Luka 23
23
Yesu kpe fu te Pilato kple Herodes gbɔ.
1Eye woƒe ha blibo la katã tsi tre, eye wokplɔe yi Pilato gbɔ. 2Tete wode asi enutsotso me gblɔ bena: Míekpɔ amesia wòle miaƒe dukɔ la ƒe tame trɔm, eye wògbe na amewo bena, woagadzɔ nu na kaisaro o hele gbɔgblɔm bena, ye ŋutɔe nye Kristo, fia la. 3Eye Pilato biae gblɔ bena: Wòe nye Yudatɔwo ƒe fia la mahã? Eye wòɖo ŋu nɛ gblɔ bena: Wòe le egblɔm. 4Eye Pilato gblɔ na nunɔlagãwo kple amehawo bena: Nyemekpɔ vɔ̃a ɖeke le amesia ŋu o. 5Ke wogatsi edzi gblɔ bena: Ede zi dukɔ la me hele nu fiãm to Yudea katã me, eye wòdze gɔme tso Galilea vaseɖe afisia. 6Eye esi Pilato se Galilea ŋkɔ la, ebia be, Galileatɔ enye ame la mahã? 7Eye esi wòdze sii bena, Herodes ɖe ŋusẽ te wòtso la, eɖoe ɖe Herodes gbɔ, amesi ŋuta hã le Yerusalem le ŋkeke siawo me.
8Eye esi Herodes kpɔ Yesu la, ekpɔ dzidzɔ ŋutɔ; elabena edi xoxoxo be, yeakpɔe, le nusi wose le eŋu la ta, eye wòkpɔ mɔ be, awo dzesia ɖe yeakpɔ. 9Eye wòbia nya geɖewoe, ke eya la meɖo ɖeke ŋu nɛ o. 10Eye nunɔlagãwo kple agbalẽfialawo le tsitre hele enu tsom vevie. 11Ke Herodes kple eƒe asrafowo ɖo vloe, eye woɖu fewu le eŋu, eye esi wodo aklalabiɖibiɖiwu nɛ la, egbugbɔe ɖo ɖe Pilato gbɔ. 12Eye Herodes kple Pilato wozu xɔlɔ̃wo le ŋkeke ma ke dzi; elabena tsã la adikã nɔ wo dome.
13Eye esi Pilato yɔ nunɔlagãwo kple amegãwo kpakple dukɔ la ƒo ƒu la, 14egblɔ na wo bena: Miekplɔ amesia va gbɔnye abe amesi le dukɔ la ƒe tame trɔm ene; eye kpɔ ɖa, esi medrɔ̃ ʋɔnui le miaƒe ŋku me la, nyemekpɔ vɔ̃a ɖeke le amesia ŋu, si ŋuti miele enu tsom ɖo o; 15nenema kee nye Herodes hã; elabena egbugbɔe ɖo ɖe mí; eye kpɔ ɖa, mewo naneke, si dze ku o. 16Eyaŋuti maƒoe, eye maɖe asi le eŋu. 17Ke ele nɛ be, wòaɖe asi le gatɔ ɖeka ŋu na wo le ŋkekenyuie la dzi. 18Ke wo katã do ɣli hoo gblɔ bena: Ɖe esia ɖa, eye naɖe asi le Baraba ŋuti na mí, 19amesi wòlé de gaxɔ me le zitɔtɔ le dua me kple hlɔ̃dodo ta. 20Tete Pilato gaƒo nu na wo hele didim bena, yeaɖe asi le Yesu ŋu. 21Ke woawo la wodo ɣli gblo bena: Klãe ɖe ati ŋuti, klãe ɖe ati ŋuti! 22Eye wògblɔ na wo zi etɔ̃lia ke bena: Nuvɔ̃ ka gã amesia wo mahã? Nyemekpɔ naneke le eŋu, si dze ku o; azɔ maƒoe, eye maɖe asi le eŋu! 23Ke woawo la wotee ɖe eŋu hele ebiam kple gbe sesĩe bena, ɖeko woaklãe ɖe ati ŋuti. Eye woƒe gbewo wu etɔ. 24Tete Pilato tso afia bena, woawo woƒe biabia dzi na wo. 25Nenem eye wòɖe asi le amesi wòlé de gaxɔ me le zitɔtɔ kple hlɔ̃dodo ta la ŋu na wo, amesi wòbia; ke Yesu la, edee asi na woƒe lɔlɔ̃nu.
