Neto'te 10
10
Bwoṅ benntùn num nsitsha'a
(1 Kron. 1.5-23; Net. 9.27)
1Tshù tunndà bon Noa tse bandum, Sém, Kam bo Yafét li: Bo lo bwe bon bandum ngelaṅ dibambaṅ tôg là.
2Bon Yafét tse bandum: Gomer, Magog, Maday, Javan, Tubal, Méshék, Tiras. 3Bon Gomer tse bandum: Ashkenaz, Rifat, Togarma. 4Bon Javan tse bandum: Elisha, Tarsis, Kittim, Rodanim. 5Bon tshob lo tete mum ba ngô tètntse ts'a mum ngô là. Bo tete, mba we lo num tshob tsha'a, num yub kan ntshobe, mba we lo bwe yub tunndà ntùm yub ngô.
6Bon Kam tse bandum: Kush bo Misrayim, Put bo Kanaan. 7Bon Kush tse bandum: Séba, Havila, Sabta, Raama bo Sabteka. Bon Raama tse bandum: Shéba bo Dedan.
8Kush bwe Nimrod. Yen mèn ni na' mb'a mbwe nganeta num nsitsha'a. 9Mbe neta ngata' yoṅ mum njù. A ndùlala ze bo be ntshob ndù: O b'a neta ngata' yoṅ mba Nimrod là. 10Ze nufen to't'a Babél, Erék, Akad bo Kalnék mum ngô Shinear. 11Assur tum mum yen ngô là, nkut Ninive bo dù' ts'a mum ngô là mba Kélak. 12A kut mba Résén z'a be netèt Ninive bo Kélak ngô ndùb là.
13Misrayim bwe ba Lud, ba Anam, ba Lehab, ba Naftuk, 14ba Patrus, ba Kasluk boa ba Kaftor tse ba Filistia tum à netèt bo là.
15Kanaan bwe Sidon tuswe i, bo Het, 16boa ba Jébusia, ba Amor, ba Girgashia, 17ba Kévia, ba Arkita, ba Sinita, 18ba Arvadita, ba Sémarita, ba Hamatita. Yen nà be tshùa njoṅ tunndà Kanaan fa sate. 19A ndùlala, ndùngô ba Kanaan be nto' nze bag Guérar tà nèn nkum Gaza, nto' nze bag Sodom, Gomora, Adma bo Tseboim, tà nèn nkum Lésha.
20Tshù bon Kam nà, mba we lo num yub tunndà, mba we lo num mub ntshobe, mba we lo num tshob tsha'a, mba we lo mum yub ngô.
21Sém ntshùambwe Yafét b'a tànjam njoṅ bon Héber fa. 22Tshù ndèn bon Sém tse bandum ni: Elam, Assur, Arpakshad, Lud bo Aram. 23Bon Aram tse bandum b'a: Uts, Hul, Gétér bo Mash.
24Arpakshad bwe Shélak, Shélak bwe Héber. 25Héber bwe bon bandum bàa. Lén mbwe mén be Pélég, nummbe bo lo ghabte tsha' num ze ngelaṅ, lén mfèl i be Joktan. 26Joktan bwe Almodad, Shéléf, Hasarmavet, Yarak, 27Hadoram, Uzal, Dikla, 28Obal, Abimaél, Shéba, 29Ofir, Havila, Yobab. Njoṅ tshen ben ni b'a bon Joktan tse bandum. 30Dù'ntswe yube, neto' fe Misha nèn nze bag Séfar, na' mb'a mbat z'a bag mbinyam nà.
31Tshù bon Sém tse bandum nà, mba we lo num yub tunndà, mum mub ntshobe, ntùm tshob tsha'a, mba ntùm yub ngô. 32Tshù mba tse tunndà bon Noa tse bandum be num yub zwiaṅ i, ntùm yub ngô là. Ngôngô ts'a sa num nsitsha' fe ngelaṅ dibambaṅ tôg là tum à num bo.
Цяпер абрана:
Neto'te 10: BMa
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
La Sainte Bible en Bamiléké-Medùmba © Alliance Biblique du Cameroun, 1993. All rights reserved.