Luka 19
19
UYesu iitaangʼana nu Sakayo
1UYesu iingiye mu wudzenge wa Yeliko, neke aahelanidzage mu wudzenge uwo. 2Umo aali mwali umuunu yumwinga, ye aatambulwaga Sakayo. Uyo aali mukomi va vahaki-pembe, kangi aali mumosi. 3Umuunu uyo aasakaga amuwone uYesu ukutigila nde ali wuli, neke kangi alemwage ukumuwona, pakuva aali mufupi, na vaanu vaali voloofu mbandu. 4Neke ahelelage lunyilo kuwutalo ku lilugu, iinukage ku mubiki umudzombe, ukuta amuwone uYesu pe iivedza iihelanidza apo. 5UYesu pe aafikile apo, iilolaga kukyanya ku mubiki, akumuwonaga uSakayo, akumulongelaga iitigilaga, “Sakayoave, wiike kisaatu! Ineengʼuli uneene ndiihuwa mu nyumba yaako.” 6USakayo iikwikaga kisaatu, akumwanukilaga uYesu ku nyumba yaakwe mu lukeelo.
7Avaanu vonda avamuweene uYesu pe iikwingila umo, viivangaga ukwingʼulandza, viitigilaga, “Áheliye kwikala kwa muunu umuhosi!” 8Neke uSakayo iimage amulongelage uMutwa atigilage, “Mutwave! Lino ifiinu fyangu ndiigavasa pagati, mupingulo ndikuvapeela avahangala. Ngana umuunu ye avedzaga ndímubuganiidze kikivedzaga, ndihadza ndikumupiluhidza nyakatayi#Valevi 6:1-5 mu fiinu ifyo.” 9UYesu akumulongelaga iitigilaga, “Ineengʼuli, uwupoki wúfikile mu vaanu va nyumba iyi, pakuva umuunu uyu, nave va lukolo lwa Abulahamu. 10Lino uMuswamuve va Muunu áadzile mu kuvatemula nu kuvapoka avaanu ávayagile.”
Ikihwananidzo kya valimila-vangi avaapeeliilwe amagoobeli
(Matayo 25:14-30)
11Avaanu avamupulikidzaga uYesu, vaahoodzaga ukutigila uwutwa wa Nguluvi wiikola ukuwoneka baaho na baaho hela pe iifika ku Yelusalemu, pakuva aali biihi ukufika uko.#19:11 Kwe kutigila, avaanu vaaginaga ukuhuuvila ukutigila, uYesu pe áfikile ku Yelusalemu, ahadza iitema ngita mutwa. 12Neke uYesu aginage ukulonga ikihwananidzo iki atigilage, “Aali kwali umuunu yumwinga va lukolo lwa wutwa, ye aahegile ukuhelela ku nyi ya kutaali. Aaheliye uko, ukuta akatemehedzwe uwutawulilwe wa kuvedza mutwa, neke apiluke kutema inyi yaakwe.
13“Pe asinaa ahega, akuvakemeelaga avalimila-vangi vaakwe likyumi limwinga (10), nayula akumupeelaga amagoobeli goloofu,#19:13 Amagoobeli goloofu Ikikelo pa kikelo, mina likyumi limwinga. Mina yimwinga yaali magoobeli ga luhombo lwa mulima-malimo mu myedzi gidatu. akuvalongelaga iitigilaga, ‘Moolosage amagoobeli aga ukufikila pe ndiipiluka.’ 14Neke kangi avaanu va nyi yaakwe vasamukeelaga, viitumaga avangi ku nyi ya kutaali iyo vakalonge ukutigila, ‘Umuunu uyu, tumulema avedzage mutwa veesu!’ 15Pe aapeeliilwe uwutawulilwe wa wutwa, iipilukaga, akuvakemeelaga avalimila-vangi avo ve avapeeliye amagoobeli, ukuta alonge yumwinga yumwinga nde óolwise kiki.
