Jɔ̃́ɔ́ 4
4
Jízɛ̀ kè Sɛ̀mɛ́ɖìà-màà ɖò jè
1Fáɖòsíì-nyɔ̀ ɓěɔ̀ wɔ̃́ɔ ma kà ɓɛ́ nyɔ ɓě ɓɛ́ Jízɛ̀ nyu ɔ ɖeín-nà-nyɔ̀ ɓě mú, ké ɔ po ma wa níɔ kɛɛ vò ma dyí, ké wa zi ma Jɔ̃́ɔ́ nììn ɓěɔ̀ dyíɛ. 2Kɛɛ Jízɛ̀ mìɔùn se ma nyɔ ɓěɔ̀ níɔ po. Ɔ ɖeín-nà-nyɔ̀ ɓěɔ̀ mɔ̀ nyɔ po ma wa níɔ. 3Ti ɓɛ́ Jízɛ̀ wɔ̃́ ɖɛ nyɔ ɓěɔ̀ nì ma kà cɛ̃iń nyɛɛ, ɔ sɔ̀ ma ɖé Júɖìà-ɓòɖòɔ̀ kɔ̃, ké ɔ mu ma ɖé Gáɖàɖíì-ɓòɖòɔ̀ kɔ̃ ɖe.
4Ti ɔ nì ma ɖé muɛń nyɛɛ, ɔ ɓéɖé ɓɛ́ ɔ ké ma ɖé Sɛ̀mɛ́ɖìà-ɓòɖòɔ̀ kɔ̃ zĩ̀ìn. 5Ɔ nyini ma hwɔɖɔ ɖò kɔ̃̀ nyɛ́nɛ́ mɔ̀ Sáíkà, ɓɛ́ ɔ nì ma ɖé Sɛ̀mɛ́ɖìà-ɓòɖòɔ̀ kɔ̃ɛɛ mú. Ɔ xwɛ̃́ìn ma ɖé pá ɓɛ́ Jékɔ̀ nyí zɔ̃̌ɔ̀ kà ɔ dyú Jòsé kɛɛ mú dyi. 6Jékɔ̀ɛ̀ ní-ɓìɔ̀ nì ma ɖé. Jízɛ̀ ɖǎ ma nà, ké ɔ ɖǎ ma sa. Ɔ jèɛɛ, ɔ kò ma ɓó ní-ɓìɔ̀ wĩín dyi. Ɔ ɓɛ́ìn ma dyóɖó-kò-dú-hwìɛ̀ jǔɛ.
7Ké Sɛ̀mɛ́ɖìà-màà ɖò dyi ma ní píníɛń. Ké Jízɛ̀ cɛ̃ɛ ma ɔ gbo, ké ɔ ɖá, “Nyí ḿ ní, ɓɛ́ ḿ kéɛ ná.” 8Jízɛ̀ɛ̀ ɖeín-nà-nyɔ̀ ɓěɔ̀ ɖǎ ma ɖé hwɔɖɔɔ̀ mú mu, ɓɛ́ wa ké ma ɖii-ɖɛ̀ dɔ̃.
9Ké Sɛ̀mɛ́ɖìà-mààɔ̀ cɛ̃ɛ ma Jízɛ̀ gbo, ké ɔ ɖá, “M̀ mɔ̀ Júù-nyɔ̀, ké ḿ mɔ̀ Sɛ̀mɛ́ɖìà-nyɔ̀. Xwɛ̌ nyu ɓɛ́ m̀ dyi ḿ ní zɔ̀ìn nyɛ́?” Ɔ cɛ̃ ma ɖɛ nìà kɛ, sepóɛɖé Júù-nyɔ̀ ɓěɔ̀ kè Sɛ̀mɛ́ɖìà-nyɔ̀ ɓěɔ̀ se gbo-kpɔ̃ìn-kpɔ̃ìn ɖò ɓéɖé.
10Ké Jízɛ̀ zà ma ɖé wuɖu, ké ɔ ɖá, “M̀ dyiɔ́ ɖɛ ɓɛ́ Gèɖèpɔ́ɔ̀ nyí nyɔǔn wɛ̃ ɔ kè nyɔ mɔ̀ nyɔ nìà m̀ ní zɔ̀ǐn nyɛɛ dyí dyuò ní, nìí, nì muɔ́ má ɔ ɖɛ zɔ̀ìn, ké ɔ muɔ́ má m̀ ní ɓéɖé fɛ̀ɛ̀ kɛɛ nyíìn.”
11Hwɛ̀ ké màaɔ̀ cɛ̃ɛ ma ɔ gbo, ké ɔ ɖá, “Ɓɔ̌ɔ̀, m̀ se gbǎ-wĩín ɖò ɓéɖé, ké ní-ɓìɔ̀ tɔ̀mɔ̀ mú. Dɛ̌ nì mu ní ɓéɖé fɛ̀ɛ̀ɔ̀ zàùn wɛ̃́? 12À ɓǎ nììn ɓǎ Jékɔ̀ nyí ma à ní-ɓì nìà kɛ. Ɔ kè ɔ dyú ɓěɔ̀ ɔ kè ɔ nyúà-ɖɛ̀ ɓěɔ̀ ná ma ní sɔ̀ìn ní-ɓì nìà kɛ múɛ. M̀ kpa ɖɛ ké m̀ zi Jékɔ̀ dyíì?”
13Ké Jízɛ̀ cɛ̃ɛ ma ɔ gbo, ké ɔ ɖá, “Nyɔǔn séín ɓɛ́ wa ná ní nìà kɛɛ, ní-ná-tò nyu wa ní ɖe, 14kɛɛ nyɔǔn séín ɓɛ́ wa ná ní ɓɛ́ ní muà wa nyíìn nyɛɛ, ní-ná-tò se wa nyuɛ́ mu ɖe fɔɔ, sepóɛɖé ní ɓɛ́ ní muà wa nyíìn nyɛɛ mu ní-dù ɓɛ́ ɔ mu wa sè-ná-sèɛ̀ fɛ̀ɛ̀ nyíìn nyɛɛ jǔùn ɖé wa mú.”
