KA BUKE MUA A MOSE, I KAPA ʻIA KINOHI 31
31
MOKUNA XXXI.
1 Haʻalele ʻo Iakoba mā iā Labana. 19 ʻAihue ʻo Rāhela i nā kiʻi o Labana. 22 Hahai ʻo Labana iā Iakoba, 33 a me kona ʻimi ʻana i nā kiʻi. 44 Kā lāua berita ma Gileada.
1¶ Lohe akula ʻo Iakoba i nā ʻōlelo a nā keiki kāne a Labana, i ka ʻī ʻana aʻe, “Ua lawe akula ʻo Iakoba i nā mea a pau a ko kākou makua kāne, a ua loaʻa iā ia kēia waiwai a pau no nā mea a ko kākou makua kāne.”
2Nānā akula ʻo Iakoba i ka maka o Labana, ʻaʻole ia i maliu mai iā ia e like ma mua.
3ʻŌlelo maila hoʻi ʻo Iēhova iā Iakoba, “E hoʻi hou aku ʻoe i ka ʻāina o kou poʻe mākua, a i nā hoahānau ou; a ʻo wau kekahi pū me ʻoe.”
4Hoʻouna akula ʻo Iakoba e kāhea iā Rāhela lāua ʻo Lea e hele mai ma ke kula i kona poʻe holoholona.
5ʻĪ akula ʻo ia iā lāua, “Ua ʻike nō wau i ka maka o ko ʻolua makua kāne, ʻaʻole ia i maliu mai iaʻu e like ma mua; akā, me aʻu nō ke Akua o koʻu makua kāne.
6“Ua ʻike hoʻi ʻolua i koʻu mālama ʻana i ko ʻolua makua kāne me koʻu ikaika a pau.
7“A ua hoʻopunipuni mai ko ʻolua makua kāne iaʻu, a he ʻumi kāna hoʻololi ʻana i kaʻu uku; akā, ʻaʻole ke Akua i ʻae mai e hoʻopōʻino mai ia iaʻu.
8“Inā i ʻōlelo mai kēlā penei, ‘ʻO nā mea kikokiko kāu uku,’ a laila hānau maila nā holoholona i nā mea kikokiko.” A i ʻōlelo mai ia penei, ‘ʻO nā mea ʻōniʻoniʻo kāu uku,’ a laila hānau maila nā holoholona a pau i nā mea ʻōniʻoniʻo.
9“Pēlā ke Akua i lawe ai i nā holoholona a ko ʻolua makua kāne, a ua hāʻawi mai iaʻu.
10“A i ka manawa a ka poʻe holoholona i kō ai, nānā akula koʻu mau maka ma ka moeʻuhane, ʻike akula, aia hoʻi, ʻo nā kao kāne i lele aku ma luna o nā kao wahine ua ʻōniʻoniʻo, a ua kikokiko, a me ke kīkohukohu.
11“ʻŌlelo maila ka ʻānela o ke Akua iaʻu ma ka moeʻuhane, ‘E Iakoba,’ ʻī akula au, ‘Eia wau.’
12“ʻĪ maila kēlā, ‘E nānā aku ʻoe e ʻike, ʻo nā kao kāne e lele ana ma luna o nā kao wahine, ua ʻōniʻoniʻo, ua kikokiko, a me ke kīkohukohu; no ka mea, ua ʻike nō wau i ka mea a pau a Labana i hana mai ai iā ʻoe.
13‘ʻO wau nō ke Akua no Betela, kahi āu i poni ai i ka pōhaku kūkulu, kahi hoʻi āu i hoʻohiki ai i ka hoʻohiki iaʻu; ʻano hoʻi, e kū aʻe ʻoe, e haʻalele aku i kēia ʻāina, a e hoʻi hou aku i ka ʻāina o kou poʻe hoahānau.’”
