YOHAANNISI 5
5
YESUUSI BEETESAYIDAHO MITTO LAANSHAAWA MANCHO HURSI
1Hakkunni gedensaanni, Yesuusi Ayihudete ayyaana ayirrisate Yerusaalame ha'ri. 2Yerusaalamete Ge'reewu Waalchi mule, Ibiraawootu afiinni Beetesayida#5:2 Beetesayida mite mite angatenni borreessinoonni borro Beetezaata yitanno; wolootu qolte Beetehesida yitanno. Kunni su'mi tiro, maarote mineeti yaate. yinanni kofo no. Hatte kofora ontu daasi noose. 3Batinye dhiwamaano, illiweelootu, naafootunna laanshaawootu kofote mule goxxe no. 4[Mite mite yannara Maganu sokkaasinchi daye hattenne kofo milli assanno. Kofo milli yitanno woyite umo ikke eannohu aye dhibbinnino huranno.]#5:4Qoqqowu giddo noohu mite mite angatenni borreessinoonnitera keeshshitino borro giddo dino. 5Hakkiicho sajjiina sette diro dhiwamanni keeshshino manchi no. 6Yesuusino konne mancho hakkiicho goxe nooha lae, dhiwamanni lowo yanna keeshshinotano afe, «Koo mancho, hura hasi'ratto?» yiisi. 7Manchuno, «Mooticha'ya, wayi milli yaanno woyite kofote giddora eessannoehu dino; ani eate hedeemmo woyite wolu balaxe eanno» yii. 8Yesuusino, «Ka'e daallasakki duqqite ha'ri!» yiisi. 9Manchuno hakkawoyintenni hure daallasasi duqqe ha'ri.
Yesuusi konne mancho hursinohu Ayihudete Fooliishsho Barraati. 10Kunnira, Ayihudete gashshaano hakkonne mancho, «Techo Fooliishshote Barra daallasa duqqe ha'ra difajjinanni» yitusi.
11Isi kayinni, «Hursie manchi, ‹Daallasakki duqqite ha'ri!› yeennaeeti» yee dawari. 12Insano, «‹Daallasakki duqqite ha'ri!› yiihehu ayeti?» yite xa'mitusi. 13Manchu kayinni mannu bati'rinohuranna Yesuusino hakkiinni ha'rino daafira hursisiha bade diafino. 14Gedensaanni Yesuusi hakkonne mancho Qullaawa Mine afe, «Koo mancho, xa kune huroottona, rooru qarri iillannohekki gede xaate kunni ka'a cubbo loossooti!» yiisi. 15Manchuno, hursinosihu Yesuusa ikkinota mare Ayihudete gashshaanora kuli. 16Hattoo coye Fooliishshote Barra assino daafira, Ayihudete gashshaano Yesuusa qarrissusi.
17Yesuusino qole, «Anni'ya techo geeshsha loosanni no; anino loosanni noommo» yii. 18Yesuusi hatto yee dawarinohura Ayihudete gashshaano albinni roore shitasira hasidhu. Shaate heddinohu, Fooliishshote barri Seera diigino daafira calla ikkikkinni, «Magano anna'yaati» yee isonoo Maganu ledo taashshino daafiraati.
MAGANU BEETTI ROORRE
19Yesuusino, «Halaale kuleemmo'nena, Annu loosanna afinore ikkinnina Beettu umisi roorrenni assannori dino. Annu loosannore Beettuno loosanno. 20Annu Beetto baxanno; loosannore baalano leellishannosi. Ki'ne dhagge assidhinanni gede, konne roorino coyeno leellishannosi. 21Annu reyitinore kayise heeshsho aannonte gede, Beettuno baxinohura heeshsho aanno. 22Annu aye aanano yoo diyaanno; ikkollana yoote roorre gudise Beettoho uyino. 23Hatto assinohu mannu baalu Anna ayirrisannonte gede, Beettono ayirrisanno gedeeti. Beetto ayirrisannokkihu Beetto soyinoha Annano diayirrisanno. 24Halaale kuleemmo'nena, qaale'ya macciishshitannoriranna soyinoeha amma'nitannorira hegere heeshsho noonsa. Reyotenni heeshshote widira sa'anno ikkinnina busha yoo diyinanninsa.
25«Halaale kuleemmo'nena, reyino manni Maganu Beetti qaale macciishshanno yanna dagganno; hatti yannano xaati. Macciishshitannori baalu lubbotenni heedhanno. 26Annu giddo heeshsho noonte gede, Beettu giddono heeshsho heedhanno gede assino. 27Beettu, Manchi Beetto ikkino daafira, yoo yaanno gede roorre uyinosi. 28Kunnira, waammate giddo noori huurosi macciishshitanno yanna daggannona, maala'litinoonte. 29Dancha loossinori reyotenni ka'e lubbotenni heedhanno; busha loossinori kayinni reyotenni ka'eenna, busha yoo yinanninsa» yii.
