Ruuka 13
13
Yeesu arakomererya abhantu bhamwihunjurire Waryubha
1Eribhaga riyoriyo, abhantu abhandi bhakaaja bhakamukeerya Yeesu ega, “Omwanangwa Pirato yeeta Abhagariraaya abhandi, hanú bhaaringa bharagooga egintugo gya ekimwenso. Amanyinga gaabho gakeesanganʼya na amanyinga ga ekimwenso kinú bhaaringa bharamuruusirya Waryubha.”
2Yeesu akabhakeerya ega, “Muramanya ega, Abhagariraaya bhayo, bhaakwa oruku ruyo kwa okubha bheeki bhaaringa na obhusarya obhwaru okukira Abhagariraaya abhandi bhonsego? 3Ndabhakeerya ega, tiigo-ha! Nawe, hanú muraange okumwihunjurira Waryubha okurwa mubhusarya bhwenyu, bheenyu bhonsego, murisika egoego! 4Kasi muhiituke abhantu bharya ekumi na munaane, bhanú bhaagwirwa na ekinsongyo Siroamu eyo, kikabheeta. Muramanya ega, bheeki bhaaringa na obhusarya obhwaru okukira abhantu bhonsego bhanú bhamenyeri Yerusaremu?#13:4 Yerusaremu. Maaha eringʼana rinu mu Moonjooro eguru ya Amangʼana Amakongʼu. 5Ndabhakeerya ega, tiigo-ha! Nawe, hanú muraange okumwihunjurira Waryubha, bheenyu bhonsego, murisika egoego!”
Ekirengyo kya omuti gunú gutakwama emisumo
6Kimwi, Yeesu akakeerya abhantu bhayo, ekirengyo ega, “Yaaringa-ho omuntu umwi unú yaahamba omuti gunú gurabhirikirwa omutini, mumugunda gwaye gwa emijabhibhu. Eribhaga erindi, akagya okutuna-ko emisumo, nawe ataanyoora ekintu. 7Mbe, akakeerya omukori wa emirimu waaye wa mumugunda guyo ega, ‘Rora! Kwa eribhaga rya emyaka esatu bhoono, naabheeri ndaaja okutuna emisumo kumuti gunu, nawe ntakunyoora-ko ekintu! Ngugeeje, naho gutige okugendererya okusarya erirobha rinu bhusa!’
8“Nawe, omukori wa emirimu uyo, akamukyukya ega, ‘Omukuru, gutige omwaka gunu, nguseejere na ngutuurire emborea. 9Nyoore guryama emisumo, m-bwaheene. Nawe nyoore gutaryama, ogugeeje.’”
Yeesu aramuhwenʼya omukari orusiku rwa Esabhato
10Orusiku rumwi rwa Esabhato, Yeesu yaaringa mwisinagogi#13:10 Mwisinagogi. Maaha Erisinagogi mu Moonjooro eguru ya Amangʼana Amakongʼu. areehigirya abhantu. 11Mwisinagogi muyo, yaaringa-mo omukari umwi, unú yaaringa agwatirwe na ekihwi ekibhiibhi kwa eribhaga rya emyaka ekumi na munaane. Ekihwi kiyo, kyaringa kimukumbiri omugongo, ataaringa aratura okwinamuka.
12Yeesu hanú yaamurora, akamubhirikira. Akamukeerya ega, “Maayi, ohweneri, bhoono oreeyagaara!” 13Yeesu akamutuurira amabhoko, rumwigo, akeenamuka, akaamba okumugungya Waryubha.
14Omukuru wa erisinagogi riyo, akajima bhukongʼu, kwa okubha orusiku runú Yeesu yaahwenʼya omuntu uyo, rwaringa orusiku rwa Esabhato. Akakeerya abhantu ega, “Kira obhutuuro, eginsiku gya okukora emirimu ni-sansabha. Mbe, muuje muhwenibhwe kuginsiku giyo, nawe, mutige okuuja okuhwenibhwa orusiku rwa Esabhato!”