16“Umulimila-vangi va kutala iifikaga, akumulongelaga iitigilaga, ‘Mutwave, ikifunge kya magoobeli ge ukaameeliye, ndóolwise agangi, fifunge likyumi limwinga.’ 17Umutwa uyo akumulongelaga iitigilaga, ‘Úlimile wunofu, uveeve uli mulimila-vangi munofu. Pakuva ukali muhuuvilwa ku fiinu ifikeefu mbandu, lino ndikukupeela ukutema indzenge dzinyikyumi.’ 18Umulimila-vangi va kavili nave iifikaga, akumulongelaga iitigilaga, ‘Mutwave, ikifunge kya magoobeli ge ukaameeliye, ndóolwise agangi, fifunge fihaanu.’ 19Umutwa uyo akumulongelaga nave uyo iitigilaga, ‘Uveeve, ndikukupeela ukutema indzenge dzihaanu.’
20“Umulimila-vangi uyungi iifikaga, iitigilaga, ‘Mutwave, ikifunge kya magoobeli gaako aga apa. Ndikaagadile mu kenda, ukuta gatane ukuyaga. 21Ndikaalimile ewo, pakuva ndikoogopiige. Uveeve uli muunu mununumu, wiinyamula fye usikaaviikile, kangi wiibena fye usikaayaalile.’
22“Umutwa uyo akumulongelaga iitigilaga, ‘Ve mulimila-vangi muviifuave! Lino ndikukuhigila mu lwa madzwi gaako ge úlongile. Ukiidzeelaga ukutigila uneene ndili muunu mununumu mbandu, ndiinyamula fye sindikaaviikile, kangi ndiibena fye sindikaayaalile. 23Lino kye kiki usikaaviikile amagoobeli gangu ku vaanu aviikoolosa, ukuta pe ndiipiluka, ndinyamule amagoobeli gangu na ago ágoolwike?’
24“Neke avalongelage avaanu aviimile baaho atigilage, ‘Mumunyage amagoobeli ago, mumupeele uyo ye óolwise likyumi limwinga.’ 25Vakumulongelaga viitigilaga, ‘Mutwave, uyo ali nago likyumi limwinga!’
26“Akuvahigaga iitigilaga, ‘Umuunu ye avedzaga ye akukilimila wunofu ikyo kye ápeeliilwe pa kulufika, uNguluvi ahadza iikoongeledza ni fingi. Neke kangi umuunu ye asikukilimila ikyo kye ápeeliilwe pa kulufika, uyo nambe kye ali nakyo uNguluvi ahadza iinyaga.#19:26 Ikikelo pa kikelo, Ye ali ni kiinu, iikoongeledzwa fyoloofu, ye asili ni kiinu, nambe kidebe kye ali nakyo ahadza iinyagwa. 27Kangi avatavangwa vangu avo avasiisaka uneene ndivedze mutwa vaawo, muvaleete apa, muvakome pa miiho gangu!’ ”
UYesu iikwingila mu Yelusalemu nu luheeyo
(Matayo 21:1-11; Maluko 11:1-11; Yohana 12:12-19)
28UYesu pe aaviye álongile idzo, iiginaga ukuhelela ku Yelusalemu kuno álonguwe ku lilugu lya vaanu avo. 29Pe aali biihi nu luvala lwa Betifwage nu lwa Betaniya, ku Kidunda kya Miseyituni, akuvatumaga avanyigendwa vaakwe vavili, 30akuvalongelaga iitigilaga, “Muhelele ku luvala ululi kuwutalo ukwenyo. Pe mwivedza mwikwingila umo, mukuyiwona indzanambunda ndzavike, asinaa ahovaga muunu. Muyaawulage, muyileete apa. 31Ngana umuunu akuvawuudza iitigila, ‘Kye kiki mukuyaawula?’ Mumulongelage mutigilage, ‘UMutwa Yesu áyigulwime.’ ”
32Avanyigendwa avo viihelelaga, vakudziwonaga dzonda ngita uYesu kye ávalongiye. 33Pe vali mu kuyaawula indzanambunda, aveene nayo viiwuudzaga viitigilaga, “Kye kiki mukuyaawula indzanambunda iyi?” 34Vakuvalongelaga viitigilaga, “UMutwa Yesu áyigulwime.” 35Vakumusindikilaga uYesu, viidzaalikaga imyenda gyawo pakyanya pa ndzanambunda,#19:35 Ndzanambunda Imbunda ku Vayahudi, dzaali dze ndiimwa idza kunyamula avaanu, enewuli ifitegulo. Avatwa vaahovaga ifwalasi pe vaahelelaga ku magoha. Pa kuhova imbunda, uYesu aawoneesiidze ukutigila, umwene ye Mutwa ye iikwadza mu lutengamaso nu lwiyiso, Sakalya 9:9. vakumwinusaga uYesu pa yeene.
