Mata 22
22
Bazlam minew mazla daala
Luka 14:16-24
1I dəba ŋa ya, Yesuw a tsik a tar aaka bazlam minew ŋgiɗ pam asa. A gwaɗa a tar: 2«Araha, dukw ana a ndzikiɗ ba nda *mekwere Mbulum ana a ta kwere a mba ya: Aɗaba a ndzikiɗ ba ka, Əbay duwa a zla daala a kəla ŋgar. 3Aləka i təv ana à ndìɗ a a bəra ya ka, a slər gà gawla ŋgar, aà mezeleha a mburma, tə dara, tə zəm dukw mezime ana à ndìɗ a dər daala kəla ŋgar ata a bəra ya. Ama gà mburma ata tə zal a tar a ka, ti niw medeha. 4I dəba ŋa ya, a slər gà mìsle ŋgiɗ asa. A gwaɗa a tar: <Dumaha, gwaɗum a gà mburma ata i zal a tar a ka, araha, Yàa bats gà sla. Gà biy ŋgiɗ ka, gà ɓəza ŋa dàɓàslɓàslsla ŋgwal ŋa lele, nda gà dukw mezime pampam hinne, Yàa de, tə dara, mìi ndìɗ a daala a bəra.> 5Ama gà mburma ata tə zal a taraha ya ka, tàa dza bazlam tar ata aà zləm tsa, tə daya ba a gà megemir tar pampam hinne. Mìsle ŋgiɗ a daba a gùvàh ŋgar. Mìsle ŋgiɗ asa, a daba a kwaskwa aà madzàwà à gà dukw ŋgar. 6Dite gà mìsle ŋgiɗ gà mezehe ŋana, ta gasa gà ɓəzla meslire Əbay aaha ndeɗiŋa ya, tə ndavaya a tar pìslìɗìɗe. Ta bats tar fit a biye.
7Ama Əbay aaha a ta metsereke ka, a tsəɓar hinne. A slər gà sliwdze ŋgar aà məbatsa gà mburma ata ta batsaya gà ɓəzla meslire ŋgar aaha ya. Gà sliwdze ata tə da. Tə daha tsara ka, ta bats gà mburma ata fit. Dite ndìrɓek ta wànà kwite tar ata nda akwa asa. 8I dəba ŋa ya, a gwaɗa a gà ɓəzla meslire ŋgar ŋgiɗ asa: <Yàa de dukw mezime hinne, ama gà na i zal a tar aà dukw mezime ŋa ya ka, ti sle a aà mimìndzire asa tsa. 9Aɗaba taŋa, kinehe ka, dayum aka gà vatwa, kà zalum a gà mburma ana kàa lwim aà tar a pəra ka, tə dara tserdze a ma gà, a faha ya, aà mazəma dukw mezime ya.> 10Dite gà ɓəzla meslire ŋgar tə daya aka gà vatwa. Ti ta medeha ka, ti yaha gər a gà mburma hinne, ku mege weke zləməŋa, wur ana tàa le ahər a, gà ŋgwal gà mburma, nda gà mburma ana meɗè zləm tar ŋgwala tsiye, tə da akabara a bəra Əbay a. Ga a rah nda gà mbəlakw hinne.
11Aləka i dəba ŋa ya, Əbay ata a pəts a maga a ma ŋgar, aà məfàrà aà gà mbəlakw ŋgar kuɗa. A daha, a fə̀r ikaba i liwiŋ gà mburma ŋgar a ka, aka ŋgat a wura ilik i magər tar, aka tike akabara ŋgwal petek ana biy mada a təv mandə̀ɗà daala ata a bəra ya tsa. 12A gwaɗa a wele ata: <Masla gà aaha, naha ana, meme na kər kà dara kataya, ŋgwal petek aà kər tsiye?> Wele ata a ndza ɗikɗik, aka fàfəl tsa. 13I dəba ŋa ya ka, Əbay ata a gwaɗa a gà ɓəzla meslire ŋgar: <Dumaha, dzawum ŋgat i sik a, nda ahər a. Dite ka yùmaha ŋgat a luvuŋ a bəra. Matuwa riŋ nda məpapəɗa dər zlir i fata.> « 14I dəba ŋa ya, Yesuw a gwa: «Aɗaba gà mburma ana i waya, i zal a tar a ka, hinne. Ama gà na ta palaraba iɗəm a ka, tar ndaw tsa.»
