Matəw 7
7
Ano da isaʼa ba umbi
1Yeso mə bə ghayn kwi, “Ka mbən mə saʼa ngwən ba umbi boʼo cha Nwiye mi saʼa ma ngwən. 2#Mak 4.24Inji zənə mbən mə saʼa ba umbi amə nibə nigə Nwiye mi saʼa ngwən. Nwiye yə num inji zənə mbən saʼa ba umbi isaʼa ngwən awu.”
3Yeso biri abú úŋwen kwi, “Aton zənə ngwə mə zən ə achib aghəy ungɨŋ ighɨ ungwə anya nu cha ngwə mə zən ə ayə ikəg iwayn zənə imə ungɨŋ inji ighɨ amə da ngiya? 4Kə amə́ ngiya ngwə ghayn abú ungwə unya kwi, ‘Təm a chiyə achib aghəy ungɨŋ injə ighɨ’ Nu ikəg uwayn mə ungɨŋ injə ighɨ? 5Ungwə wa figə unó. Dey chi ikəg uwayn zənə imə ungɨŋ inji ighɨ boʼo izən usin anji chuŋ ki chiyə achib aghəy zənə amə ungɨŋ ighɨ ungwə nya.
6Inum ayə aghəy wumine na abú ibəw nji iti kumə zaʼa aboʼo injigə inom ayə. Mbən maʼa ngwən umbən u pels abú ingwey nji iti yeŋ igun.”
Anó da ibiri, ikab nə igweʼe
7Yeso ŋu imbəy ni ghayn abú úŋwən kwi, “Mbən biri Nwiye yi naʼ inen, mbən kaba mbən yi zən, mbən gweʼe Nwiye yi fiʼi inen. 8Damugə wa ŋənə u biri Nwiye yi naʼ, wa ŋunə u kaba u yi zən, wa ŋunə u gweʼe Nwiye yi fiʼi abú uŋwen.
9Amə ngwa injən akaʼa nu ŋwə̂ ma bə biri ingəŋ u naʼ amə itey abú uŋwən? 10Kə kwi ŋwə̂ ma bə biri su u naʼ amə ijugə abú uŋwən? 11Anigə umbən mbənə mbən mə ighəy unó iboŋ, mbən bə kyay umugə ni naʼ u aghəy chuŋ abú umbən buŋ, nji Mbaʼ ŋunə umə azobo yi kaŋa naʼ u aghəy chuŋ abú ba mbənə u biri abú uŋwen. 12#Luk 6.31Mbən ki aghəy abú ba umbi anó zənə mbən mə kaba kwi u aghəy inen. Zəŋ amə anó zənə amə ungɨŋ unoʼo Mose foro ungɨŋ unoʼo ba ukən Nwiye.”
Anó da uchəw ukam kwekwe
13Yeso ŋu imbey ni ghayn kwi, “Mbən nyi ungɨŋ anó ufon Nwiye akə uchəw ukam kwekwe damugə uchəw ukam kyay yə ŋuw asin ingəʼ. Inji zənə imə ŋuw awu iyə nara iyeŋ igun. Ba nanaʼ mbə́ nyi aba uchəw ukam wu. 14Asɨmə, uchəw ukam ŋunə umə́ ŋuw asin zənə ba mi jəgə itəni u yə kweʼe. Iji zənə imə ŋuw awu yə kaŋa isəy iyeŋ igun. Aba ba kyire umə zən ə inji wu.”
Anó da azad nə itɨŋi ma
15Yeso ghayn abú úŋwən kwi, “Mbən weŋ ngwən da ba ukən Nwiye figə unó, umbi zaʼa inen ungɨŋ igob injəg, asɨmə ungɨŋ fiŋ uma, umbə nə ifuŋ ŋunə injəy mə zaŋa. 16Mbən yi kyay úŋwən akə unó mbənə úŋwən mə aghəy. Cha azad injəŋ mə kuw ma namasɨ, Cha amba mə kuw ma akyugwa. 17Anigə uzad chuŋ mbə kuw itɨŋi chuŋ, asɨmə azad iboŋ yə kuw itɨŋi iboŋ. 18Cha azad chuŋ mə kuw ma itɨŋi iboŋ kə cha azad iboŋ mə kuw ma itɨŋi chuŋ. 19#Mat 3.10; Luk 3.9Umbi wa azad zənə cha amə kuw ma itɨŋi chuŋ imaʼ ungɨŋ uwəd. 20#Mat 12.33Anigə mbən yi kyay ba ukən Nwiye figə unó akə unó mbənə umə aghəy.”
