Matìo Kəsee

Kəsee

Làbəlà è Yɛso zəla Matìo fə̀ tɔm nàʼn wò làbəlà è dzùŋ zən enyəa Yɛso lǒ Bəghambī wəla Zə̀ kə fə to naŋa wo enyəa ù kè bughò bə̀ghasəa àghì am mbī. À fə̀ lo a zəŋò Yɛso Kə̀lestò Zə̀ kə fə̀ lueso tsughu to kəla kə fə̀ to naŋa â ghì a wə̄n gho am Mwàʼsò kə To kə̀ fughu ko. Làbəlà è dzùŋ zən ka yò ko â ghì a Dzùdîa ghò, an naʼ zəla ghe fə̀ dzə Yɛso a te, làbəlà e te lo sugho â ghì ghò a dzə̀m am mbī e dzə̀m.

Ghe tɔ̂ʼ bîaan sə̀ tsùghù wò nǔ Làbəlà è dzùŋ zəla Matìo fə̀ tɔm. E kàʼ nùghù tsùghù an Dzə e Yɛso, teso dzɛ̀ wò sùghò aŋghəa ghe fə̀ fughu wə̄n â mùghù ŋ Kə̀zə̀ mò a te, àsùghò aŋghəa Satàn fə̀ tsoōm kaāŋ wə̄n a te aŋ ŋgwə̄n. Zə̀a è dêe wô sugho aŋghəa Yɛso fə̀ zoʼn kaāŋ ghî ghò a te, baaŋ sùghò ghì à dzaŋa gho am mbùʼ è Galèlîi. Làbəlà è dzùŋ è te zə̀a è dèe wô sughò aŋghəa ghe fə̀ təghàa Yɛso a te alo kədàŋlo, ù mo è kpuw, àsùghò aŋghəa ù fə̀ kɔʼsə kɔʼ a te alo evʉ̄.

Làbəlà è dzùŋ zən dêe wò Yɛso tǒ wàdè ù sə̀ŋò, wəla ù ki daʼa kə te ko aleteso dzaā wo lâŋ kə Kəzə̀ kò â ghì ghò, asugho alezoʼn ghî ghò aŋ ghəa e fɔ̀e u Kəzə̀.

Tuw wə aghəa u Làbəlà è dzùŋ zən

Ghê tsele à tselè a Yɛso Kə̀lestò 1:1—2:23

Fwàʼ kə Dzɔ̌n fùghùu mùghù ŋ Kə̀zə̀ 3:1-12

Ghəa ghe fughu tsughu Yɛso â mùghù ŋ Kə̀zə̀ mò àsùghò aŋghəa Satàn fə̀ tsoōm wə̄n a te 3:13—4:11

Fwàʼ kə Yɛso an ndɛ aŋ Galèlîi 4:12—18:35

Alenùghù tsughu aŋ Galèlîi ndùw tɛ̀ ndùw an Yɛ̀lusalɛ̀m 19:1—20:34

Wən zəla ù fə̀ doʼò gûŋso tsughu a te an Yɛ̀lusalɛ̀m 21:1—27:66

Kɔʼɔsə e Mughu ù te alo evʉ̄ àsùghò aŋghəa ù bùghò dê ghue u wə̄n wo a te â ghì ghò 28:1-20

Цяпер абрана:

Matìo Kəsee: agq

Пазнака

Падзяліцца

Капіяваць

Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце

2020

Больш падрабязна Аб To kə Kəzə̀ kə̀ Fughu ko