Jo̩n 16
16
1O̩la e̩wñ kide̩ u ka ñwu me̩ todu ki we edʼame̩ hi. 2Ma ache ku me̩ kwef ujeju-ma tane̩, oñ auwa awa todu kʼe̩ne̩ du ki akpa me̩ ado̩ kʼe̩wñ ucholo oñ i adu ñw O̩jo̩, 3ma ache e̩wñ kide̩ todabu ku ma ma ma Ata n, ma la mʼomi n. 4U muda fʼo̩la e̩wñ kide̩ ka ñwu me̩ me̩, todu kʼe̩gba du kʼauwa le̩ lewa kʼame̩ ki dibekadʼo ka kʼomi ka ñwu me̩ me̩.
U la ka e̩wñ kide̩ ñwu me̩ kwʼabakwane̩ n, todabu kʼu dʼugbo me̩. 5Ama fa-i nanyʼugbo e̩ne̩ ki kpe̩ mi wa, e̩ne̩ du efu me̩ la tʼumi ene kakini, Ugbo uwe̩ anyi n? 6Ama todabu kʼu ko̩la e̩wñ kide̩ ñwu me̩ e̩do̩dudu che̩ko̩ efu me̩. 7Ama, ochochi oñ omi aka ñwu me̩-i, i chenʼile ñwu me̩ todu kʼomi kʼu kwʼemi alo; todu iche̩wñ kʼu ma kwʼemi alo n, i nʼugbo du kʼE̩nugbe̩do̩ le̩ awʼugbo me̩ n; i la che̩wñ kʼu le nakpʼowñ wʼugbo me̩. 8E̩ne̩ le̩ la lewa i adʼo̩la adure kpai o̩la o̩kpakpa kpai o̩la ajo̩ bi abo ile̩. 9O̩la adure chʼutodabu ku ma ma ke̩do̩nʼomi n; 10o̩la o̩kpakpa la chʼutodabu kʼu nanyʼugbo Ata ku me̩ ma ñʼali mi ge̩ n; 11oñ o̩la ajo̩ chʼutodabu ku ma fʼajo̩ agboji ile̩-i ka me̩.
12U chenʼe̩wñ wewe kʼu naka ñwu me̩ ta, me̩ muda neke nʼadu-wñ abajo̩-i n. 13Ama e̩gba du kʼe̩ne̩ kʼu ka le̩ lewa, owñ chʼAfu e-ochochi, i adʼume̩ mʼo̩na ochochi chaka; todu i agʼe̩do̩la-wñ ako̩la n, chai e̩wñ du kʼi agbo̩ oñ i aka; e̩wñ ki awa i ñʼadu ka ñwu me̩ ge̩. 14Omi oñ e̩ne̩ le̩ adʼojima ñw u, todabu kʼi agba kwef e-mi, kʼi aduka ñwu me̩. 15E̩wñ du kʼAta ne̩ e-mi i che; todule̩ u ka kʼi agba kwef e-mi tak i aduka ñwu me̩.
I che ma agbo
16I de̩ pe̩ me̩ ñʼali mi n; tak i ñʼada-bi de̩ pe̩ oñ eju-me̩ ado mi; todabu kʼomi anyʼugbo Ata. 17Todule̩ iche̩kibo̩ ef amako̩che̩-wñ ka ñw o̩la-ma kakini, E̩wñ chʼe-kʼi aka ñwu wa kakini, I de̩ pe̩ me̩ ñʼali mi n, tak i ñʼadabi de̩ pe̩ oñ eju-me̩ ado mi? kpʼe-kʼi kakini, Todabu kʼu nanyʼugbo Ata? 18Todule̩ ma kakini, E-i chʼe̩wñ? e-kʼi ka kʼi de̩ pe̩ le̩? A ma o̩la e̩wñ kʼi aka-i n. 19Jisus chema ka ki dʼuma e̩do̩ ku ma tʼowñ ene, tak i ka ñwu ma kakini, O̩la kide̩ oñ me̩ tʼo̩la-me̩ ene oji-wñ? Owñ chʼe-kʼu kakini, I de̩ pe̩ me̩ ñʼali mi n; tak i año̩ dabi de̩ pe̩ oñ eju-me̩ ado mi? 20Ami, ami, naka ñwu me̩ kʼame̩ araku, me̩ la akʼeli oye, abile̩ la ayo̩, me̩ la che̩do̩dudu, e̩do̩dudu-me̩ le̩ amud uyo̩. 21E̩gba du kʼonobule̩ achefu o̩ma, i anʼe̩do̩dudu, todabu kʼadiko-wñ lewa, ama e̩gba du kʼi fʼo̩ma bi tane̩ i ño̩ libe̩kadʼo̩bata-wñ ge̩ n, tod uyo̩, todabu ku ma fʼone̩ bi tef ile̩ me̩. 22Todule̩ ame̩ la chenʼe̩do̩dudu fa-i mana; u muda adabi ali me̩ ge̩, tak e̩do̩-me̩ ayo̩, e̩ne̩ du la adu uyo̩-me̩ kwugbo me̩ n. 23Tak ef o̩jo̩ kʼu naka-i me̩ ñʼatʼumi ene e̩wñ du n. Ami, ami, naka ñwu me̩, Me̩ bi Ata e̩wñʼka i adu ñwu me̩ ef odu-mi. 24Gbogbo wʼifa-i me̩ bi e̩wñ du ef odu-mi ta n, me̩ bi, me̩ la agba, todu kʼuyo̩-me̩ ki chʼe̩kefu.