15Nawe, Omukuru Yeesu akamukyukya ega, “Bheenyu bhanyarwambe! Niwi gati yeenyu atakusiikurira engʼombe yaaye kasi entikiri yaaye okurwa muriigo aihire okuinywensya, orusiku rwa Esabhato? 16Ndeegwa, omukari unu, ngʼo wa oruganda rwa Abhurahamu, amariri emyaka ekumi na munaane, abhoherwe na Erisambwa.#13:16 Erisambwa. Maaha eringʼana rinu mu Moonjooro eguru ya Amangʼana Amakongʼu. Mbe, uyo wonse, atakwenderwa ahwenibhwe obhurweri, orusiku rwa Esabhato?”
17Yeesu hanú yaagamba gayo, bhonsego bhanú bhaaringa bharahakaananʼya nawe, bhakasuuka. Nawe, abhandi bhonsego, bhakajomerwa bhukongʼu, kwa ekisigo kya amangʼana ga ebhika ganú yaaringa arakora.
Ekirengyo kya akabhusuro akatuuya
(Mataayo 13:31-32; Mariko 4:30-32)
18Kimwi, Yeesu akabhuurya abhantu bhonsego ega, “Obhukama bhwa Waryubha#13:18 Obhukama bhwa Waryubha. Maaha eringʼana rinu mu Moonjooro eguru ya Amangʼana Amakongʼu. bhuhunkeeni egaki? Mbuhunkanʼye naki? 19Bhurahunkana na akabhusuro akatuuya aka eharadari, kanú omuntu yaagega akahamba mumugunda gwaye. Akabhusuro kakamera, gukabha omuti omunene, ebhinyonyi bhikaaja, bhikahagaaja amasu gaabhyo kumasagi ga omuti guyo.”
Ekirengyo kya ekimera
(Mataayo 13:33)
20Yeesu akabhuurya kweki orwa kabhiri, ega, “Obhukama bhwa Waryubha, mbuhunkanʼye naki? 21Bhurahunkana na ekimera kinú omukari yaagega, akasanganʼya mumadebhe gasatu ga obhusye bhwa engano, kikabhimbya obhusye bhuyo bhonsego.”
Yeesu atariikirirya abhasarya bhasohemubhukama bhwa Waryubha
(Mataayo 7:13-14, 7:21-23)
22Yeesu hanú yaaringa kurugendo rwa okugya Yerusaremu, yaaringa areehigirya abhantu mumigi na mubhijiji bhinú yaahitanga-mo. 23Orusiku rumwi, omuntu umwi yaamubhuurya ega, “Omukuru, abhantu bhanú bharituuribhwa, bharibha abhakego?”
Yeesu akabhakeerya ega, 24“Okusoha mubhukama bhwa Waryubha, n-kya ego orasoha mukiseku ekinyintu. Ndabhakeerya ega, m-baaru bhanú bharyenda okusoha, nawe bhatarinagya. Mbe bheenyu, mukore ekituunyo okusoha-mo! 25Omwene enyumba hanú arisiika-ho ekiseku, bheenyu muriimirira kibhara, muratema ekiseku, muribhanga muragamba ega, ‘Omukuru, tusiikurire!’ Nawe, aribhakyukya ega, ‘Ntabhamanyiri, na ntamanyiri enú murwiriri!’
26“Bheenyu murimukeerya ega, ‘Bheetu m-banú twaryanga na okunywa hamwi na uuwe! Na uuwe weehigiryanga mubhitongoji bhyetu!’ 27Nawe, weeki aribhakyukya ega, ‘Mmariri okubhakeerya ega, “Ntabhamanyiri, na ntamanyiri enú murwiriri! Murwe owaani hanu, bheenyu abhakori bha obhusarya!”’
28“Nho, murikuura na okusya ameeno, kwa okubha murimurora Abhurahamu, Esaaka, na Yakobho, na abharooti bhonsego bharingi mubhukama bhwa Waryubha, nawe bheenyu muribha mutigirwe kibhara! 29Abhantu bhariija okurwa mbaara gyonsego gya ekyaro. Bhariikara okurya ebhyakurya munyangi ya obhukama bhwa Waryubha.
