Mɑɑtieo 4
4
*Sɑɑtɑn jɑnm Yiesu
(Mɑɑlk 1.12-13; Luk 4.1-13)
1K Foŋɑnm din sɑɑn nɑn Yiesu pɑɑnpieonŋ ni ɑ *Sɑɑtɑn n sɑɑ jɑnm’ɔ. 2U din be lenŋ k k dii siɑl dɑpiinnɑ yennu ni nɑn nyiɑɔk, k kon ji din tɑn suol’ɔ. 3K Jɑnmidɑɑnɔ bɑɑl u buol ni k tɑn yet’ɔ ɑ: «L i tie k ɑ tie Yennu Bijɑ i e, fɑn yet tɑnɑ nɑ k lin kpɑnt pɑɑnu.»
4K Yiesu jiin k yet’ɔ ɑ: «L diɑn Yennu lolkpel kɑdɑɑɔk ni ɑ: ‹Pɑɑnu kuukuɑ pɑɑk kɑɑ te k nilɔ fo, ŋɑɑn mɑɑn nbɑ kul nyi Yennu mɔb ni nɑ pɑɑk e te k nilɔ fo.› »
5L puolpo k Sɑɑtɑn jii’u k sɑɑn nɑn’ɔ Yennu duo nbɑ k b yi lenŋ Selusɑɑlenm, k sɑɑ donn’ɔ Yennu jɑɑnti ŋɑsɑɑkɑk mɔpinyelk pɑɑk, 6ŋɑɑn yet’ɔ ɑ: «L i tie k ɑ tie Yennu Bijɑ i e, fɑn yukl mɔb nnɑ nɑ, k mɑɑn l diɑn Yennu lolkpel kɑdɑɑɔk ni ɑ:
‹U sɑɑ te k u *mɑlɑkɑɑnbɑ i guu’ɑ.
B sii diɑ’ɑ nɑn b nii
k ɑ tɑɑl kɑn gbiɑt tɑnn k ɑ lɑ dɑnŋ.› »
7K Yiesu yet’ɔ: «L biɑ yet Yennu lolkpel kɑdɑɑɔk ni ɑ: ‹Suɑ dɑɑ biki Yonmdɑɑnɔ Yennu.› »
8L puolpo k Sɑɑtɑn biɑ din jii’u k duo nɑn’ɔ juɑl nbɑ fɔk bonciɑnn pɑɑk k sɑɑ wɑnn’ɔ tingbounŋ nɑ yent kul kul nɑn l ŋɑnt, 9ŋɑɑn yet’ɔ ɑ: «L i tie k ɑ gbɑɑn k jiɑnt’n, n sɑɑ tul’ɑ yent mɑnŋ kul ɑ.»
10K Yiesu yet’ɔ: «Sietl nnɑ Sɑɑtɑn. L diɑn Yennu lolkpel kɑdɑɑɔk ni ɑ: ‹Nilɔ i jiɑntl Yonmdɑɑnɔ Yennu kuukuɑ e, kii biɑ kii tuun kii tien ŋuɑ kuukuɑ.› »
11Ŋɑnn e k Sɑɑtɑn ji din yɑɑt ŋɑɑn nyik’ɔ, k Yennu mɑlɑkɑɑnbɑ bɑɑl k tɑn cɑnt’ɔ.
Yiesu piin u tuonn Gɑɑliile tinŋ ni
(Mɑɑlk 1.14-15; Luk 4.14-15)
12Yiesu nbɑ din tɑn gbɑt nɑn *Heluod suol Sɑn kuɑn’ɔ dɑnsɑlk nɑ, k u sɑɑn Gɑɑliile. 13Wɑɑ din bɑɑl Nɑɑsɑɑlet nɑ u din k wei lenŋ, ŋɑɑn gɑl k sɑɑn Kɑpelnɑunm duo nbɑ be mɔk-kpinŋ, Sɑɑbuulɔn nɑn Neftɑɑli tinŋ ni nɑ. 14Lin nbɑ nɑ din tun ɑ lin gbien *Yennu sɔkni Esɑɑyi nbɑ din pɑk lin nbɑ nɑ po e ɑ:
15«Sɑɑbuulɔn tinŋ nɑn Neftɑɑli tinŋ nbɑ be
*Suulden kpenpuotl po,
k biɑ be mɔkgbenŋl buol,
nɑn Gɑɑliile tinŋ nbɑ k bin nbɑ k tie *Suifnbɑ nɑ kɑl l ni;
16bin nbɑ be bunbɔnn ni nɑ lɑ yentjɑɑnn;
bin nbɑ kɑl kuun bunbɔnn yent ni nɑ lɑ k
yentu nɑ yentl k bɑɑt’b.»
