LUKAS 21
21
Bin kabom oso farsarser ḇyena
21:1-4
(Mrk. 12:41-44)
1Rofafisu Yesus isya ro Allah Rum ḇyedi myam snonkaku ḇenanasya srir farsarser sena ro burua farsarserya. 2Myam kako bin kabom ḇesaḇarar oso dakrir remis risuru ro burua farsaser ani dori. 3Inja ikofen: “Yakofen faro mko, kaku ḇeri bin ḇesaḇarar ine ḇyuk farsarser sibor syadi ro kawasa ansine kam. 4Snar sikam ssḇuk ro farsbawer sena, ḇape kabom ine syaḇarar rariso kako ḇyuk ro nana ḇyena kam, ḇeḇefandun ro kankenem ḇyedi.”
Allah Rum ḇyedi nari ḇye ḇekakok
21:5-6
(Mat. 24:1-2; Mrk. 13:1-2)
5Ro fafisu snonkaku ono sawawos ro roi ḇekur Allah Rum ḇyedi ma smander ḇaḇaus ḇeḇesya ani, ḇyeḇefrur kuker karui ḇepyum ma roi ḇeḇor ssḇuki fyarser faro Allah, inja Yesus ikofen farosi: 6“Rosai mkomam ḇesya ro dia – nari rasya isyama, karui oso ipok ḇyarek ro karuiyo boriḇa; nakam nari neḇekakok.”
Ḇaḇe kandera randakya
21:7-19
(Mat. 24:3-14; Mrk. 13:3-13)
7Ma manfamyan ḇyesi sifuken faroi, ḇo soḇo: “Guru, rofafisu saiso nari roi ḇeḇor nane nesyanya? Ma abyair saiso, ḇefasna rofafisu ndariryana?”
8Yesus kyarem: “Mkofasos insa seankar mko awer. Snar snonkaku sibor nari srama sap snonsnon ayedi ma sikofen: Ayai rya, ma fafisuya fyanam kwar. Mkoso awersi. 9Ma rofyor mkomnaf roi sawos ro mbroḇ ma mbriwer mko kandor awer. Snar nakam nari ndarirya ḇepon ḇape nfasna ras ḇepupesya nari ryama fasawya isya ḇaim.”
10Ikofen farosi: “Er oso nari ḇyembroḇ ma isampum er ḇese ma ḇaḇesasoser oso nari ḇyembroḇ ḇaḇesasoser ḇeseya, 11ma rim ḇeba kaku nari myun ma ro moḇ nabor dafduf kapyowi ma basbiser isya, ma nari roi ḇefrur kanandor naisya kako ma aḇyair-aḇyair ḇeyun nyawa nari nfasna ro nanki. 12Ḇape roi ḇeḇor nane naisya ḇaim nari sfor mko ma sewayammko; nari skukeḇ mko ro rum nadina ma mkosun ro bui, ma nari sun mkoḇe ḇarpon kankain wairek-wairek ma ḇesma papoik sya snar snonsnon ayedi. 13Inja roi nane nefafisu faro mko fa mkoḇuk ḇaryas Ankankinem Ḇeḇye ro Allah. 14#Luk. 12:11-12Inja mkoswarepen naḇye ro mkosnemna insa mkokara ḇepon awer sano faro mko. 15Snar mankundaya nari yaḇuk faro mko fawawi ro wos, isof mbroḇ mkoḇesi sipok sisampum mkoḇa. 16Ma sinan mkoḇesi, ma naek, kina, ma bati mkoḇesi sḇoḇ mko isof ono rofandu mko nari seḇemun, 17ma snonkakusya kam sayin mko snar snonsnon ayedi. 18Ḇape snonburyam osero ro mkoḇrumna ipok nari ryoḇa. 19Rofyor mkores nako, nari mkosma kankenem mkoḇena.”
Yesus dawawos ro makakok Yerusalem
21:20-24
(Mat. 24:15-21; Mrk. 13:14-19)
20“Rofyor mkomam sordade-sordadesya saiwarek Yerusalem ido, irya mkofawi beri, makakok ḇyedi fyanam kwar. 21Rofyor ani snonkaku ro Yudea sifrar sibur be bon, ma snonkaku ro Yerusalemsya kako iḇye sfaryane, ma snonkaku ro mnuya ḇandirisya ssun awer ḇe Yerusalem, 22#Hos. 9:7snar irya fafisu mamunsuya imnis kwar ro roi ḇeḇor kam sfas kwar ro Refo. 23Ras ani ifrur kandera fafayaḇa faro bin ḇemoḇesḇa ma ḇesasus sya! Mnu ine nari isma kandera ḇeba kaku ma Manseren nari ḇyuk samamyai faro er ine, 24ma nari seḇemun kuker sumber ma er ansi sunsi ḇe women faro er ḇeḇor kam ma er ḇefawi Allah ḇasya nari saref apepen Yerusalem, isof fafisu er ansi sedi imnis.”