15Ké màaɔ̀ ɖá, “Ɓɔ̌ɔ̀, nyí ḿ níɔ̀ ɖò. Nìí, ní-ná-tò se ḿ nyuɛ́ mu ɖe, ké ḿ se nɔ̄ ní píníɛń dyiɛ́ mu ɖe.”
16Púɛɛ, Jízɛ̀ cɛ̃ɛ ma ɔ gbo, ké ɔ ɖá, “Mu, ɓɛ́ m̀ ké nì dyú-ɓǎɔ̀ ɖá, ɓɛ́ m̀ ké nɔ̄ ɖe dyi.”
17Ké màaɔ̀ ɖá, “Ḿ se dyú-ɓǎ ɖò ɓéɖé.”
Hwɛ̀ ké Jízɛ̀ ɖá, “Kà ɓɛ́ m̀ ɖá m̀ seà dyú-ɓǎ ɖò ɓéɖéɛɛ, m̀ cɛ̃ jǎà. 18M̀ kè gàa hm̀m̌ ɖǎ ma dyi kpɔ̃ìn, ké gàa ɓɛ́ m̀ kèɔ̀ kè nìà mú naǐn kàǔn wɛ̃ɛ se nì dyú-ɓǎ jɛ́ɛ́. M̀ ɖǎ jǎà cɛ̃.”
19Ké màaɔ̀ cɛ̃ɛ ma ɔ gbo, ké ɔ ɖá, “Ɓɔ̌ɔ̀, ḿ dyéɛ kà m̀ mɔ̀ kpáá-ɖɛ̀-cɛ̃-nyɔ̀ ɖò kɛ. 20À mɔ̀ Sɛ̀mɛ́ɖìà-nyɔ̀ ɓěɛɛ, à ɓǎ nììn ɓǎ ɓěɔ̀ ɓièìn ma Gèɖèpɔ́ɔ̀ ɖé toɖo nìà kɛ dya. Kɛɛ ɓě mɔ̀ Júù-nyɔ̀ ɓěɛɛ, ɓě ɖá ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɖéɛ̀ nyɔǔn ɓéɖé ɓɛ́ wa ké Gèɖèpɔ́ɔ̀ ɓièìn.”
21Ké Jízɛ̀ cɛ̃ɛ ma ɔ gbo, ké ɔ ɖá, “Noò, ti ɖò mu dyiìn, ké nyɔ ɓě se Ɓǎɔ̀ ɓièɛ̌ mu ɖe nɔ̄ toɖoɛ̀ dya mɔɔ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. M̀ mɛ po ní wuɖuɔ̀ jǎà. 22Ɓě mɔ̀ Sɛ̀mɛ́ɖìà-nyɔ̀ ɓěɛɛ, ɓě se nyɔ ɓɛ́ ɓě ɓièà kɛɛ dyí dyuò jɛ́ɛ́. Kɛɛ à mɔ̀ Júù-nyɔ̀ ɓěɛɛ, à dyuò nyɔ ɓɛ́ à ɓièà kɛɛ dyí, sepóɛɖé pó-póɔ̀ sɔ̀ìn ɖé Júù-nyɔ̀ ɓěɔ̀ gbo. 23Kɛɛ ti ɖò nì dyiɛń, ké tiɔ̀ ɖǎ nyini nɔ̀ɔ̀. Ɔ mɔ̀ ti ɓɛ́ nyɔ ɓě ɓɛ́ wa ɓiè Ɓǎ jɛ́ɛ́ɔ̀ kɛɛ mu ɔ ɓièìn ɖé zùǔn ɔ kè ɖé jǎà múɛ. Ɓiè-nyɔ̀ ɓě ɓɛ́ Ɓǎɔ̀ mɔ́ ɓɛ́ wa ké ɔ ɓièɛɛ nìàǒ wɛ̀. 24Gèɖèpɔ́ɔ̀ mɔ̀ Zùù, ké nyɔ ɓě ɓɛ́ wa ɓiè ɔ kɛɛ ɓéɖé ɓɛ́ wa ké ɔ ɓiè ɖé Zùùɔ̀ mú ɔ kè ɖé jǎà mú.”
25Ké màaɔ̀ cɛ̃ɛ ma ɔ gbo, ké ɔ ɖá, “Ḿ dyuò kà Mɛ̀sádyà ɓɛ́ wa ɖáìn Kɛ́ɖɛ́ì kɛɛ mu dyiìn nyɛ. Ɔ dyi dyiín, ɔ mu à ɖɛ séín gbo cɛ̃ìn.”
26Hwɛ̀ ké Jízɛ̀ cɛ̃ɛ ma ɔ gbo, ké ɔ ɖá, “Mɔ̄ nìà m̀ gbo wùɖùɛ̌n nyɛɛ, ḿ mɔ̀ ɔ mɔ̀.”
27Ɓó tia múɛɛ, Jízɛ̀ɛ̀ ɖeín-nà-nyɔ̀ ɓěɔ̀ dyi ma ɖe. Wa zi ma dyi giniɛ̌n mìɔ kà ɓɛ́ ɔ kè màa ɖò nì ma wùɖùɛ̌n nyɛ. Kɛɛ wa ɖò se ma ɔ dyi diè, ɓɛ́ wa ké níiń, “Ɖɛ́ m̀ mɔ́ kɛ́?” mɔɔ ɓɛ́ wa ɖò ké níiń, “Ɖɛ́ kɔ̃̀ jè m̀ kèɔ̀ kè nìà wùɖùɛ̌n nyɛ́?”
