Motíosi 11
11
1Aŋa Yésusu a mbaá dɔmbɔ́ go fáanana behúúní bɛ́hɛ́ bɔ́ɔ́dɔ́ na báandɛ́ témbuginye sɛ́ɛsɔ, gɛ́hɛ́ go fadɛgɛna hɔ́ɔlɔ́ go go ɛ́da a húunenye, o oya nogálɔ ná Asaŋa naá tɛ́sɔnɔ sábɔ́.
Ŋgúhune ya Sáŋa na kundíemú ya Yésusu
(Lók 7.18-35)
2Hɔ́ɔlɔ́, Sáŋa Begiyuminye, naá mɔ́ ncíbo ya gɛaŋɔ́, go ɔ́bɔ bó oya moóma mɔ́ɔmɔ Kilítusu a mbaá lɔmɔ́ a ŋanana. Gɛ́hɛ́ go mo dómɛna behúúní bɛ́hɛ́ go go mo úhune bá amɔ́: 3«O lɛ́ “mɔ́ɔnyɔ a háananamɔ́ go úle#11.3 Gokikilidie gúncoó gó lɔ́mɔ́: Mesíi mɔ́ɔnyɔ a sɛmɛgananamɔ́ go úle. ”, lí dɛ háanana go gɛ́gana untió o?» 4Yésusu go bó gundie a amɔ́: «Ɛ́dá no oyana Sáŋa bɔ́ɔbɔ no ɔ́bɔnɔmɔ́ no gunde no ɛ́nana: 5begélígeli bɛ́ ɛ́nanɛna, banɛ́mɔnɛmɔ bɛ́ ɛnda tɛ́nɛ́ɛ, bekúnúkunu bé éŋugene, bɔlɔ́kɔ́lɔkɔ bɔ́ ɔ́bɔnɔ, begúe bá fúfugene, gɔnɔ́ bá dúmenye Gɛnɔ́gɔ́ gá cɔ́mɔ naá basógasoga#11.5 O bana, go eninye na Iseyíi 35.5-6; 61.1.. 6Besé makɔ́nɔ́ na mɔ́ɔnyɔ ka ŋgaá ŋá cɛ bɛ́ɛ́mbá gɛlɔŋɔ go busío bɛ́hɛ́#11.6 Gokikilidie gúncoó gó lɔ́mɔ́: Besé makɔ́nɔ́ na mɔ́ɔnyɔ a ŋgaá a dɛ cecúgíe go ágana odɛ́má yɛ́hɛ́ naá yɔmɔ́ɔ..»
7Aŋa behúúní bá Sáŋa bá mbaá dómbá, Yésusu go ɛ́da go gálagala go busío bá Sáŋa, o oyanɛna bitúu bá batɔ a amɔ́: «No lɔ́mɔ́ ɛ́dáalú go go ɛ́da núune ɛkádɛ naá giolóo gá bodɛ́agadɛ́ o? Ɛgɔɔ́ nɛ́ɛnɛ ufufu yó diiŋenyemú lí? 8Kɔ́ɔ, no mbɛɛ́ ɛ́dá núune kanɛ́ ŋkádɛ o? Mɔtɔ mɔ́ɔnyɔ a mbaá lɛ bálɛŋá bálɛŋá lí? Kanɛ́ batɔ báaba bá lɔ́mɔ́ bálɛŋá bálɛŋá bá gɛ́gamɔ́ naá ndáŋɛ sá mefuŋe. 9No mbɛɛ́ ɛ́dá núune kanɛ́ ŋkádɛ o? Mbúsí ya Asaŋa lí? Ɛɛ́ɛŋ, ŋgaá nyó oyáná caá, a dómbana moánɛ mbúsí ya Asaŋa. 