KA ʻEUANELIO I KĀKAU ʻIA AI E IOANE 18
18
MOKUNA XVIII.
1 Kumakaia ʻo Iuda iā Iesū. 12 Hoʻopaʻa aku nā koa iā ia, a alakaʻi iā ia i o ʻAnasa lā a me Kaiapa. 17 Hōʻole ʻo Petero iā ia. 28 Lawe lākou iā Iesū i mua o Pilato e hoʻokolokolo ʻia ai.
1¶ A pau aʻe kā Iesū ʻōlelo ʻana i kēia mau mea, hele akula ia me kāna poʻe haumāna ma kēlā ʻaoʻao o ke kahawai ʻo Kederona, ma laila kekahi māla, komo akula ia i laila, a me kāna poʻe haumāna.
2Ua ʻike nō ʻo Iuda, nāna ia i kumakaia, ia wahi; no ka mea, ua hālāwai pinepine aku ʻo Iesū ma laila me kāna poʻe haumāna.
3A loaʻa iā Iuda kekahi poʻe koa a me nā ilāmuku no nā kāhuna nui, a no nā Parisaio, hele akula ia i laila me nā lama, a me nā ipukukui a me nā mea kaua.
4ʻIke nō ʻo Iesū i nā mea a pau e hiki mai ana ma luna ona, a hele mai, a nīnau maila iā lākou, “ʻO wai kā ʻoukou mea e ʻimi nei?”
5ʻĪ akula lākou iā ia, “ʻO Iesū no Nazareta.” ʻĪ maila ʻo Iesū iā lākou, “ʻO wau nō ia.” ʻO Iuda, nāna ia i kumakaia, kū pū iho ia me lākou.
6A i kāna ʻī ʻana mai, “ʻO wau nō ia,” emi hope akula lākou, a hina ihola ma ka honua.
7Nīnau hou maila ʻo Iesū iā lākou, “ʻO wai kā ʻoukou mea e ʻimi nei?” ʻĪ akula lākou, “ʻO Iesū no Nazareta.”
8ʻŌlelo maila ʻo Iesū iā lākou, “Ua haʻi aku au iā ʻoukou, ʻo wau nō ia. Inā hoʻi ʻo wau kā ʻoukou e ʻimi mai nei, e kuʻu aku iā lākou nei e hele aku;”
9i kō ai ka ʻōlelo ʻana i ʻōlelo mai ai, “ʻO ka poʻe āu i hāʻawi mai iaʻu, ʻaʻole kekahi o lākou i lilo aku mai oʻu aku nei.”
10He pahi kaua kā Simona Petero, unuhi aʻela ʻo ia ia mea, a hahau iho i ke kauā a ke kahuna nui, a ʻoki akula i kona pepeiao ʻākau. ʻO Maleko ka inoa o ua kauā lā.
11A laila ʻī maila ʻo Iesū iā Petero, “E hoʻihoʻi i kāu pahi kaua i ka wahī; ʻo ke kīʻaha a koʻu Makua i hāʻawi mai iaʻu, ʻaʻole anei au e inu ia mea?”
12¶ A laila ʻo ka poʻe koa, a me ka luna koa, a me nā ilāmuku o nā Iudaio, hopu akula lākou iā Iesū, a nākiʻi iā ia,
13a alakaʻi akula iā ia i o ʻAnasa lā ma mua; no ka mea, ʻo ia ka makuahōnōwai kāne o Kaiapa, ʻo ke kahuna nui ia makahiki.
14ʻO Kaiapa kēia nāna i aʻo aku i nā Iudaio, he pono nō e make kekahi kanaka no ka lāhui kanaka.
15¶ A hahai akula ʻo Simona Petero a me kekahi haumāna iā Iesū. A ʻo ua haumāna lā ua ʻike ʻia ʻo ia e ke kahuna nui, a komo pū akula ia me Iesū i loko o ka pā hale o ke kahuna nui.
16Kū aʻela ʻo Petero ma ka puka i waho. A laila hoʻi akula kēlā haumāna i waho, ka mea i ʻike ʻia e ke kahuna nui, ʻī akula i ke kiaʻi puka e hoʻokomo iā Petero.