Mandza hadam a batsah Əbay gà Ruma
Markus 12:13-17; Luka 20:20-26
15I dəba ŋa ya, gà *Farisa tə daha, ti yahaba gər, dite ta mà akaba à bazlam ika magər tar. Aɗaba a sàs a tar ka, maslàlà à Yesuw i yam a, dite ka, meme na ki gìsekwe a ŋgat i təv bazlam ŋgar ana a tsik a ya. 16I dəba mandza akaba ahəm tar ata ya ka, tə slər gà mburma tar, tə da akaba nda gà mburma *Hiridus i ŋgal a təv Yesuw. Tə daha ka, ta gwaɗar: «Əbay, mì sər kər ka, mala ndzer ŋa, kər ihər ki ɗif a à vatwa Mbulum ka, nda ndzer ŋa, aɗaba ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa. 17Aɗaba taŋa, tsik a mər madzala gà gər yak te kwaŋ: Wànà məpala ahəm kwa dze ana, aka vəl vatwa aà mandza hadam a Əbay gà Ruma ana a kwere a kwa ya ya, tsəna, aka vəl tsiye?» 18Ama Yesuw a sər a taraha aka dukw ana tə dzala i gər tar a tsara. I dəba ŋa ya, a gwaɗa a tar: «A kurum gà ɓəzla mimbèhè are. Aàmala na ki dzwìm a ba aà iye kataya ya? 19A za vilwimiŋara kur siŋgwe ŋa ana ki dzwìm a dər hadam a, i sèmete a kwaŋ.» Ta vəlaraha kur siŋgwe ata ilik. 20Yesuw a samata ka, a gwaɗa a tar: «Gà foto aaha nda zləm ŋgar ikəka ana, biy weke?» 21Ta gwaɗar aaka: «Biy batsah Əbay gà Ruma ata ndeɗiŋa ya.» Yesuw a gwaɗa a tar aaka: «Yawwa, dukw ana biy batsah Əbay gà Ruma ya ka, vəlumar dukw ŋgar. Ama dukw ana biy Mbulum a ka, vəlum taŋa a Mbulum.» 22I dəba ŋa ya, tə tsaraka dukw ana Yesuw a tsik a tar a kataya ka, a ne aka tar kamala dukw mene aà mburma ya, ta miyak à ŋgat, tə daba.
Mewize bazlam i təv gà məməta ana ta mbilere a i biye ya
Markus 12:18-27; Luka 20:27-40
23A pat ata ka, gà asiŋ gà *Saduki duwa tə daha a təv Yesuw. Tar ka, gà mburma ana ta gwa ka, wura a sle aà mimbilere a i biye ya asa tsiye. Gà mburma ata tə daha, tə tsam aà Yesuw. 24Ta gwaɗar: «Əbay mər, Musa a gwa i təv məpala ahəm Mbulum a ka: <Na wur ana a riŋ nda gà daala ihər, aka mət ze mawà ahər kəla ka, damər ŋgar ma zla daala ata madakwa ŋa, dite ta wa kəla. Kəla ata mə̀ mà à gwala tsir ŋgar a bəra.>*fa* 25Aɗaba gà wele duwa ɗa ika magər mər nda gà damər ŋgar təsəla ka, malkwara ŋana a zla məkəs. Aləka wele ata a mət ka, ze mawà ahər kəla. Dite məkəs ata ka, damər ŋgar ŋgiɗ a zazəɗ dər. 26I dəba ŋa ya, damər ŋgar ata tekeɗe, aka wa ahər kəla ɓav tsa. Damər tar məmakər ŋana tekeɗe, a zazəɗ dər asa mbaŋa, haa tar ata təsəla ya, tàa zazaɗa à məkəs ata tserdze. Ama ka, ilik tàa wa ahər kəla tsa. 27I dəba ŋa ŋa ya, məkəs ata ibam, a mət asa mbaŋa. 28Taŋa dze ana, aləka i təv ana gà məməta ta mbilere a i biye ya ana, məkəs ata a ne a ana, biy weke ilik a, aɗaba gà mburma ata nda gà damər tserdze ya ka, tàa lama ahər fit a?»