25O̩la e̩wñ kide̩ u ka ñwu me̩ lef ita; adiko awa e̩gba kʼu ma ñʼako̩la lef ita ñwu me̩ ge̩ n, ama nadʼo̩la Ata ka ñwu me̩ ejugede e̩gbale̩. 26O̩jo̩ le̩ me̩ abi ef odu-mi; naka ñwu me̩ ka kʼomi arodubʼAta todu me̩ n. 27Todu Ata onugo ache̩do̩ me̩ me̩, todabu kʼame̩ che̩do̩ mi ku me̩ laño̩ ke̩do̩no kakini, Ugbo Ata omi kwodufu wa. 28U kwugbo Ata dufu wa, u la lewʼef ile̩ me̩; nadabi atʼile̩ no̩, naño̩ nyʼugbo Ata ge̩.
29Amako̩che̩-wñ ka ñw u kakini, Go, fa-i tak e̩ ko̩la ejugede, i chʼo̩la ita e̩ ka-i ge̩ n. 30Fa-i a ma kʼuwe̩ chema e̩wñ du, e̩ la nʼeku ki aku uwe̩ kʼone̩ atʼuwe̩ ene n: ef e-kide̩ oñ a ke̩do̩no ka kʼugbo O̩jo̩ e̩ kwodufu wa. 31Jisus dohi ñwu ma kakini, Me̩ ke̩do̩no fa-i? 32Me̩ go, auwa awa, i la lewa me̩; todu kʼame̩ akpatuka kʼe̩ne̩ne̩ne̩ne̩ ki tef e-wñ tak ume̩ atʼumi kate no̩; i la chʼomi kate n, todabu kʼAta dʼugbo mi. 33U ko̩la e̩wñ kide̩ ñwu me̩ todu kʼame̩ ki nʼure̩do̩ efu mi. Me̩ nʼo̩bata ef ile̩-i, ama me̩ fe̩do̩ ne̩, omi fʼile̩ du me̩.
Цяпер абрана:
Jo̩n 16: IGL70
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
O̩TAKADA O̩LA O̩JO̩ Bible in Igala © United Bible Societies, 1970.
Jo̩n 16
16
1O̩la e̩wñ kide̩ u ka ñwu me̩ todu ki we edʼame̩ hi. 2Ma ache ku me̩ kwef ujeju-ma tane̩, oñ auwa awa todu kʼe̩ne̩ du ki akpa me̩ ado̩ kʼe̩wñ ucholo oñ i adu ñw O̩jo̩, 3ma ache e̩wñ kide̩ todabu ku ma ma ma Ata n, ma la mʼomi n. 4U muda fʼo̩la e̩wñ kide̩ ka ñwu me̩ me̩, todu kʼe̩gba du kʼauwa le̩ lewa kʼame̩ ki dibekadʼo ka kʼomi ka ñwu me̩ me̩.
U la ka e̩wñ kide̩ ñwu me̩ kwʼabakwane̩ n, todabu kʼu dʼugbo me̩. 5Ama fa-i nanyʼugbo e̩ne̩ ki kpe̩ mi wa, e̩ne̩ du efu me̩ la tʼumi ene kakini, Ugbo uwe̩ anyi n? 6Ama todabu kʼu ko̩la e̩wñ kide̩ ñwu me̩ e̩do̩dudu che̩ko̩ efu me̩. 7Ama, ochochi oñ omi aka ñwu me̩-i, i chenʼile ñwu me̩ todu kʼomi kʼu kwʼemi alo; todu iche̩wñ kʼu ma kwʼemi alo n, i nʼugbo du kʼE̩nugbe̩do̩ le̩ awʼugbo me̩ n; i la che̩wñ kʼu le nakpʼowñ wʼugbo me̩. 8E̩ne̩ le̩ la lewa i adʼo̩la adure kpai o̩la o̩kpakpa kpai o̩la ajo̩ bi abo ile̩. 9O̩la adure chʼutodabu ku ma ma ke̩do̩nʼomi n; 10o̩la o̩kpakpa la chʼutodabu kʼu nanyʼugbo Ata ku me̩ ma ñʼali mi ge̩ n; 11oñ o̩la ajo̩ chʼutodabu ku ma fʼajo̩ agboji ile̩-i ka me̩.