Rumkun Snonkakuya rarama ḇyedi
21:25-33
(Mat. 24:29-35; Mrk. 13:24-31)
25 #
Yes. 13:10; Yeh. 32:7; Yl. 2:31; Why. 6:12-13 “Ma nari aḇyair-aḇyair ono naisya ro ori, paiki ma maksya, ma er-er ḇero supswan inesya kam nari simkak ma sikmom rakrok maum ma raryoi ro sorenya. 26Snonkakusya nari skarsosen rawo siḇe simar, snar makakakya ro roi ḇeḇor ḇemun supswan ine, snar samambraḇ ro nanki nari namarmer. 27#Dan. 7:13; Why. 1:7Rofafisu ani snonkakusya smam Rumkun Snonkakuya nari ryama ro mandep kuker papoik ma payamyum ḇyena. 28Rofyor roi nanekam ndarirya, mkokanaw mkoḇrumna, snar kniko monda mkosma koreri.”
29Raimnai Yesus ikofen sarḇer ine farosi: “Mkomam epen ara knam roḇa ai knam rosairyawer. 30Rofyor mkomam ai knam anna nkakyei kwar, mkofawi ro mankun mko irya wampasi samsamya fyanam kwar. 31Rarirya kako, rofyor mkomam roi ḇeḇor anna ndarirya ido, irya mkofawi Allah Ḇaḇesasoser ḇyedi fyanam kwar. 32Yakofen faro mko: Kaku ḇeri syos ine nari simar kam baim rofyor roi ḇeḇesya nane ndarirya. 33Nanki ma supswan ine nari napromes, ḇape wos ayena nkain nako isof fyoro-fyoro.”
Ananun wadwaren
21:34-38
34“Mkowaren mankun mko, insa mkosnemna nafo awer kuker swaruser munara ma masaser ma fandun-fandun ro kankenem mkoḇena, imbude Manseren ras ḇyedi ifyafer kanandor mko imnis denem oso. 35Snar ras ani imnis denem ḇefor snonkaku ḇekain ro supswan ine. 36Mkowaren ma mkoḇenadi ḇesya kwar, insa mkosma sambraḇ fa mkoḇukfaspar mko ro roi ḇeḇor ḇeḇesya anna, ma mkores nako ro ḇarpon Rumkun Snonkakuya.”
37 #
Luk. 19:47
Ro meser na Yesus ḇyuk farkarkor ro Allah Rum ḇyedi ma ro roḇ na isasyar fa denef ro urek Zaitun. 38Ma arwo na snonkaku ḇeḇor ansya kam sraḇe Allah Rum ḇyedi fa simnaf Yesus farkarkor ḇyena.
Цяпер абрана:
LUKAS 21: LAIBHW
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
LUKAS 21
21
Bin kabom oso farsarser ḇyena
21:1-4
(Mrk. 12:41-44)
1Rofafisu Yesus isya ro Allah Rum ḇyedi myam snonkaku ḇenanasya srir farsarser sena ro burua farsarserya. 2Myam kako bin kabom ḇesaḇarar oso dakrir remis risuru ro burua farsaser ani dori. 3Inja ikofen: “Yakofen faro mko, kaku ḇeri bin ḇesaḇarar ine ḇyuk farsarser sibor syadi ro kawasa ansine kam. 4Snar sikam ssḇuk ro farsbawer sena, ḇape kabom ine syaḇarar rariso kako ḇyuk ro nana ḇyena kam, ḇeḇefandun ro kankenem ḇyedi.”
Allah Rum ḇyedi nari ḇye ḇekakok
21:5-6
(Mat. 24:1-2; Mrk. 13:1-2)
5Ro fafisu snonkaku ono sawawos ro roi ḇekur Allah Rum ḇyedi ma smander ḇaḇaus ḇeḇesya ani, ḇyeḇefrur kuker karui ḇepyum ma roi ḇeḇor ssḇuki fyarser faro Allah, inja Yesus ikofen farosi: 6“Rosai mkomam ḇesya ro dia – nari rasya isyama, karui oso ipok ḇyarek ro karuiyo boriḇa; nakam nari neḇekakok.”
Ḇaḇe kandera randakya
21:7-19
(Mat. 24:3-14; Mrk. 13:3-13)
7Ma manfamyan ḇyesi sifuken faroi, ḇo soḇo: “Guru, rofafisu saiso nari roi ḇeḇor nane nesyanya? Ma abyair saiso, ḇefasna rofafisu ndariryana?”
8Yesus kyarem: “Mkofasos insa seankar mko awer. Snar snonkaku sibor nari srama sap snonsnon ayedi ma sikofen: Ayai rya, ma fafisuya fyanam kwar. Mkoso awersi. 9Ma rofyor mkomnaf roi sawos ro mbroḇ ma mbriwer mko kandor awer. Snar nakam nari ndarirya ḇepon ḇape nfasna ras ḇepupesya nari ryama fasawya isya ḇaim.”