10Sáŋa a lɔ́mɔ́ mɔ́ɔnyɔ Ŋgɔ́ŋɛ́ sɛ́ oyamɔ́ go busío bɛ́hɛ́ sɛ́ amɔ́: “Ɛ́ná, ŋgaá dúényée mɔtɔ bamɛ ba bosɔ́mɔ naá busío gáhɔ; a ná gediegedie pɛ́ yahɔ naá busío báhɔ#11.10 O bana Melesíi 3.1..” 11Mammana, ŋgaá nyó oyáná caá: naá batɔ biimée báaba bakɔ́dɔ bá bíenemú, ummue ba go bɛ́ɛmba gɛantáa hɔ́ɔ a dómba Sáŋa Begiyuminye a dɛ báá. Asáa gɔgɔ́, mɔ́ɔnyɔ a lɔ́mɔ́ hɛandɛ́dɛ́dá naá Bufuŋe bá Asaŋa a lɛ́ gɛantáa a mo dómbana. 12Gó bayɛga gɛcamɛna gɛ́ɛgɛ Sáŋa Begiyuminye a mbaá lɔmɔ́ o oya nogálɔ ná Asaŋa, gó nco húme ínoni, Bufuŋe bá mmoɛná bó lɛ́ na goyuŋgule#11.12 Bufuŋe bá mmoɛná bó lɛ́ na goyuŋgule: gokikilidie gúncoó gó lɔ́mɔ́: Bufuŋe bá mmoɛná bó báfóaga naá nɛnoa.; bɛkándáa bá batɔ bɛ́ɛ bɛ́ fúmbemú go bó bɔgɔ. 13Mammana, mbúsí sá Asaŋa iŋkimée, olɔŋɔ na kálata ya gicele gá Mɔ́sɛsɛ, sɛ́ mba dóógónyóo nogálɔ ná Asaŋa gó nco húme naá gɛcamɛna gá Sáŋa. 14Aáŋa no maamana go ŋgoliminyo, mɔ́ɔ a lɔ́mɔ́ Elíi mɔ́ɔnyɔ goncogunde gɛ́hɛ́ gó mbaá bɛ́ɛ́mbá dóógíolú. 15Mɔ́ɔnyɔ a lɔ́mɔ́ na edúu, ŋgáa ɔ ɔ́bɔ! 16Ndɔ́mɔ́ ba go eninye ogɛlɛ yɔ́ɔyɔ na ánɛ́ɛ o? Yó fóanana aŋa baábayɔ́ báaba bá lɔ́mɔ́ ndukíi naá hoóma há batɔ go bábánda, bá dɔ́ŋɔnɔ basɔ́gɔ́ɔ bá amɔ́:
17“Dɛ mba nyó ómbánáa osagɔ yá gibíné na ncolí no bíí inyé go bíne.
Dɛ báá dóndídío osagɔ yá nigúe, no báá lɔbɔ́ kanɛ go bádála ɛmbɔ́gɔ go odóɛ.”
18«Mammana, Sáŋa a mbu úlé, a dɛ mbáa lɛ a nyáanya, ɛ́na lí a nyóanana, bá amɔ́: a lɛ́ na gɛgáda gá giliíli. 19Moɔnɔ́ ba mɔtɔ u ú úlé, a nyáanya, a nyóanana, bá amɔ́: “Ɛ́ná, mɔtɔ mɔ́ɔnyɔ a lɛ́ unyéényí na gɛnyóa, ugúle ba bogólí tásɛ na bologílógí!” Kanɛ́ Nciŋí ya Asaŋa ɛ mba bóloodío tɛ́nɛ́ɛ go moóma má yɛ́ mɔ́ɔmɔ ɛ mbaá lɛ ɛ ŋanana.»