Golgata.
26Eye esi wokplɔe yina la, wòlé Simon, Kirenetɔa ɖe, si tso agbleta gbɔna, eye wotsɔ atitsoga la ɖo edzi, bena wòatsɔe adze Yesu yome. 27Eye ameha gãa ɖe kple nyɔnu, siwo le konyi kple avi fam ne la, kplɔe ɖo. 28Ke Yesu trɔ ɖe wo ŋu gblɔ bena: Yerusalem vinyɔnuviwo, migafa avi nam o; ke boŋ miafa avi na mia ŋutɔwo mia ɖokui kple mia viwo. 29Elabena kpɔ ɖa, ŋkekewo gbɔna, le esiwo me woagblɔ bena: Woayra konɔwo kple dɔ, siwo medzi vi o, kple no, siwo mena notsi kpɔ o la. 30Ekema woade asi gbɔgblɔ me na towo bena: Midze mía dzi! eye na togbewo bena: Mitsyɔ mía dzi! 31Elabena ne wole nusiawo wɔm ɖe ati mumu ŋuti la, ekema nuka wo ge wòala de ƒuƒua ŋuti mahã? 32Eye wokplɔ vɔ̃wɔla bubu eve hã, be woawu akpe ɖe eŋu.
33Eye esi wova teƒe, si woyona be ametakoliƒe la, woklãe ɖe ati ŋuti le afima kple vɔ̃wɔlawo, ɖeka le nuɖusi me, eye ɖeka le mia me. 34Eye Yesu gblɔ bena: Fofo, tsɔe ke wo, elabena womenya nusi wɔm wole o. Eye esi wòmã eƒe awuwo me la, wodzidze nu ɖe wo dzi. 35Eye ameha la le tsi tre le nu kpɔm ɖa. Eye dumegãwo hã ɖo hehe ɖe eta gblɔ bena: Eɖe ame bubuwo, neɖe ye ŋutɔ ɖokui hã, ne esia nye Kristo, Mawu ƒe ame tiatia la. 36Eye asrafo, siwo va egbɔ, be woatsɔ aha tsitsi nɛ la, hã ɖu fewu le eŋuti 37gblɔ bena: Nenye wòe nye Yudatɔwo ƒe fia la, ekema ɖe wò ŋutɔ ɖokuiwò. 38Eye nuŋɔŋlɔ hã le eƒe tagbɔ, esi woŋlɔ ɖe Helatɔwo, Romatɔwo kple Hebritɔwo ƒe gbe me bena: Esia nye Yudatɔwo ƒe fia la! 39Eye vɔ̃wɔla, siwo wohe ɖe ati ŋuti la, dometɔ ɖeka hã gblɔ busunya ɖe eŋu bena: De menye wòe nye Kristo la oa, ɖe wò ŋutɔ ɖokuiwò kple miawo hã. 40Tete ekeme xɔ edzi hewo ɖe eta gblɔ bena: Alo wò hã, esi nèle fɔbubu ma ke me la, ɖe meva Mawu oa? 41Ke miawo la edze mi: elabena nusi dze míaƒe nuwɔwɔwo la, eya kpɔm miele; ke amesia la mewo nu tovoa ɖeke kpɔ o. 42Eye wògblɔ bena: Yesu, ɖo ŋku dzinye, ne eva ɖo wò fiaɖuƒe la me. 43Eye wògblɔ nɛ bena: Vavã mele egblɔm na wò bena: Egbea ke nana Paradiso la me kplim.