14ʻŌlelo maila ʻo Rāhela lāua ʻo Lea, ʻī maila iā ia, “ʻAuhea kekahi kuleana, a ʻo kekahi waiwai hoʻoili no māua ma ka hale o ko māua makua kāne?
15“ʻAʻole anei i manaʻo ʻia māua e ia, he mau mea ʻē? No ka mea, ua lilo māua i ke kūʻai ʻia e ia, a ua pau loa hoʻi ko māua kālā iā ia.
16“No laila, ʻo ka waiwai a pau a ke Akua i lawe aʻe mai ko māua makua kāne mai, no kākou ia a no nā keiki a kākou; ʻānō hoʻi, e hana aku ʻoe i ka mea a ke Akua i ʻōlelo mai ai iā ʻoe.”
17¶ A laila, kū aʻela ʻo Iakoba, hoʻēʻe akula i kāna mau keiki a me kāna mau wāhine ma luna o nā kāmelo.
18A lawe akula ia i kāna poʻe holoholona a pau, a me kona waiwai a pau i loaʻa iā ia, ʻo nā holoholona āna, i loaʻa iā ia ma Padana ʻArama, e hele aku ai i o ʻIsaʻaka lā i kona makua kāne, ma ka ʻāina ʻo Kanaʻana.
19Ua hala akula ʻo Labana e ʻako i kāna poʻe hipa; a ʻaihue ihola ʻo Rāhela i nā kiʻi o kona makua kāne.
20Puni akula ka naʻau o Labana ka Suria, iā Iakoba, i ka haʻi ʻole aku iā ia i kona mahuka ʻana.
21Pēlā ʻo ia i mahuka ai me kāna mau mea a pau; kū aʻela ia, hele maila ma kēia ʻaoʻao o ka muliwai, a hele pololei maila i ka mauna ʻo Gileada.
22¶ I ke kolu o ka lā, ʻōlelo akula kekahi iā Labana, “Ua mahuka aku ʻo Iakoba.”
23Kono akula ia i kona poʻe hoahānau e hele pū me ia, alualu mai ma hope ona i nā lā hele ʻehiku, a hiki maila i o Iakoba lā ma ka mauna ʻo Gileada.
24Hele maila ke Akua i o Labana lā ka Suria ma ka moeʻuhane i ka pō, ʻī maila iā ia, “E ao iā ʻoe iho, mai ʻōlelo aku ʻoe iā Iakoba i ka mea aloha, ʻaʻole hoʻi ka mea hōʻino.”
25A laila loaʻa maila ʻo Iakoba iā Labana. Ua kūkulu ʻo Iakoba i kona halelewa ma ua mauna lā; kūkulu hoʻi ʻo Labana me kona poʻe hoahānau ma ka mauna ʻo Gileada.
26ʻŌlelo maila ʻo Labana iā Iakoba, “He aha kāu i hana ai i hoʻopunipuni mai ai ʻoe iaʻu, a i lawe aku ai hoʻi i kaʻu mau kaikamāhine, e like me nā pio o ke kaua?
27“No ke aha lā ʻoe i holo malū mai ai, me ka puni mai iaʻu, ʻaʻole hoʻi i haʻi mai iaʻu, i hoʻihoʻi aku ai au iā ʻoe me ka ʻoliʻoli a me nā mele, me nā pahu kani a me nā lira?
28“ʻAʻole hoʻi i ʻae mai ʻoe iaʻu e honi i kaʻu mau moʻopuna a me nā kaikamāhine aʻu? He lapuwale ka hana ʻana āu i hana ai.
29“E hiki nō i kuʻu lima ke hana aku iā ʻoe i ke ʻino; akā, ʻo ke Akua o kou makua kāne i ʻōlelo mai iaʻu i ka pō nei, i ka ʻī ʻana, ‘E ao ʻoe, mai ʻōlelo aku ʻoe iā Iakoba i ka mea aloha, ʻaʻole hoʻi ka mea hōʻino.’