Anó da ba mbənə cha Yeso kyay ma úŋwən
21Yeso ŋu imbey ighayn abú úŋwən kwi, “Akəma ba ujum mbənə umə tiya aŋu kwi ‘Asɨyisəg, Asɨyisəg’ Umi nyi ungɨŋ anó ufon azobo. Abə ma ba mbənə umə aghəy unó mbənə uŋu Mbaʼ azobo kabay umi nyi. 22Aney zənə Nwiye mi sob usaʼa, ba nanaʼ umbi ghayn iniŋ kwi, ‘Asɨyisəg, Asɨyisəg mba mə́ ghayn ukən Nwiye akə ungwə ukum, ichiyə uzugə iboŋ akə ungwə ukum nibə ghəy uyere unoʼ nanaʼ akə ungwə ukum!’ 23U bə ghayn nigə, ayi ghayn abú úŋwən kwi, ‘Cha adi kyay aŋu ngwən. Mbən noʼo inyi iyad umbən ba unó iboŋ.’”
Anó da ba ubigə nu mbə chimi na
24Yeso ŋu imbəy ghayn kwi, “Wa ŋunə u zəw anó zənə amə ghayn ni aghəy unó wu, yə chomo ni wa iwe ŋunə u chimi ina ma igun ukob. 25Imbəŋ choʼo igwi sugi ineŋe mbayn, afim chigə yi tum na wu asɨmə cha ibene ma damugə mbə́ chim igun ukob. 26Asɨmə, wa ŋunə u zəw anó zənə amə ghayn anigə cha u aghəy ma unó wu, yə chomo nə aneŋ wa ŋunə u chim na ma igun asɨkwaʼ. 27Anigə imbəŋ choʼo igwi sugi ineŋe mbayn, afim chigə yi tum na wu ibene mbem.”
28 #
Mak 1.22; Luk 4.32 Amaʼazənə Yeso si ghayn unó mbəŋ imara, akama ba wu yere nji zənə yə mə itey. 29Damugə yə mə tey unó abú úŋwən ni wa ŋunə umə nə ikay ighəy nigə. Cha yə di chomo ma numugə mbə taʼa ba akə unoʼo mə itey.
Цяпер абрана:
Matəw 7: NGI
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023 CABTAL
Matəw 7
7
Ano da isaʼa ba umbi
1Yeso mə bə ghayn kwi, “Ka mbən mə saʼa ngwən ba umbi boʼo cha Nwiye mi saʼa ma ngwən. 2#Mak 4.24Inji zənə mbən mə saʼa ba umbi amə nibə nigə Nwiye mi saʼa ngwən. Nwiye yə num inji zənə mbən saʼa ba umbi isaʼa ngwən awu.”
3Yeso biri abú úŋwen kwi, “Aton zənə ngwə mə zən ə achib aghəy ungɨŋ ighɨ ungwə anya nu cha ngwə mə zən ə ayə ikəg iwayn zənə imə ungɨŋ inji ighɨ amə da ngiya? 4Kə amə́ ngiya ngwə ghayn abú ungwə unya kwi, ‘Təm a chiyə achib aghəy ungɨŋ injə ighɨ’ Nu ikəg uwayn mə ungɨŋ injə ighɨ? 5Ungwə wa figə unó. Dey chi ikəg uwayn zənə imə ungɨŋ inji ighɨ boʼo izən usin anji chuŋ ki chiyə achib aghəy zənə amə ungɨŋ ighɨ ungwə nya.
6Inum ayə aghəy wumine na abú ibəw nji iti kumə zaʼa aboʼo injigə inom ayə. Mbən maʼa ngwən umbən u pels abú ingwey nji iti yeŋ igun.”
Anó da ibiri, ikab nə igweʼe
7Yeso ŋu imbəy ni ghayn abú úŋwən kwi, “Mbən biri Nwiye yi naʼ inen, mbən kaba mbən yi zən, mbən gweʼe Nwiye yi fiʼi inen. 8Damugə wa ŋənə u biri Nwiye yi naʼ, wa ŋunə u kaba u yi zən, wa ŋunə u gweʼe Nwiye yi fiʼi abú uŋwen.
