മത്തായി 3
3
മുളുഗുസുവ ഓഗന്നാന് സൊല്ലുവ നായ
1അയി ഗളിഗേല് മുളുഗുസുവ ഓഗന്നാന് എഗുദ നാഡ്‌ല ബെ്ട്ടെകാഡ്‌ക്ക് ബന്ത് 2<<സാമി ആളുവ കാല#3:2സാമി ആളുവ കാല മത്തായി എ്ള്‌ദ്‌ന നല്ല സേദില് സാമി ആളുവ കാല എന്റ് സൊല്ല്യ മേലോഗ ആളുവ കാല എന്റ്‌ത്തെ എ്ള്‌ദിര്‌ക്കുവാദ്. മത്തായി ഇത്തെ എ്ള്‌ദ്‌നാദ് എന്ത്‌ക്കെന്റ് സൊന്ന എഗുദാര് സാമിന മദിസ്യ ബേ്ണ്ടി സാമി എന്നുവ നായ സൊല്ലമാട്ടാര്. അദ്‌ക്ക് ബദ്‌ല മേലോഗ എന്റ്‌ത്തെ സൊല്ലുവാദ്. ബര്യ പോവാദ്‌നാലെ പാവ ഗേവാദ്‌ന തള്ളി സാമിസാരി തിര്‌ഗ്‌ന്>> എന്റ് ആലാത്താലാത്ത് സൊന്നാന്.
3<<ബെ്ട്ടെകാഡ്‌ലിന്ത് ഒന്റൊരുത്താന് ഇത്തെ ബ്‌ളിത്ത് സൊന്റാന്:
<ആണ്ടവാന്‌ക്ക് ബട്ടെ മാഡ്‌ന്.
ബട്ടെന അയാള്‌ക്ക് ബേ്ണ്ടി നേരെ മാഡ്‌ന്> >>#ഏസ്സയ്യാവു 40:3
എന്റ് ഏസ്സയ്യ സാമിദാസ് സൊന്നവാന് ഇവാന്‌ത്തെ.
4ഓഗന്നാന് ഒട്ടഗ തുപ്പുഡുലു മാഡ്‌ന ഉഡുപ്പുന ഇക്കി ഇ്ഡ്‌പ്പ്‌ക്ക് ഒന്റു തോലു കച്ചെനാമ് കെ്ട്ടിന്താന്. അയാള് മുട്ടിരിനാമ് തേന്‌നാമ്‌ത്തെ തീനി എന്റ് തിന്റിന്താദ്. 5അയി ഗളിഗേല് എര്‌സലേമ്‌ലവാര്‌മ് എഗുദ നാഡ്‌ലവാര് ഒട്ടുക്കുമു ഓറ്‌ദ്ദാന് ബാനിക്ക് അക്കരേമ് ഇക്കരേമ് ഇര്‌ക്കുവ എല്ലാ നാഡ്‌ലവാര്‌മ് അയാള് പട്ട്‌ക്ക് ബന്താര്. 6ബന്ത ആള്‌ഗാള് ഒട്ടുക്കു തമ്മ ഗേന്ത പാവാനെല്ല നേരെ സൊന്നാര്. അദുക്കുള അയാള് അവാര്‌ന ഓറ്‌ദ്ദാന് ബാനില് മുളുഗുസുനാന്.
7പരിസാര്‌ഗാള്‌ല്‌മ് സദൂക്ക്യാര്‌ല്‌മ് എഞ്ചോ ആള്‌ഗാള് മുളുഗ്യ ബേ്ണ്ടി തന്ന് പട്ട്‌ക്ക് ബരുവാദ്‌ന കണ്ട് അയാള് അവാര്‌ക്ക് ഇത്തെ സൊന്നാന്: <<പാമ്പ്‌ന പാസെ സദിക്ക്‌ന്റവാരെ, നിമാക്ക് സാമി തരുവ ദെ്ണ്ടണേലിന്ത് ഓഡി തപ്പിസി കഡാക്ക്യ നിമാക്ക് ആര് മുദാല് അറുവു തന്താദ്? 8നിമ്മ പാവ ഗേവാദ്‌ന തള്ള്‌നേമ് എന്റ് കാട്ടുവാദ്‌ക്കുള്ള കാര്യഗാള് ഗേന്. 9<അവുറഗാമ്‌ത്തെ എമ്മ് പാട്ടാന്> എന്റ് നിമ്മ മനേസ്സ്‌കുളാക്ക് താനെ സൊല്ലി തപ്പിസി കഡാക്ക്യ മുഡിമ് എന്റ് നെനേക്കാദേന്. എന്ത്‌ക്കെന്റ് സൊന്ന ഈ കല്ല്‌ഗാള്‌ലിന്ത് അവുറഗാമ്‌ക്ക് മക്കാള്‌ഗാള്‌ന ഉണ്ടാക്കി കൊഡുക്ക്യ സാമിക്ക് മുഡിമ് എന്റ് നാന് നിമാക്ക് സൊന്റെ. 10ഇന്നാല് താനെ ബെ്ട്ട്യ ബേ്ണ്ടി മര മ്‌ണ്ടേക്ക് കോഡാലി ബെത്ത് മുഡിന്ത്‌ദ്. മൊഡ്ഡുകായി കായിക്കുവ മരഗാള്‌നെല്ല ബെ്ട്ടി തീക്ക് ഇക്കുവാന്.
11നിമ്മ പാവ ഗേവാദ്‌ന ബ്‌ട്ട്‌തള്ളി സാമിസാരി തിര്‌ഗ്‌ന്‌റ് എന്റ് കാട്ട്യ ബേ്ണ്ടി നാന് നിമാന നീര്‌ല് മുളുഗുസുന്റെ. ആന എനാന ബ്‌ഡ അദിഗര ഇര്‌ക്ക്‌ന്റവാന് എന്ന് പിന്ന്‌ക്ക് ബരുവാന്. അയാള് ഇക്കിര്‌ക്കുവ സെര്‌പ്പ്‌ന ഗുഡി എ്ഡ്‌ക്കുവാദ്‌ക്കുള്ള തഗ്‌ദി എനാക്കില്ലെ. അയാള് നിമാന സാമിനിഗാല്‌ല്‌മ് തീയില്‌മ് മുളുഗുസുവാന്. 12അന്ന കളാത്ത്‌ല അന്നാന തൂറ്റി പാളേന ബേ്റെ മണിന ബേ്റെ മാഡുവ ബീസ് ഗൂഡുമു അയാള് കയില് ഇര്‌ക്ക്‌ന്റ്. അയാള് അന്നാന ബല്ലാക്ക് അട്ടി ബെത്ത് പാളേന കെ്ഡാത്ത തീക്കിക്കി സുട്ടു തള്ളുവാന്.>>
ഓഗന്നാന് ഏസ്സ്‌ന മുളുഗുസ്‌ന്റാന്
13അദുക്കുള ഓഗന്നാന് തനാന മുളുഗുസ്യ ബേ്ണ്ടി ഏസ്സ് ഗലീല നാഡ്‌ലിന്ത് ഓറ്‌ദ്ദാന് ബാനിലിന്ത ഓഗന്നാന് പട്ട്‌ക്ക് ബന്താന്. 14ആന ഓഗന്നാന്: <<നീത്തെ എനാന മുളുഗുസുവ കണാക്ക്, പിന്നെത്തെ നീ എന്ന് പട്ട്‌ക്ക് മുളുഗ്യ ബന്റായി?>> എന്റ് സൊല്ലി ഏസ്സ്‌ന തഡ്‌ത്താന്.
15ആന ഏസ്സ് അയാള്‌ക്ക്: <<ഇന്നാല് ഇത്തേത്തെ ഗേഡൊ. നമ്മ ഗേഡൊ എന്റ് സാമി ആസെപഡുവാദെല്ല നഡാക്ക്യ ബേ്ണ്ടി ഇത്തെ ഗേവാദ്‌ത്തെ നല്ലാദ്>> എന്റ് സൊന്നാന്. അദുക്കുള ഓഗന്നാന് ഏസ്സ് സൊന്ന പാസെ ഗേന്താന്.
16ഏസ്സ് മുളിഗി ഇ്ളാഗ്‌നാദ്‌മ് അന്നാല് താനെ ഏ്ട്ടിക്ക് ഏ്റ്‌നാന്. അദുക്കുള ബാന് ത്‌റാന്ത് സാമിനിഗാല് സോറെ പക്കിന പാസെ ഇ്റാഗി തന്ന് കുദ്ദാക്ക് ബന്ത് ഏ്റ്‌വാദ്‌ന അയാള് കണ്ടാന്. 17<<ഇയാള് എന്ന് മഗാന്. നാന് ഇയാള്‌ന സീവാന്‌പഡ്‌ന്റെ, ഇവാന്‌നാലെ എന്ന് മനേസ്സ് തെ്ളിന്ത്‌ദ്>> എന്റ് മേലോഗാത്ത്‌ലിന്ത് ഒന്റു ജദ്ദാമ് കേ്ട്ട്‌ദ്.
Цяпер абрана:
മത്തായി 3: സാമി സേദി
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
New Life Computer Institute