Yohana 21
21
UYesu akuvahumila kangi avanyigendwa vaakwe
1Ifigono fikeefu pambele, uYesu akuvahumilaga kangi avanyigendwa vaakwe pa nyandza ya Galilaya.#21:1 Nyandza ya Galilaya Mu ndongele ya Kigiliki yiitigila nyandza ya Tibelya. Ili lye litaawa ilingi lya nyandza ya Galilaya. Avahumiye endee. 2Vaali poovali uSimoni Petulo, uTomasi ilitaawa ilingi Munya wungungu, uNatanaheli ye aali muhuma ku Kana ya mu Galilaya, avaswamuve va Sebedayo vavili,#21:2 Avaswamuve va Sebedayo vavili Amataawa gaawo vaali ye Yakobo nu Yohana, Matayo 10:2. na vanyigendwa avangi vavili. 3USimoni Petulo akuvalongelaga avayagwe iitigilaga, “Ndiihelela ku nyandza kulova isomba.” Aveene vakumuhigaga viitigilaga, “Na yuufwe twiheleengʼasa naave.” Suwe viihelelaga, viihovaga mu waato, viilovaga ikilo yonda, neke kangi vasaambuliye nambe yimwinga. 4Pe kwaviye kútandaalwike, uYesu iikwimaga pa ngʼumbungʼumbu ya nyandza, neke kangi avanyigendwa vaakwe vasaakaguwe ukutigila, ye Yesu. 5UYesu akuvakemeelaga iitigilaga, “Vadzeela vanguanye, muli nayo somba yiyivedzaga?” Aveene vakumuhigaga viitigilaga, “Nambi.” 6UYesu akuvalongelaga iitigilaga, “Musope ulwafu ulubali ulwa kundiyo lwa waato, apo mwipata isomba.” Viisopaga ulwafu mu nyandza, neke kangi valemwage ukukwega ulwafu, wiimila wa woloofu hiilo wa somba ídzigomiye. 7Umunyigendwa uyo ye eendiilwe nu Yesu, akumulongelaga uPetulo iitigilaga, “Uyu ye Yesu!” USimoni Petulo pe aapuliike ukutigila, ye Mutwa, iifwalaga umugolole gwakwe gwe aali áfuulile umusika pe iivanga ukulova, akwitoodzaga mu nyandza. 8Avanyigendwa avangi avo vakumuniniilaga mu waato kuno viikwega ulwafu úlumemile isomba, pakuva vasaali pataali ngita ndzumbo ligana limwinga (100) ukufikila ku ngʼumbungʼumbu ya nyandza.
9Pe vaafikile pa ngʼumbungʼumbu ya nyandza, vakuguwonaga umooto gwa mukala. Pa mooto apo, dzaali poodzili isomba nu mukaate. 10UYesu akuvalongelaga avanyigendwa vaakwe iitigilaga, “Muleete apa isomba idzingi dze múlovile.” 11USimoni Petulo iikwingilaga mu waato, iikwegelaga pa ngʼumbungʼumbu indzafu idzo ídzimemile isomba. Mu ndzafu idzo dzaali moodzili isomba ingomi ligana limwinga na makyumi gahaanu ni dzidatu (153). Nde luvedze dzaali moodzili somba ndzoloofu hiilo, napo kangi indzafu sidzaadeemwike.
12UYesu akuvalongelaga avanyigendwa vaakwe iitigilaga, “Mwadze, mulaawuke ikyakuliya.” Asaali pwali umunyigendwa ye aagelile ukumuwuudza ukutigila, “Uveeve yuuve ani?” Pakuva vaadzeeliye ukutigila, ye Mutwa. 13UYesu iikwadzaga, iinyamulaga umukaate, akuvapeelaga avanyigendwa vaakwe. Kangi iinyamulaga nadzi somba, iilimaga ndeeni. 14Ulo lwali lwa wudatu uYesu ukuvahumila avanyigendwa vaakwe, ukuhuma pe aadzulubwike ukuhuma ku wulungu.
UYesu iilongana nu Petulo
15Pe vaaviye váliye, uYesu akumuwuudzaga uPetulo iitigilaga, “Simoni muswamuve va Yohana, ongo, ukuundzenda hiilo ukulutila avanyigendwa avangi ava kye vakuundzenda?” UPetulo akumuhigaga iitigilaga, “Eena Mutwave, wiidzeela ukutigila, ndikukwenda.” UYesu akumulongelaga iitigilaga, “Sopelage indzanangʼolo dzangu.”
16UYesu akumuwuudzaga uPetulo ulwa kavili iitigilaga, “Simoni muswamuve va Yohana, ukuundzenda?” UPetulo akumuhigaga iitigilaga, “Eena Mutwave, wiidzeela ukutigila, ndikukwenda.” UYesu akumulongelaga iitigilaga, “Diimage ingʼolo dzangu.”