30“ʻĀnō hoʻi, i ka hele ʻana ua hala akula ʻoe, no kou ʻiʻini nui ʻana i ka hale o kou makua kāne; no ke aha hoʻi ʻoe i ʻaihue ai i koʻu mau akua?”
31ʻŌlelo akula ʻo Iakoba iā Labana, ʻī akula, “No ka mea, ua makaʻu wau; ʻī ihola au, ‘E kāʻili aku paha ʻoe i kāu mau kaikamāhine mai oʻu aku nei.’
32“A ʻo ka mea e loaʻa iā ʻoe, iā ia kou mau akua, ʻaʻole ia e ola; i mua o ko kāua mau hoahānau e nānā ʻoe i kāu ma ʻaneʻi me aʻu, a e lawe aku ʻoe i ou lā.” No ka mea, ʻaʻole i ʻike ʻo Iakoba, na Rāhela i ʻaihue ia mau mea.
33¶ Komo akula ʻo Labana i loko o ka halelewa o Iakoba, a i loko o ka halelewa o Lea, i loko hoʻi o nā halelewa o nā kauā wahine ʻelua, ʻaʻole i loaʻa. A laila, hele akula ia i waho o ka halelewa o Lea, a komo akula i loko o ka halelewa o Rāhela.
34Ua lawe aku nō ʻo Rāhela i ua mau kiʻi lā, a waiho pū ihola me nā noho kāmelo, a noho ihola ma luna. Huli ihola ʻo Labana i ka halelewa a pau, ʻaʻole naʻe i loaʻa.
35ʻĪ akula ʻo Rāhela i kona makua kāne, “Mai huhū mai koʻu haku i kuʻu hiki ʻole ke kū aʻe i luna; no ka mea, he maʻi wahine koʻu.” ʻImi ihola ʻo ia, ʻaʻole naʻe i loaʻa iā ia nā kiʻi.
36Ukiuki ihola ʻo Iakoba, a aʻo akula iā Labana; ʻōlelo akula ʻo Iakoba, ʻī akula iā Labana, “He aha koʻu hala? He aha hoʻi koʻu hewa, i alualu wela mai ai ʻoe iaʻu?
37“A ua huli iho ʻoe i kaʻu ukana a pau, a he aha kāu i loaʻa ai ʻo nā mea a pau o kou hale? E kau mai i ʻaneʻi i mua o koʻu mau hoahānau a me kou mau hoahānau, i hoʻoponopono mai ai lākou i waena o kāua.
38“He iwakālua nā makahiki aʻu i noho ai me ʻoe; ʻo kāu poʻe hipa wahine a me kāu poʻe kao wahine, ʻaʻole lākou i hānau i ka wā, ʻaʻole hoʻi au i ʻai i nā hipa kāne o kou poʻe holoholona.
39“ʻO nā mea i haehae ʻia, ʻaʻole au i lawe aku i ou lā; naʻu nō i uku aku; nāu i lawe aku ia mea mai kuʻu lima aku; no ka mea i ʻaihue ʻia i ke ao, a i ʻaihue ʻia i ka pō.
40“Pēlā wau; i ke ao, ua wela au i ka lā, a i ka pō, ua make i ke anu; a holo akula ka hiamoe mai oʻu mau maka aku.
41“Pēlā wau i nā makahiki he iwakālua ma loko o kou hale; hoʻoikaika au nāu i nā makahiki he ʻumikumamāhā no kāu mau kaikamāhine, a me nā makahiki ʻeono no kou poʻe holoholona; a he ʻumi kāu hoʻololi ʻana i kaʻu uku.
42“Inā ʻaʻole me aʻu ke Akua o koʻu kupuna kāne, ke Akua o ʻAberahama, a ʻo ka makaʻu o ʻIsaʻaka, he ʻoiaʻiʻo, inā ua hoʻihoʻi nele mai ʻoe iaʻu i nēia manawa. Ua ʻike mai nō ke Akua i koʻu pōpilikia, a me ka hana ʻana a koʻu mau lima, a ua pāpā mai iā ʻoe i ka pō nei.”