17A laila nīnau maila ke kaikamahine kiaʻi puka iā Petero, “ʻAʻole anei ʻoe kekahi o nā haumāna a kēia kanaka?” ʻĪ akula ia, “ʻAʻole au.”
18A kū aʻela nā kauā a me nā ilāmuku me ke ahi lānahu a lākou i hōʻaʻā ai; no ka mea, ua anu; a hoʻopumahana iā lākou iho; kū aʻela hoʻi ʻo Petero me lākou, a hoʻomahana iā ia iho.
19¶ A laila nīnau akula ke kahuna nui iā Iesū no kāna poʻe haumāna, a no kāna mea i aʻo ai.
20ʻĪ maila ʻo Iesū iā ia, “Ua ʻōlelo hōʻike aku au i ko ke ao nei; ua aʻo mau aku au i loko o nā hale hālāwai, a i loko o ka luakini, kahi i ʻākoakoa ai nā Iudaio a pau; ʻaʻohe mea aʻu i aʻo aku ai ma kahi malū.
21“No ke aha lā ʻoe e nīnau mai ai iaʻu? E nīnau aku ʻoe i ka poʻe i lohe i ka mea aʻu i ʻōlelo aku ai iā lākou; aia hoʻi, ua ʻike nō lākou i nā mea aʻu i ʻōlelo ai.”
22A i kāna ʻōlelo ʻana ia mau mea, papaʻi akula iā Iesū kekahi o nā ilāmuku e kū ana, ʻī akula, “Pēlā anei ʻoe e ʻōlelo aku ai i ke kahuna nui?”
23ʻĪ maila ʻo Iesū iā ia, “Inā ua hewa kaʻu ʻōlelo, e hōʻike mai ʻoe i ka hewa; akā, inā ua maikaʻi, no ke aha lā e papaʻi mai ʻoe iaʻu?”
24Ua hoʻouna ʻē maila ʻo ʻAnasa iā ia e paʻa ana i o Kaiapa lā, i ke kahuna nui.
25¶ Kū aʻela Simona Petero, a hoʻopumahana iā ia iho. Nīnau aʻela lākou iā ia, “ʻAʻole anei ʻoe kekahi o kāna poʻe haumāna?” Hōʻole maila nō ia, ʻī maila, “ʻAʻole au.”
26ʻĪ akula kekahi o nā kauā a ke kahuna nui, ka hoahānau o ka mea nona ka pepeiao a Petero i ʻoki ai, “ʻAʻole anei au i ʻike iā ʻoe ma ka māla me ia?”
27Hōʻole hou maila nō ʻo Petero; a kani koke maila ka moa.
28¶ A laila alakaʻi akula lākou iā Iesū mai Kaiapa aku, a hiki i kahi hoʻokolokolo; a ua ao. ʻAʻole lākou i komo ma loko o kahi hoʻokolokolo, o haumia lākou, a pono ʻole ke ʻai i ka Mōliaola.
29No ia hoʻi, hele maila ʻo Pilato i waho i o lākou lā, nīnau maila, “He aha ka hewa a ʻoukou e hoʻāhewa ai i kēia Kanaka?”
30ʻŌlelo akula lākou, ʻī akula iā ia, “Inā ʻaʻole he lawehala kēia, inā ʻaʻole mākou i hāʻawi iā ia iā ʻoe.”
31A laila ʻī maila ʻo Pilato iā lākou, “E lawe ʻoukou iā ia, a e hoʻopaʻi aku iā ia ma ko ʻoukou kānāwai.” ʻĪ akula hoʻi nā Iudaio iā ia, “ʻAʻole o mākou e pono ke pepehi aku i kekahi kanaka.”
32Pēlā i kō ai ka ʻōlelo a Iesū i ʻī mai ai e hōʻike ana i ke ʻano o ka make e make ai ʻo ia.
33¶ A laila komo hou akula ʻo Pilato i kahi hoʻokolokolo, a hea akula iā Iesū, a nīnau akula iā ia, “ʻO ʻoe anei ke Aliʻi o nā Iudaio?”
34ʻŌlelo maila ʻo Iesū iā ia, “Nāu wale iho nō anei kēia āu e nīnau mai nei, a na haʻi anei i ʻōlelo mai iā ʻoe noʻu?”
