Matayo 23
23
Yesu uguvakenea asëyi va Seria nanë Afarisayo
(Mrk 12:38-39; Luk 11:43, 46; 20:45-46)
1Faafo agawëëra mwirundo wa antu itambëëmwe na asëywi vakwe, 2“Aandëki va seria nanë Afarisayo vikhee gëtumbë ramwa Musa#23:2 Vikhee gëtumbë ramwa Musa: Vahorye iyoma ramwa Musa mung'ë a udaho. 3Uvii, kwatëëri na utenda intu gëkaku nëvëumukhanëa. Gweesogwayo mutayiigëyee ntendo yawe, gusoko vëtiutenda ayoo nëvëuyatanantya. 4Vëutungaa mërigho mëito na uvitwëcha antu mumavegha, ëgweeso veeso aghonjo vëtiufenja mbesa ughoora namba mwaaya vëdahe umëkenka. 5Veeso vëutendaa ntendo yawe yoong'e gusoko antu vëvoone. Gusoko vëuryaa mëkhova nëkweti maandëko a Seria gunto a umpandasyu nanë mumëkhono na ugheempya makundo a makoti awe. 6Vëanjëte mayoma a ukümü mumalëwa a sigunkuu nanë matumbë a usonge mumasunagogi. 7Vëanjëte uramuchwa gwa ukümü usokoni na vëanjëte utaanwa na antu: ‘Museyi.’ 8Ëgweeso nyenye mutataanwee mbanduvë ‘Musëyi,’ gusoko musëyi uu nëumwedu gutufu nanyee nyoong'e mwe ndughu ëmwe. 9Na mutamutaanë muntu gëkaku ‘Tata’ afaa muurëmi, gusoko Tata wanyu uu në umwe gutufu nëwëë girunde. 10Na mutataanwee ‘Atongeeri,’ gusoko mutongeeri wanyu unë umwedu gutufu unë Kiristo. 11Nëmüküü mukhatë anyu inoneye atende mutumami wanyu. 12Nëugihumbua, ugutununtiwa, nëugitununtyaa uguhumbuwa.”
Yesu ugukenea gëlakuno gawe
(Mrk 12:40; Luk 11:39-42, 44, 52; 20:47)
13“Hëhëë anyu Aandëki va seria nanë Afarisayo, anyalakuno! Muwuutëa rurye wa utemi wa girunde usonge a miho a antu. Nyenye aghonjo mutigingëa ukhatë, na mutiuvayanjëya nëvëufenja gingëa vingëe.”
14“Hëhëë anyu asëyi va Seria nanë Afarisayo, anyalakuno! Muuvoonka ahimbë na gikwatëëya atee mwa antu vaja gwa usarëa marombi marifu. Gusoko ësëë muuhanga ikhuwa në ikhare.
15“Hëhëë anyu Aandëki va seria nanë Afarisayo, anyalakuno! Mugendaa mëhënjo mwirambo nanë ng'ë nënkaku gusoko mumuhange muntu umwe ahonge dini anyu. Nëmwamuhanga mumuutenda anoneye gukuu nanguu ukëra nyenye aghonjo gwenda gwa arungu va khaa.
16“Hëhëë anyu atongeeri afoku! Nyenye muuhanya atëë muntu nëwirafëa gwa Hekalu irafëo rësëë ti intu, ëgweeso nëwirafëa gwa sahaabu a Hekalu irafëo rësëë rëumukwata. 17Nyee afoku afütu! Nërëëfe nërina ryaana nanguu: sahaabu namba Hekalu nërëumetenda sahaabu ëtende njeru? 18Kangënoo muhanyaa atee muntu nëwirafëa gwa sahaabu ti intu ëgweeso nëwirafëa gwa gëfewa nëgëvëkiwe gunto a masabahu, irafëo rësëë rëumukwata. 19Nyee afoku! Uu rëëfe nërina ryaana nanguu: gëfewa gasëë namba masabahu nëëgutenda gëfewa gasëë gëtenda gyeru? 20Nëugirafëa gwa masabahu wirafëa gwa masabahu asëë, na gwa intu gëkaku nërëvëkiwe gunto ayo. 21Na nëugirafëa gwa Hekalu wirafëa gwa Hekalu rasëë na kangë gwa wasuu nëugëkhaa mukhatë ayo. 22Na nëugirafëa gwa irunde wirafëa gwa itumbë ra üküü wa Muungu na gwa wasuu nëwëkhee gunto ayo. 23Hëhëë anyu aandëki va Seria nanë Afarisayo, anyalakuno! Muuvatendaa antu vëdüye saka#23:23 Saka: Ng'angu a ikumi a aMaari. mbesa gunto a mahwa nëënyukie vija, bisari nane jira#23:23 Bisari nane Jira: Mahwa nëinyukie vija nëëgutendewa mu malëwa. na kunu muureka mantu nëënoneye nanguu a Seria mwino gëmëka mu tutë oong'e, goonea uvavi nanë uhuvëi. Ayaa unë meeso nënaa munoneye uyakwatëëra na udëa uyëwa ayoo angëja. 24Atongeeri afoku! mufunya ngii mu moomo, ëgweeso muumira ngamëa!