17L yuo mɑnŋ k Yiesu din piin k muɑntl Yennu lɑbɑmɑnn k tien niib ɑ: «Mɔn kuɑŋɑɑn mɑn k lebt binbenŋ, k mɑɑn Yennu nɑɑn pel nɑ.»
Yiesu yiin jɑnsuoltieb bɑnnɑ
(Mɑɑlk 1.16-20; Luk 5.1-11)
18Yiesu nbɑ din sonm Gɑɑliile mɔkgbenŋl kpinŋ nɑ, k u tɑn lɑ nilɔ, wun nbɑ k b yi’u Siimɔn k biɑ yi’u Piɑl nɑ, nɑn u ninjɑ Andle, k b lubn jɑnlɑɑɔnŋ mɔkgbenŋl ni, k mɑɑn b din tie jɑnsuolɑ e. 19K u yet’b ɑ: «Ii wɑɑ’n mɑn, k n sɑɑ te k i so niib nɑn yɑɑ so jɑni bɑnnu nbɑ.» 20K b set din nyik b jɑnlɑɑnt l tɑɑkpɑɑk ni ŋɑɑn wɑɑ’u.
21Wɑɑ din nyii lenŋ k sɑɑn tuɑnn po, k u lɑ jɑb bɑnle, Sɑɑk nɑn u ninjɑ Sɑn k b tie Sebede wɑɑs. B din be bulgbetl ni nɑn b bɑɑ Sebede k ŋɑnmt b jɑnlɑɑnt k u yiin’m. 22L tɑɑkpɑɑk ni, k b nyik bulgbetl nɑ nɑn b bɑɑ, ŋɑɑn wɑɑ Yiesu.
Yiesu te k bɑɑtb pɑɑk
(Luk 6.17-19)
23Yiesu din lin Gɑɑliile tinŋ mɑnŋ kul ɑ po, k tumi niib, Suifnbɑ jɑɑnti diet ni, k muɑntl Yennu nɑɑn lɑbɑmɑnn k tien’m, k te k bin nbɑ mɔk yiɑlbuoli buoli kul nɑn bin nbɑ mɔk gbɑnɑntont kul pɑɑkt. 24K niib din lin k muɑnt u sɑnn Siili tinŋ ni kul ɑ po. K b din jikt bɑɑtbuoli buoli kul ɑ, k bɑɑt nɑn’m u buol ni: bin nbɑ din yiɑl yiɑlbuolu nbɑ kul, gbɑnɑntont, bin nbɑ din gbie nɑn nɑlnbiit, bin nbɑ din bɑɑ gbitgbiɑ, nɑn gbɑnɑnkpienɑ dɑnm, k u din te k b pɑɑk. 25K nibulciɑɔnŋ nbɑ din nyii Gɑɑliile, nɑn Doi-piik#Gleknbɑ din bɑɑl k gɑɑl Suifnbɑ duo, nɑn doi nbɑ lint’b nɑ kul k diɑ’b. B din mɑɑ digbɑnɑ piik e k kuɑ. Ŋɑnn e k b yi Doi-piik nɑ. cinciɑɔnŋ, nɑn Selusɑɑlenm, nɑn Suude, nɑn *Suulden kpenpuotl din bit k wɑɑ’u.
Цяпер абрана:
Mɑɑtieo 4: MOBANT07
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Moba-Lok New Testament © Bible Society of Togo, 2007.
