Yohana 4
4
OMUNASAMARIYAKAZI. — ILYA N’IGESA LY’OMWOYO. — YEZU MU BANASAMARIYA.
1Mbe Yezu ka yamanyire okw’Abafarizayo bahulire okwo yagizire abahemba bengi, n’okw’akubatiza kukira Yohana, 2(naho Yezu atabatizaga omwene, nawe abahemba be), 3naruga Buyahudi nasuba kugenda Galilaya. 4Mbe naba wo kuraba Samariya. 5Nahika mu charo cha Samariya, echo bakweta bati: Sikari, hehi n’ensambu eyo Yakobo yaliga yahere omutabani we Yozefu. 6Haliga haliyo iziba lya Yakobo. Yezu ka yalemirwe olugendo, naikara h’eziba. Lyaliga lili kuti izoba lya mw’ihangwe. 7Omukazi naruga Samariya kwiza kutah’amenzi. Yezu namugambira ati: Nompeho nnwe. 8Nawe abahemba be baliga bazire mu maka kugul’ebilyo. 9Mbe Omunasamariyakazi ogwo namugambira ati: Kai iwe oli Muyahudi, okunsaba ota echo kunwa, ine ndi Munasamariyakazi? Kuba Abayahudi tibahulirizenye n’Abanasamariya#4, 9 Abanasamariya baliga bahatene kuruga kara n’Abayahudi nibagayana.. 10Yezu nasubamo namugambira ati: Okiba nomanya engabirano ya Mungu n’akukusaba ati: Mpa nnweho, hamo n’iwe wakumusabire, kai yakakuhere amenzi agakuloza. 11Omukazi ogwo namugambira ati: Mukama wange, toli n’echo kutahya, kai iziba lilehire; kai amenzi g’obulame okugeha hai si? 12Si iwe oli mukuru kukira tata Yakobo, ayatuhere iziba linu, kai na wenene akanwaho, n’abana be, n’ebitunganwa bye? 13Yezu nasubamo namugambira ati: Buli akunw’amenzi ganu akusuba kugir’eliho; nawe alinw’amenzi ago ine ndimuha taligir’eliho mu myaka zona; 14nawe amenzi ago ine ndimuha galiba muli wenene iziba ly’amenzi agakuchiririkira mu bulame obutahwaho. 15Omukazi namugambira ati: Mukama wange, nompe amenzi ago, ndekere kwitw’eliho no kwiza hanu kutaha. 16Yezu namugambira ati: Roko, oyete baro, kandi oize hanu. 17Omukazi nasubamo nagira ati: Tindi na museza. Yezu namugambira ati: Wagamba kuzima oti: Tindi na museza. 18Kuba olaswerwe baseza batanu, na hati owe oli nage ti baro; ebyo kai wagamba kuzima. 19Omukazi namugambira ati: Mukama wange, hati nabona okw’oli mulagi. 20Batata bahabuduga Mungu h’ebanga eli, kai imwe mukugira muti: Yeruzalemu nigwo mwanya gwo kuhabudu#4, 20 Amenzi ago Yezu akutenga nibyo ebizima ebyo wenene atuletera. — Abanasamariya baliga bayombekire eklezia ha nsonde y’ibanga, hehi n’iziba lya Yakobo.. 21Yezu namugambira ati: Iwe mukazi, nonikirize, kuba olunaku lwahikire olwo mutaliza h’ebanga linu, na Yeruzalemu hona pai, kuhabudu Tata. 22Imwe mukuhabudu echo mutakumanya; itwe tukuhabudu echo tukumanya, obw’ obuchunguzi bukuruga mu Bayahudi#4, 22 Mungu akalaganisya Ibrahimu, ise Abayahudi, kutuma Masiha mu luganda lwe.. 23Kuba olunaku lukwiza, na hati lwahikire, olw’abantu abakuhabudu kimo balihabudu Tata mu mwoyo na mu bukomereza; kuba si abakuhabudu batyo, nibo Tata akuhiga. 24Mungu ni mwoyo; mbe abakumuhabudu bali no kumuhabudu mu mwoyo na mu bukomereza. 25Omukazi ogwo namugambira ati: Nkumanya okwo Masiha, (owe bakweta bati: Kristu), ali no kwiza; mbe ogwo k’aliza, niwe alitutengera byona. 26Yezu namugambira ati: N’ine omwene akufumora n’ewe.
