Mphattuwelo 3
3
Itampi yoopacera
1Yooyo ukati uyo inwaa phaari yootepa ulavilavi woopwaha inama cikhwawe co ntakhwani caapankilyaya Apwiya Nluku. Inwaa yahaakoha athiyana yiiraka: Nluku phiinryawe ciicammo, wiira nhilye mihokorokho cothene ciri nluwani? 2Vano athiyana yahaakhula yiiraka: Mihokorokho co miri ciri nluwani niireliye nilyeke, 3nanso nhokorokho wo mwiri uri iriyari iluwani, Nluku eenre nhilye, ni nhikwanye wiira nhikwe.
4Vano inwaa yaheerela athiyana ale: Khweli khannokhwa. 5Kontha Nluku naacuwela wiira, nihuku ninhalenyu ulya, anaawuhulyani miitho enyu n'ukhala toko Nluku, n'upacera ucuwela yoorera ni yoonanara.
6Athiyana woonnyaya wiira mwiri ule uri woorera ulya ni woociva wamiithoni, ni mwiri woophwanela uvaha ankhili, yahorukula nhokorokho aya ni ulya, ni ciicammo yahaavaha awaanyaya na ayo yaholya. 7Phimaana oyeeli yahotthukuwa miitho aya ni yahopacera ucuwela wiira ari pwitipwiti. Yahottotthanihaca matakhuru o mwiri ni yahowaraca. 8Waatthekuwaya ncuwa, yaheewa uwuka wo'phyoo waawaaya Apwiya Nluku weettakaca nluwani. Vano nlopwana wamoca na amwaarawe yaheepithaca Apwiya Nluku mmirini co nluwani. 9Vaavale Apwiya Nluku yahomwiihana nlopwan'ole yiiraka: Uri vayi?
10Ule ahaakhula: Kihowiiwa uwuka wo'phyoo yawinyu nluwani, vano mi kihoova, kontha kiri pwitipwiti phimaana wiipithilyaka.
11Ni Nluku ahonkoha: Tipani oohimenrye wiira uri pwitipwiti? Uholya nhokorokho wo mwiri uwiirenlyaka uhilye?
12Vano nlopwan'ole ahaakhula eeraka: Athiyana akivahilenyu ayo wiira akhale akhwaaka, yaayo phikivahile nhokorokho uyo, ni kiholya.
13Apwiya Nluku yahaakoha athiyana ale: Nyu mpankacenreni ciicammo? Athiyana ale yahaakhula yiiraka: Inwaa phikithepile, ni mi kiholya.
14Phimaana Apwiya Nluku yaheerela inwaa: Upanka waa commo, kihoolapha woopwaha mihuwo cothene ni inama cothene co ntakhwani, unhala weettela wamirimani, ni iyolya aa inhala ukhala ntthupi mahuku othene ookumi aa. 15Ni wariyari waa we ni athiyana ayo, ni wariyari wo ucuulu aa we ni ucuulu wa nthiyana uyo, kinaweesa umwiinani. Yooyo ucuulu uyo unaahala wurakaliha muru aa, ni we unkoorakaliha ikottokottho aya. 16Vano Apwiya yaheerela athiyana ale:
Kinawuncerera coowerya cinyu
ukati unkelenyu ukhala ni irukulu;
ni ukati wooyara nnokowoona uwerya;
nyu nnokoophavela waapwaha awannyu
nanso ayo phinhala wuulamulani.
17Vano Apwiya yahomwiirela Atamu:
Ukhala wiira we uheewelela amwaaraa,
ni uholya nhokorokho wawiirenlyaka uhilye,
iholaphyaa itthaya iyo mwa nlattu wawaa we;
muhuvani unarwaa weelihe mahuku othene ookumi aa.
18Itthaya iyo inkomela miiwa ni malasi,
ni we unkoolya matakhuru o ntakhwani.
19Ni unhala ulya ni nttukuttha nomwiirutthuni mwa,
mpaka wanhalaa uturuwela watthayani,
kontha we wuumpiye ni itthaya, nna va uri ntthupi,
ni unaaturuwela ukhala ntthupi.
20Vaavale nlopwan'ole ahaavaha amwaarawe ale ncina na Eva, kontha ayo yaari anumwanaya atthu othene. 21Vano Apwiya Nluku, yahompakela nlopwan'ole na amwaarawe ikuwo co nrapala ni yahaawarihaca.
22Wahoolo Apwiya Nluku yaheera: Nkoonani, ntthu ula ri toko hi, naacuwela yoorera ni yoonanara. Vano wiira hitaphule ntata nawe, ciicammo arukulaka nhokorokho wo mwiri wookumi, alyaka n'ukhala woohikhwa. 23Apwiya Nluku, yahomoomola ule nluwani yo wEeteni wiira alime itthaya yakumihiyawe. 24Paahi, noomoliyene ntthu ule, yaheesiya makerupii ookhaliha, mphantte unkhuma ncuwa wo'luwani yo wEeteni, ni ikatana yoopharela yaarukurerya nceresere mothene, wiira isunke iphiro inrwaa uryaya mwiri wookumi.
Цяпер абрана:
Mphattuwelo 3: NNI
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2021, Wycliffe Bible Translators, Inc. All rights reserved.