30“Mwitegeerere! Abhantu abhandi bhanú bharamaahikana ega, m-ba eguru bhoonwego, bharibha abha insi. Na abhandi bhanú bharamaahikana ega, m-ba insi bhoonwego, mbo bharibha abha eguru.”
Yeesu arasurumbara eguru ya Yerusaremu
(Mataayo 23:37-39)
31Eribhaga riyoriyo, Abhafarisaayo abhandi bhakaaja ku Yeesu, bhakamukeerya ega, “Reka hanu, ogende ahasi ahandi, kwa okubha omukama Herode Antipa#13:31 Herode Antipa. Maaha eringʼana rinu mu Moonjooro eguru ya Amangʼana Amakongʼu. areenda okukwita.”
32Yeesu akabhakyukya ega, “Mugende, mukeerye nyamubhwe omuhaari uyo ega, ‘Ndakenyia ebhihwi okurwa kubhantu, na okuhwenʼya abharweri, reero na ejo, orusiku rwa kasatu, ndamara emirimu gyani.’ 33Kora ego, ndeenderwa ngendererye na orugendo rwani rwa okugya Yerusaremu reero, ejo na bhasiirya, kwa okubha ereenderwa kira omurooti akwire Yerusaremu, etari ahasi ahandi.
34“Bheenyu abhantu bha Yerusaremu! Abhantu bha Yerusaremu! Mureeta abharooti na okubhatema na amagina abhantu bhanú Waryubha yaabhatuma kubheenyu. Mara kaaru naatuna okubhakumanʼya bheenyu kya ego enkoko erakumanʼya ebhijuuju bhyayo mumabhabha, nawe, muteenda! 35Maaha, Waryubha aritiga omugi gwenyu gubhe eritongo. Oni ndabhakeerya ega, mutarindora kweki, okuhikira eribhaga rinú murigamba ega, ‘Anonkerwe unú araaja kwa eriina rya Omukuru Waryubha.’#13:35 Maaha mukitabho kya Egijabhuri 118:26.”
Цяпер абрана:
Ruuka 13: Kabwa
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022, Wycliffe Bible Translators, Inc. All rights reserved.
Ruuka 13
13
Yeesu arakomererya abhantu bhamwihunjurire Waryubha
1Eribhaga riyoriyo, abhantu abhandi bhakaaja bhakamukeerya Yeesu ega, “Omwanangwa Pirato yeeta Abhagariraaya abhandi, hanú bhaaringa bharagooga egintugo gya ekimwenso. Amanyinga gaabho gakeesanganʼya na amanyinga ga ekimwenso kinú bhaaringa bharamuruusirya Waryubha.”
2Yeesu akabhakeerya ega, “Muramanya ega, Abhagariraaya bhayo, bhaakwa oruku ruyo kwa okubha bheeki bhaaringa na obhusarya obhwaru okukira Abhagariraaya abhandi bhonsego? 3Ndabhakeerya ega, tiigo-ha! Nawe, hanú muraange okumwihunjurira Waryubha okurwa mubhusarya bhwenyu, bheenyu bhonsego, murisika egoego! 4Kasi muhiituke abhantu bharya ekumi na munaane, bhanú bhaagwirwa na ekinsongyo Siroamu eyo, kikabheeta. Muramanya ega, bheeki bhaaringa na obhusarya obhwaru okukira abhantu bhonsego bhanú bhamenyeri Yerusaremu?#13:4 Yerusaremu. Maaha eringʼana rinu mu Moonjooro eguru ya Amangʼana Amakongʼu. 5Ndabhakeerya ega, tiigo-ha! Nawe, hanú muraange okumwihunjurira Waryubha, bheenyu bhonsego, murisika egoego!”
Ekirengyo kya omuti gunú gutakwama emisumo
6Kimwi, Yeesu akakeerya abhantu bhayo, ekirengyo ega, “Yaaringa-ho omuntu umwi unú yaahamba omuti gunú gurabhirikirwa omutini, mumugunda gwaye gwa emijabhibhu. Eribhaga erindi, akagya okutuna-ko emisumo, nawe ataanyoora ekintu. 7Mbe, akakeerya omukori wa emirimu waaye wa mumugunda guyo ega, ‘Rora! Kwa eribhaga rya emyaka esatu bhoono, naabheeri ndaaja okutuna emisumo kumuti gunu, nawe ntakunyoora-ko ekintu! Ngugeeje, naho gutige okugendererya okusarya erirobha rinu bhusa!’