Mahana makɔ́nɔ́ na tɛ́sɔnɔ sɛ́ɛsɛ
(Mot 10.15; Lók 10.12-15)
20Gɔ́ɔ Yésusu ɛ ɛ́damɔ́ go gálagala tɛ́sɔnɔ sɛ́ɛsɛ a mbaá ŋanánáa gɛca gá bɛsɛɔ hɔ́ɔ na mpímí, goakɛ́ batɔ bá tɛ́sɔnɔ moánɛ bá dɛ mbá núgie gɛɔyɔ. A amɔ́: 21«Mahana makɔ́nɔ́ na bɛɛnyɔ́ɔ batɔ bá Kolasɛ́ŋɛ, mahana makɔ́nɔ́ na bɛɛnyɔ́ɔ batɔ bá Bɛcayɛ́da! Mammana, aáŋa muune máama má á ná báŋanánáa naá bɛɛnyɔ́ɔ má mba báŋanánáa naá Tíile na naá Sídono, gásɛ́ fueké, batɔ bá tɛ́sɔnɔ sɛ́ɛsɔ bá mba báágánáa ŋkudu go nigúe, bá fúebe madɔ́ɔ, bá núgie mbɔ́dɔ yabɔ́ ya goɔyɔ#11.21 Kolasɛ́ŋɛ na Bɛcayɛ́da: bó lɛ́ bigísi bá bɛdɔŋɔ mebégu na Kapɛlɛnahɔ́mɛ. - Tíile na naá Sídono O bana go eninye na Iseyíi 23.1-18; Esekíele 26; Soɛ́lɛ 4.4-8; Ámoso 1.9-10.. 22Ɛɛ́ɛŋ, ŋgaá nyó oyáná caá: naá buisí bá Asaŋa go sómba bɛsɛnɛ, noséésényée ná tɛ́sɔnɔ yɛ́ɛyɛ nó ŋga dómbá ná Tíile na ná Sídono.
23Kanɛ́ maamɔ́ɔ Kapɛlɛnahɔ́mɛ,
o ŋga bɛ́ɛ́mbá búlúgíelú go ɛ́da bola naá mmoɛná lí?
Akɛ́ɛ, bá ŋga go gosío go ɛ́da súge naá begúe!
Aáŋa muune máama má lɔ́mɔ́ báŋaáalú naá maamɔ́ɔ, má mba báŋaáa nɔ́ɔnɔ naá Sɔdɔ́mɔ, gásɛ́ Sɔdɔ́mɔ a gɔ́ ɔyɔ na biínoni yɛ́ɛyɛ kɛ́#11.23 O ŋga bɛ́ɛ́mbá búlúgíelú… naá begúeO bana Iseyíi 14.13-5.. 24Gó moánɛ nnyó oyanamɔ́ caá: naá buisí bá Asaŋa go sómba bɛsɛnɛ, noséésényée náhɔ no ŋga dómbá ná Sɔdɔ́mɔ.»
Baaba na Moɔnɔ́
(Lók 10.21-22)
25Naá gɛcamɛna moánɛ, Yésusu go gɔ́lɔ dogálɔ a amɔ́: «Ko búlugenye Baaba, Daadáa ba mmoɛná na cí; goŋaá o mba dúfíe moáyayɔ́ŋgáyayɔ moóma mɔ́ɔmɔ o mbɔɔ́ ɔsɛ́gɛ́nɔ́ benciŋínciŋi na bapɛgɔpɛ́gɔ́ɔ#11.25 O bana go eninye na 1 Kɔl 17.29.. 26Ɛɛ́ɛŋ Baaba, bó lɔ́mɔ́ báŋaáalú nɔ́ɔnɔ go ndɛ́ga yahɔ. 27Baaba a mba ncoóo boóma buimée. Mɔtɔ a dɛ bósó ba go íyime Moɔnɔ́ aáŋa caá Isée, tɔ́nɔ, mɔtɔ a dɛ bósó ba go íyime Isée aáŋa caá Moɔnɔ́, gɔnɔ́ na batɔ báaba Moɔnɔ́ a lɛ́galɛgamɔ́ go bó mo dúfie.»
Úlénée nɔnɔ naá yɔmɔ́ɔ
28«Úlénée nɔnɔ naá yɔmɔ́ɔ, bɛɛnyɔ́ɔ báaba no lɔ́mɔ́ na gɛdɔmbɔ na bɛantá bá bɛnóɛ́, kaá nyó fáá gofuuge. 29Gɔ́lɔ́ nɔnɔ gidúne gámɛ, no gumbene yɔmɔ́ témbuginye, goakɛ́ ndɛ́ gɛpɔ́ɔ́, na odɛ́má yá go bésiisie, nɔ́ɔ gɔ́ɔ no gaá ná bɛáa gofuuge gá ɛdɛ́má yɛnyɔ́#11.29 O bana, go eninye na Selemíi 6.16.. 30Gidúne gámɛ gɛ́ lɛ́ fɛaŋɔ go bádóɛgɛna, gɛnóɛ́ gámɛ fágɔfágɔ.»