Mphattuwelo 3
3
Itampi yoopacera
1Yooyo ukati uyo inwaa phaari yootepa ulavilavi woopwaha inama cikhwawe co ntakhwani caapankilyaya Apwiya Nluku. Inwaa yahaakoha athiyana yiiraka: Nluku phiinryawe ciicammo, wiira nhilye mihokorokho cothene ciri nluwani? 2Vano athiyana yahaakhula yiiraka: Mihokorokho co miri ciri nluwani niireliye nilyeke, 3nanso nhokorokho wo mwiri uri iriyari iluwani, Nluku eenre nhilye, ni nhikwanye wiira nhikwe.
4Vano inwaa yaheerela athiyana ale: Khweli khannokhwa. 5Kontha Nluku naacuwela wiira, nihuku ninhalenyu ulya, anaawuhulyani miitho enyu n'ukhala toko Nluku, n'upacera ucuwela yoorera ni yoonanara.
6Athiyana woonnyaya wiira mwiri ule uri woorera ulya ni woociva wamiithoni, ni mwiri woophwanela uvaha ankhili, yahorukula nhokorokho aya ni ulya, ni ciicammo yahaavaha awaanyaya na ayo yaholya. 7Phimaana oyeeli yahotthukuwa miitho aya ni yahopacera ucuwela wiira ari pwitipwiti. Yahottotthanihaca matakhuru o mwiri ni yahowaraca. 8Waatthekuwaya ncuwa, yaheewa uwuka wo'phyoo waawaaya Apwiya Nluku weettakaca nluwani. Vano nlopwana wamoca na amwaarawe yaheepithaca Apwiya Nluku mmirini co nluwani. 9Vaavale Apwiya Nluku yahomwiihana nlopwan'ole yiiraka: Uri vayi?
10Ule ahaakhula: Kihowiiwa uwuka wo'phyoo yawinyu nluwani, vano mi kihoova, kontha kiri pwitipwiti phimaana wiipithilyaka.
11Ni Nluku ahonkoha: Tipani oohimenrye wiira uri pwitipwiti? Uholya nhokorokho wo mwiri uwiirenlyaka uhilye?
12Vano nlopwan'ole ahaakhula eeraka: Athiyana akivahilenyu ayo wiira akhale akhwaaka, yaayo phikivahile nhokorokho uyo, ni kiholya.
13Apwiya Nluku yahaakoha athiyana ale: Nyu mpankacenreni ciicammo? Athiyana ale yahaakhula yiiraka: Inwaa phikithepile, ni mi kiholya.
14Phimaana Apwiya Nluku yaheerela inwaa: Upanka waa commo, kihoolapha woopwaha mihuwo cothene ni inama cothene co ntakhwani, unhala weettela wamirimani, ni iyolya aa inhala ukhala ntthupi mahuku othene ookumi aa. 15Ni wariyari waa we ni athiyana ayo, ni wariyari wo ucuulu aa we ni ucuulu wa nthiyana uyo, kinaweesa umwiinani. Yooyo ucuulu uyo unaahala wurakaliha muru aa, ni we unkoorakaliha ikottokottho aya. 16Vano Apwiya yaheerela athiyana ale:
Kinawuncerera coowerya cinyu
ukati unkelenyu ukhala ni irukulu;
ni ukati wooyara nnokowoona uwerya;
nyu nnokoophavela waapwaha awannyu
nanso ayo phinhala wuulamulani.
17Vano Apwiya yahomwiirela Atamu:
Ukhala wiira we uheewelela amwaaraa,
ni uholya nhokorokho wawiirenlyaka uhilye,
iholaphyaa itthaya iyo mwa nlattu wawaa we;
muhuvani unarwaa weelihe mahuku othene ookumi aa.
18Itthaya iyo inkomela miiwa ni malasi,
ni we unkoolya matakhuru o ntakhwani.
19Ni unhala ulya ni nttukuttha nomwiirutthuni mwa,
mpaka wanhalaa uturuwela watthayani,
kontha we wuumpiye ni itthaya, nna va uri ntthupi,
ni unaaturuwela ukhala ntthupi.
20Vaavale nlopwan'ole ahaavaha amwaarawe ale ncina na Eva, kontha ayo yaari anumwanaya atthu othene. 21Vano Apwiya Nluku, yahompakela nlopwan'ole na amwaarawe ikuwo co nrapala ni yahaawarihaca.
22Wahoolo Apwiya Nluku yaheera: Nkoonani, ntthu ula ri toko hi, naacuwela yoorera ni yoonanara. Vano wiira hitaphule ntata nawe, ciicammo arukulaka nhokorokho wo mwiri wookumi, alyaka n'ukhala woohikhwa. 23Apwiya Nluku, yahomoomola ule nluwani yo wEeteni wiira alime itthaya yakumihiyawe. 24Paahi, noomoliyene ntthu ule, yaheesiya makerupii ookhaliha, mphantte unkhuma ncuwa wo'luwani yo wEeteni, ni ikatana yoopharela yaarukurerya nceresere mothene, wiira isunke iphiro inrwaa uryaya mwiri wookumi.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2021, Wycliffe Bible Translators, Inc. All rights reserved.