28Púɛɛ, màaɔ̀ sè ma ɓó ɔ ní-mú-píníìn-ɖɛ̀ɔ̀, ké ɔ mu ma ɖé hwɔɖɔɔ̀ mú ɖe. Ké ɔ cɛ̃ɛ ma nyɔ ɓěɔ̀ gbo, ké ɔ ɖá, 29“Ɓě dyi, ɓɛ́ ɓě ké gàa ɓɛ́ ɔ cɛ̃ ɖɛ séín ɓě ɓɛ́ ḿ ɖǎǒ nyuɛɛ jè ḿ gboɛɛ dyé. Ɔ ɓɛ́ìn Kɛ́ɖɛ́ìɔ̀ jǔɛɛ̀?” 30Ɔ jèɛɛ, nyɔ ɓěɔ̀ sɔ̀ ma hwɔɖɔɔ̀ mú, ké wa mu ma Jízɛ̀ gbo.
31Ɓó ti dyúáɖòɔ̀ xwíníín nyɛɛ, Jízɛ̀ɛ̀ ɖeín-nà-nyɔ̀ ɓěɔ̀ nì ma ɔ ɓaàǔn, ké wa ɖá, “Nyɔ-ɖɛ-tɛ̀mɛ̀ìn-nyɔ̀, ɖiá wɛ́ɛ ɖɛe.”
32Kɛɛ Jízɛ̀ cɛ̃ɛ ma wa gbo, ké ɔ ɖá, “Ḿ ɓéɖé ɖii-ɖɛ̀ ɓɛ́ ḿ kéɛ ɖi, ké ɓě seɛ jè dyuò.”
33Ɔ jèɛɛ, ɔ ɖeín-nà-nyɔ̀ ɓěɔ̀ dièìn dìèìn ma dyi, ké wa ɖá, “Nyɔ ɖò dyà má ɔ ɖii-ɖɛ̀ɛ̀?”
34Ké Jízɛ̀ cɛ̃ɛ ma wa gbo, ké ɔ ɖá, “Ní ɖii-ɖɛ̀ɔ̀ mɔ̀ ɓɛ́ ḿ ké nyɔ mɔ̀ nyɔ ɖoɓoà ḿ wɛ̃ɛ mɔ́ɔ́-ɖɛ̀ nyu, ɔ kè ɓɛ́ ḿ ké kũ̀à ɓɛ́ ɔ nyíà ḿ ɓɛ́ ḿ kéà nyuɛɛ nyuɛ hwɔ. 35Ɓě ɓéɖé nɔ́ɔ́ ɖò, ké ɓě ɖá, ‘Dɛ̀nɛ̀ hĩinyɛ dyi ziín, nìí, ɔ mɔ̀ǎ mɔɔ́-kɔ́-ɓàɖà.’ Ḿ cɛ̃ɛ ɓě gbo, ɓě gmɔ̀ ɖéa, ɓɛ́ ɓě ké mɔɔ́-gèɖèɔ̀ dyé. Ɔ ɖǎ kɔ́, ké ɔ mɔ̀ǎ ti ɓɛ́ wa kéá ɔ cɛ̃. 36Nyɔ mɔ̀ nyɔ cɛ̃à mɔɔ́ɔ̀ kɛɛ dyé pɛ́ɛ̀-ɖɛ̀. Ké ɔ poìn mɔɔ́ dyí ɓó sè-ná-sèɛ̀ fɛ̀ɛ̀ jè, ɓɛ́ nyɔ mɔ̀ nyɔ poà mɔɔ́ɔ̀ kɛ kè nyɔ cɛ̃à mɔɔ́ɔ̀ kɛɛ, wa sɔ̃́ɔ̀ ké múàǔn kpá. 37Sepóɛɖé ɖɛ wa cɛ̃à kɛɛ mɔ̀ jǎà. Wa ɖá, ‘Nyɔ ɖò po mɔɔ́, ké nyɔ ɖò mɔ̀ùn cɛ̃ɛ.’ 38Ḿ ɖǎ ɓě ɖoɓo, ɓɛ́ ɓě ké mɔɔ́ kɔ̃̀ kũ̀à ɓě se ma nyuɛɛ cɛ̃. Nyɔ kà kò ɖò ɓě nyu ɖé kũ̀à, ké ɓě mɔ̀ùn nìǎ ɔ kpáná ɖò kɔ̃ún dyéɛń.”
39Ɓó tia ɓaɖaa, Sɛ̀mɛ́ɖìà-nyɔ̀ ɓě ɓɛ́ wa nì ma hwɔɖɔɔ̀ múɛɛ pàɖǎ taɓa ma Jízɛ̀ hwìɖǐǐ ɓó ɖɛ ɓɛ́ màaɔ̀ cɛ̃ ma kà kɛɛ jè. Màaɔ̀ ɖá, “Ɔ cɛ̃ ma ɖɛ séín ɓě ɓɛ́ ḿ ɖǎǒ nyuɛɛ ḿ gbo.” 40Ɔ jèɛɛ, ti ɓɛ́ Sɛ̀mɛ́ɖìà-nyɔ̀ ɓěɔ̀ dyi ma Jízɛ̀ gboɛɛ, wa ɓaà ma ɔ, ɓɛ́ ɔ ké ma ɖé wa gbo nì ke. Ké Jízɛ̀ nyu ma ɖé wé sɔ̃́.
41Nyɔ pàɖǎ taɓa ma ɔ hwìɖǐǐ ɓó ɖɛ ɔ cɛ̃ ma kà kɛɛ jè. 42Wa cɛ̃ɛ ma màaɔ̀ gbo, ké wa ɖá, “À taɓa ɔ hwìɖǐǐ kàǔn. Ɔ se ɓó ɖɛ m̀ cɛ̃à kɛɛ jè. Kɛɛ ɔ mɔ̀, sepóɛɖé à mìɔùn ɖǎ ɔ wuɖu wɔ̃́, ké à dyuò kà ɔ mɔ̀ ɓóɖó-kpàà nyɔ ɓě Póìn-nyɔ̀ jǎà kɛ.”