Цяпер абрана:
Motíosi 11: YAS
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Motíosi 11
11
1Aŋa Yésusu a mbaá dɔmbɔ́ go fáanana behúúní bɛ́hɛ́ bɔ́ɔ́dɔ́ na báandɛ́ témbuginye sɛ́ɛsɔ, gɛ́hɛ́ go fadɛgɛna hɔ́ɔlɔ́ go go ɛ́da a húunenye, o oya nogálɔ ná Asaŋa naá tɛ́sɔnɔ sábɔ́.
Ŋgúhune ya Sáŋa na kundíemú ya Yésusu
(Lók 7.18-35)
2Hɔ́ɔlɔ́, Sáŋa Begiyuminye, naá mɔ́ ncíbo ya gɛaŋɔ́, go ɔ́bɔ bó oya moóma mɔ́ɔmɔ Kilítusu a mbaá lɔmɔ́ a ŋanana. Gɛ́hɛ́ go mo dómɛna behúúní bɛ́hɛ́ go go mo úhune bá amɔ́: 3«O lɛ́ “mɔ́ɔnyɔ a háananamɔ́ go úle#11.3 Gokikilidie gúncoó gó lɔ́mɔ́: Mesíi mɔ́ɔnyɔ a sɛmɛgananamɔ́ go úle. ”, lí dɛ háanana go gɛ́gana untió o?» 4Yésusu go bó gundie a amɔ́: «Ɛ́dá no oyana Sáŋa bɔ́ɔbɔ no ɔ́bɔnɔmɔ́ no gunde no ɛ́nana: 5begélígeli bɛ́ ɛ́nanɛna, banɛ́mɔnɛmɔ bɛ́ ɛnda tɛ́nɛ́ɛ, bekúnúkunu bé éŋugene, bɔlɔ́kɔ́lɔkɔ bɔ́ ɔ́bɔnɔ, begúe bá fúfugene, gɔnɔ́ bá dúmenye Gɛnɔ́gɔ́ gá cɔ́mɔ naá basógasoga#11.5 O bana, go eninye na Iseyíi 35.5-6; 61.1.. 6Besé makɔ́nɔ́ na mɔ́ɔnyɔ ka ŋgaá ŋá cɛ bɛ́ɛ́mbá gɛlɔŋɔ go busío bɛ́hɛ́#11.6 Gokikilidie gúncoó gó lɔ́mɔ́: Besé makɔ́nɔ́ na mɔ́ɔnyɔ a ŋgaá a dɛ cecúgíe go ágana odɛ́má yɛ́hɛ́ naá yɔmɔ́ɔ..»
7Aŋa behúúní bá Sáŋa bá mbaá dómbá, Yésusu go ɛ́da go gálagala go busío bá Sáŋa, o oyanɛna bitúu bá batɔ a amɔ́: «No lɔ́mɔ́ ɛ́dáalú go go ɛ́da núune ɛkádɛ naá giolóo gá bodɛ́agadɛ́ o? Ɛgɔɔ́ nɛ́ɛnɛ ufufu yó diiŋenyemú lí? 8Kɔ́ɔ, no mbɛɛ́ ɛ́dá núune kanɛ́ ŋkádɛ o? Mɔtɔ mɔ́ɔnyɔ a mbaá lɛ bálɛŋá bálɛŋá lí? Kanɛ́ batɔ báaba bá lɔ́mɔ́ bálɛŋá bálɛŋá bá gɛ́gamɔ́ naá ndáŋɛ sá mefuŋe. 9No mbɛɛ́ ɛ́dá núune kanɛ́ ŋkádɛ o? Mbúsí ya Asaŋa lí? Ɛɛ́ɛŋ, ŋgaá nyó oyáná caá, a dómbana moánɛ mbúsí ya Asaŋa. 