43¶ ʻŌlelo maila ʻo Labana iā Iakoba, ʻī maila, “Naʻu nō kēia mau kaikamāhine, a naʻu nō kēia mau kamaliʻi, a naʻu nō hoʻi kēia poʻe holoholona, a naʻu nō nā mea a pau āu e ʻike nei; a he aha kaʻu mea e hiki ai i kēia lā ke hana aku i kēia mau kaikamāhine aʻu, a me kēia mau kamaliʻi a lākou i hānau ai?
44“No laila ʻeā, e hoʻopaʻa kāua i berita, ʻo wau a ʻo ʻoe, i mea hōʻikeʻike ma waena o kāua.”
45Lālau akula ʻo Iakoba i ka pōhaku, a hoʻokū aʻela ia mea i kūkulu.
46ʻĪ akula hoʻi ʻo Iakoba i kona poʻe hoahānau, “E hōʻuluʻulu mai ʻoukou i nā pōhaku”; lawe maila lākou i nā pōhaku, a hana ihola i ahu; a ʻai ihola lākou ma luna o ua ahu lā.
47Kapa ihola ʻo Labana ia ahu, ʻo Iega Saduha; kapa iho ia ʻo Iakoba ia mea, ʻo Galeʻeda.
48ʻŌlelo maila ʻo Labana, “He mea hōʻikeʻike kēia ahu pōhaku ma waena o kāua i kēia lā.” No laila i kapa ʻia ai kona inoa ʻo Galeʻeda,
49a ʻo Mizepa hoʻi; no ka mea, ʻī maila ia, “ʻO Iēhova ke kiaʻi mai ma waena o kāua, i ko kāua manawa e noho kaʻawale ʻana.
50“Inā ʻoe e hoʻopilikia i kaʻu mau kaikamāhine, inā hoʻi ʻoe e lawe i nā wāhine hou, he ʻokoʻa kēia mau kaikamāhine aʻu, ʻaʻohe kanaka me kāua; e ao ʻoe, ʻo ke Akua nō ke ʻike maka mai ma waena o kāua.”
51ʻĪ maila ʻo Labana iā Iakoba, “E nānā i kēia ahu, e nānā hoʻi i kēia pōhaku kūkulu aʻu i hoʻolei aku ai ma waena o kāua.
52“He mea hōʻikeʻike kēia ahu, he mea hōʻikeʻike hoʻi kēia pōhaku kūkulu, i hele ʻole aku ai au ma kēlā ʻaoʻao o kēia ahu i ou lā, ʻaʻole hoʻi ʻoe e hele mai ma kēia ʻaoʻao o ua ahu nei a me kēia pōhaku kūkulu i oʻu nei, e hana ʻino.
53“ʻO ke Akua o ʻAberahama, a ʻo ke Akua o Nahora, ke Akua o ko lāua makua kāne, e hoʻoponopono ma waena o kāua.” A hoʻohiki akula ʻo Iakoba ma ka makaʻu o kona makua kāne ʻo ʻIsaʻaka.
54A laila, kaumaha akula ʻo Iakoba i ka mōhai ma luna o ia mauna, a kāhea akula i kona poʻe hoahānau e ʻai i ka berena; ʻai ihola lākou i ka berena, a moe ihola ia pō ma ka mauna.
55I kakahiaka nui, ala aʻela ʻo Labana, honi aʻela i kāna mau moʻopuna a me kāna mau kaikamāhine, a hoʻomaikaʻi ihola iā lākou; hele akula ʻo Labana, a hoʻi akula i kona wahi.
Цяпер абрана:
KA BUKE MUA A MOSE, I KAPA ʻIA KINOHI 31: KBH
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ka Baibala Hemolele © Partners Development Foundation, 2018.