27Aho honka abahemba be nibeza; nibakuma obwo yafumoraga n’omukazi. Nawe tihaliho ayagizire ati: Okuhiga ki? hamo ati: Okufumorera ki nage? 28Mbe omukazi ogwo nasig’aho ensuha ye, nagenda mu maka. 29Nagambira abantu ati: Mwize mulore omuntu ayangambire byona ebyo ndakozire; si hamo niwe Kristu? 30Mbe nibaruga mu charo, nibamuzaho. 31Aho abahemba be nibamusaba nibagira bati: Mwolekerezi, nolye. 32Nawe wenene nabagambira ati: Ine ndi n’ebilyo byo kulya, ebyo imwe mutakumanya. 33Aho abahemba be nibatengerana bati: Si hamo haliho ayamuletere ebyo kulya? 34Yezu nabagambira ati: Ebilyo byange ni kukola ebyo ayantumire akwenda, niho mpiche omulimo gwe. 35Si imwe timukugira muti: Hachaliyo mezi ana, igesa nilihika? Lora, nkubagambira nti: Mwereze ameso ganu, mulore emisiri, okwo zayezire zo kugesa. 36Omugesi akubona empera ye, kandi akusororeza ebilyo mu bulame obutahwaho, niho omubibi asemererwe hamo n’omugesi. 37Kuba muli ebyo kikuhika ekigambo kiti: Akubiba n’ondi, kai akugesa n’ondi. 38Ine nkabatuma kugesa ebyo mutakozire; abandi nibo bakozire, imwe nimugenda mu milimo zabo#4, 38 Omubibi niwe Yezu, kai abagesi nizo Entumwa n’abahunguzi bazo..
39Abanasamariya banamwingi bo mu charo echo nibamwikiriza ha bw’ekigambo ch’omukazi ogwo, ayamumanyisizeho ati: Yangambire byona ebyo ndakozire. 40Mbe Abanasamariya ka bamwizireho, nibamusaba abereyo. Naikarayo naku ibili. 41Bengi muno nibamwikiririza ebyo yayolekereraga. 42Nibagambira omukazi ogwo ati: Titwekirizibwa ekigambo chawe chonka; n’etwe abene twahulira, kai twamanya okw’onu ali koto Muchunguzi w’ensi.
YEZU MU NSI YA GALILAYA. — NAKIZA OMWANA W’OMUKUNGU.
43Enaku ibili ka zarabireho, narugayo, nagenda Galilaya. 44Yezu namanyisya okw’omulagi atali n’ikuzo mu nsi yabo. 45Mbe ka yahikire Galilaya, Abanagalilaya nibamwanankura, obwo baliga babwene ebyo yakozire Yeruzalemu ha lunaku lukuru; kuba na bonene baliga bezire ha lunaku lukuru.
46Mbe nasuba kuhika Kana ya Galilaya, eyo yahindulire amenzi ekaba vini. Haliga haliho omukungu, omwana we narwara Kafarnahumi. 47Ogwo ka yahulire okwo Yezu yarugire Buyahudi, yezire Galilaya, namuzaho, namulembereza alengetuke, akize omwana we; kuba yaliga nayenda kufwa. 48Aho Yezu namugambira ati: Mutabwene enyamo n’amahano, timukwikiriza. 49Omukungu namugira ati: Mukama wange, lengetuka, omwana wange atakafwire. 50Yezu namugambira ati: Roko, omwana wawe yehulire. Omuntu ogwo naikiriza ekigambo echo Yezu yamutengere, nagenda. 51Mbe ka yalengetukire, nabugangana n’aberu be, nibamugambira bati: Omwana wawe yehulire. 52Nababuza esaha eyo yehuliriremo. Nibamugambira bati: Omuswiza gumuhwereho negoro saha musanzu. 53Aho ise namanya okwo eli saha eyo Yezu yamugambirireho ati: Omwana wawe yehulire; naikiriza, wenene n’abo mu ka ye bona. 54Linu nilyo ihano lya kabili kai, elyakozirwe Yezu, ka yarugire Buyahudi kuza Galilaya.
Цяпер абрана:
Yohana 4: KED1946
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
First published in 1946 by the White Fathers. Published online with the permission of the White Fathers.