44Eye ano gaƒoƒo adelia me la zãdokeli do ɖe anyigba blibo la katã dzi vaseɖe gaƒoƒo asiekelia dzi, 45eye ɣe la ɖo viviti, eye mawuxɔmetsovɔ la dze ɖe eve kpla. 46Eye esi Yesu do ɣli kple gbe sesĩe la, egblɔ bena: Fofo, asiwò me metsɔ nye gbɔgbɔ la de; ke esi wògblɔ esia la, etsɔ gbɔgbɔ la na. 47Eye esi asrafowo dzikpɔla kpɔ nusiwo va dzɔ la, ekafu Mawu gblɔ bena: Vavã amesia nye ame dzɔdzɔe. 48Eye ameha, siwo katã va ƒo ƒu ɖe nukpɔkpɔ sia ŋu la, esi wokpɔ nusiwo va dzo la, wogbugbɔ hele woƒe akɔtawo ƒom. 49Eye eƒe ame nyanyɛwo katã kple nyɔnu, siwo dze eyome tso Galilea la, le tsitre le adzoge ke hele nusiawo kpam ɖa.
Yesu ɖiɖi.
50Eye kpɔ ɖa, ŋutsua ɖe, si ŋkɔ enye Yosef, amesi nye adaŋudela kple ame nyui kple ame dzɔdzɔe, 51(amesia melɔ̃ woƒe adaŋudede kple woƒe nuwɔwɔ dzi o,) etso Arimatia, si nye Yudatɔwo ƒe dua ɖe la, eye wòle mawufiaɖuƒe la lalam; 52amesia yi Pilato gbɔ ɖabia Yesu ƒe kukua. 53Eye woɖee ɖe anyi, eye wòxatsa aklala ɖe eŋu, eye wòtsɔe mlɔ yɔdo, si woɖe ɖe kpe gbadza me la me, esi me amea ɖeke memlɔ kpɔ o. 54Eye wònye dzadzraɖoŋkeke, eye Sabat tu aƒe.
55Eye nyɔnu, siwo dze eyome tso Galilea va la, kpɔ yɔdo la ɖa, kple alesi wotsɔ eƒe kuku la mlɔ anyii. 56Eye wogbugbɔ yi ɖadzra atike ʋeʋẽe kple ami ɖo. Ke wodzudzɔ le Sabat dzi le se la nu.
Цяпер абрана:
Luka 23: EWERV
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bible in Éwé Revised Version © Bible Society of Ghana, 1913, 2006.
Luka 23
23
Yesu kpe fu te Pilato kple Herodes gbɔ.
1Eye woƒe ha blibo la katã tsi tre, eye wokplɔe yi Pilato gbɔ. 2Tete wode asi enutsotso me gblɔ bena: Míekpɔ amesia wòle miaƒe dukɔ la ƒe tame trɔm, eye wògbe na amewo bena, woagadzɔ nu na kaisaro o hele gbɔgblɔm bena, ye ŋutɔe nye Kristo, fia la. 3Eye Pilato biae gblɔ bena: Wòe nye Yudatɔwo ƒe fia la mahã? Eye wòɖo ŋu nɛ gblɔ bena: Wòe le egblɔm. 4Eye Pilato gblɔ na nunɔlagãwo kple amehawo bena: Nyemekpɔ vɔ̃a ɖeke le amesia ŋu o. 5Ke wogatsi edzi gblɔ bena: Ede zi dukɔ la me hele nu fiãm to Yudea katã me, eye wòdze gɔme tso Galilea vaseɖe afisia. 6Eye esi Pilato se Galilea ŋkɔ la, ebia be, Galileatɔ enye ame la mahã? 7Eye esi wòdze sii bena, Herodes ɖe ŋusẽ te wòtso la, eɖoe ɖe Herodes gbɔ, amesi ŋuta hã le Yerusalem le ŋkeke siawo me.
8Eye esi Herodes kpɔ Yesu la, ekpɔ dzidzɔ ŋutɔ; elabena edi xoxoxo be, yeakpɔe, le nusi wose le eŋu la ta, eye wòkpɔ mɔ be, awo dzesia ɖe yeakpɔ. 9Eye wòbia nya geɖewoe, ke eya la meɖo ɖeke ŋu nɛ o. 10Eye nunɔlagãwo kple agbalẽfialawo le tsitre hele enu tsom vevie. 11Ke Herodes kple eƒe asrafowo ɖo vloe, eye woɖu fewu le eŋu, eye esi wodo aklalabiɖibiɖiwu nɛ la, egbugbɔe ɖo ɖe Pilato gbɔ. 12Eye Herodes kple Pilato wozu xɔlɔ̃wo le ŋkeke ma ke dzi; elabena tsã la adikã nɔ wo dome.