25“Hëhëë anyu asëyi va Seria nanë Afarisayo, anyalakuno! Mugooya gakuu nanë bakuli gwa gunji ëgweeso ukhatë muureka gwijue mantu nëmwayahangie gwa ufumpa nanë uraku. 26Mufarisayo mufoku! Mwandyo oya ukhatë a gakuu nanë gunji noo gutendeke guja.
27“Hëhëë anyu aandëki va seria nanë Afarisayo, anayalakuno! Mwëë mwino mbëlëlo nëiviriwe kenke në gwa gunji yighëtë mwino njija gweeeso ukhatë yijue makufa a mëimba nanë uvaya hiya hiya. 28Uvii nanë nyee mughunwe na antu gwa gunji mwino chuu mwëaja ëgweeso gwa ukhatë mwijue lakuno na ubë.”
Ikhuwa raja
(Luk 11:47-51)
29“Hëhëë anyu asëyi va Seria nanë a Afarisayo, anyalakuno! Muujengaa mbëlëlo ya anyagëdaghu na goora mbëlëlo ya antu nëaja. 30Muuhanya: ‘Nësa sese gwaduvie matungo a anyampaa vëtu sanaa gwinakhuvëa gwinaawe mu wuuraghi wa anyagëdaghu!’ 31Uvii muusudangëa nyenye aghonjo mwino nyee mwë vana va antu nëvavooraghie anyagëdaghu. 32Ari, khondeeyi mwëmo uroo wa anyampaa vanyu nëvëgawandya! 33Nyee ufafo wa njokha ya uhungu! Muudaha wurë ginegha iramuëywa ra urungu wa makhaa? 34Uu në gusoko ësëë nene namweetee nyee anyagëdaghu, antu nëvëna mahaa nanë aandëki muuvooragha na uvakhoma mukhatë awe, na vangëja muuvakhuva makhotya mumasunagogi anyu na uvafenja muu muji. 35Uvii ubë woong'e ugumuhanga gusoko a saghami oong'e a antu nëaja nëahunuwe gunto a fang'ë. Nhaa, ufuma guuraghwa gwamwa Abeli nënaa atina ihutye, faka guuraghwa kunë Sakaria, mwana wamwa Barakia, nënaa mugamuuragha mu Hekalu mukhatë a fana gweru na masabahu. 36Nene ngumukhanëa nyenye tutë ufafo uruu uguhanga ikhuwa gusoko a mantu ayaa.”
Mwino Yesu naa uwaanjëte muji wa uYerusalemu
(Luk 13:34-35)
37“Yerusalemu, vee Yerusalemu! uguvauraghaa anyagëdaghu na uvatura magwe avoo nëvëgatumwa kunë vee. Mëhënjo ënga ngasoya uvahaangwëya anaako kunë nee, mwino chu nkuku ëguvahaangwëyaa vana vakwe mumbava yakwe, ëgweeso winayanjaa. 38Arë, uvii, khaya ako ëgurekwa ukëva. 39Nene ngugwëëra veve tutë utionyoona kangë faka itungo nëikwë uguhanya: ‘Aforiwe wasuu nëujie gwa rina ra Müküü.’”
Цяпер абрана:
Matayo 23: RIMRC
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Kirimi New Testament © Bible Society of Tanzania, 2008.