8“Nawe, omukori wa emirimu uyo, akamukyukya ega, ‘Omukuru, gutige omwaka gunu, nguseejere na ngutuurire emborea. 9Nyoore guryama emisumo, m-bwaheene. Nawe nyoore gutaryama, ogugeeje.’”
Yeesu aramuhwenʼya omukari orusiku rwa Esabhato
10Orusiku rumwi rwa Esabhato, Yeesu yaaringa mwisinagogi#13:10 Mwisinagogi. Maaha Erisinagogi mu Moonjooro eguru ya Amangʼana Amakongʼu. areehigirya abhantu. 11Mwisinagogi muyo, yaaringa-mo omukari umwi, unú yaaringa agwatirwe na ekihwi ekibhiibhi kwa eribhaga rya emyaka ekumi na munaane. Ekihwi kiyo, kyaringa kimukumbiri omugongo, ataaringa aratura okwinamuka.
12Yeesu hanú yaamurora, akamubhirikira. Akamukeerya ega, “Maayi, ohweneri, bhoono oreeyagaara!” 13Yeesu akamutuurira amabhoko, rumwigo, akeenamuka, akaamba okumugungya Waryubha.
14Omukuru wa erisinagogi riyo, akajima bhukongʼu, kwa okubha orusiku runú Yeesu yaahwenʼya omuntu uyo, rwaringa orusiku rwa Esabhato. Akakeerya abhantu ega, “Kira obhutuuro, eginsiku gya okukora emirimu ni-sansabha. Mbe, muuje muhwenibhwe kuginsiku giyo, nawe, mutige okuuja okuhwenibhwa orusiku rwa Esabhato!”
15Nawe, Omukuru Yeesu akamukyukya ega, “Bheenyu bhanyarwambe! Niwi gati yeenyu atakusiikurira engʼombe yaaye kasi entikiri yaaye okurwa muriigo aihire okuinywensya, orusiku rwa Esabhato? 16Ndeegwa, omukari unu, ngʼo wa oruganda rwa Abhurahamu, amariri emyaka ekumi na munaane, abhoherwe na Erisambwa.#13:16 Erisambwa. Maaha eringʼana rinu mu Moonjooro eguru ya Amangʼana Amakongʼu. Mbe, uyo wonse, atakwenderwa ahwenibhwe obhurweri, orusiku rwa Esabhato?”
17Yeesu hanú yaagamba gayo, bhonsego bhanú bhaaringa bharahakaananʼya nawe, bhakasuuka. Nawe, abhandi bhonsego, bhakajomerwa bhukongʼu, kwa ekisigo kya amangʼana ga ebhika ganú yaaringa arakora.
Ekirengyo kya akabhusuro akatuuya
(Mataayo 13:31-32; Mariko 4:30-32)
18Kimwi, Yeesu akabhuurya abhantu bhonsego ega, “Obhukama bhwa Waryubha#13:18 Obhukama bhwa Waryubha. Maaha eringʼana rinu mu Moonjooro eguru ya Amangʼana Amakongʼu. bhuhunkeeni egaki? Mbuhunkanʼye naki? 19Bhurahunkana na akabhusuro akatuuya aka eharadari, kanú omuntu yaagega akahamba mumugunda gwaye. Akabhusuro kakamera, gukabha omuti omunene, ebhinyonyi bhikaaja, bhikahagaaja amasu gaabhyo kumasagi ga omuti guyo.”
Ekirengyo kya ekimera
(Mataayo 13:33)
20Yeesu akabhuurya kweki orwa kabhiri, ega, “Obhukama bhwa Waryubha, mbuhunkanʼye naki? 21Bhurahunkana na ekimera kinú omukari yaagega, akasanganʼya mumadebhe gasatu ga obhusye bhwa engano, kikabhimbya obhusye bhuyo bhonsego.”