Jízɛ̀ kánáìn nyɔ vɛ̀nɛ̀ ɖòɛ̀ dyú dyi
43Ti wé sɔ̃́ ɖǎ ma ziɛɛ, Jízɛ̀ sɔ̀ ma ɓó dyí, ké ɔ mu ma ɖé Gáɖàɖíì-ɓòɖòɔ̀ kɔ̃. 44Sepóɛɖé Jízɛ̀ mìɔùn cɛ̃ɛ ma, ké ɔ ɖá, “Wa se kpáá-ɖɛ̀-cɛ̃-nyɔ̀ ɖò kpéín dyé ɖé ɔ mìɔùn nììn ɓíɖí-ɓòɖò kɔ̃.” 45Ti ɓɛ́ ɔ nyini ma ɖé Gáɖàɖíì-ɓòɖòɔ̀ kɔ̃ɛɛ, nyɔ ɓě nì ma ɖéɛɛ kpɔ̃ ma ɔ jè dyi, sepóɛɖé wa mɔ̀ùn gã̀ ma ɖé Zĩ̀ìn-Kɔ̃in-hwɔ̀ɔ̀ kɔ̃ dyi ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké wa ɖǎ ma ɖɛ séín ɓě ɓɛ́ ɔ nyu ma ɓó hwɔɔ̀ tiín nyɛɛ dyé.
46Jízɛ̀ mu ma ɖé Kéénà-hwɔ̀ɖɔ̀ nìà ɖé Gáɖàɖíì-ɓòɖòɔ̀ kɔ̃ɛɛ mú, dɛ̀ ɓɛ́ ɔ ɖǎ ma kà níɔ̀ wã́ìn mú zɛ̃̀ìn nyɛ. Ɓóɖó-nyɔ̀ vɛ̀nɛ̀ ɖò nì ma ɖé. Ɔ dyú ɓɛ́ ɔ nì ma ɖé Kɔ̀pánìà-hwɔ̀ɖɔ̀ɔ̀ mú kɛɛ nì ma wɛ́iń. 47Ti ɓɛ́ nyɔ vɛ̀nɛ̀ɔ̀ wɔ̃́ɔ ma kà ɓɛ́ Jízɛ̀ ɖǎ ma ɖé Júɖìà-ɓòɖòɔ̀ kɔ̃ sɔ̀, ké ɔ ɖǎ ma ɖé Gáɖàɖíì-ɓòɖòɔ̀ kɔ̃ dyiɛɛ, ɔ mu ma Jízɛ̀ gbo, ké ɔ ɓaà ma ɔ, ɓɛ́ ɔ ké ma ɖé Kɔ̀pánìà-hwɔ̀ɖɔ̀ɔ̀ mú mu, ɓɛ́ ɔ ké ma ɔ dyú-gàà ɓɛ́ ɔ nìǎ ma mɛ́iń muɛń nyɛɛ dyi kánáìn. 48Ké Jízɛ̀ cɛ̃ɛ ma ɔ gbo, ké ɔ ɖá, “Ɓě ɖò se hwìɖǐǐ-taɓa-taɓa ɓéɖéɛ mu fɔɔ cá, ɔ sèìn ké ɓě dyé dyɛ ɖàɓàìn-ɖɛ̀ kè ɖɛ dĩ́ín-dĩ̀ìn ɓě hwɛ̀.”
49Ké nyɔ vɛ̀nɛ̀ɔ̀ cɛ̃ɛ ma ɔ gbo, ké ɔ ɖá, “Ɓɔ̌ɔ̀, dyi, ɓɛ́ ḿ kè mɔ̀ ké mu, ní dyúɔ̀ ní kɔ̃̀ ɖà mɛ́.”
50Hwɛ̀ ké Jízɛ̀ cɛ̃ɛ ma ɔ gbo, ké ɔ ɖá, “Mu m̀ ɖɛ. Nì dyúɔ̀ mu cĩ́ìn.”
Gàaɔ̀ po ma ɖɛ Jízɛ̀ cɛ̃ ma kà kɛɛ jǎà, ké ɔ mu ma. 51Ti ɔ nì ma hwìèɔ̀ kɔ̃ kɛɛ, ɔ kè ɔ gbo-nì-nyɔ̀ ɓěɔ̀ gmɔ̌ìn ma ní. Ké wa cɛ̃ɛ ma ɔ gbo, ké wa ɖá, “Nì dyúɔ̀ nì cĩ́ɛń.”
52Ké gàaɔ̀ diè ma ti ɓɛ́ ɔ dyúɔ̀ dè ma dyi kánáa gbɔɛɛ jè wa dyi, ké wa cɛ̃ɛ ma ɔ gbo, ké wa ɖá, “Ɔ mɔ̀ ma ɓó mabã̀a. Ɔ dyɔɔ̀ ɓɔ́ ma sùmùɛ̀ ti ɓɛ́ dyóɖóɔ̀ ɖǎ ma nyɔǔn dú-hwìɛ̀ zɛ̀nɛ̌ kɛ.” 53Púɛɛ, dyúɔ̀ ɓǎɔ̀ dyuòɛ̀ ma dyí kà ɓɛ́ ɔ mɔ̀ ma ti déín ɓɛ́ Jízɛ̀ cɛ̃ɛ ma kà ɔ gbo, ké ɔ dyi ma kà níiń, “Nì dyúɔ̀ mu cĩ́ìno” wɛ. Ké ɔ kè ɔ ɓíɖí-gbǒ-xwíníín-nyɔ̀ séín ɓěɔ̀ taɓa ma Jízɛ̀ hwìɖǐǐ. 54Ɔ mɔ̀ zɛ̃̀ìn-ɖɛ̀ ɓě ɓɛ́ Jízɛ̀ nyu ma ti ɓɛ́ ɔ sɔ̀ ma ɖé Júɖìà-ɓòɖòɔ̀ kɔ̃, ké ɔ dyi ma Gáɖàɖíì-ɓòɖòɔ̀ kɔ̃ kɛɛ sɔ̃́ nììnɔ̀.
Цяпер абрана:
Jɔ̃́ɔ́ 4: ƁB02
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bassa Bible © Bible Society Liberia, 2002.