KA BUKE MUA A MOSE, I KAPA ʻIA KINOHI 31
31
MOKUNA XXXI.
1 Haʻalele ʻo Iakoba mā iā Labana. 19 ʻAihue ʻo Rāhela i nā kiʻi o Labana. 22 Hahai ʻo Labana iā Iakoba, 33 a me kona ʻimi ʻana i nā kiʻi. 44 Kā lāua berita ma Gileada.
1¶ Lohe akula ʻo Iakoba i nā ʻōlelo a nā keiki kāne a Labana, i ka ʻī ʻana aʻe, “Ua lawe akula ʻo Iakoba i nā mea a pau a ko kākou makua kāne, a ua loaʻa iā ia kēia waiwai a pau no nā mea a ko kākou makua kāne.”
2Nānā akula ʻo Iakoba i ka maka o Labana, ʻaʻole ia i maliu mai iā ia e like ma mua.
3ʻŌlelo maila hoʻi ʻo Iēhova iā Iakoba, “E hoʻi hou aku ʻoe i ka ʻāina o kou poʻe mākua, a i nā hoahānau ou; a ʻo wau kekahi pū me ʻoe.”
4Hoʻouna akula ʻo Iakoba e kāhea iā Rāhela lāua ʻo Lea e hele mai ma ke kula i kona poʻe holoholona.
5ʻĪ akula ʻo ia iā lāua, “Ua ʻike nō wau i ka maka o ko ʻolua makua kāne, ʻaʻole ia i maliu mai iaʻu e like ma mua; akā, me aʻu nō ke Akua o koʻu makua kāne.
6“Ua ʻike hoʻi ʻolua i koʻu mālama ʻana i ko ʻolua makua kāne me koʻu ikaika a pau.
7“A ua hoʻopunipuni mai ko ʻolua makua kāne iaʻu, a he ʻumi kāna hoʻololi ʻana i kaʻu uku; akā, ʻaʻole ke Akua i ʻae mai e hoʻopōʻino mai ia iaʻu.
8“Inā i ʻōlelo mai kēlā penei, ‘ʻO nā mea kikokiko kāu uku,’ a laila hānau maila nā holoholona i nā mea kikokiko.” A i ʻōlelo mai ia penei, ‘ʻO nā mea ʻōniʻoniʻo kāu uku,’ a laila hānau maila nā holoholona a pau i nā mea ʻōniʻoniʻo.
9“Pēlā ke Akua i lawe ai i nā holoholona a ko ʻolua makua kāne, a ua hāʻawi mai iaʻu.
10“A i ka manawa a ka poʻe holoholona i kō ai, nānā akula koʻu mau maka ma ka moeʻuhane, ʻike akula, aia hoʻi, ʻo nā kao kāne i lele aku ma luna o nā kao wahine ua ʻōniʻoniʻo, a ua kikokiko, a me ke kīkohukohu.
11“ʻŌlelo maila ka ʻānela o ke Akua iaʻu ma ka moeʻuhane, ‘E Iakoba,’ ʻī akula au, ‘Eia wau.’
12“ʻĪ maila kēlā, ‘E nānā aku ʻoe e ʻike, ʻo nā kao kāne e lele ana ma luna o nā kao wahine, ua ʻōniʻoniʻo, ua kikokiko, a me ke kīkohukohu; no ka mea, ua ʻike nō wau i ka mea a pau a Labana i hana mai ai iā ʻoe.
13‘ʻO wau nō ke Akua no Betela, kahi āu i poni ai i ka pōhaku kūkulu, kahi hoʻi āu i hoʻohiki ai i ka hoʻohiki iaʻu; ʻano hoʻi, e kū aʻe ʻoe, e haʻalele aku i kēia ʻāina, a e hoʻi hou aku i ka ʻāina o kou poʻe hoahānau.’”