36UYesu pe iihelela, avaanu vaadzaalikaga imyenda gyawo mu ngʼaasi. 37Pe aali biihi ukwika iKidunda kya Miseyituni, ililugu lyonda lya vanyigendwa vaakwe liikeelaga, liivangaga ukumulumba uNguluvi wiimila wa filole fyonda fye váfiweene pe iihuufya uYesu. Liiyooyaga 38liitigilaga,
“Áfuunyiliilwe uMutwa ye iikwadzila mu litaawa lya Mutwa Nguluvi.#Ndzimbililo 118:26
Ulutengamaso kukyanya ni ndolo dzivedzage kwa Nguluvi ye ali kukyanya.”
39Mu lilugu ilyo, vaali moovali avangi mu Vafwalisayo vamulongiye uYesu viitigilaga, “Muwulanidzi, uvakenyele avanyigendwa vaako, vatanage ukulonga idzo!” 40UYesu iitigilaga, “Ndikuvalongela ndiitigila, ngana ava vadzike, amaganga ago giikola kuyova!”
UYesu iivila ukumamulwa kwa Yelusalemu
41UYesu pe aali biihi, akuwuwonaga uwudzenge wa Yelusalemu, iivangaga ukuvemba wiimila wa mumuko idziikola ukwadza mu wudzenge uwo, 42iitigilaga, “Ngana ukali uvedzage údzeeliye ineengʼuli iyi ingʼaani dza lutengamaso! Neke kangi lino dzífihiilwe pa miiho gaako. 43Mu figono ifiikwadza, avatavangwa vaako valakupilima ukukugombanidza imbali dzonda dza lilinga nu kukutipula. 44Valakugwisa paanyi, uveeve na vaana vaako vonda mugati mu ngʼandzi dzaako. Vasilakulekela nambe liganga limwinga pakyanya pa liyagwe, pakuva usagukaguwe umusika gwe aadzile uNguluvi kukuleetela uwupoki!”
UYesu iivaladza itembeli
(Matayo 21:12-17; Maluko 11:15-19; Yohana 2:13-22)
45UYesu iikwingilaga mu lipaala lya tembeli, iivangaga ukudaga avaanu avaagudzaga ifiinu umo. 46Akuvalongelaga iitigilaga, “Lúsimbiilwe mu Wusimbe uWiimike ukutigila, ‘Inyumba yangu yiivedza nyumba ya ndapangilo.’#Isaya 56:7 Neke kangi unyeenye, múyihambwise ‘manga ya vagonadaasi.’#Yelemya 7:11 ”
47UYesu avawulanidzaga avaanu mu lipaala lya tembeli ifigono fyonda. Neke kangi avateekedzi avakomi, pamwinga na vawulanidzi va milagililwe na vavaha va Vayahudi, vatemulage ingʼaasi ya kumukomela, 48viilemwaga, pakuva avaanu vonda avamupulikidzaga, vamuumiililaga hiilo mu madzwi gaakwe.
Цяпер абрана:
Luka 19: BEZ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022 Wycliffe Bible Translators, Inc. All rights reserved.