10Ikofen farosi: “Er oso nari ḇyembroḇ ma isampum er ḇese ma ḇaḇesasoser oso nari ḇyembroḇ ḇaḇesasoser ḇeseya, 11ma rim ḇeba kaku nari myun ma ro moḇ nabor dafduf kapyowi ma basbiser isya, ma nari roi ḇefrur kanandor naisya kako ma aḇyair-aḇyair ḇeyun nyawa nari nfasna ro nanki. 12Ḇape roi ḇeḇor nane naisya ḇaim nari sfor mko ma sewayammko; nari skukeḇ mko ro rum nadina ma mkosun ro bui, ma nari sun mkoḇe ḇarpon kankain wairek-wairek ma ḇesma papoik sya snar snonsnon ayedi. 13Inja roi nane nefafisu faro mko fa mkoḇuk ḇaryas Ankankinem Ḇeḇye ro Allah. 14#Luk. 12:11-12Inja mkoswarepen naḇye ro mkosnemna insa mkokara ḇepon awer sano faro mko. 15Snar mankundaya nari yaḇuk faro mko fawawi ro wos, isof mbroḇ mkoḇesi sipok sisampum mkoḇa. 16Ma sinan mkoḇesi, ma naek, kina, ma bati mkoḇesi sḇoḇ mko isof ono rofandu mko nari seḇemun, 17ma snonkakusya kam sayin mko snar snonsnon ayedi. 18Ḇape snonburyam osero ro mkoḇrumna ipok nari ryoḇa. 19Rofyor mkores nako, nari mkosma kankenem mkoḇena.”
Yesus dawawos ro makakok Yerusalem
21:20-24
(Mat. 24:15-21; Mrk. 13:14-19)
20“Rofyor mkomam sordade-sordadesya saiwarek Yerusalem ido, irya mkofawi beri, makakok ḇyedi fyanam kwar. 21Rofyor ani snonkaku ro Yudea sifrar sibur be bon, ma snonkaku ro Yerusalemsya kako iḇye sfaryane, ma snonkaku ro mnuya ḇandirisya ssun awer ḇe Yerusalem, 22#Hos. 9:7snar irya fafisu mamunsuya imnis kwar ro roi ḇeḇor kam sfas kwar ro Refo. 23Ras ani ifrur kandera fafayaḇa faro bin ḇemoḇesḇa ma ḇesasus sya! Mnu ine nari isma kandera ḇeba kaku ma Manseren nari ḇyuk samamyai faro er ine, 24ma nari seḇemun kuker sumber ma er ansi sunsi ḇe women faro er ḇeḇor kam ma er ḇefawi Allah ḇasya nari saref apepen Yerusalem, isof fafisu er ansi sedi imnis.”
Rumkun Snonkakuya rarama ḇyedi
21:25-33
(Mat. 24:29-35; Mrk. 13:24-31)
25 #
Yes. 13:10; Yeh. 32:7; Yl. 2:31; Why. 6:12-13 “Ma nari aḇyair-aḇyair ono naisya ro ori, paiki ma maksya, ma er-er ḇero supswan inesya kam nari simkak ma sikmom rakrok maum ma raryoi ro sorenya. 26Snonkakusya nari skarsosen rawo siḇe simar, snar makakakya ro roi ḇeḇor ḇemun supswan ine, snar samambraḇ ro nanki nari namarmer. 27#Dan. 7:13; Why. 1:7Rofafisu ani snonkakusya smam Rumkun Snonkakuya nari ryama ro mandep kuker papoik ma payamyum ḇyena. 28Rofyor roi nanekam ndarirya, mkokanaw mkoḇrumna, snar kniko monda mkosma koreri.”
29Raimnai Yesus ikofen sarḇer ine farosi: “Mkomam epen ara knam roḇa ai knam rosairyawer. 30Rofyor mkomam ai knam anna nkakyei kwar, mkofawi ro mankun mko irya wampasi samsamya fyanam kwar. 31Rarirya kako, rofyor mkomam roi ḇeḇor anna ndarirya ido, irya mkofawi Allah Ḇaḇesasoser ḇyedi fyanam kwar. 32Yakofen faro mko: Kaku ḇeri syos ine nari simar kam baim rofyor roi ḇeḇesya nane ndarirya. 33Nanki ma supswan ine nari napromes, ḇape wos ayena nkain nako isof fyoro-fyoro.”
Ananun wadwaren
21:34-38
34“Mkowaren mankun mko, insa mkosnemna nafo awer kuker swaruser munara ma masaser ma fandun-fandun ro kankenem mkoḇena, imbude Manseren ras ḇyedi ifyafer kanandor mko imnis denem oso. 35Snar ras ani imnis denem ḇefor snonkaku ḇekain ro supswan ine. 36Mkowaren ma mkoḇenadi ḇesya kwar, insa mkosma sambraḇ fa mkoḇukfaspar mko ro roi ḇeḇor ḇeḇesya anna, ma mkores nako ro ḇarpon Rumkun Snonkakuya.”
37 #
Luk. 19:47
Ro meser na Yesus ḇyuk farkarkor ro Allah Rum ḇyedi ma ro roḇ na isasyar fa denef ro urek Zaitun. 38Ma arwo na snonkaku ḇeḇor ansya kam sraḇe Allah Rum ḇyedi fa simnaf Yesus farkarkor ḇyena.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце