Bisalu Bibilumbi 4
4
Pierre na Jean va gusu bivunda bineni
1Ava Pierre na Jean bamavosilanga na batu o Ndagu Nsambi, bavagulitsi bapagu na yivunda yiNdagu Nsambi na baJuif abamaba baSadducee bamabarasuna guna. 2Banogulu yiri bilumbi belonsi rie: Christ amarambuga o dufu bamanyoga kabu jineni. 3Bamabagaanga; mu mbari wisi mbe umakewendila bamabakotisa o tsugu te na kedi. 4Tumba bapuela abamagulu mambu meni bamamavayila yitu. Dutalu dubadukitsi dumafuna te na bebeli na tosini yiranu tsibatu.
5Ava kedi bivunda bibaJuif na bivunda bisusu na milonsi mimigaga bamabenguna o Jerusalem. 6Va gari ogu vamaba Anne yivunda yibavagulitsi bapagu na mukuta andi na Caiphe na Jean na Alexandre. 7Bamareliga Pierre na Jean va gari ogu na bamabawivula rie: Na musuga yi vo na diina dinyi dutsibelusila mutu eni?
8Mbana Pierre anobasu na Yinyunyi yiNsambi amavosa na barumitsi na bivunda biIsrael rie: 9Merianu: Namunyi tumafimdusu mu mbari tumavayila yimbolutu diboti na tuiwivulu nana jandi atsibelusulu. 10Dijabianu jenu botsu na batu botsu baIsrael badijabi wandi rie: La mu diina diJesus Christ muisi Nazareth agu jenu dumagomina va kurusu, agu Nsambi amarambusa o dufu, la mu diina diandi dibaala dieni amabeluyila na namunyi duimulabi va gusu enu. 11Bisonu bisonugu rie: Jesus aji
Dimanyi adimabuagu na barungitsi
divu tindi adiviolila ubueji.
12Vagaa mutu ususu oyigobuli na vagaa diina disusu adimajabunu na batu adivu na mangolu ugobula.
13Ava bivunda bieni bineni bamagululu malongi maPierre na Jean, bamakambulu mu mbari bamabalabila bifufu. Kabogu bamajaba yiri bamabanganga na Jesus. 14Tumba ava bivunda bamalabila jandi agumabelusu basamamuekala diambu. 15Bamabaruma upala o yibenguna yiogu; 16mbana bamavosa joʼ beni na joʼ beni rie: Yi tuvayila batu bebaba? Bisi Jerusalem botsu bamalaba yiri yimaga yimavagu nogu na tugorungula utumuna paga. 17Tumba ubanda namunyi tubagandisianu na mapemi rie: Duyamuevosa mu diina dieni mbana diambu digoviolila uroga. 18Banobanengila bamabagandisa rie: Tugemueronda ugulu ne temu mosi yiri duivosi vo duilonsi mu diina diJesus. Duigulu?
19Pierre na Jean bamabagabusila rie: Jenu beni dutabula diambu yeri diwelimina udugululu vo ugululu Nsambi; 20jetu tugorungula usuega ama tumalaba nogulu.
21Bivunda bieni bineni bamamuebavayila mapemi na bamabapalisa. Basamajaba nana bobakilisila mu mbari botsu bamayitsanga Nsambi mu diambu adimalabana. 22Mutu agumabelusu na yimaga yieni amaba ne uviolila magumana mabilima.
Dusambu dubango yitu
23Pierre na Jean banopalusu bamawenda ombu baana bataji bogu na bamabatsingula motsu ama bivunda bibavagulitsi bapagu na bivunda bisusu bamabaruma. 24Ava bango yitu bamadigululu bamatatila Nsambi na diufi dimosi rie: Fumu gumavaga julu na butamba na mubu na biotsu abivu muna. 25Gumavosa na Yinyunyi yiNsambi ava musalitsi agu taji etu David amavosila rie:
Dibandu yi kimbu jivu va gari malongu?
Dibandu yi batu bavu na matasa makulini?