13Eye esi Pilato yɔ nunɔlagãwo kple amegãwo kpakple dukɔ la ƒo ƒu la, 14egblɔ na wo bena: Miekplɔ amesia va gbɔnye abe amesi le dukɔ la ƒe tame trɔm ene; eye kpɔ ɖa, esi medrɔ̃ ʋɔnui le miaƒe ŋku me la, nyemekpɔ vɔ̃a ɖeke le amesia ŋu, si ŋuti miele enu tsom ɖo o; 15nenema kee nye Herodes hã; elabena egbugbɔe ɖo ɖe mí; eye kpɔ ɖa, mewo naneke, si dze ku o. 16Eyaŋuti maƒoe, eye maɖe asi le eŋu. 17Ke ele nɛ be, wòaɖe asi le gatɔ ɖeka ŋu na wo le ŋkekenyuie la dzi. 18Ke wo katã do ɣli hoo gblɔ bena: Ɖe esia ɖa, eye naɖe asi le Baraba ŋuti na mí, 19amesi wòlé de gaxɔ me le zitɔtɔ le dua me kple hlɔ̃dodo ta. 20Tete Pilato gaƒo nu na wo hele didim bena, yeaɖe asi le Yesu ŋu. 21Ke woawo la wodo ɣli gblo bena: Klãe ɖe ati ŋuti, klãe ɖe ati ŋuti! 22Eye wògblɔ na wo zi etɔ̃lia ke bena: Nuvɔ̃ ka gã amesia wo mahã? Nyemekpɔ naneke le eŋu, si dze ku o; azɔ maƒoe, eye maɖe asi le eŋu! 23Ke woawo la wotee ɖe eŋu hele ebiam kple gbe sesĩe bena, ɖeko woaklãe ɖe ati ŋuti. Eye woƒe gbewo wu etɔ. 24Tete Pilato tso afia bena, woawo woƒe biabia dzi na wo. 25Nenem eye wòɖe asi le amesi wòlé de gaxɔ me le zitɔtɔ kple hlɔ̃dodo ta la ŋu na wo, amesi wòbia; ke Yesu la, edee asi na woƒe lɔlɔ̃nu.
Golgata.
26Eye esi wokplɔe yina la, wòlé Simon, Kirenetɔa ɖe, si tso agbleta gbɔna, eye wotsɔ atitsoga la ɖo edzi, bena wòatsɔe adze Yesu yome. 27Eye ameha gãa ɖe kple nyɔnu, siwo le konyi kple avi fam ne la, kplɔe ɖo. 28Ke Yesu trɔ ɖe wo ŋu gblɔ bena: Yerusalem vinyɔnuviwo, migafa avi nam o; ke boŋ miafa avi na mia ŋutɔwo mia ɖokui kple mia viwo. 29Elabena kpɔ ɖa, ŋkekewo gbɔna, le esiwo me woagblɔ bena: Woayra konɔwo kple dɔ, siwo medzi vi o, kple no, siwo mena notsi kpɔ o la. 30Ekema woade asi gbɔgblɔ me na towo bena: Midze mía dzi! eye na togbewo bena: Mitsyɔ mía dzi! 31Elabena ne wole nusiawo wɔm ɖe ati mumu ŋuti la, ekema nuka wo ge wòala de ƒuƒua ŋuti mahã? 32Eye wokplɔ vɔ̃wɔla bubu eve hã, be woawu akpe ɖe eŋu.