Matayo 23
23
Yesu uguvakenea asëyi va Seria nanë Afarisayo
(Mrk 12:38-39; Luk 11:43, 46; 20:45-46)
1Faafo agawëëra mwirundo wa antu itambëëmwe na asëywi vakwe, 2“Aandëki va seria nanë Afarisayo vikhee gëtumbë ramwa Musa#23:2 Vikhee gëtumbë ramwa Musa: Vahorye iyoma ramwa Musa mung'ë a udaho. 3Uvii, kwatëëri na utenda intu gëkaku nëvëumukhanëa. Gweesogwayo mutayiigëyee ntendo yawe, gusoko vëtiutenda ayoo nëvëuyatanantya. 4Vëutungaa mërigho mëito na uvitwëcha antu mumavegha, ëgweeso veeso aghonjo vëtiufenja mbesa ughoora namba mwaaya vëdahe umëkenka. 5Veeso vëutendaa ntendo yawe yoong'e gusoko antu vëvoone. Gusoko vëuryaa mëkhova nëkweti maandëko a Seria gunto a umpandasyu nanë mumëkhono na ugheempya makundo a makoti awe. 6Vëanjëte mayoma a ukümü mumalëwa a sigunkuu nanë matumbë a usonge mumasunagogi. 7Vëanjëte uramuchwa gwa ukümü usokoni na vëanjëte utaanwa na antu: ‘Museyi.’ 8Ëgweeso nyenye mutataanwee mbanduvë ‘Musëyi,’ gusoko musëyi uu nëumwedu gutufu nanyee nyoong'e mwe ndughu ëmwe. 9Na mutamutaanë muntu gëkaku ‘Tata’ afaa muurëmi, gusoko Tata wanyu uu në umwe gutufu nëwëë girunde. 10Na mutataanwee ‘Atongeeri,’ gusoko mutongeeri wanyu unë umwedu gutufu unë Kiristo. 11Nëmüküü mukhatë anyu inoneye atende mutumami wanyu. 12Nëugihumbua, ugutununtiwa, nëugitununtyaa uguhumbuwa.”
Yesu ugukenea gëlakuno gawe
(Mrk 12:40; Luk 11:39-42, 44, 52; 20:47)
13“Hëhëë anyu Aandëki va seria nanë Afarisayo, anyalakuno! Muwuutëa rurye wa utemi wa girunde usonge a miho a antu. Nyenye aghonjo mutigingëa ukhatë, na mutiuvayanjëya nëvëufenja gingëa vingëe.”
14“Hëhëë anyu asëyi va Seria nanë Afarisayo, anyalakuno! Muuvoonka ahimbë na gikwatëëya atee mwa antu vaja gwa usarëa marombi marifu. Gusoko ësëë muuhanga ikhuwa në ikhare.
15“Hëhëë anyu Aandëki va seria nanë Afarisayo, anyalakuno! Mugendaa mëhënjo mwirambo nanë ng'ë nënkaku gusoko mumuhange muntu umwe ahonge dini anyu. Nëmwamuhanga mumuutenda anoneye gukuu nanguu ukëra nyenye aghonjo gwenda gwa arungu va khaa.
16“Hëhëë anyu atongeeri afoku! Nyenye muuhanya atëë muntu nëwirafëa gwa Hekalu irafëo rësëë ti intu, ëgweeso nëwirafëa gwa sahaabu a Hekalu irafëo rësëë rëumukwata. 17Nyee afoku afütu! Nërëëfe nërina ryaana nanguu: sahaabu namba Hekalu nërëumetenda sahaabu ëtende njeru? 18Kangënoo muhanyaa atee muntu nëwirafëa gwa sahaabu ti intu ëgweeso nëwirafëa gwa gëfewa nëgëvëkiwe gunto a masabahu, irafëo rësëë rëumukwata. 19Nyee afoku! Uu rëëfe nërina ryaana nanguu: gëfewa gasëë namba masabahu nëëgutenda gëfewa gasëë gëtenda gyeru? 20Nëugirafëa gwa masabahu wirafëa gwa masabahu asëë, na gwa intu gëkaku nërëvëkiwe gunto ayo. 21Na nëugirafëa gwa Hekalu wirafëa gwa Hekalu rasëë na kangë gwa wasuu nëugëkhaa mukhatë ayo. 22Na nëugirafëa gwa irunde wirafëa gwa itumbë ra üküü wa Muungu na gwa wasuu nëwëkhee gunto ayo. 23Hëhëë anyu aandëki va Seria nanë Afarisayo, anyalakuno! Muuvatendaa antu vëdüye saka#23:23 Saka: Ng'angu a ikumi a aMaari. mbesa gunto a mahwa nëënyukie vija, bisari nane jira#23:23 Bisari nane Jira: Mahwa nëinyukie vija nëëgutendewa mu malëwa. na kunu muureka mantu nëënoneye nanguu a Seria mwino gëmëka mu tutë oong'e, goonea uvavi nanë uhuvëi. Ayaa unë meeso nënaa munoneye uyakwatëëra na udëa uyëwa ayoo angëja. 24Atongeeri afoku! mufunya ngii mu moomo, ëgweeso muumira ngamëa!