35ʻŌlelo akula ʻo Pilato, “He Iudaio anei au? Na kou lāhui kanaka a na nā kāhuna nui ʻoe i hāʻawi mai ai iaʻu nei. He aha kāu i hana ai?”
36ʻĪ maila ʻo Iesū, “ʻAʻole no kēia ao koʻu aupuni. Inā no kēia ao koʻu aupuni, inā ua kaua aku koʻu poʻe kānaka, i ʻole ai e hāʻawi ʻia aku au i nā Iudaio; akā hoʻi, ʻaʻole no kēia ao koʻu aupuni.”
37No ia hoʻi, nīnau akula ʻo Pilato iā ia. “He aliʻi nō anei ʻoe?” ʻĪ maila ʻo Iesū, “Ke ʻōlelo mai nei ʻoe, he aliʻi wau. No kēia mea i hānau mai ai au, a no ia hoʻi i hele mai ai au i ke ao nei, i hōʻike aku ai au i ka ʻoiaʻiʻo. ʻO ka mea no ka ʻoiaʻiʻo, ʻo ia ke hoʻolohe i koʻu leo.”
38Nīnau akula ʻo Pilato iā ia, “He aha lā ka ʻoiaʻiʻo?” A i kāna ʻōlelo ʻana i kēia, hele hou maila ia ma waho i nā Iudaio, a ʻī maila iā lākou, “ʻAʻole i loaʻa iaʻu ka hewa iki i loko ona.
39“Akā, he mea mau nō iā ʻoukou i hoʻokuʻu aku ai au i kekahi kanaka no ʻoukou i ka Mōliaola; ke makemake nei anei ʻoukou e hoʻokuʻu aku wau no ʻoukou i ke Aliʻi o nā Iudaio?”
40A laila hea nui hou akula lākou a pau, i ka ʻī ʻana aku, “ʻAʻole ʻo kēia Kanaka; akā, ʻo Baraba.” He pōā nō ʻo Baraba.
Цяпер абрана:
KA ʻEUANELIO I KĀKAU ʻIA AI E IOANE 18: KBH
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ka Baibala Hemolele © Partners Development Foundation, 2018.
KA ʻEUANELIO I KĀKAU ʻIA AI E IOANE 18
18
MOKUNA XVIII.
1 Kumakaia ʻo Iuda iā Iesū. 12 Hoʻopaʻa aku nā koa iā ia, a alakaʻi iā ia i o ʻAnasa lā a me Kaiapa. 17 Hōʻole ʻo Petero iā ia. 28 Lawe lākou iā Iesū i mua o Pilato e hoʻokolokolo ʻia ai.
1¶ A pau aʻe kā Iesū ʻōlelo ʻana i kēia mau mea, hele akula ia me kāna poʻe haumāna ma kēlā ʻaoʻao o ke kahawai ʻo Kederona, ma laila kekahi māla, komo akula ia i laila, a me kāna poʻe haumāna.
2Ua ʻike nō ʻo Iuda, nāna ia i kumakaia, ia wahi; no ka mea, ua hālāwai pinepine aku ʻo Iesū ma laila me kāna poʻe haumāna.
3A loaʻa iā Iuda kekahi poʻe koa a me nā ilāmuku no nā kāhuna nui, a no nā Parisaio, hele akula ia i laila me nā lama, a me nā ipukukui a me nā mea kaua.
4ʻIke nō ʻo Iesū i nā mea a pau e hiki mai ana ma luna ona, a hele mai, a nīnau maila iā lākou, “ʻO wai kā ʻoukou mea e ʻimi nei?”
5ʻĪ akula lākou iā ia, “ʻO Iesū no Nazareta.” ʻĪ maila ʻo Iesū iā lākou, “ʻO wau nō ia.” ʻO Iuda, nāna ia i kumakaia, kū pū iho ia me lākou.
6A i kāna ʻī ʻana mai, “ʻO wau nō ia,” emi hope akula lākou, a hina ihola ma ka honua.
7Nīnau hou maila ʻo Iesū iā lākou, “ʻO wai kā ʻoukou mea e ʻimi nei?” ʻĪ akula lākou, “ʻO Iesū no Nazareta.”