Yohana 4
4
OMUNASAMARIYAKAZI. — ILYA N’IGESA LY’OMWOYO. — YEZU MU BANASAMARIYA.
1Mbe Yezu ka yamanyire okw’Abafarizayo bahulire okwo yagizire abahemba bengi, n’okw’akubatiza kukira Yohana, 2(naho Yezu atabatizaga omwene, nawe abahemba be), 3naruga Buyahudi nasuba kugenda Galilaya. 4Mbe naba wo kuraba Samariya. 5Nahika mu charo cha Samariya, echo bakweta bati: Sikari, hehi n’ensambu eyo Yakobo yaliga yahere omutabani we Yozefu. 6Haliga haliyo iziba lya Yakobo. Yezu ka yalemirwe olugendo, naikara h’eziba. Lyaliga lili kuti izoba lya mw’ihangwe. 7Omukazi naruga Samariya kwiza kutah’amenzi. Yezu namugambira ati: Nompeho nnwe. 8Nawe abahemba be baliga bazire mu maka kugul’ebilyo. 9Mbe Omunasamariyakazi ogwo namugambira ati: Kai iwe oli Muyahudi, okunsaba ota echo kunwa, ine ndi Munasamariyakazi? Kuba Abayahudi tibahulirizenye n’Abanasamariya#4, 9 Abanasamariya baliga bahatene kuruga kara n’Abayahudi nibagayana.. 10Yezu nasubamo namugambira ati: Okiba nomanya engabirano ya Mungu n’akukusaba ati: Mpa nnweho, hamo n’iwe wakumusabire, kai yakakuhere amenzi agakuloza. 11Omukazi ogwo namugambira ati: Mukama wange, toli n’echo kutahya, kai iziba lilehire; kai amenzi g’obulame okugeha hai si? 12Si iwe oli mukuru kukira tata Yakobo, ayatuhere iziba linu, kai na wenene akanwaho, n’abana be, n’ebitunganwa bye? 13Yezu nasubamo namugambira ati: Buli akunw’amenzi ganu akusuba kugir’eliho; nawe alinw’amenzi ago ine ndimuha taligir’eliho mu myaka zona; 14nawe amenzi ago ine ndimuha galiba muli wenene iziba ly’amenzi agakuchiririkira mu bulame obutahwaho. 15Omukazi namugambira ati: Mukama wange, nompe amenzi ago, ndekere kwitw’eliho no kwiza hanu kutaha. 16Yezu namugambira ati: Roko, oyete baro, kandi oize hanu. 17Omukazi nasubamo nagira ati: Tindi na museza. Yezu namugambira ati: Wagamba kuzima oti: Tindi na museza. 18Kuba olaswerwe baseza batanu, na hati owe oli nage ti baro; ebyo kai wagamba kuzima. 19Omukazi namugambira ati: Mukama wange, hati nabona okw’oli mulagi. 20Batata bahabuduga Mungu h’ebanga eli, kai imwe mukugira muti: Yeruzalemu nigwo mwanya gwo kuhabudu#4, 20 Amenzi ago Yezu akutenga nibyo ebizima ebyo wenene atuletera. — Abanasamariya baliga bayombekire eklezia ha nsonde y’ibanga, hehi n’iziba lya Yakobo.. 21Yezu namugambira ati: Iwe mukazi, nonikirize, kuba olunaku lwahikire olwo mutaliza h’ebanga linu, na Yeruzalemu hona pai, kuhabudu Tata. 22Imwe mukuhabudu echo mutakumanya; itwe tukuhabudu echo tukumanya, obw’ obuchunguzi bukuruga mu Bayahudi#4, 22 Mungu akalaganisya Ibrahimu, ise Abayahudi, kutuma Masiha mu luganda lwe.. 23Kuba olunaku lukwiza, na hati lwahikire, olw’abantu abakuhabudu kimo balihabudu Tata mu mwoyo na mu bukomereza; kuba si abakuhabudu batyo, nibo Tata akuhiga. 24Mungu ni mwoyo; mbe abakumuhabudu bali no kumuhabudu mu mwoyo na mu bukomereza. 25Omukazi ogwo namugambira ati: Nkumanya okwo Masiha, (owe bakweta bati: Kristu), ali no kwiza; mbe ogwo k’aliza, niwe alitutengera byona. 26Yezu namugambira ati: N’ine omwene akufumora n’ewe.