Luka 19
19
UYesu iitaangʼana nu Sakayo
1UYesu iingiye mu wudzenge wa Yeliko, neke aahelanidzage mu wudzenge uwo. 2Umo aali mwali umuunu yumwinga, ye aatambulwaga Sakayo. Uyo aali mukomi va vahaki-pembe, kangi aali mumosi. 3Umuunu uyo aasakaga amuwone uYesu ukutigila nde ali wuli, neke kangi alemwage ukumuwona, pakuva aali mufupi, na vaanu vaali voloofu mbandu. 4Neke ahelelage lunyilo kuwutalo ku lilugu, iinukage ku mubiki umudzombe, ukuta amuwone uYesu pe iivedza iihelanidza apo. 5UYesu pe aafikile apo, iilolaga kukyanya ku mubiki, akumuwonaga uSakayo, akumulongelaga iitigilaga, “Sakayoave, wiike kisaatu! Ineengʼuli uneene ndiihuwa mu nyumba yaako.” 6USakayo iikwikaga kisaatu, akumwanukilaga uYesu ku nyumba yaakwe mu lukeelo.
7Avaanu vonda avamuweene uYesu pe iikwingila umo, viivangaga ukwingʼulandza, viitigilaga, “Áheliye kwikala kwa muunu umuhosi!” 8Neke uSakayo iimage amulongelage uMutwa atigilage, “Mutwave! Lino ifiinu fyangu ndiigavasa pagati, mupingulo ndikuvapeela avahangala. Ngana umuunu ye avedzaga ndímubuganiidze kikivedzaga, ndihadza ndikumupiluhidza nyakatayi#Valevi 6:1-5 mu fiinu ifyo.” 9UYesu akumulongelaga iitigilaga, “Ineengʼuli, uwupoki wúfikile mu vaanu va nyumba iyi, pakuva umuunu uyu, nave va lukolo lwa Abulahamu. 10Lino uMuswamuve va Muunu áadzile mu kuvatemula nu kuvapoka avaanu ávayagile.”
Ikihwananidzo kya valimila-vangi avaapeeliilwe amagoobeli
(Matayo 25:14-30)
11Avaanu avamupulikidzaga uYesu, vaahoodzaga ukutigila uwutwa wa Nguluvi wiikola ukuwoneka baaho na baaho hela pe iifika ku Yelusalemu, pakuva aali biihi ukufika uko.#19:11 Kwe kutigila, avaanu vaaginaga ukuhuuvila ukutigila, uYesu pe áfikile ku Yelusalemu, ahadza iitema ngita mutwa. 12Neke uYesu aginage ukulonga ikihwananidzo iki atigilage, “Aali kwali umuunu yumwinga va lukolo lwa wutwa, ye aahegile ukuhelela ku nyi ya kutaali. Aaheliye uko, ukuta akatemehedzwe uwutawulilwe wa kuvedza mutwa, neke apiluke kutema inyi yaakwe.
13“Pe asinaa ahega, akuvakemeelaga avalimila-vangi vaakwe likyumi limwinga (10), nayula akumupeelaga amagoobeli goloofu,#19:13 Amagoobeli goloofu Ikikelo pa kikelo, mina likyumi limwinga. Mina yimwinga yaali magoobeli ga luhombo lwa mulima-malimo mu myedzi gidatu. akuvalongelaga iitigilaga, ‘Moolosage amagoobeli aga ukufikila pe ndiipiluka.’ 14Neke kangi avaanu va nyi yaakwe vasamukeelaga, viitumaga avangi ku nyi ya kutaali iyo vakalonge ukutigila, ‘Umuunu uyu, tumulema avedzage mutwa veesu!’ 15Pe aapeeliilwe uwutawulilwe wa wutwa, iipilukaga, akuvakemeelaga avalimila-vangi avo ve avapeeliye amagoobeli, ukuta alonge yumwinga yumwinga nde óolwise kiki.