8ʻŌlelo maila ʻo Iesū iā lākou, “Ua haʻi aku au iā ʻoukou, ʻo wau nō ia. Inā hoʻi ʻo wau kā ʻoukou e ʻimi mai nei, e kuʻu aku iā lākou nei e hele aku;”
9i kō ai ka ʻōlelo ʻana i ʻōlelo mai ai, “ʻO ka poʻe āu i hāʻawi mai iaʻu, ʻaʻole kekahi o lākou i lilo aku mai oʻu aku nei.”
10He pahi kaua kā Simona Petero, unuhi aʻela ʻo ia ia mea, a hahau iho i ke kauā a ke kahuna nui, a ʻoki akula i kona pepeiao ʻākau. ʻO Maleko ka inoa o ua kauā lā.
11A laila ʻī maila ʻo Iesū iā Petero, “E hoʻihoʻi i kāu pahi kaua i ka wahī; ʻo ke kīʻaha a koʻu Makua i hāʻawi mai iaʻu, ʻaʻole anei au e inu ia mea?”
12¶ A laila ʻo ka poʻe koa, a me ka luna koa, a me nā ilāmuku o nā Iudaio, hopu akula lākou iā Iesū, a nākiʻi iā ia,
13a alakaʻi akula iā ia i o ʻAnasa lā ma mua; no ka mea, ʻo ia ka makuahōnōwai kāne o Kaiapa, ʻo ke kahuna nui ia makahiki.
14ʻO Kaiapa kēia nāna i aʻo aku i nā Iudaio, he pono nō e make kekahi kanaka no ka lāhui kanaka.
15¶ A hahai akula ʻo Simona Petero a me kekahi haumāna iā Iesū. A ʻo ua haumāna lā ua ʻike ʻia ʻo ia e ke kahuna nui, a komo pū akula ia me Iesū i loko o ka pā hale o ke kahuna nui.
16Kū aʻela ʻo Petero ma ka puka i waho. A laila hoʻi akula kēlā haumāna i waho, ka mea i ʻike ʻia e ke kahuna nui, ʻī akula i ke kiaʻi puka e hoʻokomo iā Petero.
17A laila nīnau maila ke kaikamahine kiaʻi puka iā Petero, “ʻAʻole anei ʻoe kekahi o nā haumāna a kēia kanaka?” ʻĪ akula ia, “ʻAʻole au.”
18A kū aʻela nā kauā a me nā ilāmuku me ke ahi lānahu a lākou i hōʻaʻā ai; no ka mea, ua anu; a hoʻopumahana iā lākou iho; kū aʻela hoʻi ʻo Petero me lākou, a hoʻomahana iā ia iho.
19¶ A laila nīnau akula ke kahuna nui iā Iesū no kāna poʻe haumāna, a no kāna mea i aʻo ai.
20ʻĪ maila ʻo Iesū iā ia, “Ua ʻōlelo hōʻike aku au i ko ke ao nei; ua aʻo mau aku au i loko o nā hale hālāwai, a i loko o ka luakini, kahi i ʻākoakoa ai nā Iudaio a pau; ʻaʻohe mea aʻu i aʻo aku ai ma kahi malū.
21“No ke aha lā ʻoe e nīnau mai ai iaʻu? E nīnau aku ʻoe i ka poʻe i lohe i ka mea aʻu i ʻōlelo aku ai iā lākou; aia hoʻi, ua ʻike nō lākou i nā mea aʻu i ʻōlelo ai.”
22A i kāna ʻōlelo ʻana ia mau mea, papaʻi akula iā Iesū kekahi o nā ilāmuku e kū ana, ʻī akula, “Pēlā anei ʻoe e ʻōlelo aku ai i ke kahuna nui?”
23ʻĪ maila ʻo Iesū iā ia, “Inā ua hewa kaʻu ʻōlelo, e hōʻike mai ʻoe i ka hewa; akā, inā ua maikaʻi, no ke aha lā e papaʻi mai ʻoe iaʻu?”
24Ua hoʻouna ʻē maila ʻo ʻAnasa iā ia e paʻa ana i o Kaiapa lā, i ke kahuna nui.