25“Hëhëë anyu asëyi va Seria nanë Afarisayo, anyalakuno! Mugooya gakuu nanë bakuli gwa gunji ëgweeso ukhatë muureka gwijue mantu nëmwayahangie gwa ufumpa nanë uraku. 26Mufarisayo mufoku! Mwandyo oya ukhatë a gakuu nanë gunji noo gutendeke guja.
27“Hëhëë anyu aandëki va seria nanë Afarisayo, anayalakuno! Mwëë mwino mbëlëlo nëiviriwe kenke në gwa gunji yighëtë mwino njija gweeeso ukhatë yijue makufa a mëimba nanë uvaya hiya hiya. 28Uvii nanë nyee mughunwe na antu gwa gunji mwino chuu mwëaja ëgweeso gwa ukhatë mwijue lakuno na ubë.”
Ikhuwa raja
(Luk 11:47-51)
29“Hëhëë anyu asëyi va Seria nanë a Afarisayo, anyalakuno! Muujengaa mbëlëlo ya anyagëdaghu na goora mbëlëlo ya antu nëaja. 30Muuhanya: ‘Nësa sese gwaduvie matungo a anyampaa vëtu sanaa gwinakhuvëa gwinaawe mu wuuraghi wa anyagëdaghu!’ 31Uvii muusudangëa nyenye aghonjo mwino nyee mwë vana va antu nëvavooraghie anyagëdaghu. 32Ari, khondeeyi mwëmo uroo wa anyampaa vanyu nëvëgawandya! 33Nyee ufafo wa njokha ya uhungu! Muudaha wurë ginegha iramuëywa ra urungu wa makhaa? 34Uu në gusoko ësëë nene namweetee nyee anyagëdaghu, antu nëvëna mahaa nanë aandëki muuvooragha na uvakhoma mukhatë awe, na vangëja muuvakhuva makhotya mumasunagogi anyu na uvafenja muu muji. 35Uvii ubë woong'e ugumuhanga gusoko a saghami oong'e a antu nëaja nëahunuwe gunto a fang'ë. Nhaa, ufuma guuraghwa gwamwa Abeli nënaa atina ihutye, faka guuraghwa kunë Sakaria, mwana wamwa Barakia, nënaa mugamuuragha mu Hekalu mukhatë a fana gweru na masabahu. 36Nene ngumukhanëa nyenye tutë ufafo uruu uguhanga ikhuwa gusoko a mantu ayaa.”
Mwino Yesu naa uwaanjëte muji wa uYerusalemu
(Luk 13:34-35)
37“Yerusalemu, vee Yerusalemu! uguvauraghaa anyagëdaghu na uvatura magwe avoo nëvëgatumwa kunë vee. Mëhënjo ënga ngasoya uvahaangwëya anaako kunë nee, mwino chu nkuku ëguvahaangwëyaa vana vakwe mumbava yakwe, ëgweeso winayanjaa. 38Arë, uvii, khaya ako ëgurekwa ukëva. 39Nene ngugwëëra veve tutë utionyoona kangë faka itungo nëikwë uguhanya: ‘Aforiwe wasuu nëujie gwa rina ra Müküü.’”
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Kirimi New Testament © Bible Society of Tanzania, 2008.