16“Umulimila-vangi va kutala iifikaga, akumulongelaga iitigilaga, ‘Mutwave, ikifunge kya magoobeli ge ukaameeliye, ndóolwise agangi, fifunge likyumi limwinga.’ 17Umutwa uyo akumulongelaga iitigilaga, ‘Úlimile wunofu, uveeve uli mulimila-vangi munofu. Pakuva ukali muhuuvilwa ku fiinu ifikeefu mbandu, lino ndikukupeela ukutema indzenge dzinyikyumi.’ 18Umulimila-vangi va kavili nave iifikaga, akumulongelaga iitigilaga, ‘Mutwave, ikifunge kya magoobeli ge ukaameeliye, ndóolwise agangi, fifunge fihaanu.’ 19Umutwa uyo akumulongelaga nave uyo iitigilaga, ‘Uveeve, ndikukupeela ukutema indzenge dzihaanu.’
20“Umulimila-vangi uyungi iifikaga, iitigilaga, ‘Mutwave, ikifunge kya magoobeli gaako aga apa. Ndikaagadile mu kenda, ukuta gatane ukuyaga. 21Ndikaalimile ewo, pakuva ndikoogopiige. Uveeve uli muunu mununumu, wiinyamula fye usikaaviikile, kangi wiibena fye usikaayaalile.’
22“Umutwa uyo akumulongelaga iitigilaga, ‘Ve mulimila-vangi muviifuave! Lino ndikukuhigila mu lwa madzwi gaako ge úlongile. Ukiidzeelaga ukutigila uneene ndili muunu mununumu mbandu, ndiinyamula fye sindikaaviikile, kangi ndiibena fye sindikaayaalile. 23Lino kye kiki usikaaviikile amagoobeli gangu ku vaanu aviikoolosa, ukuta pe ndiipiluka, ndinyamule amagoobeli gangu na ago ágoolwike?’
24“Neke avalongelage avaanu aviimile baaho atigilage, ‘Mumunyage amagoobeli ago, mumupeele uyo ye óolwise likyumi limwinga.’ 25Vakumulongelaga viitigilaga, ‘Mutwave, uyo ali nago likyumi limwinga!’
26“Akuvahigaga iitigilaga, ‘Umuunu ye avedzaga ye akukilimila wunofu ikyo kye ápeeliilwe pa kulufika, uNguluvi ahadza iikoongeledza ni fingi. Neke kangi umuunu ye asikukilimila ikyo kye ápeeliilwe pa kulufika, uyo nambe kye ali nakyo uNguluvi ahadza iinyaga.#19:26 Ikikelo pa kikelo, Ye ali ni kiinu, iikoongeledzwa fyoloofu, ye asili ni kiinu, nambe kidebe kye ali nakyo ahadza iinyagwa. 27Kangi avatavangwa vangu avo avasiisaka uneene ndivedze mutwa vaawo, muvaleete apa, muvakome pa miiho gangu!’ ”
UYesu iikwingila mu Yelusalemu nu luheeyo
(Matayo 21:1-11; Maluko 11:1-11; Yohana 12:12-19)
28UYesu pe aaviye álongile idzo, iiginaga ukuhelela ku Yelusalemu kuno álonguwe ku lilugu lya vaanu avo. 29Pe aali biihi nu luvala lwa Betifwage nu lwa Betaniya, ku Kidunda kya Miseyituni, akuvatumaga avanyigendwa vaakwe vavili, 30akuvalongelaga iitigilaga, “Muhelele ku luvala ululi kuwutalo ukwenyo. Pe mwivedza mwikwingila umo, mukuyiwona indzanambunda ndzavike, asinaa ahovaga muunu. Muyaawulage, muyileete apa. 31Ngana umuunu akuvawuudza iitigila, ‘Kye kiki mukuyaawula?’ Mumulongelage mutigilage, ‘UMutwa Yesu áyigulwime.’ ”
32Avanyigendwa avo viihelelaga, vakudziwonaga dzonda ngita uYesu kye ávalongiye. 33Pe vali mu kuyaawula indzanambunda, aveene nayo viiwuudzaga viitigilaga, “Kye kiki mukuyaawula indzanambunda iyi?” 34Vakuvalongelaga viitigilaga, “UMutwa Yesu áyigulwime.” 35Vakumusindikilaga uYesu, viidzaalikaga imyenda gyawo pakyanya pa ndzanambunda,#19:35 Ndzanambunda Imbunda ku Vayahudi, dzaali dze ndiimwa idza kunyamula avaanu, enewuli ifitegulo. Avatwa vaahovaga ifwalasi pe vaahelelaga ku magoha. Pa kuhova imbunda, uYesu aawoneesiidze ukutigila, umwene ye Mutwa ye iikwadza mu lutengamaso nu lwiyiso, Sakalya 9:9. vakumwinusaga uYesu pa yeene.