Mɑɑtieo 4
4
*Sɑɑtɑn jɑnm Yiesu
(Mɑɑlk 1.12-13; Luk 4.1-13)
1K Foŋɑnm din sɑɑn nɑn Yiesu pɑɑnpieonŋ ni ɑ *Sɑɑtɑn n sɑɑ jɑnm’ɔ. 2U din be lenŋ k k dii siɑl dɑpiinnɑ yennu ni nɑn nyiɑɔk, k kon ji din tɑn suol’ɔ. 3K Jɑnmidɑɑnɔ bɑɑl u buol ni k tɑn yet’ɔ ɑ: «L i tie k ɑ tie Yennu Bijɑ i e, fɑn yet tɑnɑ nɑ k lin kpɑnt pɑɑnu.»
4K Yiesu jiin k yet’ɔ ɑ: «L diɑn Yennu lolkpel kɑdɑɑɔk ni ɑ: ‹Pɑɑnu kuukuɑ pɑɑk kɑɑ te k nilɔ fo, ŋɑɑn mɑɑn nbɑ kul nyi Yennu mɔb ni nɑ pɑɑk e te k nilɔ fo.› »
5L puolpo k Sɑɑtɑn jii’u k sɑɑn nɑn’ɔ Yennu duo nbɑ k b yi lenŋ Selusɑɑlenm, k sɑɑ donn’ɔ Yennu jɑɑnti ŋɑsɑɑkɑk mɔpinyelk pɑɑk, 6ŋɑɑn yet’ɔ ɑ: «L i tie k ɑ tie Yennu Bijɑ i e, fɑn yukl mɔb nnɑ nɑ, k mɑɑn l diɑn Yennu lolkpel kɑdɑɑɔk ni ɑ:
‹U sɑɑ te k u *mɑlɑkɑɑnbɑ i guu’ɑ.
B sii diɑ’ɑ nɑn b nii
k ɑ tɑɑl kɑn gbiɑt tɑnn k ɑ lɑ dɑnŋ.› »
7K Yiesu yet’ɔ: «L biɑ yet Yennu lolkpel kɑdɑɑɔk ni ɑ: ‹Suɑ dɑɑ biki Yonmdɑɑnɔ Yennu.› »
8L puolpo k Sɑɑtɑn biɑ din jii’u k duo nɑn’ɔ juɑl nbɑ fɔk bonciɑnn pɑɑk k sɑɑ wɑnn’ɔ tingbounŋ nɑ yent kul kul nɑn l ŋɑnt, 9ŋɑɑn yet’ɔ ɑ: «L i tie k ɑ gbɑɑn k jiɑnt’n, n sɑɑ tul’ɑ yent mɑnŋ kul ɑ.»
10K Yiesu yet’ɔ: «Sietl nnɑ Sɑɑtɑn. L diɑn Yennu lolkpel kɑdɑɑɔk ni ɑ: ‹Nilɔ i jiɑntl Yonmdɑɑnɔ Yennu kuukuɑ e, kii biɑ kii tuun kii tien ŋuɑ kuukuɑ.› »
11Ŋɑnn e k Sɑɑtɑn ji din yɑɑt ŋɑɑn nyik’ɔ, k Yennu mɑlɑkɑɑnbɑ bɑɑl k tɑn cɑnt’ɔ.
Yiesu piin u tuonn Gɑɑliile tinŋ ni
(Mɑɑlk 1.14-15; Luk 4.14-15)
12Yiesu nbɑ din tɑn gbɑt nɑn *Heluod suol Sɑn kuɑn’ɔ dɑnsɑlk nɑ, k u sɑɑn Gɑɑliile. 13Wɑɑ din bɑɑl Nɑɑsɑɑlet nɑ u din k wei lenŋ, ŋɑɑn gɑl k sɑɑn Kɑpelnɑunm duo nbɑ be mɔk-kpinŋ, Sɑɑbuulɔn nɑn Neftɑɑli tinŋ ni nɑ. 14Lin nbɑ nɑ din tun ɑ lin gbien *Yennu sɔkni Esɑɑyi nbɑ din pɑk lin nbɑ nɑ po e ɑ:
15«Sɑɑbuulɔn tinŋ nɑn Neftɑɑli tinŋ nbɑ be
*Suulden kpenpuotl po,
k biɑ be mɔkgbenŋl buol,
nɑn Gɑɑliile tinŋ nbɑ k bin nbɑ k tie *Suifnbɑ nɑ kɑl l ni;
16bin nbɑ be bunbɔnn ni nɑ lɑ yentjɑɑnn;
bin nbɑ kɑl kuun bunbɔnn yent ni nɑ lɑ k
yentu nɑ yentl k bɑɑt’b.»
17L yuo mɑnŋ k Yiesu din piin k muɑntl Yennu lɑbɑmɑnn k tien niib ɑ: «Mɔn kuɑŋɑɑn mɑn k lebt binbenŋ, k mɑɑn Yennu nɑɑn pel nɑ.»
Yiesu yiin jɑnsuoltieb bɑnnɑ
(Mɑɑlk 1.16-20; Luk 5.1-11)
18Yiesu nbɑ din sonm Gɑɑliile mɔkgbenŋl kpinŋ nɑ, k u tɑn lɑ nilɔ, wun nbɑ k b yi’u Siimɔn k biɑ yi’u Piɑl nɑ, nɑn u ninjɑ Andle, k b lubn jɑnlɑɑɔnŋ mɔkgbenŋl ni, k mɑɑn b din tie jɑnsuolɑ e. 19K u yet’b ɑ: «Ii wɑɑ’n mɑn, k n sɑɑ te k i so niib nɑn yɑɑ so jɑni bɑnnu nbɑ.» 20K b set din nyik b jɑnlɑɑnt l tɑɑkpɑɑk ni ŋɑɑn wɑɑ’u.
21Wɑɑ din nyii lenŋ k sɑɑn tuɑnn po, k u lɑ jɑb bɑnle, Sɑɑk nɑn u ninjɑ Sɑn k b tie Sebede wɑɑs. B din be bulgbetl ni nɑn b bɑɑ Sebede k ŋɑnmt b jɑnlɑɑnt k u yiin’m. 22L tɑɑkpɑɑk ni, k b nyik bulgbetl nɑ nɑn b bɑɑ, ŋɑɑn wɑɑ Yiesu.
Yiesu te k bɑɑtb pɑɑk
(Luk 6.17-19)
23Yiesu din lin Gɑɑliile tinŋ mɑnŋ kul ɑ po, k tumi niib, Suifnbɑ jɑɑnti diet ni, k muɑntl Yennu nɑɑn lɑbɑmɑnn k tien’m, k te k bin nbɑ mɔk yiɑlbuoli buoli kul nɑn bin nbɑ mɔk gbɑnɑntont kul pɑɑkt. 24K niib din lin k muɑnt u sɑnn Siili tinŋ ni kul ɑ po. K b din jikt bɑɑtbuoli buoli kul ɑ, k bɑɑt nɑn’m u buol ni: bin nbɑ din yiɑl yiɑlbuolu nbɑ kul, gbɑnɑntont, bin nbɑ din gbie nɑn nɑlnbiit, bin nbɑ din bɑɑ gbitgbiɑ, nɑn gbɑnɑnkpienɑ dɑnm, k u din te k b pɑɑk. 25K nibulciɑɔnŋ nbɑ din nyii Gɑɑliile, nɑn Doi-piik#Gleknbɑ din bɑɑl k gɑɑl Suifnbɑ duo, nɑn doi nbɑ lint’b nɑ kul k diɑ’b. B din mɑɑ digbɑnɑ piik e k kuɑ. Ŋɑnn e k b yi Doi-piik nɑ. cinciɑɔnŋ, nɑn Selusɑɑlenm, nɑn Suude, nɑn *Suulden kpenpuotl din bit k wɑɑ’u.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Moba-Lok New Testament © Bible Society of Togo, 2007.