Panagnaan 2
2
1Dari meꞌ looy na silay siꞌ meꞌ Tuhan bay mapayak junyaꞌ ka langit sampay mimon-mimon isi da. 2Lay na lupus papayak na mimon-mimon njawom nnom ngallaw. Pag taabut ni kapituꞌ ngallaw, lay na ya pahali. 3Boꞌ lay gi pinamulliya meꞌ na llaw looy siꞌ ma ni kapituꞌ sabap ilooy na llaw man na bay pahali paddus na bay mapayak labbasakayi.
Tuhan matomoꞌ jinisan tinanom-tinanom ndooy ni Eden
4Na balik ta pa salsila Tuhan bay mapayak junyaꞌ ka langit, meꞌ tuu karuha na: Sibuwa na mapayak, 5yaꞌ gi luu bay tomoꞌ katumbu-tumbuhan atawa tinanom sabap yaꞌ gi bay pingkaꞌ pinauwan junyaꞌ meꞌ Tuhan. Maka yaꞌ gi du luu manusiyaꞌ buwat pa tanaꞌ. 6Sugaꞌ san yaꞌ gi luu uwan taꞌ junyaꞌ, ndang luu na baw boheꞌ pōꞌ man jawom gumi maseꞌ kuwit tanaꞌ.
7Na meꞌ Tuhan bay mapayak manusiyaꞌ meꞌ tuu: Lay ya ngaddoꞌ tanaꞌ, boꞌ pinuta meꞌ na binuwat baran lalla. Pag lupus, boꞌ pinahuwa meꞌ Tuhan napas na pa jawom sammo lalla looy binuwanan nyawa. Dari ilooy ma llum du lalla looy.
8Na halloman yaꞌ lagi siꞌ bay pinapayak lalla looy, ndang lay na Tuhan matomoꞌ jinisan tinanom-tinanom ndooy ni Eden huwin pa mataallaw. Dari ndooy na silay siꞌ man Tuhan bay ngannaꞌ lalla looy ma bay papayak na. 9Na ndooy ni tinanom-tinanom looy siꞌ, luu na du jinisan kakayu-kayuhan bay pinatomoꞌ meꞌ Tuhan. Kagak-gāk jaꞌ inandaꞌ boꞌ mahap gi lassa buwaꞌ da labbasakayi. Ndooy siꞌ ni tangngaan tinanom looy, luu duwa poon kayu sarī jinisan da man ilooy kasohean. Disu, bong jama bay kakakan buwaꞌ na, llum ya saumu-umu. Kuwan ilooy disu, bong jama bay kakakan buwaꞌ na, pandoy na ya nilang mahap-maat.
10Na ndooy ilay ni Eden, luu sōng yana poonan boheꞌ ni mimon tinanom ndooy. Pag pōꞌ sōng looy man Eden, lay na baw dari mpat senga. 11Disu senga na yana Sōng Pisyon magkulingkongan ngaliyud ni sikaliput Habila, lahat ma mmasan. 12Boꞌ mmas ndooy ilay tud ayad. Maka luu gi ndooy kakayu-kayuhan poonan insallan hamut ka bbūg. Maka luu gi siga batu itom yana poonan palmata hagaan. 13Senga ni kaduwa na yana Sōng Gihon magkulingkongan ngaliyud ni sikaliput Kūs. 14Senga ni katallu na yana Sōng Tigris ngaliyud huwin pa mataallaw man Asyul. Kuwan ilooy ma ni ka-mpat, Sōng Yupretes.
15Dari ndooy na siꞌ ni Eden man Tuhan bay ngannaꞌ lalla looy ma bay papayak na nohoꞌ ngayaran ga tinanom-tinanom ndooy. 16Lay gi halling Tuhan niiya, “Dari ko mangan buwaꞌ kakayu-kayuhan naa sikamimon ni tinanom-tinanom tuu. 17Sugaꞌ luu baw silay disu poon kayu yaꞌ dari kinakan buwaꞌ na. Buwaꞌ na kabuwan pangahati nilang mahap-maat, sugaꞌ tinagga baw sina ningkau. Bong ina ko bay kakakan, basta matoy jaꞌ sina ko.”
18Pus meꞌ looy siꞌ, yuk Tuhan, “Yaꞌ situ mahap bong lalla tuu dangan-dangan na du. Sangkon buwatan ku doꞌ ya limbang ma sikatawop ka iya ma katabang niiya.”