10Sáŋa a lɔ́mɔ́ mɔ́ɔnyɔ Ŋgɔ́ŋɛ́ sɛ́ oyamɔ́ go busío bɛ́hɛ́ sɛ́ amɔ́: “Ɛ́ná, ŋgaá dúényée mɔtɔ bamɛ ba bosɔ́mɔ naá busío gáhɔ; a ná gediegedie pɛ́ yahɔ naá busío báhɔ#11.10 O bana Melesíi 3.1..” 11Mammana, ŋgaá nyó oyáná caá: naá batɔ biimée báaba bakɔ́dɔ bá bíenemú, ummue ba go bɛ́ɛmba gɛantáa hɔ́ɔ a dómba Sáŋa Begiyuminye a dɛ báá. Asáa gɔgɔ́, mɔ́ɔnyɔ a lɔ́mɔ́ hɛandɛ́dɛ́dá naá Bufuŋe bá Asaŋa a lɛ́ gɛantáa a mo dómbana. 12Gó bayɛga gɛcamɛna gɛ́ɛgɛ Sáŋa Begiyuminye a mbaá lɔmɔ́ o oya nogálɔ ná Asaŋa, gó nco húme ínoni, Bufuŋe bá mmoɛná bó lɛ́ na goyuŋgule#11.12 Bufuŋe bá mmoɛná bó lɛ́ na goyuŋgule: gokikilidie gúncoó gó lɔ́mɔ́: Bufuŋe bá mmoɛná bó báfóaga naá nɛnoa.; bɛkándáa bá batɔ bɛ́ɛ bɛ́ fúmbemú go bó bɔgɔ. 13Mammana, mbúsí sá Asaŋa iŋkimée, olɔŋɔ na kálata ya gicele gá Mɔ́sɛsɛ, sɛ́ mba dóógónyóo nogálɔ ná Asaŋa gó nco húme naá gɛcamɛna gá Sáŋa. 14Aáŋa no maamana go ŋgoliminyo, mɔ́ɔ a lɔ́mɔ́ Elíi mɔ́ɔnyɔ goncogunde gɛ́hɛ́ gó mbaá bɛ́ɛ́mbá dóógíolú. 15Mɔ́ɔnyɔ a lɔ́mɔ́ na edúu, ŋgáa ɔ ɔ́bɔ! 16Ndɔ́mɔ́ ba go eninye ogɛlɛ yɔ́ɔyɔ na ánɛ́ɛ o? Yó fóanana aŋa baábayɔ́ báaba bá lɔ́mɔ́ ndukíi naá hoóma há batɔ go bábánda, bá dɔ́ŋɔnɔ basɔ́gɔ́ɔ bá amɔ́:
17“Dɛ mba nyó ómbánáa osagɔ yá gibíné na ncolí no bíí inyé go bíne.
Dɛ báá dóndídío osagɔ yá nigúe, no báá lɔbɔ́ kanɛ go bádála ɛmbɔ́gɔ go odóɛ.”
18«Mammana, Sáŋa a mbu úlé, a dɛ mbáa lɛ a nyáanya, ɛ́na lí a nyóanana, bá amɔ́: a lɛ́ na gɛgáda gá giliíli. 19Moɔnɔ́ ba mɔtɔ u ú úlé, a nyáanya, a nyóanana, bá amɔ́: “Ɛ́ná, mɔtɔ mɔ́ɔnyɔ a lɛ́ unyéényí na gɛnyóa, ugúle ba bogólí tásɛ na bologílógí!” Kanɛ́ Nciŋí ya Asaŋa ɛ mba bóloodío tɛ́nɛ́ɛ go moóma má yɛ́ mɔ́ɔmɔ ɛ mbaá lɛ ɛ ŋanana.»