36UYesu pe iihelela, avaanu vaadzaalikaga imyenda gyawo mu ngʼaasi. 37Pe aali biihi ukwika iKidunda kya Miseyituni, ililugu lyonda lya vanyigendwa vaakwe liikeelaga, liivangaga ukumulumba uNguluvi wiimila wa filole fyonda fye váfiweene pe iihuufya uYesu. Liiyooyaga 38liitigilaga,
“Áfuunyiliilwe uMutwa ye iikwadzila mu litaawa lya Mutwa Nguluvi.#Ndzimbililo 118:26
Ulutengamaso kukyanya ni ndolo dzivedzage kwa Nguluvi ye ali kukyanya.”
39Mu lilugu ilyo, vaali moovali avangi mu Vafwalisayo vamulongiye uYesu viitigilaga, “Muwulanidzi, uvakenyele avanyigendwa vaako, vatanage ukulonga idzo!” 40UYesu iitigilaga, “Ndikuvalongela ndiitigila, ngana ava vadzike, amaganga ago giikola kuyova!”
UYesu iivila ukumamulwa kwa Yelusalemu
41UYesu pe aali biihi, akuwuwonaga uwudzenge wa Yelusalemu, iivangaga ukuvemba wiimila wa mumuko idziikola ukwadza mu wudzenge uwo, 42iitigilaga, “Ngana ukali uvedzage údzeeliye ineengʼuli iyi ingʼaani dza lutengamaso! Neke kangi lino dzífihiilwe pa miiho gaako. 43Mu figono ifiikwadza, avatavangwa vaako valakupilima ukukugombanidza imbali dzonda dza lilinga nu kukutipula. 44Valakugwisa paanyi, uveeve na vaana vaako vonda mugati mu ngʼandzi dzaako. Vasilakulekela nambe liganga limwinga pakyanya pa liyagwe, pakuva usagukaguwe umusika gwe aadzile uNguluvi kukuleetela uwupoki!”
UYesu iivaladza itembeli
(Matayo 21:12-17; Maluko 11:15-19; Yohana 2:13-22)
45UYesu iikwingilaga mu lipaala lya tembeli, iivangaga ukudaga avaanu avaagudzaga ifiinu umo. 46Akuvalongelaga iitigilaga, “Lúsimbiilwe mu Wusimbe uWiimike ukutigila, ‘Inyumba yangu yiivedza nyumba ya ndapangilo.’#Isaya 56:7 Neke kangi unyeenye, múyihambwise ‘manga ya vagonadaasi.’#Yelemya 7:11 ”
47UYesu avawulanidzaga avaanu mu lipaala lya tembeli ifigono fyonda. Neke kangi avateekedzi avakomi, pamwinga na vawulanidzi va milagililwe na vavaha va Vayahudi, vatemulage ingʼaasi ya kumukomela, 48viilemwaga, pakuva avaanu vonda avamupulikidzaga, vamuumiililaga hiilo mu madzwi gaakwe.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022 Wycliffe Bible Translators, Inc. All rights reserved.