14ʻŌlelo maila ʻo Rāhela lāua ʻo Lea, ʻī maila iā ia, “ʻAuhea kekahi kuleana, a ʻo kekahi waiwai hoʻoili no māua ma ka hale o ko māua makua kāne?
15“ʻAʻole anei i manaʻo ʻia māua e ia, he mau mea ʻē? No ka mea, ua lilo māua i ke kūʻai ʻia e ia, a ua pau loa hoʻi ko māua kālā iā ia.
16“No laila, ʻo ka waiwai a pau a ke Akua i lawe aʻe mai ko māua makua kāne mai, no kākou ia a no nā keiki a kākou; ʻānō hoʻi, e hana aku ʻoe i ka mea a ke Akua i ʻōlelo mai ai iā ʻoe.”
17¶ A laila, kū aʻela ʻo Iakoba, hoʻēʻe akula i kāna mau keiki a me kāna mau wāhine ma luna o nā kāmelo.
18A lawe akula ia i kāna poʻe holoholona a pau, a me kona waiwai a pau i loaʻa iā ia, ʻo nā holoholona āna, i loaʻa iā ia ma Padana ʻArama, e hele aku ai i o ʻIsaʻaka lā i kona makua kāne, ma ka ʻāina ʻo Kanaʻana.
19Ua hala akula ʻo Labana e ʻako i kāna poʻe hipa; a ʻaihue ihola ʻo Rāhela i nā kiʻi o kona makua kāne.
20Puni akula ka naʻau o Labana ka Suria, iā Iakoba, i ka haʻi ʻole aku iā ia i kona mahuka ʻana.
21Pēlā ʻo ia i mahuka ai me kāna mau mea a pau; kū aʻela ia, hele maila ma kēia ʻaoʻao o ka muliwai, a hele pololei maila i ka mauna ʻo Gileada.
22¶ I ke kolu o ka lā, ʻōlelo akula kekahi iā Labana, “Ua mahuka aku ʻo Iakoba.”
23Kono akula ia i kona poʻe hoahānau e hele pū me ia, alualu mai ma hope ona i nā lā hele ʻehiku, a hiki maila i o Iakoba lā ma ka mauna ʻo Gileada.
24Hele maila ke Akua i o Labana lā ka Suria ma ka moeʻuhane i ka pō, ʻī maila iā ia, “E ao iā ʻoe iho, mai ʻōlelo aku ʻoe iā Iakoba i ka mea aloha, ʻaʻole hoʻi ka mea hōʻino.”
25A laila loaʻa maila ʻo Iakoba iā Labana. Ua kūkulu ʻo Iakoba i kona halelewa ma ua mauna lā; kūkulu hoʻi ʻo Labana me kona poʻe hoahānau ma ka mauna ʻo Gileada.
26ʻŌlelo maila ʻo Labana iā Iakoba, “He aha kāu i hana ai i hoʻopunipuni mai ai ʻoe iaʻu, a i lawe aku ai hoʻi i kaʻu mau kaikamāhine, e like me nā pio o ke kaua?
27“No ke aha lā ʻoe i holo malū mai ai, me ka puni mai iaʻu, ʻaʻole hoʻi i haʻi mai iaʻu, i hoʻihoʻi aku ai au iā ʻoe me ka ʻoliʻoli a me nā mele, me nā pahu kani a me nā lira?
28“ʻAʻole hoʻi i ʻae mai ʻoe iaʻu e honi i kaʻu mau moʻopuna a me nā kaikamāhine aʻu? He lapuwale ka hana ʻana āu i hana ai.
29“E hiki nō i kuʻu lima ke hana aku iā ʻoe i ke ʻino; akā, ʻo ke Akua o kou makua kāne i ʻōlelo mai iaʻu i ka pō nei, i ka ʻī ʻana, ‘E ao ʻoe, mai ʻōlelo aku ʻoe iā Iakoba i ka mea aloha, ʻaʻole hoʻi ka mea hōʻino.’
