŋo jocungo jothoko mac no jooyo. Petero bende okidho to cungo gi jo ka oyo mac.
Jatel pa jocway ri Were i wi migam penjo Yesu
(Mat 26:59-66; Mar 14:55-64; Luk 22:66-71)
19Jadwoŋ pa jocway ri Were i wi migam no openjo Yesu kwoŋ jofonjirok pere kodi fonji pere. 20Yesu odwoko ni, “Ndiri je aluwo kamaler ri piny, aka afonjo i kitipa pa jom'oyeyo pa Joyuda kodi i Ot pa Were, kama Joyuda je jocokere iye, aka ongoye gima fodi awaco nyaliŋliŋ. 21To raŋo ma wipenjan ameno? Penji win ji ma jotieko winjan. Kole joŋeyo gim'atieko waco rijo.” 22Munyo Yesu owaco ama, acel kwoŋ jokur ogoyo lembe g'adhoŋ aka owaco ni, “Inyalo nedi luwo ameno gi jadwoŋ pa jocway ri Were i wi migam?” 23Yesu odwoko ni, “K'awaco gimoro marac, nyuthi ginago kamaler. To ka gim'awaco otire, raŋo igoyan?”
24Gikenyo Anas odhiro go, ma fodi otwey cinge, pa Kaifas, jadwoŋ pa jocway ri Were i wi migam.
Petero kwedere kwoŋ Yesu kendo
(Mat 26:69-70; Mar 14:66-72; Luk 22:55-57)
25Petero oyido fodi ocungo kenyo oyo mac. Gikenyo jowote jopenjo go ni, “Ibende ikibedo acel kwoŋ jofonjirok pa ŋato?” To Petero kwedere ni, “Be, akibedo acel kwoŋ jo.” 26Acel kwoŋ ŋecin pa jadwoŋ pa jocway ri Were i wi migam, wat pa ŋata Petero oyido ocodo woko ithe ca, oluwo malo ni, “Akinenin bonge i ndelo kaca?” 27Petero odoko okwedere to waco ni, “Be.” Piyo piyo no to wod gweno koko.
Yesu ruwaŋ Pilato
(Mat 27:1-2,11-14; Mar 15:1-5; Luk 23:1-5)
28Jokwanyo Yesu i ot pa Kaifas to jotero go i cel pa gavana. Piny onwaŋo obedo odikin worwor. Joyuda jok'odonjo i cel rupiri oyido joyenyo jowokure ma jok'obedo makoc i kite ma cik, ŋey jowocami kalima ma Kadho. 29Am'omiyo Pilato owok woko romo gi jo to waco ni, “Banja aŋo ma wiosa jame?” 30Jodwoko ni, “Di wakikelo go bongin bedi go k'otimo raco moro.” 31Pilato owaco ni, “Wiwegi kwany win go aka winen banja pere i kite ma cik mewin.” Joyuda jodwoko ni, “K'oyey wan neko dhano.” 32#Yoh 3:14; 12:32(Me onyutho adieri gima Yesu onwaŋo otieko waco munyo go nyutho kiti tho ma go latho.) 33Pilato ogik i cel to lwoŋo Yesu to penjo go ni, “In i Kere pa Joyuda?” 34Yesu odwoko ni, “Penji me wok bongin iwon, kosa joman ama jowaco rin kwoŋan?” 35Pilato odwoko ni, “Iparo nike a Jayuda? Kole ji perin wegi kodi jotel pa jocway ri Were i wi migam ama jokelin bongan. Itimo aŋo?” 36Yesu owaco ni, “Ker paran k'obedo ma piny ka; bedi ker paran bedi ma piny ka, di joma luwan jolwenyo ma geŋan ma d'akipodho i cingi Joyuda. To, ker paran ki ma piny ka!” 37Gikenyo Pilato openjo go ni, “Kere in ibedo kere?” Yesu odwoko ni, “Eno iwaco ni abedo kere. Kole onywolan ri gime aka abino i piny ka luwo ri adieri. Nyatoro je ma tiyere g'adieri winjo dwondan.” 38Pilato openjo ni, “Aka adieri meno aŋo?”
Ithumo ri Yesu banja ma tho
(Mat 27:15-31; Mar 15:6-20; Luk 23:13-25)
Gikenyo Pilato ogik woko bongi Joyuda to waco rijo ni, “Akinen banja moro kwoŋ go. 39To paka winitie gi cik mewin, ndir je agonyo riwin jatwec moro i hongo ma kalima ma Kadho, wimito agony riwin Kere pa Joyuda?” 40Jodwoko go gi koko ni, “Be, ki go! Wamito Baraba!” (Baraba oyido jakwo m'ojoko jo.)
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhopadhola DC Bible © Bible Society of Uganda, 2018.