17Akumuwuudzaga ulwa wudatu iitigilaga, “Simoni muswamuve va Yohana, ukuundzenda?” UPetulo iihuguvalaga, pakuva uYesu amuwuudziidze ulwa wudatu ukutigila, “Ukuundzenda?” Akumuhigaga iitigilaga, “Mutwave, údzidzeeliye dzonda. Wiidzeela ukutigila, ndikukwenda.” UYesu akumulongelaga iitigilaga, “Sopelage ingʼolo dzangu. 18Ndakyene ndikukulongela ukutigila, pe waali muvinano, waafwalaga imyenda gyako kangi waahelelaga konda kwe wiisaka ukuhelela. Lino pe wiivedza úgogolopiye, ulaagolosa amawoko gaako, umuunu yungi alakuwopa nu kukusogodza kwe siwiisaka ukuhelela.” 19UYesu aalongile ulo ukuwoneesa imifwile giki gye alaafwila uPetulo pa kumupeela indolo uNguluvi. Neke uYesu amulongelage uPetulo atigilage, “Uuniniilage.”
20UPetulo iiseedukaga kumbele, akumuwonaga umunyigendwa, ye eendwaga hiilo nu Yesu, akuvaniniila. Umunyigendwa uyo, ye mwene ye eegiime pa mambaga pa Yesu umusika pe viiliya ikyakuliya, nu kumuwuudza ukutigila, “Mutwave, ye ani ye ahadza akukusutula?”#Yohana 13:21-25 21UPetulo pe amuweene umunyigendwa uyo, akumuwuudzaga uYesu iitigilaga, “Mutwave, kiki ikihadza kiihumila ukwakwe?” 22UYesu akumuhigaga iitigilaga, “Ngana ndiisaka avedze muumi ukufikila pe ndiipiluka, lukukuvava kiki? Uveeve uuniniilage.” 23Wiimila wa ulo, avafuuwa voloofu vaahoodzaga ukutigila, umunyigendwa uyo asilaafuwa nambi. Neke kangi uYesu asamulongiye ukutigila, umunyigendwa uyo asilaafuwa, nda haamu, aalongile ukutigila, “Ngana ndiisaka avedze muumi ukufikila pe ndiipiluka, lukukuvava kiki?”
24Umunyigendwa uyo ye mwene ye iikoolela amadzwi aga, kangi ágasimbile. Uneefwe twidzeela ukutigila, dze iikoolela dza ndakyene.
UYesu aalimile idzingi ndzoloofu
25Poodzili idzingi ndzoloofu dze aalimaga uYesu. Ngana dzonda idzo dzaali dzivedze dzísimbiilwe, ndiiwona ukutigila, pe naanyi ponda, sipakali piikwila ukuviika ifitabu ifikali fiisimbwa.
Цяпер абрана:
Yohana 21: BEZ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022 Wycliffe Bible Translators, Inc. All rights reserved.
Yohana 21
21
UYesu akuvahumila kangi avanyigendwa vaakwe
1Ifigono fikeefu pambele, uYesu akuvahumilaga kangi avanyigendwa vaakwe pa nyandza ya Galilaya.#21:1 Nyandza ya Galilaya Mu ndongele ya Kigiliki yiitigila nyandza ya Tibelya. Ili lye litaawa ilingi lya nyandza ya Galilaya. Avahumiye endee. 2Vaali poovali uSimoni Petulo, uTomasi ilitaawa ilingi Munya wungungu, uNatanaheli ye aali muhuma ku Kana ya mu Galilaya, avaswamuve va Sebedayo vavili,#21:2 Avaswamuve va Sebedayo vavili Amataawa gaawo vaali ye Yakobo nu Yohana, Matayo 10:2. na vanyigendwa avangi vavili. 3USimoni Petulo akuvalongelaga avayagwe iitigilaga, “Ndiihelela ku nyandza kulova isomba.” Aveene vakumuhigaga viitigilaga, “Na yuufwe twiheleengʼasa naave.” Suwe viihelelaga, viihovaga mu waato, viilovaga ikilo yonda, neke kangi vasaambuliye nambe yimwinga. 4Pe kwaviye kútandaalwike, uYesu iikwimaga pa ngʼumbungʼumbu ya nyandza, neke kangi avanyigendwa vaakwe vasaakaguwe ukutigila, ye Yesu. 5UYesu akuvakemeelaga iitigilaga, “Vadzeela vanguanye, muli nayo somba yiyivedzaga?” Aveene vakumuhigaga viitigilaga, “Nambi.” 6UYesu akuvalongelaga iitigilaga, “Musope ulwafu ulubali ulwa kundiyo lwa waato, apo mwipata isomba.” Viisopaga ulwafu mu nyandza, neke kangi valemwage ukukwega ulwafu, wiimila wa woloofu hiilo wa somba ídzigomiye. 7Umunyigendwa uyo ye eendiilwe nu Yesu, akumulongelaga uPetulo iitigilaga, “Uyu ye Yesu!” USimoni Petulo pe aapuliike ukutigila, ye Mutwa, iifwalaga umugolole gwakwe gwe aali áfuulile umusika pe iivanga ukulova, akwitoodzaga mu nyandza. 8Avanyigendwa avangi avo vakumuniniilaga mu waato kuno viikwega ulwafu úlumemile isomba, pakuva vasaali pataali ngita ndzumbo ligana limwinga (100) ukufikila ku ngʼumbungʼumbu ya nyandza.
9Pe vaafikile pa ngʼumbungʼumbu ya nyandza, vakuguwonaga umooto gwa mukala. Pa mooto apo, dzaali poodzili isomba nu mukaate. 10UYesu akuvalongelaga avanyigendwa vaakwe iitigilaga, “Muleete apa isomba idzingi dze múlovile.” 11USimoni Petulo iikwingilaga mu waato, iikwegelaga pa ngʼumbungʼumbu indzafu idzo ídzimemile isomba. Mu ndzafu idzo dzaali moodzili isomba ingomi ligana limwinga na makyumi gahaanu ni dzidatu (153). Nde luvedze dzaali moodzili somba ndzoloofu hiilo, napo kangi indzafu sidzaadeemwike.
12UYesu akuvalongelaga avanyigendwa vaakwe iitigilaga, “Mwadze, mulaawuke ikyakuliya.” Asaali pwali umunyigendwa ye aagelile ukumuwuudza ukutigila, “Uveeve yuuve ani?” Pakuva vaadzeeliye ukutigila, ye Mutwa. 13UYesu iikwadzaga, iinyamulaga umukaate, akuvapeelaga avanyigendwa vaakwe. Kangi iinyamulaga nadzi somba, iilimaga ndeeni. 14Ulo lwali lwa wudatu uYesu ukuvahumila avanyigendwa vaakwe, ukuhuma pe aadzulubwike ukuhuma ku wulungu.
UYesu iilongana nu Petulo
15Pe vaaviye váliye, uYesu akumuwuudzaga uPetulo iitigilaga, “Simoni muswamuve va Yohana, ongo, ukuundzenda hiilo ukulutila avanyigendwa avangi ava kye vakuundzenda?” UPetulo akumuhigaga iitigilaga, “Eena Mutwave, wiidzeela ukutigila, ndikukwenda.” UYesu akumulongelaga iitigilaga, “Sopelage indzanangʼolo dzangu.”
16UYesu akumuwuudzaga uPetulo ulwa kavili iitigilaga, “Simoni muswamuve va Yohana, ukuundzenda?” UPetulo akumuhigaga iitigilaga, “Eena Mutwave, wiidzeela ukutigila, ndikukwenda.” UYesu akumulongelaga iitigilaga, “Diimage ingʼolo dzangu.”
17Akumuwuudzaga ulwa wudatu iitigilaga, “Simoni muswamuve va Yohana, ukuundzenda?” UPetulo iihuguvalaga, pakuva uYesu amuwuudziidze ulwa wudatu ukutigila, “Ukuundzenda?” Akumuhigaga iitigilaga, “Mutwave, údzidzeeliye dzonda. Wiidzeela ukutigila, ndikukwenda.” UYesu akumulongelaga iitigilaga, “Sopelage ingʼolo dzangu. 18Ndakyene ndikukulongela ukutigila, pe waali muvinano, waafwalaga imyenda gyako kangi waahelelaga konda kwe wiisaka ukuhelela. Lino pe wiivedza úgogolopiye, ulaagolosa amawoko gaako, umuunu yungi alakuwopa nu kukusogodza kwe siwiisaka ukuhelela.” 19UYesu aalongile ulo ukuwoneesa imifwile giki gye alaafwila uPetulo pa kumupeela indolo uNguluvi. Neke uYesu amulongelage uPetulo atigilage, “Uuniniilage.”
20UPetulo iiseedukaga kumbele, akumuwonaga umunyigendwa, ye eendwaga hiilo nu Yesu, akuvaniniila. Umunyigendwa uyo, ye mwene ye eegiime pa mambaga pa Yesu umusika pe viiliya ikyakuliya, nu kumuwuudza ukutigila, “Mutwave, ye ani ye ahadza akukusutula?”#Yohana 13:21-25 21UPetulo pe amuweene umunyigendwa uyo, akumuwuudzaga uYesu iitigilaga, “Mutwave, kiki ikihadza kiihumila ukwakwe?” 22UYesu akumuhigaga iitigilaga, “Ngana ndiisaka avedze muumi ukufikila pe ndiipiluka, lukukuvava kiki? Uveeve uuniniilage.” 23Wiimila wa ulo, avafuuwa voloofu vaahoodzaga ukutigila, umunyigendwa uyo asilaafuwa nambi. Neke kangi uYesu asamulongiye ukutigila, umunyigendwa uyo asilaafuwa, nda haamu, aalongile ukutigila, “Ngana ndiisaka avedze muumi ukufikila pe ndiipiluka, lukukuvava kiki?”
24Umunyigendwa uyo ye mwene ye iikoolela amadzwi aga, kangi ágasimbile. Uneefwe twidzeela ukutigila, dze iikoolela dza ndakyene.
UYesu aalimile idzingi ndzoloofu
25Poodzili idzingi ndzoloofu dze aalimaga uYesu. Ngana dzonda idzo dzaali dzivedze dzísimbiilwe, ndiiwona ukutigila, pe naanyi ponda, sipakali piikwila ukuviika ifitabu ifikali fiisimbwa.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022 Wycliffe Bible Translators, Inc. All rights reserved.