Yeesu atariikirirya abhasarya bhasohemubhukama bhwa Waryubha
(Mataayo 7:13-14, 7:21-23)
22Yeesu hanú yaaringa kurugendo rwa okugya Yerusaremu, yaaringa areehigirya abhantu mumigi na mubhijiji bhinú yaahitanga-mo. 23Orusiku rumwi, omuntu umwi yaamubhuurya ega, “Omukuru, abhantu bhanú bharituuribhwa, bharibha abhakego?”
Yeesu akabhakeerya ega, 24“Okusoha mubhukama bhwa Waryubha, n-kya ego orasoha mukiseku ekinyintu. Ndabhakeerya ega, m-baaru bhanú bharyenda okusoha, nawe bhatarinagya. Mbe bheenyu, mukore ekituunyo okusoha-mo! 25Omwene enyumba hanú arisiika-ho ekiseku, bheenyu muriimirira kibhara, muratema ekiseku, muribhanga muragamba ega, ‘Omukuru, tusiikurire!’ Nawe, aribhakyukya ega, ‘Ntabhamanyiri, na ntamanyiri enú murwiriri!’
26“Bheenyu murimukeerya ega, ‘Bheetu m-banú twaryanga na okunywa hamwi na uuwe! Na uuwe weehigiryanga mubhitongoji bhyetu!’ 27Nawe, weeki aribhakyukya ega, ‘Mmariri okubhakeerya ega, “Ntabhamanyiri, na ntamanyiri enú murwiriri! Murwe owaani hanu, bheenyu abhakori bha obhusarya!”’
28“Nho, murikuura na okusya ameeno, kwa okubha murimurora Abhurahamu, Esaaka, na Yakobho, na abharooti bhonsego bharingi mubhukama bhwa Waryubha, nawe bheenyu muribha mutigirwe kibhara! 29Abhantu bhariija okurwa mbaara gyonsego gya ekyaro. Bhariikara okurya ebhyakurya munyangi ya obhukama bhwa Waryubha.
30“Mwitegeerere! Abhantu abhandi bhanú bharamaahikana ega, m-ba eguru bhoonwego, bharibha abha insi. Na abhandi bhanú bharamaahikana ega, m-ba insi bhoonwego, mbo bharibha abha eguru.”
Yeesu arasurumbara eguru ya Yerusaremu
(Mataayo 23:37-39)
31Eribhaga riyoriyo, Abhafarisaayo abhandi bhakaaja ku Yeesu, bhakamukeerya ega, “Reka hanu, ogende ahasi ahandi, kwa okubha omukama Herode Antipa#13:31 Herode Antipa. Maaha eringʼana rinu mu Moonjooro eguru ya Amangʼana Amakongʼu. areenda okukwita.”
32Yeesu akabhakyukya ega, “Mugende, mukeerye nyamubhwe omuhaari uyo ega, ‘Ndakenyia ebhihwi okurwa kubhantu, na okuhwenʼya abharweri, reero na ejo, orusiku rwa kasatu, ndamara emirimu gyani.’ 33Kora ego, ndeenderwa ngendererye na orugendo rwani rwa okugya Yerusaremu reero, ejo na bhasiirya, kwa okubha ereenderwa kira omurooti akwire Yerusaremu, etari ahasi ahandi.
34“Bheenyu abhantu bha Yerusaremu! Abhantu bha Yerusaremu! Mureeta abharooti na okubhatema na amagina abhantu bhanú Waryubha yaabhatuma kubheenyu. Mara kaaru naatuna okubhakumanʼya bheenyu kya ego enkoko erakumanʼya ebhijuuju bhyayo mumabhabha, nawe, muteenda! 35Maaha, Waryubha aritiga omugi gwenyu gubhe eritongo. Oni ndabhakeerya ega, mutarindora kweki, okuhikira eribhaga rinú murigamba ega, ‘Anonkerwe unú araaja kwa eriina rya Omukuru Waryubha.’#13:35 Maaha mukitabho kya Egijabhuri 118:26.”
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022, Wycliffe Bible Translators, Inc. All rights reserved.