30“ʻĀnō hoʻi, i ka hele ʻana ua hala akula ʻoe, no kou ʻiʻini nui ʻana i ka hale o kou makua kāne; no ke aha hoʻi ʻoe i ʻaihue ai i koʻu mau akua?”
31ʻŌlelo akula ʻo Iakoba iā Labana, ʻī akula, “No ka mea, ua makaʻu wau; ʻī ihola au, ‘E kāʻili aku paha ʻoe i kāu mau kaikamāhine mai oʻu aku nei.’
32“A ʻo ka mea e loaʻa iā ʻoe, iā ia kou mau akua, ʻaʻole ia e ola; i mua o ko kāua mau hoahānau e nānā ʻoe i kāu ma ʻaneʻi me aʻu, a e lawe aku ʻoe i ou lā.” No ka mea, ʻaʻole i ʻike ʻo Iakoba, na Rāhela i ʻaihue ia mau mea.
33¶ Komo akula ʻo Labana i loko o ka halelewa o Iakoba, a i loko o ka halelewa o Lea, i loko hoʻi o nā halelewa o nā kauā wahine ʻelua, ʻaʻole i loaʻa. A laila, hele akula ia i waho o ka halelewa o Lea, a komo akula i loko o ka halelewa o Rāhela.
34Ua lawe aku nō ʻo Rāhela i ua mau kiʻi lā, a waiho pū ihola me nā noho kāmelo, a noho ihola ma luna. Huli ihola ʻo Labana i ka halelewa a pau, ʻaʻole naʻe i loaʻa.
35ʻĪ akula ʻo Rāhela i kona makua kāne, “Mai huhū mai koʻu haku i kuʻu hiki ʻole ke kū aʻe i luna; no ka mea, he maʻi wahine koʻu.” ʻImi ihola ʻo ia, ʻaʻole naʻe i loaʻa iā ia nā kiʻi.
36Ukiuki ihola ʻo Iakoba, a aʻo akula iā Labana; ʻōlelo akula ʻo Iakoba, ʻī akula iā Labana, “He aha koʻu hala? He aha hoʻi koʻu hewa, i alualu wela mai ai ʻoe iaʻu?
37“A ua huli iho ʻoe i kaʻu ukana a pau, a he aha kāu i loaʻa ai ʻo nā mea a pau o kou hale? E kau mai i ʻaneʻi i mua o koʻu mau hoahānau a me kou mau hoahānau, i hoʻoponopono mai ai lākou i waena o kāua.
38“He iwakālua nā makahiki aʻu i noho ai me ʻoe; ʻo kāu poʻe hipa wahine a me kāu poʻe kao wahine, ʻaʻole lākou i hānau i ka wā, ʻaʻole hoʻi au i ʻai i nā hipa kāne o kou poʻe holoholona.
39“ʻO nā mea i haehae ʻia, ʻaʻole au i lawe aku i ou lā; naʻu nō i uku aku; nāu i lawe aku ia mea mai kuʻu lima aku; no ka mea i ʻaihue ʻia i ke ao, a i ʻaihue ʻia i ka pō.
40“Pēlā wau; i ke ao, ua wela au i ka lā, a i ka pō, ua make i ke anu; a holo akula ka hiamoe mai oʻu mau maka aku.
41“Pēlā wau i nā makahiki he iwakālua ma loko o kou hale; hoʻoikaika au nāu i nā makahiki he ʻumikumamāhā no kāu mau kaikamāhine, a me nā makahiki ʻeono no kou poʻe holoholona; a he ʻumi kāu hoʻololi ʻana i kaʻu uku.