25¶ Kū aʻela Simona Petero, a hoʻopumahana iā ia iho. Nīnau aʻela lākou iā ia, “ʻAʻole anei ʻoe kekahi o kāna poʻe haumāna?” Hōʻole maila nō ia, ʻī maila, “ʻAʻole au.”
26ʻĪ akula kekahi o nā kauā a ke kahuna nui, ka hoahānau o ka mea nona ka pepeiao a Petero i ʻoki ai, “ʻAʻole anei au i ʻike iā ʻoe ma ka māla me ia?”
27Hōʻole hou maila nō ʻo Petero; a kani koke maila ka moa.
28¶ A laila alakaʻi akula lākou iā Iesū mai Kaiapa aku, a hiki i kahi hoʻokolokolo; a ua ao. ʻAʻole lākou i komo ma loko o kahi hoʻokolokolo, o haumia lākou, a pono ʻole ke ʻai i ka Mōliaola.
29No ia hoʻi, hele maila ʻo Pilato i waho i o lākou lā, nīnau maila, “He aha ka hewa a ʻoukou e hoʻāhewa ai i kēia Kanaka?”
30ʻŌlelo akula lākou, ʻī akula iā ia, “Inā ʻaʻole he lawehala kēia, inā ʻaʻole mākou i hāʻawi iā ia iā ʻoe.”
31A laila ʻī maila ʻo Pilato iā lākou, “E lawe ʻoukou iā ia, a e hoʻopaʻi aku iā ia ma ko ʻoukou kānāwai.” ʻĪ akula hoʻi nā Iudaio iā ia, “ʻAʻole o mākou e pono ke pepehi aku i kekahi kanaka.”
32Pēlā i kō ai ka ʻōlelo a Iesū i ʻī mai ai e hōʻike ana i ke ʻano o ka make e make ai ʻo ia.
33¶ A laila komo hou akula ʻo Pilato i kahi hoʻokolokolo, a hea akula iā Iesū, a nīnau akula iā ia, “ʻO ʻoe anei ke Aliʻi o nā Iudaio?”
34ʻŌlelo maila ʻo Iesū iā ia, “Nāu wale iho nō anei kēia āu e nīnau mai nei, a na haʻi anei i ʻōlelo mai iā ʻoe noʻu?”
35ʻŌlelo akula ʻo Pilato, “He Iudaio anei au? Na kou lāhui kanaka a na nā kāhuna nui ʻoe i hāʻawi mai ai iaʻu nei. He aha kāu i hana ai?”
36ʻĪ maila ʻo Iesū, “ʻAʻole no kēia ao koʻu aupuni. Inā no kēia ao koʻu aupuni, inā ua kaua aku koʻu poʻe kānaka, i ʻole ai e hāʻawi ʻia aku au i nā Iudaio; akā hoʻi, ʻaʻole no kēia ao koʻu aupuni.”
37No ia hoʻi, nīnau akula ʻo Pilato iā ia. “He aliʻi nō anei ʻoe?” ʻĪ maila ʻo Iesū, “Ke ʻōlelo mai nei ʻoe, he aliʻi wau. No kēia mea i hānau mai ai au, a no ia hoʻi i hele mai ai au i ke ao nei, i hōʻike aku ai au i ka ʻoiaʻiʻo. ʻO ka mea no ka ʻoiaʻiʻo, ʻo ia ke hoʻolohe i koʻu leo.”
38Nīnau akula ʻo Pilato iā ia, “He aha lā ka ʻoiaʻiʻo?” A i kāna ʻōlelo ʻana i kēia, hele hou maila ia ma waho i nā Iudaio, a ʻī maila iā lākou, “ʻAʻole i loaʻa iaʻu ka hewa iki i loko ona.
39“Akā, he mea mau nō iā ʻoukou i hoʻokuʻu aku ai au i kekahi kanaka no ʻoukou i ka Mōliaola; ke makemake nei anei ʻoukou e hoʻokuʻu aku wau no ʻoukou i ke Aliʻi o nā Iudaio?”
40A laila hea nui hou akula lākou a pau, i ka ʻī ʻana aku, “ʻAʻole ʻo kēia Kanaka; akā, ʻo Baraba.” He pōā nō ʻo Baraba.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ka Baibala Hemolele © Partners Development Foundation, 2018.