Mat Ndibned ń kálag
Ndibned ń kálag
Nkalaŋ ḿ bwâm ngáne Matyo átélé ńhɔ́be nɛ́n bán Yesuɛ mɔ́ adé Nsoodɛ awě Dyǒb dénhɔ̄bpē aá mɔ́ɔ̄lōm á nkǒŋsé te. Mbwiined ne mɔ́ dɔ́ɔ Dyǒb dénlōnēdtē mekan ḿme ánhɔ̄bpē aá mɔ́ɔ̄bɛlé ábē bad seʼ bɔɔ́d. Ḿmɛ́n nkalaŋ ḿ bwâm ńdé áyə̄l e nkǒŋsé ńsyə̄ə̄l.
Mekan ḿme Yesuɛ áyə́gtéʼáá békábé mɔ́ áte metɔ́n métáan. (1) Abɛ́ áde bad bé nkamlɛn ń Dyǒb bétə́ŋgɛ́né awóŋ ne mbɛltéd ḿmāb, mekan ḿme mɛ́bɛ̄ ḿmāb ne mekan ḿme mɛ́bɛnléd ne bɔ́ (Eʼpɛd 5-7); (2) Nsɔ́n ḿme bembapɛɛ dyôm ne bébɛ bétə́ŋgɛ́né abɛl (Eped 10); (3) Ngáne nkamlɛn ń Dyǒb ńdíí (Eped 13); (4) Ngáne mod átə́ŋgɛ́né Dyǒb abɛle (Eped 18); (5) Mekan ḿme mébɛnlad ne ngáne ébɛ̄ɛ̄ áde Krǐstəə ápɛɛ́ (Eʼpɛd 24-25).
Nkabtéd ń kálag
Nchyáátɛ́n ne echyáa éche Yesu Krǐstəə 1.1-2.23
Nsɔ́n ḿme Jɔnɛ, Ndusɛnɛ 3.1-12
Edusɛn ne mekəgsɛn ḿme Yesuɛ 3.13-4.11
Nsɔ́n ḿme Yesuɛ á mbwɔ́g e Galilia 4.12-18.35
Nsɔ́n ḿme Yesuɛ áde áhídté á Galilia âpɛ á Jerusalɛm 19.1-20.34
Eʼpun bé asóg ábe Yesuɛ á Jerusalɛm ne bɛnbɛn ne á Jerusalɛm 21-27
Mpuu ne alúmed áde Sáŋgwɛ́ɛ́ álúmtáá bad yə̌l áde ámáá apuu 28.1-20.
Цяпер абрана:
Mat Ndibned ń kálag: bss
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2011, CABTAL