26Dibandu yi bakaga babutamba
bavu bakunsama utoga divita?
Dibandu yi jogu na barumitsi
bavu na kueru na Fumu na Christ andi?
27Munongu mosi Herode na Ponce Pilate na bisi malongu na batu baIsrael bamatunga fundu o musiengi egugu ubusa musalitsi agu Jesus, agu ndeʼ gumabiatsa 28udugusu motsu ama gumaruma na ama gumalegana. 29Fumu namunyi gulu mapemi mogu na vega bukidi buwelimina ombu basalitsi bagu ulonsa mambu magu. 30Simbula gogu agu ubelusa novaga bimaga na bilimba mu diina dimusalitsi agu Jesus. 31Ava bamamanina usambila mbura aji bamaba bagukama jimasisana; jogu botsu bamabasu na Yinyunyi yiNsambi na bamalonsanga mambu maNsambi na bukidi.
Bango yitu ugabana begabini bima biogu
32Batu beni abamavaga yitu bamaba na murima mosi na diufi dimosi. Ne mutu mosi asamavosa yiri bima biandi bimaba bijandi beni tumba biotsu bimaba jmubundini va gari ogu. 33Bilumbi bimaba na mangolu usingisilanga bumbeji budurambugu duFumu Jesus mu mbari miula mineni mimabagabulu. 34Va gari ogu vasamaba yijaga, botsu abamaba na misiru vo mandagu bamabisumbisa na bamabega dufunu dubima abi bamasumbisa 35na bamadusunsa va gusu bilumbi; bamagabana nana mutu mutu amabila na nsala.
36Vamaba mutu diina diandi Joseph agu bilumbi bamaluga Barnabas (divindugulu rie: muana aguiwarisi batu) agumaba muana dibaala uLevi muisi Chypre. 37Jandi anosumbisa musiru andi amabega mbongu notsivega ombu bilumbi.
Цяпер абрана:
Bisalu Bibilumbi 4: PUU1992
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
La sainte Bible en langue Yipunu © Alliance Biblique du Cameroun, 1992.
Bisalu Bibilumbi 4
4
Pierre na Jean va gusu bivunda bineni
1Ava Pierre na Jean bamavosilanga na batu o Ndagu Nsambi, bavagulitsi bapagu na yivunda yiNdagu Nsambi na baJuif abamaba baSadducee bamabarasuna guna. 2Banogulu yiri bilumbi belonsi rie: Christ amarambuga o dufu bamanyoga kabu jineni. 3Bamabagaanga; mu mbari wisi mbe umakewendila bamabakotisa o tsugu te na kedi. 4Tumba bapuela abamagulu mambu meni bamamavayila yitu. Dutalu dubadukitsi dumafuna te na bebeli na tosini yiranu tsibatu.
5Ava kedi bivunda bibaJuif na bivunda bisusu na milonsi mimigaga bamabenguna o Jerusalem. 6Va gari ogu vamaba Anne yivunda yibavagulitsi bapagu na mukuta andi na Caiphe na Jean na Alexandre. 7Bamareliga Pierre na Jean va gari ogu na bamabawivula rie: Na musuga yi vo na diina dinyi dutsibelusila mutu eni?
8Mbana Pierre anobasu na Yinyunyi yiNsambi amavosa na barumitsi na bivunda biIsrael rie: 9Merianu: Namunyi tumafimdusu mu mbari tumavayila yimbolutu diboti na tuiwivulu nana jandi atsibelusulu. 10Dijabianu jenu botsu na batu botsu baIsrael badijabi wandi rie: La mu diina diJesus Christ muisi Nazareth agu jenu dumagomina va kurusu, agu Nsambi amarambusa o dufu, la mu diina diandi dibaala dieni amabeluyila na namunyi duimulabi va gusu enu. 11Bisonu bisonugu rie: Jesus aji
Dimanyi adimabuagu na barungitsi
divu tindi adiviolila ubueji.
12Vagaa mutu ususu oyigobuli na vagaa diina disusu adimajabunu na batu adivu na mangolu ugobula.