29Ama i dəba ŋa ya, Yesuw a gwaɗa a tar aaka: «Kurum ka, kà sərum duwa tsa. Aɗaba la? Wànà kà sərum dukw ana i wakita Mbulum a tsiye, dite kà sərum ndzəɗa Mbulum tsa asa ya? 30Aɗaba aka təv ana gà məməta ta mbilere a i biye ya ka, gà asləka nda gà məkəs ti zle a ba asa tsa. Ama ti ndze a ka, sùlàɗə̀ɗa kamala gà gawla Mbulum ana i mbulum a.» 31Yesuw a gwaɗa a tar asa: «Dite aàla na ki wizwim a aà iye bazlam gà məməta ana ta mbilere a i biye ya ya? Wànà kàa dzeŋgwim dukw ana i wakita Mbulum, a fàfəl a kurum agəra gà məməta ana ta mbilere a i biye ya te tsiye? 32Aɗaba mewetse ŋa iɗəm i fata ka, Mbulum a gwa: <Iye ka, Mbulum Abəraham, Mbulum Izak, Mbulum Zakup.> A tsik taŋa ka, a gà mburma ana tar riŋ ti ndze a a bəra hiywe ya, ku mege tàa mata tekeɗe ya. Aɗaba Mbulum ka, biy gà mburma ana tar riŋ ti ndze a aà bəra hiywe ya, tsəka, biy gà məməta tsa.»*fb* 33I dəba ŋa ya, gà mayahaba gər gà mburma ata tə tsaraka kataya ka, a ne aka tar kamala dukw mene aà mburma ya.
Məpala ahəm Mbulum ana ŋgwal ŋa ya
Markus 12:28-31; Luka 10:25-28
34Aləka i dəba ŋa ya, gà *Farisa ta fə̀r ka, Yesuw a mba aà gà *Saduki nda bazlam ka, ti yahaba gər tserdze. 35I təv mayahaba gər tar ata ya ka, mala medzeŋge məpala ahəm Mbulum duwa a riŋ ilik a daha a təv Yesuw. Aɗaba a sasar maslàlà à ŋgat i yam a. 36A gwaɗar: «Əbay medzeŋge məpala ahəm Mbulum, məpala ahəm Mbulum ana ŋgwal ŋa dze ana, awara na i liwiŋ ŋa nda ndzer a?» 37Yesuw a gwaɗar aaka: «Məpala ahəm ŋgar ana ŋgwal ŋa ya ka, a gwa: <Waya Mbulum Batsah yak ŋa, nda gəzləŋ ilik, nda mesife yak dze, nda ndzəɗa ba yak fit, dite nda madzala gà gər yak dze mbaŋa.>*fc* 38Taŋa ka, məpala ahəm Mbulum ana malahalah ŋa ya. I ŋgiɗ na a ze a taŋa ya ka, a riŋ tsa. 39Dite masula ŋana, a mbeha a taŋa ya ka: <Ka waya mburma kamala ana kà waya ba yak a> asa.*fd* 40Aɗaba gà məpala ahəm Musa, nda biy gà ɓəzla məma à guma Mbulum ana ti tsik tserdze ya ka, a gaw ba fit a huɗ gà məpala ahəm ata sula ya məma.»
*Kiristi a pàt aba ana, i gwala weke ya?
Markus 12:35-37; Luka 20:41-44
41I dəba ŋa ya, Yesuw a tsam bazlam aà gà asiŋ gà *Farisa ata mayahaba gər ŋa i fataya. 42A gwaɗa a tar: «Kurum kà dzalum ana, là, na aɗaba Kiristi, mala məmbə̀là à mburma ana Mbulum a gwa, i slir a kurumaha a ya ya? Ŋgat dze ana, i gwala weke?» Ta gwaɗar: «Ŋgat ka, i gwala Dawda.» 43Yesuw a gwaɗa a tar: «Dite meme na Dawda a mà à bazlam Mezite Mesife Mbulum akahər ata ka, a zalar Batsah ga ŋa ya? 44Aɗaba Dawda a gwa ka:
<Mbulum a gwaɗa a batsah ga ŋa:
Ndza aka tsèke ahər mezime gà,
haa a təv ana Yàa dza gà ɓəzla gùvəl yak
aà huɗ sik yak dzekwiŋ a.>*fe*
45Yaw, na Dawda ka, a zalar Batsah ga ŋa seyiŋ ivaɗ ka, dite meme na ta gweɗe a ka, kəla ŋgar asa ya?» 46I fataya ka, wura aka fàfəlar aaka bazlam ilik asa tsidze. A gər taŋa ya ka, ku weke magəɗa a ger aà mewize ahər gà bazlam pampam kamala taŋa ya.
Цяпер абрана:
Mata 22: gnd
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Wycliffe Bible Translators, Inc. All rights reserved.