27Aho honka abahemba be nibeza; nibakuma obwo yafumoraga n’omukazi. Nawe tihaliho ayagizire ati: Okuhiga ki? hamo ati: Okufumorera ki nage? 28Mbe omukazi ogwo nasig’aho ensuha ye, nagenda mu maka. 29Nagambira abantu ati: Mwize mulore omuntu ayangambire byona ebyo ndakozire; si hamo niwe Kristu? 30Mbe nibaruga mu charo, nibamuzaho. 31Aho abahemba be nibamusaba nibagira bati: Mwolekerezi, nolye. 32Nawe wenene nabagambira ati: Ine ndi n’ebilyo byo kulya, ebyo imwe mutakumanya. 33Aho abahemba be nibatengerana bati: Si hamo haliho ayamuletere ebyo kulya? 34Yezu nabagambira ati: Ebilyo byange ni kukola ebyo ayantumire akwenda, niho mpiche omulimo gwe. 35Si imwe timukugira muti: Hachaliyo mezi ana, igesa nilihika? Lora, nkubagambira nti: Mwereze ameso ganu, mulore emisiri, okwo zayezire zo kugesa. 36Omugesi akubona empera ye, kandi akusororeza ebilyo mu bulame obutahwaho, niho omubibi asemererwe hamo n’omugesi. 37Kuba muli ebyo kikuhika ekigambo kiti: Akubiba n’ondi, kai akugesa n’ondi. 38Ine nkabatuma kugesa ebyo mutakozire; abandi nibo bakozire, imwe nimugenda mu milimo zabo#4, 38 Omubibi niwe Yezu, kai abagesi nizo Entumwa n’abahunguzi bazo..
39Abanasamariya banamwingi bo mu charo echo nibamwikiriza ha bw’ekigambo ch’omukazi ogwo, ayamumanyisizeho ati: Yangambire byona ebyo ndakozire. 40Mbe Abanasamariya ka bamwizireho, nibamusaba abereyo. Naikarayo naku ibili. 41Bengi muno nibamwikiririza ebyo yayolekereraga. 42Nibagambira omukazi ogwo ati: Titwekirizibwa ekigambo chawe chonka; n’etwe abene twahulira, kai twamanya okw’onu ali koto Muchunguzi w’ensi.
YEZU MU NSI YA GALILAYA. — NAKIZA OMWANA W’OMUKUNGU.
43Enaku ibili ka zarabireho, narugayo, nagenda Galilaya. 44Yezu namanyisya okw’omulagi atali n’ikuzo mu nsi yabo. 45Mbe ka yahikire Galilaya, Abanagalilaya nibamwanankura, obwo baliga babwene ebyo yakozire Yeruzalemu ha lunaku lukuru; kuba na bonene baliga bezire ha lunaku lukuru.
46Mbe nasuba kuhika Kana ya Galilaya, eyo yahindulire amenzi ekaba vini. Haliga haliho omukungu, omwana we narwara Kafarnahumi. 47Ogwo ka yahulire okwo Yezu yarugire Buyahudi, yezire Galilaya, namuzaho, namulembereza alengetuke, akize omwana we; kuba yaliga nayenda kufwa. 48Aho Yezu namugambira ati: Mutabwene enyamo n’amahano, timukwikiriza. 49Omukungu namugira ati: Mukama wange, lengetuka, omwana wange atakafwire. 50Yezu namugambira ati: Roko, omwana wawe yehulire. Omuntu ogwo naikiriza ekigambo echo Yezu yamutengere, nagenda. 51Mbe ka yalengetukire, nabugangana n’aberu be, nibamugambira bati: Omwana wawe yehulire. 52Nababuza esaha eyo yehuliriremo. Nibamugambira bati: Omuswiza gumuhwereho negoro saha musanzu. 53Aho ise namanya okwo eli saha eyo Yezu yamugambirireho ati: Omwana wawe yehulire; naikiriza, wenene n’abo mu ka ye bona. 54Linu nilyo ihano lya kabili kai, elyakozirwe Yezu, ka yarugire Buyahudi kuza Galilaya.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
First published in 1946 by the White Fathers. Published online with the permission of the White Fathers.