19Sugaꞌ halloman Tuhan yaꞌ gi bay mapayak lalla looy ka limbang na siꞌ, ndang lay na ya muta tanaꞌ binuwat baran mimon jinisan sattuwa sampay kahayop-hayopan ka ga manuk-manuk.
Na pag luu jaꞌ siꞌ lalla looy bay pinapayak, mimon jinisan balnyawa looy siꞌ lay na baw boo Tuhan pa mman na, boꞌ nohoꞌ inawnan jinisan da saliꞌ-saliꞌ. Honaꞌ-honaꞌ Tuhan, “Oy-oy man lalla looy ngawon, ilooy na awon jinisan da.” 20Dari siꞌ, lay na awnan lalla looy sikamimon jinisan sattuwa ka kahayop-hayopan sampay ga manuk-manuk. Sugaꞌ ninsila siꞌ sikamimon, yaꞌ luu tawop limbang lalla looy.
21Dari bbuwatan Tuhan, lay matuli lalla looy paladdok. Sasang na tuli, lay lakkahan Tuhan dalamba kabkab na boꞌ lay lapat na limpaꞌ na ka isi. 22Pag-anu siꞌ, lay na Tuhan mapayak danda ka kabkab looy. Pag lupus, lay na boo na pa mman lalla looy.
23Pag takita meꞌ lalla looy, yuk na,
“Uy, luu gi bitu hati disu sibuꞌ du hantang na ka aku! Towang na yana towang ku, isi na yana isi ku. Awnan ku na situ ya ‘danda’ sabap iya bay kinaddoꞌ man baran lalla.”
24Sangkon na ina, bila lalla ndahan na, pasakkat na ya man induꞌ-mmaꞌ na, boꞌ na nibuuk dī na na ka nda na. Dari bay duwa gi sila, lay na dari disu baran sa.
25Na lalla looy siꞌ ka danda looy ma bay duhuꞌ-duhuꞌ ni awwal jaman, nantang jaꞌ sikaduwa, boꞌ yaꞌ luu njawom pamiki da iyaꞌ.
Цяпер абрана:
Panagnaan 2: sjm
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2021, Wycliffe Bible Translators, Inc. All rights reserved.
Panagnaan 2
2
1Dari meꞌ looy na silay siꞌ meꞌ Tuhan bay mapayak junyaꞌ ka langit sampay mimon-mimon isi da. 2Lay na lupus papayak na mimon-mimon njawom nnom ngallaw. Pag taabut ni kapituꞌ ngallaw, lay na ya pahali. 3Boꞌ lay gi pinamulliya meꞌ na llaw looy siꞌ ma ni kapituꞌ sabap ilooy na llaw man na bay pahali paddus na bay mapayak labbasakayi.
Tuhan matomoꞌ jinisan tinanom-tinanom ndooy ni Eden
4Na balik ta pa salsila Tuhan bay mapayak junyaꞌ ka langit, meꞌ tuu karuha na: Sibuwa na mapayak, 5yaꞌ gi luu bay tomoꞌ katumbu-tumbuhan atawa tinanom sabap yaꞌ gi bay pingkaꞌ pinauwan junyaꞌ meꞌ Tuhan. Maka yaꞌ gi du luu manusiyaꞌ buwat pa tanaꞌ. 6Sugaꞌ san yaꞌ gi luu uwan taꞌ junyaꞌ, ndang luu na baw boheꞌ pōꞌ man jawom gumi maseꞌ kuwit tanaꞌ.
7Na meꞌ Tuhan bay mapayak manusiyaꞌ meꞌ tuu: Lay ya ngaddoꞌ tanaꞌ, boꞌ pinuta meꞌ na binuwat baran lalla. Pag lupus, boꞌ pinahuwa meꞌ Tuhan napas na pa jawom sammo lalla looy binuwanan nyawa. Dari ilooy ma llum du lalla looy.