Mata 22
22
Bazlam minew mazla daala
Luka 14:16-24
1I dəba ŋa ya, Yesuw a tsik a tar aaka bazlam minew ŋgiɗ pam asa. A gwaɗa a tar: 2«Araha, dukw ana a ndzikiɗ ba nda *mekwere Mbulum ana a ta kwere a mba ya: Aɗaba a ndzikiɗ ba ka, Əbay duwa a zla daala a kəla ŋgar. 3Aləka i təv ana à ndìɗ a a bəra ya ka, a slər gà gawla ŋgar, aà mezeleha a mburma, tə dara, tə zəm dukw mezime ana à ndìɗ a dər daala kəla ŋgar ata a bəra ya. Ama gà mburma ata tə zal a tar a ka, ti niw medeha. 4I dəba ŋa ya, a slər gà mìsle ŋgiɗ asa. A gwaɗa a tar: <Dumaha, gwaɗum a gà mburma ata i zal a tar a ka, araha, Yàa bats gà sla. Gà biy ŋgiɗ ka, gà ɓəza ŋa dàɓàslɓàslsla ŋgwal ŋa lele, nda gà dukw mezime pampam hinne, Yàa de, tə dara, mìi ndìɗ a daala a bəra.> 5Ama gà mburma ata tə zal a taraha ya ka, tàa dza bazlam tar ata aà zləm tsa, tə daya ba a gà megemir tar pampam hinne. Mìsle ŋgiɗ a daba a gùvàh ŋgar. Mìsle ŋgiɗ asa, a daba a kwaskwa aà madzàwà à gà dukw ŋgar. 6Dite gà mìsle ŋgiɗ gà mezehe ŋana, ta gasa gà ɓəzla meslire Əbay aaha ndeɗiŋa ya, tə ndavaya a tar pìslìɗìɗe. Ta bats tar fit a biye.
7Ama Əbay aaha a ta metsereke ka, a tsəɓar hinne. A slər gà sliwdze ŋgar aà məbatsa gà mburma ata ta batsaya gà ɓəzla meslire ŋgar aaha ya. Gà sliwdze ata tə da. Tə daha tsara ka, ta bats gà mburma ata fit. Dite ndìrɓek ta wànà kwite tar ata nda akwa asa. 8I dəba ŋa ya, a gwaɗa a gà ɓəzla meslire ŋgar ŋgiɗ asa: <Yàa de dukw mezime hinne, ama gà na i zal a tar aà dukw mezime ŋa ya ka, ti sle a aà mimìndzire asa tsa. 9Aɗaba taŋa, kinehe ka, dayum aka gà vatwa, kà zalum a gà mburma ana kàa lwim aà tar a pəra ka, tə dara tserdze a ma gà, a faha ya, aà mazəma dukw mezime ya.> 10Dite gà ɓəzla meslire ŋgar tə daya aka gà vatwa. Ti ta medeha ka, ti yaha gər a gà mburma hinne, ku mege weke zləməŋa, wur ana tàa le ahər a, gà ŋgwal gà mburma, nda gà mburma ana meɗè zləm tar ŋgwala tsiye, tə da akabara a bəra Əbay a. Ga a rah nda gà mbəlakw hinne.
11Aləka i dəba ŋa ya, Əbay ata a pəts a maga a ma ŋgar, aà məfàrà aà gà mbəlakw ŋgar kuɗa. A daha, a fə̀r ikaba i liwiŋ gà mburma ŋgar a ka, aka ŋgat a wura ilik i magər tar, aka tike akabara ŋgwal petek ana biy mada a təv mandə̀ɗà daala ata a bəra ya tsa. 12A gwaɗa a wele ata: <Masla gà aaha, naha ana, meme na kər kà dara kataya, ŋgwal petek aà kər tsiye?> Wele ata a ndza ɗikɗik, aka fàfəl tsa. 13I dəba ŋa ya ka, Əbay ata a gwaɗa a gà ɓəzla meslire ŋgar: <Dumaha, dzawum ŋgat i sik a, nda ahər a. Dite ka yùmaha ŋgat a luvuŋ a bəra. Matuwa riŋ nda məpapəɗa dər zlir i fata.> « 14I dəba ŋa ya, Yesuw a gwa: «Aɗaba gà mburma ana i waya, i zal a tar a ka, hinne. Ama gà na ta palaraba iɗəm a ka, tar ndaw tsa.»