33Eye esi wova teƒe, si woyona be ametakoliƒe la, woklãe ɖe ati ŋuti le afima kple vɔ̃wɔlawo, ɖeka le nuɖusi me, eye ɖeka le mia me. 34Eye Yesu gblɔ bena: Fofo, tsɔe ke wo, elabena womenya nusi wɔm wole o. Eye esi wòmã eƒe awuwo me la, wodzidze nu ɖe wo dzi. 35Eye ameha la le tsi tre le nu kpɔm ɖa. Eye dumegãwo hã ɖo hehe ɖe eta gblɔ bena: Eɖe ame bubuwo, neɖe ye ŋutɔ ɖokui hã, ne esia nye Kristo, Mawu ƒe ame tiatia la. 36Eye asrafo, siwo va egbɔ, be woatsɔ aha tsitsi nɛ la, hã ɖu fewu le eŋuti 37gblɔ bena: Nenye wòe nye Yudatɔwo ƒe fia la, ekema ɖe wò ŋutɔ ɖokuiwò. 38Eye nuŋɔŋlɔ hã le eƒe tagbɔ, esi woŋlɔ ɖe Helatɔwo, Romatɔwo kple Hebritɔwo ƒe gbe me bena: Esia nye Yudatɔwo ƒe fia la! 39Eye vɔ̃wɔla, siwo wohe ɖe ati ŋuti la, dometɔ ɖeka hã gblɔ busunya ɖe eŋu bena: De menye wòe nye Kristo la oa, ɖe wò ŋutɔ ɖokuiwò kple miawo hã. 40Tete ekeme xɔ edzi hewo ɖe eta gblɔ bena: Alo wò hã, esi nèle fɔbubu ma ke me la, ɖe meva Mawu oa? 41Ke miawo la edze mi: elabena nusi dze míaƒe nuwɔwɔwo la, eya kpɔm miele; ke amesia la mewo nu tovoa ɖeke kpɔ o. 42Eye wògblɔ bena: Yesu, ɖo ŋku dzinye, ne eva ɖo wò fiaɖuƒe la me. 43Eye wògblɔ nɛ bena: Vavã mele egblɔm na wò bena: Egbea ke nana Paradiso la me kplim.
44Eye ano gaƒoƒo adelia me la zãdokeli do ɖe anyigba blibo la katã dzi vaseɖe gaƒoƒo asiekelia dzi, 45eye ɣe la ɖo viviti, eye mawuxɔmetsovɔ la dze ɖe eve kpla. 46Eye esi Yesu do ɣli kple gbe sesĩe la, egblɔ bena: Fofo, asiwò me metsɔ nye gbɔgbɔ la de; ke esi wògblɔ esia la, etsɔ gbɔgbɔ la na. 47Eye esi asrafowo dzikpɔla kpɔ nusiwo va dzɔ la, ekafu Mawu gblɔ bena: Vavã amesia nye ame dzɔdzɔe. 48Eye ameha, siwo katã va ƒo ƒu ɖe nukpɔkpɔ sia ŋu la, esi wokpɔ nusiwo va dzo la, wogbugbɔ hele woƒe akɔtawo ƒom. 49Eye eƒe ame nyanyɛwo katã kple nyɔnu, siwo dze eyome tso Galilea la, le tsitre le adzoge ke hele nusiawo kpam ɖa.
Yesu ɖiɖi.
50Eye kpɔ ɖa, ŋutsua ɖe, si ŋkɔ enye Yosef, amesi nye adaŋudela kple ame nyui kple ame dzɔdzɔe, 51(amesia melɔ̃ woƒe adaŋudede kple woƒe nuwɔwɔ dzi o,) etso Arimatia, si nye Yudatɔwo ƒe dua ɖe la, eye wòle mawufiaɖuƒe la lalam; 52amesia yi Pilato gbɔ ɖabia Yesu ƒe kukua. 53Eye woɖee ɖe anyi, eye wòxatsa aklala ɖe eŋu, eye wòtsɔe mlɔ yɔdo, si woɖe ɖe kpe gbadza me la me, esi me amea ɖeke memlɔ kpɔ o. 54Eye wònye dzadzraɖoŋkeke, eye Sabat tu aƒe.
55Eye nyɔnu, siwo dze eyome tso Galilea va la, kpɔ yɔdo la ɖa, kple alesi wotsɔ eƒe kuku la mlɔ anyii. 56Eye wogbugbɔ yi ɖadzra atike ʋeʋẽe kple ami ɖo. Ke wodzudzɔ le Sabat dzi le se la nu.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bible in Éwé Revised Version © Bible Society of Ghana, 1913, 2006.