मत्ती जानकारी
जानकारी
मत्ती नी लीखली खुस-खबर तीहयी कीताप आहयी से जे च्यार कीतापु मे नी एक कीताप से। जे ईसु मसी ना जीवाय ना बारा मे देखाड़े, आहयी च्यार कीताप मे सी आखी कीतापु खुस-खबर केवाये। तीनु मतलब हये खुस-खबर। ईसु ना ह़रगे जवान बाद आहयी कीताप मत्ती, मरकुस, लुका, अने युहन्ना ने लीख्यो। मत्ती नी खुस-खबर कारु लीखली तीनी संय टेम नी जानकारी जानकारु ने नी हय पण आमु ईसम देखाड़ सक्या के ईसु नी पयदावारीन 60 साल ना आड़े-धेड़े लीखली से। आनी रीते आहयी कीताप कां लीखली से आहयु बी आमने मालम नी हय, ते बी ढेरेत जणा नु माननु से के आहयी कीताप पलीस्ती मे नीता यरुसलेम ह़ेर मे लीखी हहे।
आहयी कीताप ने लीखवा वाळो मत्ती से जे एक ईसु नो चेलो हयवा नी पेले एक फाळो लेवा वाळो हतो। तीने लेवी नाम सी बी ओळखता हता। मत्ती आहया 12 चेला मे गेथो एक हतो अने तीहयो युहदी भणवा वाळा नी लेदे लीख्यो। आहया कारण सी आमु देखीया के आनी मे 60 सी जादा वातु पुराणा कायदा नी से। जीना बारा मे भगवान वगे गेथी वात हयी तीहयो सोड़ाव्वा वाळो मसी ईसुत से आहयु तीहयु देखाड़वा हींडतो हतो। मत्ती ने भगवान ना राज ना बारा मे बी ढेरेत कंय लीख्यो, यहुद्या नी हेर हती के मसी राजनेती राज नो राजा हयहे। मत्ती आहया वीच्यार ने नी मान्तो जाय्न भगवान ना आत्मा ना राज ना बारा मे देखाड़तो हतो।
मत्ती नी लीखली खुस-खबर आहयी एक वारली कीताप से जीनी सी नवला कायदा नी सुरुवात ने आहयी कीताप पुराणा कायदा नी भणी बराबर अमारो ध्यान लगाड़े। आहयी कीताप पुराणा अने नवला कायदा नी बेम कीतापु ने जोड़ देय। जानकार ईसम खबर करे के आहयी कीताप मे मत्ती मुसा नु लीखलु पांच-भातीन जे पुराणा कायदा ना पेला पांच कीताप्या से तीमनीन तेम आहया बी करे। ईसु जे बड़ा पोर ह़ीकापण आप्यो मत्ती 5–7 जे कायदा भगवान मुसा ने आपलो हतो तीनी बराबरी आमु नी कर सक्या। वेवस्थावीवरन 19:3–23:25
रुपरेखा
1. ईसु नी पयदावारी सी अने तीनी सेवा नी सुरुवात ना बारा मे मत्ती खुस-खबर नी सुरुवात करे। 1–4
2. मत्ती ईसु नी सेवा ना बारा मे अने जे ढेरेत वातु नी तीहयो ह़ीकापण आप्यो तीनी बारा मे देखाड़े। 5–25
3. मत्ती नी लीखली खुस-खबर नु जे आखरी भाग से तीहयो ईसु नी सेवा ना काम नी उचला बड़ा नी चोटली से मतलब तीनी मोत अने पासो जीवतो हयवा ना बारा मे बी से। 26–28
Цяпер абрана:
मत्ती जानकारी: NTPPt2020
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
The New Testament in Paliya Language © The Word for the World International and Yisu Por Bherho Karanya Paliya Mandli, Rajpur, Barwani, MP, 2020