Mandza hadam a batsah Əbay gà Ruma
Markus 12:13-17; Luka 20:20-26
15I dəba ŋa ya, gà *Farisa tə daha, ti yahaba gər, dite ta mà akaba à bazlam ika magər tar. Aɗaba a sàs a tar ka, maslàlà à Yesuw i yam a, dite ka, meme na ki gìsekwe a ŋgat i təv bazlam ŋgar ana a tsik a ya. 16I dəba mandza akaba ahəm tar ata ya ka, tə slər gà mburma tar, tə da akaba nda gà mburma *Hiridus i ŋgal a təv Yesuw. Tə daha ka, ta gwaɗar: «Əbay, mì sər kər ka, mala ndzer ŋa, kər ihər ki ɗif a à vatwa Mbulum ka, nda ndzer ŋa, aɗaba ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa. 17Aɗaba taŋa, tsik a mər madzala gà gər yak te kwaŋ: Wànà məpala ahəm kwa dze ana, aka vəl vatwa aà mandza hadam a Əbay gà Ruma ana a kwere a kwa ya ya, tsəna, aka vəl tsiye?» 18Ama Yesuw a sər a taraha aka dukw ana tə dzala i gər tar a tsara. I dəba ŋa ya, a gwaɗa a tar: «A kurum gà ɓəzla mimbèhè are. Aàmala na ki dzwìm a ba aà iye kataya ya? 19A za vilwimiŋara kur siŋgwe ŋa ana ki dzwìm a dər hadam a, i sèmete a kwaŋ.» Ta vəlaraha kur siŋgwe ata ilik. 20Yesuw a samata ka, a gwaɗa a tar: «Gà foto aaha nda zləm ŋgar ikəka ana, biy weke?» 21Ta gwaɗar aaka: «Biy batsah Əbay gà Ruma ata ndeɗiŋa ya.» Yesuw a gwaɗa a tar aaka: «Yawwa, dukw ana biy batsah Əbay gà Ruma ya ka, vəlumar dukw ŋgar. Ama dukw ana biy Mbulum a ka, vəlum taŋa a Mbulum.» 22I dəba ŋa ya, tə tsaraka dukw ana Yesuw a tsik a tar a kataya ka, a ne aka tar kamala dukw mene aà mburma ya, ta miyak à ŋgat, tə daba.
Mewize bazlam i təv gà məməta ana ta mbilere a i biye ya
Markus 12:18-27; Luka 20:27-40
23A pat ata ka, gà asiŋ gà *Saduki duwa tə daha a təv Yesuw. Tar ka, gà mburma ana ta gwa ka, wura a sle aà mimbilere a i biye ya asa tsiye. Gà mburma ata tə daha, tə tsam aà Yesuw. 24Ta gwaɗar: «Əbay mər, Musa a gwa i təv məpala ahəm Mbulum a ka: <Na wur ana a riŋ nda gà daala ihər, aka mət ze mawà ahər kəla ka, damər ŋgar ma zla daala ata madakwa ŋa, dite ta wa kəla. Kəla ata mə̀ mà à gwala tsir ŋgar a bəra.>*fa* 25Aɗaba gà wele duwa ɗa ika magər mər nda gà damər ŋgar təsəla ka, malkwara ŋana a zla məkəs. Aləka wele ata a mət ka, ze mawà ahər kəla. Dite məkəs ata ka, damər ŋgar ŋgiɗ a zazəɗ dər. 26I dəba ŋa ya, damər ŋgar ata tekeɗe, aka wa ahər kəla ɓav tsa. Damər tar məmakər ŋana tekeɗe, a zazəɗ dər asa mbaŋa, haa tar ata təsəla ya, tàa zazaɗa à məkəs ata tserdze. Ama ka, ilik tàa wa ahər kəla tsa. 27I dəba ŋa ŋa ya, məkəs ata ibam, a mət asa mbaŋa. 28Taŋa dze ana, aləka i təv ana gà məməta ta mbilere a i biye ya ana, məkəs ata a ne a ana, biy weke ilik a, aɗaba gà mburma ata nda gà damər tserdze ya ka, tàa lama ahər fit a?»
29Ama i dəba ŋa ya, Yesuw a gwaɗa a tar aaka: «Kurum ka, kà sərum duwa tsa. Aɗaba la? Wànà kà sərum dukw ana i wakita Mbulum a tsiye, dite kà sərum ndzəɗa Mbulum tsa asa ya? 30Aɗaba aka təv ana gà məməta ta mbilere a i biye ya ka, gà asləka nda gà məkəs ti zle a ba asa tsa. Ama ti ndze a ka, sùlàɗə̀ɗa kamala gà gawla Mbulum ana i mbulum a.» 31Yesuw a gwaɗa a tar asa: «Dite aàla na ki wizwim a aà iye bazlam gà məməta ana ta mbilere a i biye ya ya? Wànà kàa dzeŋgwim dukw ana i wakita Mbulum, a fàfəl a kurum agəra gà məməta ana ta mbilere a i biye ya te tsiye? 32Aɗaba mewetse ŋa iɗəm i fata ka, Mbulum a gwa: <Iye ka, Mbulum Abəraham, Mbulum Izak, Mbulum Zakup.> A tsik taŋa ka, a gà mburma ana tar riŋ ti ndze a a bəra hiywe ya, ku mege tàa mata tekeɗe ya. Aɗaba Mbulum ka, biy gà mburma ana tar riŋ ti ndze a aà bəra hiywe ya, tsəka, biy gà məməta tsa.»*fb* 33I dəba ŋa ya, gà mayahaba gər gà mburma ata tə tsaraka kataya ka, a ne aka tar kamala dukw mene aà mburma ya.
Məpala ahəm Mbulum ana ŋgwal ŋa ya
Markus 12:28-31; Luka 10:25-28
34Aləka i dəba ŋa ya, gà *Farisa ta fə̀r ka, Yesuw a mba aà gà *Saduki nda bazlam ka, ti yahaba gər tserdze. 35I təv mayahaba gər tar ata ya ka, mala medzeŋge məpala ahəm Mbulum duwa a riŋ ilik a daha a təv Yesuw. Aɗaba a sasar maslàlà à ŋgat i yam a. 36A gwaɗar: «Əbay medzeŋge məpala ahəm Mbulum, məpala ahəm Mbulum ana ŋgwal ŋa dze ana, awara na i liwiŋ ŋa nda ndzer a?» 37Yesuw a gwaɗar aaka: «Məpala ahəm ŋgar ana ŋgwal ŋa ya ka, a gwa: <Waya Mbulum Batsah yak ŋa, nda gəzləŋ ilik, nda mesife yak dze, nda ndzəɗa ba yak fit, dite nda madzala gà gər yak dze mbaŋa.>*fc* 38Taŋa ka, məpala ahəm Mbulum ana malahalah ŋa ya. I ŋgiɗ na a ze a taŋa ya ka, a riŋ tsa. 39Dite masula ŋana, a mbeha a taŋa ya ka: <Ka waya mburma kamala ana kà waya ba yak a> asa.*fd* 40Aɗaba gà məpala ahəm Musa, nda biy gà ɓəzla məma à guma Mbulum ana ti tsik tserdze ya ka, a gaw ba fit a huɗ gà məpala ahəm ata sula ya məma.»
*Kiristi a pàt aba ana, i gwala weke ya?
Markus 12:35-37; Luka 20:41-44
41I dəba ŋa ya, Yesuw a tsam bazlam aà gà asiŋ gà *Farisa ata mayahaba gər ŋa i fataya. 42A gwaɗa a tar: «Kurum kà dzalum ana, là, na aɗaba Kiristi, mala məmbə̀là à mburma ana Mbulum a gwa, i slir a kurumaha a ya ya? Ŋgat dze ana, i gwala weke?» Ta gwaɗar: «Ŋgat ka, i gwala Dawda.» 43Yesuw a gwaɗa a tar: «Dite meme na Dawda a mà à bazlam Mezite Mesife Mbulum akahər ata ka, a zalar Batsah ga ŋa ya? 44Aɗaba Dawda a gwa ka:
<Mbulum a gwaɗa a batsah ga ŋa:
Ndza aka tsèke ahər mezime gà,
haa a təv ana Yàa dza gà ɓəzla gùvəl yak
aà huɗ sik yak dzekwiŋ a.>*fe*
45Yaw, na Dawda ka, a zalar Batsah ga ŋa seyiŋ ivaɗ ka, dite meme na ta gweɗe a ka, kəla ŋgar asa ya?» 46I fataya ka, wura aka fàfəlar aaka bazlam ilik asa tsidze. A gər taŋa ya ka, ku weke magəɗa a ger aà mewize ahər gà bazlam pampam kamala taŋa ya.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Wycliffe Bible Translators, Inc. All rights reserved.