Jɔ̃́ɔ́ 4
4
Jízɛ̀ kè Sɛ̀mɛ́ɖìà-màà ɖò jè
1Fáɖòsíì-nyɔ̀ ɓěɔ̀ wɔ̃́ɔ ma kà ɓɛ́ nyɔ ɓě ɓɛ́ Jízɛ̀ nyu ɔ ɖeín-nà-nyɔ̀ ɓě mú, ké ɔ po ma wa níɔ kɛɛ vò ma dyí, ké wa zi ma Jɔ̃́ɔ́ nììn ɓěɔ̀ dyíɛ. 2Kɛɛ Jízɛ̀ mìɔùn se ma nyɔ ɓěɔ̀ níɔ po. Ɔ ɖeín-nà-nyɔ̀ ɓěɔ̀ mɔ̀ nyɔ po ma wa níɔ. 3Ti ɓɛ́ Jízɛ̀ wɔ̃́ ɖɛ nyɔ ɓěɔ̀ nì ma kà cɛ̃iń nyɛɛ, ɔ sɔ̀ ma ɖé Júɖìà-ɓòɖòɔ̀ kɔ̃, ké ɔ mu ma ɖé Gáɖàɖíì-ɓòɖòɔ̀ kɔ̃ ɖe.
4Ti ɔ nì ma ɖé muɛń nyɛɛ, ɔ ɓéɖé ɓɛ́ ɔ ké ma ɖé Sɛ̀mɛ́ɖìà-ɓòɖòɔ̀ kɔ̃ zĩ̀ìn. 5Ɔ nyini ma hwɔɖɔ ɖò kɔ̃̀ nyɛ́nɛ́ mɔ̀ Sáíkà, ɓɛ́ ɔ nì ma ɖé Sɛ̀mɛ́ɖìà-ɓòɖòɔ̀ kɔ̃ɛɛ mú. Ɔ xwɛ̃́ìn ma ɖé pá ɓɛ́ Jékɔ̀ nyí zɔ̃̌ɔ̀ kà ɔ dyú Jòsé kɛɛ mú dyi. 6Jékɔ̀ɛ̀ ní-ɓìɔ̀ nì ma ɖé. Jízɛ̀ ɖǎ ma nà, ké ɔ ɖǎ ma sa. Ɔ jèɛɛ, ɔ kò ma ɓó ní-ɓìɔ̀ wĩín dyi. Ɔ ɓɛ́ìn ma dyóɖó-kò-dú-hwìɛ̀ jǔɛ.
7Ké Sɛ̀mɛ́ɖìà-màà ɖò dyi ma ní píníɛń. Ké Jízɛ̀ cɛ̃ɛ ma ɔ gbo, ké ɔ ɖá, “Nyí ḿ ní, ɓɛ́ ḿ kéɛ ná.” 8Jízɛ̀ɛ̀ ɖeín-nà-nyɔ̀ ɓěɔ̀ ɖǎ ma ɖé hwɔɖɔɔ̀ mú mu, ɓɛ́ wa ké ma ɖii-ɖɛ̀ dɔ̃.
9Ké Sɛ̀mɛ́ɖìà-mààɔ̀ cɛ̃ɛ ma Jízɛ̀ gbo, ké ɔ ɖá, “M̀ mɔ̀ Júù-nyɔ̀, ké ḿ mɔ̀ Sɛ̀mɛ́ɖìà-nyɔ̀. Xwɛ̌ nyu ɓɛ́ m̀ dyi ḿ ní zɔ̀ìn nyɛ́?” Ɔ cɛ̃ ma ɖɛ nìà kɛ, sepóɛɖé Júù-nyɔ̀ ɓěɔ̀ kè Sɛ̀mɛ́ɖìà-nyɔ̀ ɓěɔ̀ se gbo-kpɔ̃ìn-kpɔ̃ìn ɖò ɓéɖé.
10Ké Jízɛ̀ zà ma ɖé wuɖu, ké ɔ ɖá, “M̀ dyiɔ́ ɖɛ ɓɛ́ Gèɖèpɔ́ɔ̀ nyí nyɔǔn wɛ̃ ɔ kè nyɔ mɔ̀ nyɔ nìà m̀ ní zɔ̀ǐn nyɛɛ dyí dyuò ní, nìí, nì muɔ́ má ɔ ɖɛ zɔ̀ìn, ké ɔ muɔ́ má m̀ ní ɓéɖé fɛ̀ɛ̀ kɛɛ nyíìn.”
11Hwɛ̀ ké màaɔ̀ cɛ̃ɛ ma ɔ gbo, ké ɔ ɖá, “Ɓɔ̌ɔ̀, m̀ se gbǎ-wĩín ɖò ɓéɖé, ké ní-ɓìɔ̀ tɔ̀mɔ̀ mú. Dɛ̌ nì mu ní ɓéɖé fɛ̀ɛ̀ɔ̀ zàùn wɛ̃́? 12À ɓǎ nììn ɓǎ Jékɔ̀ nyí ma à ní-ɓì nìà kɛ. Ɔ kè ɔ dyú ɓěɔ̀ ɔ kè ɔ nyúà-ɖɛ̀ ɓěɔ̀ ná ma ní sɔ̀ìn ní-ɓì nìà kɛ múɛ. M̀ kpa ɖɛ ké m̀ zi Jékɔ̀ dyíì?”
13Ké Jízɛ̀ cɛ̃ɛ ma ɔ gbo, ké ɔ ɖá, “Nyɔǔn séín ɓɛ́ wa ná ní nìà kɛɛ, ní-ná-tò nyu wa ní ɖe, 14kɛɛ nyɔǔn séín ɓɛ́ wa ná ní ɓɛ́ ní muà wa nyíìn nyɛɛ, ní-ná-tò se wa nyuɛ́ mu ɖe fɔɔ, sepóɛɖé ní ɓɛ́ ní muà wa nyíìn nyɛɛ mu ní-dù ɓɛ́ ɔ mu wa sè-ná-sèɛ̀ fɛ̀ɛ̀ nyíìn nyɛɛ jǔùn ɖé wa mú.”
15Ké màaɔ̀ ɖá, “Ɓɔ̌ɔ̀, nyí ḿ níɔ̀ ɖò. Nìí, ní-ná-tò se ḿ nyuɛ́ mu ɖe, ké ḿ se nɔ̄ ní píníɛń dyiɛ́ mu ɖe.”
16Púɛɛ, Jízɛ̀ cɛ̃ɛ ma ɔ gbo, ké ɔ ɖá, “Mu, ɓɛ́ m̀ ké nì dyú-ɓǎɔ̀ ɖá, ɓɛ́ m̀ ké nɔ̄ ɖe dyi.”
17Ké màaɔ̀ ɖá, “Ḿ se dyú-ɓǎ ɖò ɓéɖé.”
Hwɛ̀ ké Jízɛ̀ ɖá, “Kà ɓɛ́ m̀ ɖá m̀ seà dyú-ɓǎ ɖò ɓéɖéɛɛ, m̀ cɛ̃ jǎà. 18M̀ kè gàa hm̀m̌ ɖǎ ma dyi kpɔ̃ìn, ké gàa ɓɛ́ m̀ kèɔ̀ kè nìà mú naǐn kàǔn wɛ̃ɛ se nì dyú-ɓǎ jɛ́ɛ́. M̀ ɖǎ jǎà cɛ̃.”
19Ké màaɔ̀ cɛ̃ɛ ma ɔ gbo, ké ɔ ɖá, “Ɓɔ̌ɔ̀, ḿ dyéɛ kà m̀ mɔ̀ kpáá-ɖɛ̀-cɛ̃-nyɔ̀ ɖò kɛ. 20À mɔ̀ Sɛ̀mɛ́ɖìà-nyɔ̀ ɓěɛɛ, à ɓǎ nììn ɓǎ ɓěɔ̀ ɓièìn ma Gèɖèpɔ́ɔ̀ ɖé toɖo nìà kɛ dya. Kɛɛ ɓě mɔ̀ Júù-nyɔ̀ ɓěɛɛ, ɓě ɖá ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɖéɛ̀ nyɔǔn ɓéɖé ɓɛ́ wa ké Gèɖèpɔ́ɔ̀ ɓièìn.”
21Ké Jízɛ̀ cɛ̃ɛ ma ɔ gbo, ké ɔ ɖá, “Noò, ti ɖò mu dyiìn, ké nyɔ ɓě se Ɓǎɔ̀ ɓièɛ̌ mu ɖe nɔ̄ toɖoɛ̀ dya mɔɔ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. M̀ mɛ po ní wuɖuɔ̀ jǎà. 22Ɓě mɔ̀ Sɛ̀mɛ́ɖìà-nyɔ̀ ɓěɛɛ, ɓě se nyɔ ɓɛ́ ɓě ɓièà kɛɛ dyí dyuò jɛ́ɛ́. Kɛɛ à mɔ̀ Júù-nyɔ̀ ɓěɛɛ, à dyuò nyɔ ɓɛ́ à ɓièà kɛɛ dyí, sepóɛɖé pó-póɔ̀ sɔ̀ìn ɖé Júù-nyɔ̀ ɓěɔ̀ gbo. 23Kɛɛ ti ɖò nì dyiɛń, ké tiɔ̀ ɖǎ nyini nɔ̀ɔ̀. Ɔ mɔ̀ ti ɓɛ́ nyɔ ɓě ɓɛ́ wa ɓiè Ɓǎ jɛ́ɛ́ɔ̀ kɛɛ mu ɔ ɓièìn ɖé zùǔn ɔ kè ɖé jǎà múɛ. Ɓiè-nyɔ̀ ɓě ɓɛ́ Ɓǎɔ̀ mɔ́ ɓɛ́ wa ké ɔ ɓièɛɛ nìàǒ wɛ̀. 24Gèɖèpɔ́ɔ̀ mɔ̀ Zùù, ké nyɔ ɓě ɓɛ́ wa ɓiè ɔ kɛɛ ɓéɖé ɓɛ́ wa ké ɔ ɓiè ɖé Zùùɔ̀ mú ɔ kè ɖé jǎà mú.”
25Ké màaɔ̀ cɛ̃ɛ ma ɔ gbo, ké ɔ ɖá, “Ḿ dyuò kà Mɛ̀sádyà ɓɛ́ wa ɖáìn Kɛ́ɖɛ́ì kɛɛ mu dyiìn nyɛ. Ɔ dyi dyiín, ɔ mu à ɖɛ séín gbo cɛ̃ìn.”
26Hwɛ̀ ké Jízɛ̀ cɛ̃ɛ ma ɔ gbo, ké ɔ ɖá, “Mɔ̄ nìà m̀ gbo wùɖùɛ̌n nyɛɛ, ḿ mɔ̀ ɔ mɔ̀.”
27Ɓó tia múɛɛ, Jízɛ̀ɛ̀ ɖeín-nà-nyɔ̀ ɓěɔ̀ dyi ma ɖe. Wa zi ma dyi giniɛ̌n mìɔ kà ɓɛ́ ɔ kè màa ɖò nì ma wùɖùɛ̌n nyɛ. Kɛɛ wa ɖò se ma ɔ dyi diè, ɓɛ́ wa ké níiń, “Ɖɛ́ m̀ mɔ́ kɛ́?” mɔɔ ɓɛ́ wa ɖò ké níiń, “Ɖɛ́ kɔ̃̀ jè m̀ kèɔ̀ kè nìà wùɖùɛ̌n nyɛ́?”
28Púɛɛ, màaɔ̀ sè ma ɓó ɔ ní-mú-píníìn-ɖɛ̀ɔ̀, ké ɔ mu ma ɖé hwɔɖɔɔ̀ mú ɖe. Ké ɔ cɛ̃ɛ ma nyɔ ɓěɔ̀ gbo, ké ɔ ɖá, 29“Ɓě dyi, ɓɛ́ ɓě ké gàa ɓɛ́ ɔ cɛ̃ ɖɛ séín ɓě ɓɛ́ ḿ ɖǎǒ nyuɛɛ jè ḿ gboɛɛ dyé. Ɔ ɓɛ́ìn Kɛ́ɖɛ́ìɔ̀ jǔɛɛ̀?” 30Ɔ jèɛɛ, nyɔ ɓěɔ̀ sɔ̀ ma hwɔɖɔɔ̀ mú, ké wa mu ma Jízɛ̀ gbo.
31Ɓó ti dyúáɖòɔ̀ xwíníín nyɛɛ, Jízɛ̀ɛ̀ ɖeín-nà-nyɔ̀ ɓěɔ̀ nì ma ɔ ɓaàǔn, ké wa ɖá, “Nyɔ-ɖɛ-tɛ̀mɛ̀ìn-nyɔ̀, ɖiá wɛ́ɛ ɖɛe.”
32Kɛɛ Jízɛ̀ cɛ̃ɛ ma wa gbo, ké ɔ ɖá, “Ḿ ɓéɖé ɖii-ɖɛ̀ ɓɛ́ ḿ kéɛ ɖi, ké ɓě seɛ jè dyuò.”
33Ɔ jèɛɛ, ɔ ɖeín-nà-nyɔ̀ ɓěɔ̀ dièìn dìèìn ma dyi, ké wa ɖá, “Nyɔ ɖò dyà má ɔ ɖii-ɖɛ̀ɛ̀?”
34Ké Jízɛ̀ cɛ̃ɛ ma wa gbo, ké ɔ ɖá, “Ní ɖii-ɖɛ̀ɔ̀ mɔ̀ ɓɛ́ ḿ ké nyɔ mɔ̀ nyɔ ɖoɓoà ḿ wɛ̃ɛ mɔ́ɔ́-ɖɛ̀ nyu, ɔ kè ɓɛ́ ḿ ké kũ̀à ɓɛ́ ɔ nyíà ḿ ɓɛ́ ḿ kéà nyuɛɛ nyuɛ hwɔ. 35Ɓě ɓéɖé nɔ́ɔ́ ɖò, ké ɓě ɖá, ‘Dɛ̀nɛ̀ hĩinyɛ dyi ziín, nìí, ɔ mɔ̀ǎ mɔɔ́-kɔ́-ɓàɖà.’ Ḿ cɛ̃ɛ ɓě gbo, ɓě gmɔ̀ ɖéa, ɓɛ́ ɓě ké mɔɔ́-gèɖèɔ̀ dyé. Ɔ ɖǎ kɔ́, ké ɔ mɔ̀ǎ ti ɓɛ́ wa kéá ɔ cɛ̃. 36Nyɔ mɔ̀ nyɔ cɛ̃à mɔɔ́ɔ̀ kɛɛ dyé pɛ́ɛ̀-ɖɛ̀. Ké ɔ poìn mɔɔ́ dyí ɓó sè-ná-sèɛ̀ fɛ̀ɛ̀ jè, ɓɛ́ nyɔ mɔ̀ nyɔ poà mɔɔ́ɔ̀ kɛ kè nyɔ cɛ̃à mɔɔ́ɔ̀ kɛɛ, wa sɔ̃́ɔ̀ ké múàǔn kpá. 37Sepóɛɖé ɖɛ wa cɛ̃à kɛɛ mɔ̀ jǎà. Wa ɖá, ‘Nyɔ ɖò po mɔɔ́, ké nyɔ ɖò mɔ̀ùn cɛ̃ɛ.’ 38Ḿ ɖǎ ɓě ɖoɓo, ɓɛ́ ɓě ké mɔɔ́ kɔ̃̀ kũ̀à ɓě se ma nyuɛɛ cɛ̃. Nyɔ kà kò ɖò ɓě nyu ɖé kũ̀à, ké ɓě mɔ̀ùn nìǎ ɔ kpáná ɖò kɔ̃ún dyéɛń.”
39Ɓó tia ɓaɖaa, Sɛ̀mɛ́ɖìà-nyɔ̀ ɓě ɓɛ́ wa nì ma hwɔɖɔɔ̀ múɛɛ pàɖǎ taɓa ma Jízɛ̀ hwìɖǐǐ ɓó ɖɛ ɓɛ́ màaɔ̀ cɛ̃ ma kà kɛɛ jè. Màaɔ̀ ɖá, “Ɔ cɛ̃ ma ɖɛ séín ɓě ɓɛ́ ḿ ɖǎǒ nyuɛɛ ḿ gbo.” 40Ɔ jèɛɛ, ti ɓɛ́ Sɛ̀mɛ́ɖìà-nyɔ̀ ɓěɔ̀ dyi ma Jízɛ̀ gboɛɛ, wa ɓaà ma ɔ, ɓɛ́ ɔ ké ma ɖé wa gbo nì ke. Ké Jízɛ̀ nyu ma ɖé wé sɔ̃́.
41Nyɔ pàɖǎ taɓa ma ɔ hwìɖǐǐ ɓó ɖɛ ɔ cɛ̃ ma kà kɛɛ jè. 42Wa cɛ̃ɛ ma màaɔ̀ gbo, ké wa ɖá, “À taɓa ɔ hwìɖǐǐ kàǔn. Ɔ se ɓó ɖɛ m̀ cɛ̃à kɛɛ jè. Kɛɛ ɔ mɔ̀, sepóɛɖé à mìɔùn ɖǎ ɔ wuɖu wɔ̃́, ké à dyuò kà ɔ mɔ̀ ɓóɖó-kpàà nyɔ ɓě Póìn-nyɔ̀ jǎà kɛ.”
Jízɛ̀ kánáìn nyɔ vɛ̀nɛ̀ ɖòɛ̀ dyú dyi
43Ti wé sɔ̃́ ɖǎ ma ziɛɛ, Jízɛ̀ sɔ̀ ma ɓó dyí, ké ɔ mu ma ɖé Gáɖàɖíì-ɓòɖòɔ̀ kɔ̃. 44Sepóɛɖé Jízɛ̀ mìɔùn cɛ̃ɛ ma, ké ɔ ɖá, “Wa se kpáá-ɖɛ̀-cɛ̃-nyɔ̀ ɖò kpéín dyé ɖé ɔ mìɔùn nììn ɓíɖí-ɓòɖò kɔ̃.” 45Ti ɓɛ́ ɔ nyini ma ɖé Gáɖàɖíì-ɓòɖòɔ̀ kɔ̃ɛɛ, nyɔ ɓě nì ma ɖéɛɛ kpɔ̃ ma ɔ jè dyi, sepóɛɖé wa mɔ̀ùn gã̀ ma ɖé Zĩ̀ìn-Kɔ̃in-hwɔ̀ɔ̀ kɔ̃ dyi ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké wa ɖǎ ma ɖɛ séín ɓě ɓɛ́ ɔ nyu ma ɓó hwɔɔ̀ tiín nyɛɛ dyé.
46Jízɛ̀ mu ma ɖé Kéénà-hwɔ̀ɖɔ̀ nìà ɖé Gáɖàɖíì-ɓòɖòɔ̀ kɔ̃ɛɛ mú, dɛ̀ ɓɛ́ ɔ ɖǎ ma kà níɔ̀ wã́ìn mú zɛ̃̀ìn nyɛ. Ɓóɖó-nyɔ̀ vɛ̀nɛ̀ ɖò nì ma ɖé. Ɔ dyú ɓɛ́ ɔ nì ma ɖé Kɔ̀pánìà-hwɔ̀ɖɔ̀ɔ̀ mú kɛɛ nì ma wɛ́iń. 47Ti ɓɛ́ nyɔ vɛ̀nɛ̀ɔ̀ wɔ̃́ɔ ma kà ɓɛ́ Jízɛ̀ ɖǎ ma ɖé Júɖìà-ɓòɖòɔ̀ kɔ̃ sɔ̀, ké ɔ ɖǎ ma ɖé Gáɖàɖíì-ɓòɖòɔ̀ kɔ̃ dyiɛɛ, ɔ mu ma Jízɛ̀ gbo, ké ɔ ɓaà ma ɔ, ɓɛ́ ɔ ké ma ɖé Kɔ̀pánìà-hwɔ̀ɖɔ̀ɔ̀ mú mu, ɓɛ́ ɔ ké ma ɔ dyú-gàà ɓɛ́ ɔ nìǎ ma mɛ́iń muɛń nyɛɛ dyi kánáìn. 48Ké Jízɛ̀ cɛ̃ɛ ma ɔ gbo, ké ɔ ɖá, “Ɓě ɖò se hwìɖǐǐ-taɓa-taɓa ɓéɖéɛ mu fɔɔ cá, ɔ sèìn ké ɓě dyé dyɛ ɖàɓàìn-ɖɛ̀ kè ɖɛ dĩ́ín-dĩ̀ìn ɓě hwɛ̀.”
49Ké nyɔ vɛ̀nɛ̀ɔ̀ cɛ̃ɛ ma ɔ gbo, ké ɔ ɖá, “Ɓɔ̌ɔ̀, dyi, ɓɛ́ ḿ kè mɔ̀ ké mu, ní dyúɔ̀ ní kɔ̃̀ ɖà mɛ́.”
50Hwɛ̀ ké Jízɛ̀ cɛ̃ɛ ma ɔ gbo, ké ɔ ɖá, “Mu m̀ ɖɛ. Nì dyúɔ̀ mu cĩ́ìn.”
Gàaɔ̀ po ma ɖɛ Jízɛ̀ cɛ̃ ma kà kɛɛ jǎà, ké ɔ mu ma. 51Ti ɔ nì ma hwìèɔ̀ kɔ̃ kɛɛ, ɔ kè ɔ gbo-nì-nyɔ̀ ɓěɔ̀ gmɔ̌ìn ma ní. Ké wa cɛ̃ɛ ma ɔ gbo, ké wa ɖá, “Nì dyúɔ̀ nì cĩ́ɛń.”
52Ké gàaɔ̀ diè ma ti ɓɛ́ ɔ dyúɔ̀ dè ma dyi kánáa gbɔɛɛ jè wa dyi, ké wa cɛ̃ɛ ma ɔ gbo, ké wa ɖá, “Ɔ mɔ̀ ma ɓó mabã̀a. Ɔ dyɔɔ̀ ɓɔ́ ma sùmùɛ̀ ti ɓɛ́ dyóɖóɔ̀ ɖǎ ma nyɔǔn dú-hwìɛ̀ zɛ̀nɛ̌ kɛ.” 53Púɛɛ, dyúɔ̀ ɓǎɔ̀ dyuòɛ̀ ma dyí kà ɓɛ́ ɔ mɔ̀ ma ti déín ɓɛ́ Jízɛ̀ cɛ̃ɛ ma kà ɔ gbo, ké ɔ dyi ma kà níiń, “Nì dyúɔ̀ mu cĩ́ìno” wɛ. Ké ɔ kè ɔ ɓíɖí-gbǒ-xwíníín-nyɔ̀ séín ɓěɔ̀ taɓa ma Jízɛ̀ hwìɖǐǐ. 54Ɔ mɔ̀ zɛ̃̀ìn-ɖɛ̀ ɓě ɓɛ́ Jízɛ̀ nyu ma ti ɓɛ́ ɔ sɔ̀ ma ɖé Júɖìà-ɓòɖòɔ̀ kɔ̃, ké ɔ dyi ma Gáɖàɖíì-ɓòɖòɔ̀ kɔ̃ kɛɛ sɔ̃́ nììnɔ̀.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bassa Bible © Bible Society Liberia, 2002.