8Na halloman yaꞌ lagi siꞌ bay pinapayak lalla looy, ndang lay na Tuhan matomoꞌ jinisan tinanom-tinanom ndooy ni Eden huwin pa mataallaw. Dari ndooy na silay siꞌ man Tuhan bay ngannaꞌ lalla looy ma bay papayak na. 9Na ndooy ni tinanom-tinanom looy siꞌ, luu na du jinisan kakayu-kayuhan bay pinatomoꞌ meꞌ Tuhan. Kagak-gāk jaꞌ inandaꞌ boꞌ mahap gi lassa buwaꞌ da labbasakayi. Ndooy siꞌ ni tangngaan tinanom looy, luu duwa poon kayu sarī jinisan da man ilooy kasohean. Disu, bong jama bay kakakan buwaꞌ na, llum ya saumu-umu. Kuwan ilooy disu, bong jama bay kakakan buwaꞌ na, pandoy na ya nilang mahap-maat.
10Na ndooy ilay ni Eden, luu sōng yana poonan boheꞌ ni mimon tinanom ndooy. Pag pōꞌ sōng looy man Eden, lay na baw dari mpat senga. 11Disu senga na yana Sōng Pisyon magkulingkongan ngaliyud ni sikaliput Habila, lahat ma mmasan. 12Boꞌ mmas ndooy ilay tud ayad. Maka luu gi ndooy kakayu-kayuhan poonan insallan hamut ka bbūg. Maka luu gi siga batu itom yana poonan palmata hagaan. 13Senga ni kaduwa na yana Sōng Gihon magkulingkongan ngaliyud ni sikaliput Kūs. 14Senga ni katallu na yana Sōng Tigris ngaliyud huwin pa mataallaw man Asyul. Kuwan ilooy ma ni ka-mpat, Sōng Yupretes.
15Dari ndooy na siꞌ ni Eden man Tuhan bay ngannaꞌ lalla looy ma bay papayak na nohoꞌ ngayaran ga tinanom-tinanom ndooy. 16Lay gi halling Tuhan niiya, “Dari ko mangan buwaꞌ kakayu-kayuhan naa sikamimon ni tinanom-tinanom tuu. 17Sugaꞌ luu baw silay disu poon kayu yaꞌ dari kinakan buwaꞌ na. Buwaꞌ na kabuwan pangahati nilang mahap-maat, sugaꞌ tinagga baw sina ningkau. Bong ina ko bay kakakan, basta matoy jaꞌ sina ko.”
18Pus meꞌ looy siꞌ, yuk Tuhan, “Yaꞌ situ mahap bong lalla tuu dangan-dangan na du. Sangkon buwatan ku doꞌ ya limbang ma sikatawop ka iya ma katabang niiya.”
19Sugaꞌ halloman Tuhan yaꞌ gi bay mapayak lalla looy ka limbang na siꞌ, ndang lay na ya muta tanaꞌ binuwat baran mimon jinisan sattuwa sampay kahayop-hayopan ka ga manuk-manuk.
Na pag luu jaꞌ siꞌ lalla looy bay pinapayak, mimon jinisan balnyawa looy siꞌ lay na baw boo Tuhan pa mman na, boꞌ nohoꞌ inawnan jinisan da saliꞌ-saliꞌ. Honaꞌ-honaꞌ Tuhan, “Oy-oy man lalla looy ngawon, ilooy na awon jinisan da.” 20Dari siꞌ, lay na awnan lalla looy sikamimon jinisan sattuwa ka kahayop-hayopan sampay ga manuk-manuk. Sugaꞌ ninsila siꞌ sikamimon, yaꞌ luu tawop limbang lalla looy.
21Dari bbuwatan Tuhan, lay matuli lalla looy paladdok. Sasang na tuli, lay lakkahan Tuhan dalamba kabkab na boꞌ lay lapat na limpaꞌ na ka isi. 22Pag-anu siꞌ, lay na Tuhan mapayak danda ka kabkab looy. Pag lupus, lay na boo na pa mman lalla looy.
23Pag takita meꞌ lalla looy, yuk na,
“Uy, luu gi bitu hati disu sibuꞌ du hantang na ka aku! Towang na yana towang ku, isi na yana isi ku. Awnan ku na situ ya ‘danda’ sabap iya bay kinaddoꞌ man baran lalla.”
24Sangkon na ina, bila lalla ndahan na, pasakkat na ya man induꞌ-mmaꞌ na, boꞌ na nibuuk dī na na ka nda na. Dari bay duwa gi sila, lay na dari disu baran sa.
25Na lalla looy siꞌ ka danda looy ma bay duhuꞌ-duhuꞌ ni awwal jaman, nantang jaꞌ sikaduwa, boꞌ yaꞌ luu njawom pamiki da iyaꞌ.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2021, Wycliffe Bible Translators, Inc. All rights reserved.