YESUUSI DAAFIRA FARCI'NOONNI COYE
30Lede Yesuusi, «Ani umi'yanni mittoreno asse diafeemmo. Isi yaanna macciishshoommore coyi'reemmo. Ani halchoommore ikkikkinni soyinoehu hedinore wonsheemmo daafira, yoo'ya halaalaanchote. 31Ani aneneere farci'rummoro farci'ra'ya halaalaancho di"ikkitanno. 32Ikkollana, anere farci'rannohu wolu no. Isi anere farci'rannoti halaale ikkitinota afoommo. 33Ki'ne manna Yohaannisiwa sokkinoonni; isi kayinni halaalunnire farci'rino. 34Konne yeemmohuno ki'ne gattinara ikkinnina mannu farci'ra anera assitanno'eri dino. 35Yohaannisi buwanni xawanno caabbichooti; ki'neno shiima yannara isi xawaabbinni hagiidhitinara hasidhinanni. 36Anera kayinni Yohaannisita roortino farci'ra nooe; farci'ra'yano Anni'ya loosammora uyinoe loosooti. Kuni looseemmo loosi, Anni'ya soyinoe gede anere farci'rannoho. 37Ane soyinohu Anni'ya anere farci'ranno. Ki'ne kayinni isi coyi'ranno qaale dimacciishshitinoonni; danasino diaffinoonni. 38Ane soyinoha iso amma'na hoogginoonnihura, isi qaali ki'ne wodani giddo dino. 39Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote. 40Ikkollana, ki'ne heeshsho afidhinara anewa didagginanni.
41«Ani mannuwiinni ayirrinye dihasi'reemmo. 42Ki'ne wodani giddo Maganu baxilli nookki gede egennoommo. 43Ani Anni'ya su'minni dayommo; ane kayinni dihaadhinoonnie. Wolu umisi su'minni dayiro kayinni haadhinanni. 44Ki'ne mimmiti'newiinni ayirrinye hasidhinanniri, mitto calla ikkino Maganiwiinni afi'nanni ayirrinye kayinni hasidhinannikkiri, ane hiitto ikkitine ammantinannie? 45Ani ki'ne Anni'ya albaanni diabbooshshi'reemmo'ne. Ki'ne abbooshshi'rannohu ki'ne hawaqidhine heedhinannihu Museeti. 46Muse amma'nitinoonniha ikkoommero isi borreessinohu anereetina ane amma'nitinanni. 47Muse borreessinoha ammantinannikkiri kayinni ane qaale hiitto assitine ammantinanni?» yii.
Цяпер абрана:
YOHAANNISI 5: QulMax
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia; Sidama Holy Bible BSE-UBS 262 P 2014
YOHAANNISI 5
5
YESUUSI BEETESAYIDAHO MITTO LAANSHAAWA MANCHO HURSI
1Hakkunni gedensaanni, Yesuusi Ayihudete ayyaana ayirrisate Yerusaalame ha'ri. 2Yerusaalamete Ge'reewu Waalchi mule, Ibiraawootu afiinni Beetesayida#5:2 Beetesayida mite mite angatenni borreessinoonni borro Beetezaata yitanno; wolootu qolte Beetehesida yitanno. Kunni su'mi tiro, maarote mineeti yaate. yinanni kofo no. Hatte kofora ontu daasi noose. 3Batinye dhiwamaano, illiweelootu, naafootunna laanshaawootu kofote mule goxxe no. 4[Mite mite yannara Maganu sokkaasinchi daye hattenne kofo milli assanno. Kofo milli yitanno woyite umo ikke eannohu aye dhibbinnino huranno.]#5:4Qoqqowu giddo noohu mite mite angatenni borreessinoonnitera keeshshitino borro giddo dino. 5Hakkiicho sajjiina sette diro dhiwamanni keeshshino manchi no. 6Yesuusino konne mancho hakkiicho goxe nooha lae, dhiwamanni lowo yanna keeshshinotano afe, «Koo mancho, hura hasi'ratto?» yiisi. 7Manchuno, «Mooticha'ya, wayi milli yaanno woyite kofote giddora eessannoehu dino; ani eate hedeemmo woyite wolu balaxe eanno» yii. 8Yesuusino, «Ka'e daallasakki duqqite ha'ri!» yiisi. 9Manchuno hakkawoyintenni hure daallasasi duqqe ha'ri.
Yesuusi konne mancho hursinohu Ayihudete Fooliishsho Barraati. 10Kunnira, Ayihudete gashshaano hakkonne mancho, «Techo Fooliishshote Barra daallasa duqqe ha'ra difajjinanni» yitusi.
11Isi kayinni, «Hursie manchi, ‹Daallasakki duqqite ha'ri!› yeennaeeti» yee dawari. 12Insano, «‹Daallasakki duqqite ha'ri!› yiihehu ayeti?» yite xa'mitusi. 13Manchu kayinni mannu bati'rinohuranna Yesuusino hakkiinni ha'rino daafira hursisiha bade diafino. 14Gedensaanni Yesuusi hakkonne mancho Qullaawa Mine afe, «Koo mancho, xa kune huroottona, rooru qarri iillannohekki gede xaate kunni ka'a cubbo loossooti!» yiisi. 15Manchuno, hursinosihu Yesuusa ikkinota mare Ayihudete gashshaanora kuli. 16Hattoo coye Fooliishshote Barra assino daafira, Ayihudete gashshaano Yesuusa qarrissusi.
17Yesuusino qole, «Anni'ya techo geeshsha loosanni no; anino loosanni noommo» yii. 18Yesuusi hatto yee dawarinohura Ayihudete gashshaano albinni roore shitasira hasidhu. Shaate heddinohu, Fooliishshote barri Seera diigino daafira calla ikkikkinni, «Magano anna'yaati» yee isonoo Maganu ledo taashshino daafiraati.
MAGANU BEETTI ROORRE
19Yesuusino, «Halaale kuleemmo'nena, Annu loosanna afinore ikkinnina Beettu umisi roorrenni assannori dino. Annu loosannore Beettuno loosanno. 20Annu Beetto baxanno; loosannore baalano leellishannosi. Ki'ne dhagge assidhinanni gede, konne roorino coyeno leellishannosi. 21Annu reyitinore kayise heeshsho aannonte gede, Beettuno baxinohura heeshsho aanno. 22Annu aye aanano yoo diyaanno; ikkollana yoote roorre gudise Beettoho uyino. 23Hatto assinohu mannu baalu Anna ayirrisannonte gede, Beettono ayirrisanno gedeeti. Beetto ayirrisannokkihu Beetto soyinoha Annano diayirrisanno. 24Halaale kuleemmo'nena, qaale'ya macciishshitannoriranna soyinoeha amma'nitannorira hegere heeshsho noonsa. Reyotenni heeshshote widira sa'anno ikkinnina busha yoo diyinanninsa.
25«Halaale kuleemmo'nena, reyino manni Maganu Beetti qaale macciishshanno yanna dagganno; hatti yannano xaati. Macciishshitannori baalu lubbotenni heedhanno. 26Annu giddo heeshsho noonte gede, Beettu giddono heeshsho heedhanno gede assino. 27Beettu, Manchi Beetto ikkino daafira, yoo yaanno gede roorre uyinosi. 28Kunnira, waammate giddo noori huurosi macciishshitanno yanna daggannona, maala'litinoonte. 29Dancha loossinori reyotenni ka'e lubbotenni heedhanno; busha loossinori kayinni reyotenni ka'eenna, busha yoo yinanninsa» yii.
YESUUSI DAAFIRA FARCI'NOONNI COYE
30Lede Yesuusi, «Ani umi'yanni mittoreno asse diafeemmo. Isi yaanna macciishshoommore coyi'reemmo. Ani halchoommore ikkikkinni soyinoehu hedinore wonsheemmo daafira, yoo'ya halaalaanchote. 31Ani aneneere farci'rummoro farci'ra'ya halaalaancho di"ikkitanno. 32Ikkollana, anere farci'rannohu wolu no. Isi anere farci'rannoti halaale ikkitinota afoommo. 33Ki'ne manna Yohaannisiwa sokkinoonni; isi kayinni halaalunnire farci'rino. 34Konne yeemmohuno ki'ne gattinara ikkinnina mannu farci'ra anera assitanno'eri dino. 35Yohaannisi buwanni xawanno caabbichooti; ki'neno shiima yannara isi xawaabbinni hagiidhitinara hasidhinanni. 36Anera kayinni Yohaannisita roortino farci'ra nooe; farci'ra'yano Anni'ya loosammora uyinoe loosooti. Kuni looseemmo loosi, Anni'ya soyinoe gede anere farci'rannoho. 37Ane soyinohu Anni'ya anere farci'ranno. Ki'ne kayinni isi coyi'ranno qaale dimacciishshitinoonni; danasino diaffinoonni. 38Ane soyinoha iso amma'na hoogginoonnihura, isi qaali ki'ne wodani giddo dino. 39Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote. 40Ikkollana, ki'ne heeshsho afidhinara anewa didagginanni.
41«Ani mannuwiinni ayirrinye dihasi'reemmo. 42Ki'ne wodani giddo Maganu baxilli nookki gede egennoommo. 43Ani Anni'ya su'minni dayommo; ane kayinni dihaadhinoonnie. Wolu umisi su'minni dayiro kayinni haadhinanni. 44Ki'ne mimmiti'newiinni ayirrinye hasidhinanniri, mitto calla ikkino Maganiwiinni afi'nanni ayirrinye kayinni hasidhinannikkiri, ane hiitto ikkitine ammantinannie? 45Ani ki'ne Anni'ya albaanni diabbooshshi'reemmo'ne. Ki'ne abbooshshi'rannohu ki'ne hawaqidhine heedhinannihu Museeti. 46Muse amma'nitinoonniha ikkoommero isi borreessinohu anereetina ane amma'nitinanni. 47Muse borreessinoha ammantinannikkiri kayinni ane qaale hiitto assitine ammantinanni?» yii.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia; Sidama Holy Bible BSE-UBS 262 P 2014