Mahana makɔ́nɔ́ na tɛ́sɔnɔ sɛ́ɛsɛ
(Mot 10.15; Lók 10.12-15)
20Gɔ́ɔ Yésusu ɛ ɛ́damɔ́ go gálagala tɛ́sɔnɔ sɛ́ɛsɛ a mbaá ŋanánáa gɛca gá bɛsɛɔ hɔ́ɔ na mpímí, goakɛ́ batɔ bá tɛ́sɔnɔ moánɛ bá dɛ mbá núgie gɛɔyɔ. A amɔ́: 21«Mahana makɔ́nɔ́ na bɛɛnyɔ́ɔ batɔ bá Kolasɛ́ŋɛ, mahana makɔ́nɔ́ na bɛɛnyɔ́ɔ batɔ bá Bɛcayɛ́da! Mammana, aáŋa muune máama má á ná báŋanánáa naá bɛɛnyɔ́ɔ má mba báŋanánáa naá Tíile na naá Sídono, gásɛ́ fueké, batɔ bá tɛ́sɔnɔ sɛ́ɛsɔ bá mba báágánáa ŋkudu go nigúe, bá fúebe madɔ́ɔ, bá núgie mbɔ́dɔ yabɔ́ ya goɔyɔ#11.21 Kolasɛ́ŋɛ na Bɛcayɛ́da: bó lɛ́ bigísi bá bɛdɔŋɔ mebégu na Kapɛlɛnahɔ́mɛ. - Tíile na naá Sídono O bana go eninye na Iseyíi 23.1-18; Esekíele 26; Soɛ́lɛ 4.4-8; Ámoso 1.9-10.. 22Ɛɛ́ɛŋ, ŋgaá nyó oyáná caá: naá buisí bá Asaŋa go sómba bɛsɛnɛ, noséésényée ná tɛ́sɔnɔ yɛ́ɛyɛ nó ŋga dómbá ná Tíile na ná Sídono.
23Kanɛ́ maamɔ́ɔ Kapɛlɛnahɔ́mɛ,
o ŋga bɛ́ɛ́mbá búlúgíelú go ɛ́da bola naá mmoɛná lí?
Akɛ́ɛ, bá ŋga go gosío go ɛ́da súge naá begúe!
Aáŋa muune máama má lɔ́mɔ́ báŋaáalú naá maamɔ́ɔ, má mba báŋaáa nɔ́ɔnɔ naá Sɔdɔ́mɔ, gásɛ́ Sɔdɔ́mɔ a gɔ́ ɔyɔ na biínoni yɛ́ɛyɛ kɛ́#11.23 O ŋga bɛ́ɛ́mbá búlúgíelú… naá begúeO bana Iseyíi 14.13-5.. 24Gó moánɛ nnyó oyanamɔ́ caá: naá buisí bá Asaŋa go sómba bɛsɛnɛ, noséésényée náhɔ no ŋga dómbá ná Sɔdɔ́mɔ.»
Baaba na Moɔnɔ́
(Lók 10.21-22)
25Naá gɛcamɛna moánɛ, Yésusu go gɔ́lɔ dogálɔ a amɔ́: «Ko búlugenye Baaba, Daadáa ba mmoɛná na cí; goŋaá o mba dúfíe moáyayɔ́ŋgáyayɔ moóma mɔ́ɔmɔ o mbɔɔ́ ɔsɛ́gɛ́nɔ́ benciŋínciŋi na bapɛgɔpɛ́gɔ́ɔ#11.25 O bana go eninye na 1 Kɔl 17.29.. 26Ɛɛ́ɛŋ Baaba, bó lɔ́mɔ́ báŋaáalú nɔ́ɔnɔ go ndɛ́ga yahɔ. 27Baaba a mba ncoóo boóma buimée. Mɔtɔ a dɛ bósó ba go íyime Moɔnɔ́ aáŋa caá Isée, tɔ́nɔ, mɔtɔ a dɛ bósó ba go íyime Isée aáŋa caá Moɔnɔ́, gɔnɔ́ na batɔ báaba Moɔnɔ́ a lɛ́galɛgamɔ́ go bó mo dúfie.»
Úlénée nɔnɔ naá yɔmɔ́ɔ
28«Úlénée nɔnɔ naá yɔmɔ́ɔ, bɛɛnyɔ́ɔ báaba no lɔ́mɔ́ na gɛdɔmbɔ na bɛantá bá bɛnóɛ́, kaá nyó fáá gofuuge. 29Gɔ́lɔ́ nɔnɔ gidúne gámɛ, no gumbene yɔmɔ́ témbuginye, goakɛ́ ndɛ́ gɛpɔ́ɔ́, na odɛ́má yá go bésiisie, nɔ́ɔ gɔ́ɔ no gaá ná bɛáa gofuuge gá ɛdɛ́má yɛnyɔ́#11.29 O bana, go eninye na Selemíi 6.16.. 30Gidúne gámɛ gɛ́ lɛ́ fɛaŋɔ go bádóɛgɛna, gɛnóɛ́ gámɛ fágɔfágɔ.»
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце