Лукара йибкьыд Шадды Хабар 16
16
«Секки нукарадаа йикисдиш кьӀвар иесси сакална хъыдгас»
1Джуды шагырташде ГьӀасара рухьура:
– Са варлы эдемияхда ай къулашды кьухьды. Ми эдемияа хабарбыр леркьара, къулашды кьухьние джуды мал дагул гьаъара хьур. 2Сес выъыр, ми эдемиере хулкара къулашды кьухьнийдаа: «Ми шыв унбыр йиъи зас ваклаа рыхӀыд? Кихьир кагъат, гьака зада, ва шууна, кабгъура айди, маа вада кьухьвалды за хъывысдиш». 3Гьа гедеэне тиние рухьура джу джуда: «Гамыъ за шыв гъаъасдий? Иессиере зы ередаа гьаъара а. Бер йыхӀыс задаа йичӀеддиш, кирхьас йикисдиш. 4Зас гьацӀара гьамыъ шыв гьаъасди! Хьели, миние зы гвалахаала ихъийихьвна, манние джус гвалах ваъас гыргаси». 5Сес ваъара миние са-сана джуды иессиед бырдж кидбыр. Сахьуснийдаа хулкара: «Шыв бырджли йиъи изды иессиес?» – 6«Веш дыкӀый хӀаредид», – рухьура тиние. «Ма хъума выды бырдж кид кагъат, – рухьура гьанийде къулашды кьухьние, – аа сукьур, кӀыбди кихъихь „ХьуцӀцӀур“» хьур. 7Тимбыйнийдаа хулкара: «Вы шудаъ бырджли йиъи?» – «Веш чивал кьирид» – рухьура тиние. «Ма хъума кагъат. Кихьяъ „МыйцӀыр“». 8Иессиере йирзере дагулчи кьухьды, тиние гьакьаллы гвалах выъыри хьур. Йиъинеки, ми дуьнйадид илсанар джвершик кидикадбишихьванды гвалахмыс лап гьакьаллыер дуруъура, йаӀкваӀд хынимешихъаъ ки.
9За ки ваӀде рухьура: ми чӀирид дуьнйадид шийибырмык хыдиймар даъас чалыш диш, хьеликана, вахӀде шийибыр мадишди, гьабише ваӀ эхиретдид хала адгъун бадаана.
10Гьалыы цӀамды кардаа умуд гъади,
гьанийыы балад кардаа ки умуд ваъас йикиси.
Гьал цӀамдаа мыхьчаӀбыр гьаъаарди
гъа кьухьдидаа ки умуд ваъас йикисды диш.
11Ваа дуьнйадид бына умуд ваъас джугъӀуд джигиди,
гьакьды бына ваа гьал умуд ваъаси?
12Ваа вырды кар умуд ваъас джугъӀуд джигиди,
гьал и вада выды высды?
13Секки нукарадаа йикисдиш кьӀвар иесси сакална хъыдгас: са гьанийс хъыгара йикиси, са – кӀваӀчӀе; сынийдаа гьанийыы умуд ваъас йикиси, тимбыйды гьание гьӀасаба ки гьаъасдиш.
ВаӀдаа ки садана кьӀунийс къуллух ваъас йикисдиш – Аллагъас ки, тангыдис ки!
Аллагьас йикӀе ад вацӀара
14Гьа сиенемыд ун руъура фарисейешис, тангабыр хъыгад, – гьабише ГьӀасаа яхъӀбыр гьаъара кадгъӀуре. 15Амма Миние рухьура гьабишде:
– ВаӀс илсанашды улихьде миъминер не мисгинер кал гьадгва даъас йигара ваӀ, амма Аллагьас выхьды йикӀе ад вацӀара. Илсанашды арыди кьимет гъадбыйды мевт виъи Йинчид улихьде.
16ЯхӀйе-пайгъампар руъумаа, ай са Къаанун на пайгъампарар. Гьадыыла хъуъ Аллагьад ПагьӀчаалыгъаклаа ихтилат гьаъара, сиенебише гьади дуруъус замгьӀат беъэре. 17Амма хӀал не чӀир тарг йишин минкир виъи, Къаанундик кид са гьӀарф сугасдиш.
18ГьӀар къариехьван кьатӀ хъишир, мадды хъараъадбыйды некягьӀахда хъаджацуд гьӀасаб йиъи. Сихъиргыдбыйды хъараъадние ки некягъӀ гьӀасаба джыъыдаа и.
Девлетли не Лазар
19Ай сада пагьӀчаагьара кал валыг лаъад девлетли. ГьӀуьмир ки гьанийды мысгад байрам кал виъий. 20Са ки ай са кирхьаган, джан йиъидухъунды ниъидухбыр кид, – дур ки гьанийды Лазар йиъий. Гьа девлетлиед дарвазамыда лукур ай, 21белки устӀулахьде тылыймашис хаабгъуд хьывад дилим джус ки сибхьуд хьур. Тылыймаше ки, руъура, минийды йыхӀынмыс миз вылцӀарай. 22Хьели ми кирхьаган йикьире, малаикмаше ки гыргара гьа дженнетди, сабгъура йыхды джигиди, Ибрайим-пайгъампарад бегеде. Ти девлетли ки йикьире. Килхьере гьа. 23Джегъеллемдаа, мыкьлад зулумаа, улабыр хӀале гакъыд, гьанийс хырыдаа Ибрайим-пайгъампар гьабгура, бегеде ки Лазар хана. 24Девлетлиере лал ваъара: «Гьай Дид, гьай Ибрайим-пайгъампар! Захда язухъ гьаъ, Лазар сигаъ, тӀилиед ухьун хьидик кыхӀыр, изды букӀамыхда хъӀывхӀыхь. Шууды гьӀазаб а зас ми цӀе!» 25Амма Ибрайим-пайгъампарара рухьура: «ЙикӀыы хъыгаъ, джан дух, вас дуьнйадыы ешемиш руъуди сиене йыхды агыр ай, Лазарыс – сиене писды. Гьамыъ гьанийис миди рагьӀат йишир а, вас – четин. 26Гьадыыла савайинди, ихьды арыди кьиямат мамзил а: гьалыс-га мидаа тиниъ йыкьас йигара йиширки, йикисдиш. Я гьадаа мидиъ яхда ки гьалдаана йыкьас йикисдиш». 27Девлетлиере маа рухьура: «Гьай Ибрайим-пайгъампар иди, Лазар изды дидды хала гьадаана сигаъ. 28Захда дуьнйадыы хьур шу мада. Лазара йыкьасды йыгъырмыд ихтилат гьыъыхь. Дишди гьабыр ки ми зулумбыр ад джигиди идхьуси». 29Ибрайим-пайгъампарара рухьура: «Гьабишихда Мыса-пайгъампар ки а, мадды пайгъампарар ки. Хъадацухь!»
30Гьание рухьура: «Ваъ, джан Ибрайим-пайгъампар, са йикьидаа, лухъузунийыы инаамиш дикиси гьабыр, хьели гьабише тууба гьаъаси». 31Амма Ибрайим-пайгъампарара рухьура: «Гьабыр Мысахда на мадды пайгъампарашихда хъадждабцуд джигиди, сыраа лухъузунийыы ки инаамиш дикисдиш».
Цяпер абрана:
Лукара йибкьыд Шадды Хабар 16: RUT
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Библие мадды чӀилмыы хъывгад Институтара, 2004
Лукара йибкьыд Шадды Хабар 16
16
«Секки нукарадаа йикисдиш кьӀвар иесси сакална хъыдгас»
1Джуды шагырташде ГьӀасара рухьура:
– Са варлы эдемияхда ай къулашды кьухьды. Ми эдемияа хабарбыр леркьара, къулашды кьухьние джуды мал дагул гьаъара хьур. 2Сес выъыр, ми эдемиере хулкара къулашды кьухьнийдаа: «Ми шыв унбыр йиъи зас ваклаа рыхӀыд? Кихьир кагъат, гьака зада, ва шууна, кабгъура айди, маа вада кьухьвалды за хъывысдиш». 3Гьа гедеэне тиние рухьура джу джуда: «Гамыъ за шыв гъаъасдий? Иессиере зы ередаа гьаъара а. Бер йыхӀыс задаа йичӀеддиш, кирхьас йикисдиш. 4Зас гьацӀара гьамыъ шыв гьаъасди! Хьели, миние зы гвалахаала ихъийихьвна, манние джус гвалах ваъас гыргаси». 5Сес ваъара миние са-сана джуды иессиед бырдж кидбыр. Сахьуснийдаа хулкара: «Шыв бырджли йиъи изды иессиес?» – 6«Веш дыкӀый хӀаредид», – рухьура тиние. «Ма хъума выды бырдж кид кагъат, – рухьура гьанийде къулашды кьухьние, – аа сукьур, кӀыбди кихъихь „ХьуцӀцӀур“» хьур. 7Тимбыйнийдаа хулкара: «Вы шудаъ бырджли йиъи?» – «Веш чивал кьирид» – рухьура тиние. «Ма хъума кагъат. Кихьяъ „МыйцӀыр“». 8Иессиере йирзере дагулчи кьухьды, тиние гьакьаллы гвалах выъыри хьур. Йиъинеки, ми дуьнйадид илсанар джвершик кидикадбишихьванды гвалахмыс лап гьакьаллыер дуруъура, йаӀкваӀд хынимешихъаъ ки.
9За ки ваӀде рухьура: ми чӀирид дуьнйадид шийибырмык хыдиймар даъас чалыш диш, хьеликана, вахӀде шийибыр мадишди, гьабише ваӀ эхиретдид хала адгъун бадаана.
10Гьалыы цӀамды кардаа умуд гъади,
гьанийыы балад кардаа ки умуд ваъас йикиси.
Гьал цӀамдаа мыхьчаӀбыр гьаъаарди
гъа кьухьдидаа ки умуд ваъас йикисды диш.
11Ваа дуьнйадид бына умуд ваъас джугъӀуд джигиди,
гьакьды бына ваа гьал умуд ваъаси?
12Ваа вырды кар умуд ваъас джугъӀуд джигиди,
гьал и вада выды высды?
13Секки нукарадаа йикисдиш кьӀвар иесси сакална хъыдгас: са гьанийс хъыгара йикиси, са – кӀваӀчӀе; сынийдаа гьанийыы умуд ваъас йикиси, тимбыйды гьание гьӀасаба ки гьаъасдиш.
ВаӀдаа ки садана кьӀунийс къуллух ваъас йикисдиш – Аллагъас ки, тангыдис ки!
Аллагьас йикӀе ад вацӀара
14Гьа сиенемыд ун руъура фарисейешис, тангабыр хъыгад, – гьабише ГьӀасаа яхъӀбыр гьаъара кадгъӀуре. 15Амма Миние рухьура гьабишде:
– ВаӀс илсанашды улихьде миъминер не мисгинер кал гьадгва даъас йигара ваӀ, амма Аллагьас выхьды йикӀе ад вацӀара. Илсанашды арыди кьимет гъадбыйды мевт виъи Йинчид улихьде.
16ЯхӀйе-пайгъампар руъумаа, ай са Къаанун на пайгъампарар. Гьадыыла хъуъ Аллагьад ПагьӀчаалыгъаклаа ихтилат гьаъара, сиенебише гьади дуруъус замгьӀат беъэре. 17Амма хӀал не чӀир тарг йишин минкир виъи, Къаанундик кид са гьӀарф сугасдиш.
18ГьӀар къариехьван кьатӀ хъишир, мадды хъараъадбыйды некягьӀахда хъаджацуд гьӀасаб йиъи. Сихъиргыдбыйды хъараъадние ки некягъӀ гьӀасаба джыъыдаа и.
Девлетли не Лазар
19Ай сада пагьӀчаагьара кал валыг лаъад девлетли. ГьӀуьмир ки гьанийды мысгад байрам кал виъий. 20Са ки ай са кирхьаган, джан йиъидухъунды ниъидухбыр кид, – дур ки гьанийды Лазар йиъий. Гьа девлетлиед дарвазамыда лукур ай, 21белки устӀулахьде тылыймашис хаабгъуд хьывад дилим джус ки сибхьуд хьур. Тылыймаше ки, руъура, минийды йыхӀынмыс миз вылцӀарай. 22Хьели ми кирхьаган йикьире, малаикмаше ки гыргара гьа дженнетди, сабгъура йыхды джигиди, Ибрайим-пайгъампарад бегеде. Ти девлетли ки йикьире. Килхьере гьа. 23Джегъеллемдаа, мыкьлад зулумаа, улабыр хӀале гакъыд, гьанийс хырыдаа Ибрайим-пайгъампар гьабгура, бегеде ки Лазар хана. 24Девлетлиере лал ваъара: «Гьай Дид, гьай Ибрайим-пайгъампар! Захда язухъ гьаъ, Лазар сигаъ, тӀилиед ухьун хьидик кыхӀыр, изды букӀамыхда хъӀывхӀыхь. Шууды гьӀазаб а зас ми цӀе!» 25Амма Ибрайим-пайгъампарара рухьура: «ЙикӀыы хъыгаъ, джан дух, вас дуьнйадыы ешемиш руъуди сиене йыхды агыр ай, Лазарыс – сиене писды. Гьамыъ гьанийис миди рагьӀат йишир а, вас – четин. 26Гьадыыла савайинди, ихьды арыди кьиямат мамзил а: гьалыс-га мидаа тиниъ йыкьас йигара йиширки, йикисдиш. Я гьадаа мидиъ яхда ки гьалдаана йыкьас йикисдиш». 27Девлетлиере маа рухьура: «Гьай Ибрайим-пайгъампар иди, Лазар изды дидды хала гьадаана сигаъ. 28Захда дуьнйадыы хьур шу мада. Лазара йыкьасды йыгъырмыд ихтилат гьыъыхь. Дишди гьабыр ки ми зулумбыр ад джигиди идхьуси». 29Ибрайим-пайгъампарара рухьура: «Гьабишихда Мыса-пайгъампар ки а, мадды пайгъампарар ки. Хъадацухь!»
30Гьание рухьура: «Ваъ, джан Ибрайим-пайгъампар, са йикьидаа, лухъузунийыы инаамиш дикиси гьабыр, хьели гьабише тууба гьаъаси». 31Амма Ибрайим-пайгъампарара рухьура: «Гьабыр Мысахда на мадды пайгъампарашихда хъадждабцуд джигиди, сыраа лухъузунийыы ки инаамиш дикисдиш».
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Библие мадды чӀилмыы хъывгад Институтара, 2004