42“Inā ʻaʻole me aʻu ke Akua o koʻu kupuna kāne, ke Akua o ʻAberahama, a ʻo ka makaʻu o ʻIsaʻaka, he ʻoiaʻiʻo, inā ua hoʻihoʻi nele mai ʻoe iaʻu i nēia manawa. Ua ʻike mai nō ke Akua i koʻu pōpilikia, a me ka hana ʻana a koʻu mau lima, a ua pāpā mai iā ʻoe i ka pō nei.”
43¶ ʻŌlelo maila ʻo Labana iā Iakoba, ʻī maila, “Naʻu nō kēia mau kaikamāhine, a naʻu nō kēia mau kamaliʻi, a naʻu nō hoʻi kēia poʻe holoholona, a naʻu nō nā mea a pau āu e ʻike nei; a he aha kaʻu mea e hiki ai i kēia lā ke hana aku i kēia mau kaikamāhine aʻu, a me kēia mau kamaliʻi a lākou i hānau ai?
44“No laila ʻeā, e hoʻopaʻa kāua i berita, ʻo wau a ʻo ʻoe, i mea hōʻikeʻike ma waena o kāua.”
45Lālau akula ʻo Iakoba i ka pōhaku, a hoʻokū aʻela ia mea i kūkulu.
46ʻĪ akula hoʻi ʻo Iakoba i kona poʻe hoahānau, “E hōʻuluʻulu mai ʻoukou i nā pōhaku”; lawe maila lākou i nā pōhaku, a hana ihola i ahu; a ʻai ihola lākou ma luna o ua ahu lā.
47Kapa ihola ʻo Labana ia ahu, ʻo Iega Saduha; kapa iho ia ʻo Iakoba ia mea, ʻo Galeʻeda.
48ʻŌlelo maila ʻo Labana, “He mea hōʻikeʻike kēia ahu pōhaku ma waena o kāua i kēia lā.” No laila i kapa ʻia ai kona inoa ʻo Galeʻeda,
49a ʻo Mizepa hoʻi; no ka mea, ʻī maila ia, “ʻO Iēhova ke kiaʻi mai ma waena o kāua, i ko kāua manawa e noho kaʻawale ʻana.
50“Inā ʻoe e hoʻopilikia i kaʻu mau kaikamāhine, inā hoʻi ʻoe e lawe i nā wāhine hou, he ʻokoʻa kēia mau kaikamāhine aʻu, ʻaʻohe kanaka me kāua; e ao ʻoe, ʻo ke Akua nō ke ʻike maka mai ma waena o kāua.”
51ʻĪ maila ʻo Labana iā Iakoba, “E nānā i kēia ahu, e nānā hoʻi i kēia pōhaku kūkulu aʻu i hoʻolei aku ai ma waena o kāua.
52“He mea hōʻikeʻike kēia ahu, he mea hōʻikeʻike hoʻi kēia pōhaku kūkulu, i hele ʻole aku ai au ma kēlā ʻaoʻao o kēia ahu i ou lā, ʻaʻole hoʻi ʻoe e hele mai ma kēia ʻaoʻao o ua ahu nei a me kēia pōhaku kūkulu i oʻu nei, e hana ʻino.
53“ʻO ke Akua o ʻAberahama, a ʻo ke Akua o Nahora, ke Akua o ko lāua makua kāne, e hoʻoponopono ma waena o kāua.” A hoʻohiki akula ʻo Iakoba ma ka makaʻu o kona makua kāne ʻo ʻIsaʻaka.
54A laila, kaumaha akula ʻo Iakoba i ka mōhai ma luna o ia mauna, a kāhea akula i kona poʻe hoahānau e ʻai i ka berena; ʻai ihola lākou i ka berena, a moe ihola ia pō ma ka mauna.
55I kakahiaka nui, ala aʻela ʻo Labana, honi aʻela i kāna mau moʻopuna a me kāna mau kaikamāhine, a hoʻomaikaʻi ihola iā lākou; hele akula ʻo Labana, a hoʻi akula i kona wahi.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ka Baibala Hemolele © Partners Development Foundation, 2018.