13Ava bivunda bieni bineni bamagululu malongi maPierre na Jean, bamakambulu mu mbari bamabalabila bifufu. Kabogu bamajaba yiri bamabanganga na Jesus. 14Tumba ava bivunda bamalabila jandi agumabelusu basamamuekala diambu. 15Bamabaruma upala o yibenguna yiogu; 16mbana bamavosa joʼ beni na joʼ beni rie: Yi tuvayila batu bebaba? Bisi Jerusalem botsu bamalaba yiri yimaga yimavagu nogu na tugorungula utumuna paga. 17Tumba ubanda namunyi tubagandisianu na mapemi rie: Duyamuevosa mu diina dieni mbana diambu digoviolila uroga. 18Banobanengila bamabagandisa rie: Tugemueronda ugulu ne temu mosi yiri duivosi vo duilonsi mu diina diJesus. Duigulu?
19Pierre na Jean bamabagabusila rie: Jenu beni dutabula diambu yeri diwelimina udugululu vo ugululu Nsambi; 20jetu tugorungula usuega ama tumalaba nogulu.
21Bivunda bieni bineni bamamuebavayila mapemi na bamabapalisa. Basamajaba nana bobakilisila mu mbari botsu bamayitsanga Nsambi mu diambu adimalabana. 22Mutu agumabelusu na yimaga yieni amaba ne uviolila magumana mabilima.
Dusambu dubango yitu
23Pierre na Jean banopalusu bamawenda ombu baana bataji bogu na bamabatsingula motsu ama bivunda bibavagulitsi bapagu na bivunda bisusu bamabaruma. 24Ava bango yitu bamadigululu bamatatila Nsambi na diufi dimosi rie: Fumu gumavaga julu na butamba na mubu na biotsu abivu muna. 25Gumavosa na Yinyunyi yiNsambi ava musalitsi agu taji etu David amavosila rie:
Dibandu yi kimbu jivu va gari malongu?
Dibandu yi batu bavu na matasa makulini?
26Dibandu yi bakaga babutamba
bavu bakunsama utoga divita?
Dibandu yi jogu na barumitsi
bavu na kueru na Fumu na Christ andi?
27Munongu mosi Herode na Ponce Pilate na bisi malongu na batu baIsrael bamatunga fundu o musiengi egugu ubusa musalitsi agu Jesus, agu ndeʼ gumabiatsa 28udugusu motsu ama gumaruma na ama gumalegana. 29Fumu namunyi gulu mapemi mogu na vega bukidi buwelimina ombu basalitsi bagu ulonsa mambu magu. 30Simbula gogu agu ubelusa novaga bimaga na bilimba mu diina dimusalitsi agu Jesus. 31Ava bamamanina usambila mbura aji bamaba bagukama jimasisana; jogu botsu bamabasu na Yinyunyi yiNsambi na bamalonsanga mambu maNsambi na bukidi.
Bango yitu ugabana begabini bima biogu
32Batu beni abamavaga yitu bamaba na murima mosi na diufi dimosi. Ne mutu mosi asamavosa yiri bima biandi bimaba bijandi beni tumba biotsu bimaba jmubundini va gari ogu. 33Bilumbi bimaba na mangolu usingisilanga bumbeji budurambugu duFumu Jesus mu mbari miula mineni mimabagabulu. 34Va gari ogu vasamaba yijaga, botsu abamaba na misiru vo mandagu bamabisumbisa na bamabega dufunu dubima abi bamasumbisa 35na bamadusunsa va gusu bilumbi; bamagabana nana mutu mutu amabila na nsala.
36Vamaba mutu diina diandi Joseph agu bilumbi bamaluga Barnabas (divindugulu rie: muana aguiwarisi batu) agumaba muana dibaala uLevi muisi Chypre. 37Jandi anosumbisa musiru andi amabega mbongu notsivega ombu bilumbi.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
La sainte Bible en langue Yipunu © Alliance Biblique du Cameroun, 1992.