9Amə ngwa injən akaʼa nu ŋwə̂ ma bə biri ingəŋ u naʼ amə itey abú uŋwən? 10Kə kwi ŋwə̂ ma bə biri su u naʼ amə ijugə abú uŋwən? 11Anigə umbən mbənə mbən mə ighəy unó iboŋ, mbən bə kyay umugə ni naʼ u aghəy chuŋ abú umbən buŋ, nji Mbaʼ ŋunə umə azobo yi kaŋa naʼ u aghəy chuŋ abú ba mbənə u biri abú uŋwen. 12#Luk 6.31Mbən ki aghəy abú ba umbi anó zənə mbən mə kaba kwi u aghəy inen. Zəŋ amə anó zənə amə ungɨŋ unoʼo Mose foro ungɨŋ unoʼo ba ukən Nwiye.”
Anó da uchəw ukam kwekwe
13Yeso ŋu imbey ni ghayn kwi, “Mbən nyi ungɨŋ anó ufon Nwiye akə uchəw ukam kwekwe damugə uchəw ukam kyay yə ŋuw asin ingəʼ. Inji zənə imə ŋuw awu iyə nara iyeŋ igun. Ba nanaʼ mbə́ nyi aba uchəw ukam wu. 14Asɨmə, uchəw ukam ŋunə umə́ ŋuw asin zənə ba mi jəgə itəni u yə kweʼe. Iji zənə imə ŋuw awu yə kaŋa isəy iyeŋ igun. Aba ba kyire umə zən ə inji wu.”
Anó da azad nə itɨŋi ma
15Yeso ghayn abú úŋwən kwi, “Mbən weŋ ngwən da ba ukən Nwiye figə unó, umbi zaʼa inen ungɨŋ igob injəg, asɨmə ungɨŋ fiŋ uma, umbə nə ifuŋ ŋunə injəy mə zaŋa. 16Mbən yi kyay úŋwən akə unó mbənə úŋwən mə aghəy. Cha azad injəŋ mə kuw ma namasɨ, Cha amba mə kuw ma akyugwa. 17Anigə uzad chuŋ mbə kuw itɨŋi chuŋ, asɨmə azad iboŋ yə kuw itɨŋi iboŋ. 18Cha azad chuŋ mə kuw ma itɨŋi iboŋ kə cha azad iboŋ mə kuw ma itɨŋi chuŋ. 19#Mat 3.10; Luk 3.9Umbi wa azad zənə cha amə kuw ma itɨŋi chuŋ imaʼ ungɨŋ uwəd. 20#Mat 12.33Anigə mbən yi kyay ba ukən Nwiye figə unó akə unó mbənə umə aghəy.”
Anó da ba mbənə cha Yeso kyay ma úŋwən
21Yeso ŋu imbey ighayn abú úŋwən kwi, “Akəma ba ujum mbənə umə tiya aŋu kwi ‘Asɨyisəg, Asɨyisəg’ Umi nyi ungɨŋ anó ufon azobo. Abə ma ba mbənə umə aghəy unó mbənə uŋu Mbaʼ azobo kabay umi nyi. 22Aney zənə Nwiye mi sob usaʼa, ba nanaʼ umbi ghayn iniŋ kwi, ‘Asɨyisəg, Asɨyisəg mba mə́ ghayn ukən Nwiye akə ungwə ukum, ichiyə uzugə iboŋ akə ungwə ukum nibə ghəy uyere unoʼ nanaʼ akə ungwə ukum!’ 23U bə ghayn nigə, ayi ghayn abú úŋwən kwi, ‘Cha adi kyay aŋu ngwən. Mbən noʼo inyi iyad umbən ba unó iboŋ.’”
Anó da ba ubigə nu mbə chimi na
24Yeso ŋu imbəy ghayn kwi, “Wa ŋunə u zəw anó zənə amə ghayn ni aghəy unó wu, yə chomo ni wa iwe ŋunə u chimi ina ma igun ukob. 25Imbəŋ choʼo igwi sugi ineŋe mbayn, afim chigə yi tum na wu asɨmə cha ibene ma damugə mbə́ chim igun ukob. 26Asɨmə, wa ŋunə u zəw anó zənə amə ghayn anigə cha u aghəy ma unó wu, yə chomo nə aneŋ wa ŋunə u chim na ma igun asɨkwaʼ. 27Anigə imbəŋ choʼo igwi sugi ineŋe mbayn, afim chigə yi tum na wu ibene mbem.”
28 #
Mak 1.22; Luk 4.32 Amaʼazənə Yeso si ghayn unó mbəŋ imara, akama ba wu yere nji zənə yə mə itey. 29Damugə yə mə tey unó abú úŋwən ni wa ŋunə umə nə ikay ighəy nigə. Cha yə di chomo ma numugə mbə taʼa ba akə unoʼo mə itey.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023 CABTAL