12U chenʼe̩wñ wewe kʼu naka ñwu me̩ ta, me̩ muda neke nʼadu-wñ abajo̩-i n. 13Ama e̩gba du kʼe̩ne̩ kʼu ka le̩ lewa, owñ chʼAfu e-ochochi, i adʼume̩ mʼo̩na ochochi chaka; todu i agʼe̩do̩la-wñ ako̩la n, chai e̩wñ du kʼi agbo̩ oñ i aka; e̩wñ ki awa i ñʼadu ka ñwu me̩ ge̩. 14Omi oñ e̩ne̩ le̩ adʼojima ñw u, todabu kʼi agba kwef e-mi, kʼi aduka ñwu me̩. 15E̩wñ du kʼAta ne̩ e-mi i che; todule̩ u ka kʼi agba kwef e-mi tak i aduka ñwu me̩.
I che ma agbo
16I de̩ pe̩ me̩ ñʼali mi n; tak i ñʼada-bi de̩ pe̩ oñ eju-me̩ ado mi; todabu kʼomi anyʼugbo Ata. 17Todule̩ iche̩kibo̩ ef amako̩che̩-wñ ka ñw o̩la-ma kakini, E̩wñ chʼe-kʼi aka ñwu wa kakini, I de̩ pe̩ me̩ ñʼali mi n, tak i ñʼadabi de̩ pe̩ oñ eju-me̩ ado mi? kpʼe-kʼi kakini, Todabu kʼu nanyʼugbo Ata? 18Todule̩ ma kakini, E-i chʼe̩wñ? e-kʼi ka kʼi de̩ pe̩ le̩? A ma o̩la e̩wñ kʼi aka-i n. 19Jisus chema ka ki dʼuma e̩do̩ ku ma tʼowñ ene, tak i ka ñwu ma kakini, O̩la kide̩ oñ me̩ tʼo̩la-me̩ ene oji-wñ? Owñ chʼe-kʼu kakini, I de̩ pe̩ me̩ ñʼali mi n; tak i año̩ dabi de̩ pe̩ oñ eju-me̩ ado mi? 20Ami, ami, naka ñwu me̩ kʼame̩ araku, me̩ la akʼeli oye, abile̩ la ayo̩, me̩ la che̩do̩dudu, e̩do̩dudu-me̩ le̩ amud uyo̩. 21E̩gba du kʼonobule̩ achefu o̩ma, i anʼe̩do̩dudu, todabu kʼadiko-wñ lewa, ama e̩gba du kʼi fʼo̩ma bi tane̩ i ño̩ libe̩kadʼo̩bata-wñ ge̩ n, tod uyo̩, todabu ku ma fʼone̩ bi tef ile̩ me̩. 22Todule̩ ame̩ la chenʼe̩do̩dudu fa-i mana; u muda adabi ali me̩ ge̩, tak e̩do̩-me̩ ayo̩, e̩ne̩ du la adu uyo̩-me̩ kwugbo me̩ n. 23Tak ef o̩jo̩ kʼu naka-i me̩ ñʼatʼumi ene e̩wñ du n. Ami, ami, naka ñwu me̩, Me̩ bi Ata e̩wñʼka i adu ñwu me̩ ef odu-mi. 24Gbogbo wʼifa-i me̩ bi e̩wñ du ef odu-mi ta n, me̩ bi, me̩ la agba, todu kʼuyo̩-me̩ ki chʼe̩kefu.
25O̩la e̩wñ kide̩ u ka ñwu me̩ lef ita; adiko awa e̩gba kʼu ma ñʼako̩la lef ita ñwu me̩ ge̩ n, ama nadʼo̩la Ata ka ñwu me̩ ejugede e̩gbale̩. 26O̩jo̩ le̩ me̩ abi ef odu-mi; naka ñwu me̩ ka kʼomi arodubʼAta todu me̩ n. 27Todu Ata onugo ache̩do̩ me̩ me̩, todabu kʼame̩ che̩do̩ mi ku me̩ laño̩ ke̩do̩no kakini, Ugbo Ata omi kwodufu wa. 28U kwugbo Ata dufu wa, u la lewʼef ile̩ me̩; nadabi atʼile̩ no̩, naño̩ nyʼugbo Ata ge̩.
29Amako̩che̩-wñ ka ñw u kakini, Go, fa-i tak e̩ ko̩la ejugede, i chʼo̩la ita e̩ ka-i ge̩ n. 30Fa-i a ma kʼuwe̩ chema e̩wñ du, e̩ la nʼeku ki aku uwe̩ kʼone̩ atʼuwe̩ ene n: ef e-kide̩ oñ a ke̩do̩no ka kʼugbo O̩jo̩ e̩ kwodufu wa. 31Jisus dohi ñwu ma kakini, Me̩ ke̩do̩no fa-i? 32Me̩ go, auwa awa, i la lewa me̩; todu kʼame̩ akpatuka kʼe̩ne̩ne̩ne̩ne̩ ki tef e-wñ tak ume̩ atʼumi kate no̩; i la chʼomi kate n, todabu kʼAta dʼugbo mi. 33U ko̩la e̩wñ kide̩ ñwu me̩ todu kʼame̩ ki nʼure̩do̩ efu mi. Me̩ nʼo̩bata ef ile̩-i, ama me̩ fe̩do̩ ne̩, omi fʼile̩ du me̩.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
O̩TAKADA O̩LA O̩JO̩ Bible in Igala © United Bible Societies, 1970.