YOANO 19
19
1Hohene kashika Pilatu watwalile Yesu, wamulambile ni shikote. 2Ni maswalale ayinjile chipangula cha mbimbo, achisele ha mutwe wenyi, amujikile hina lia ufungo. 3O akundamine kuli iye, ambile ngwo, Vulie, Mwanangana wa A-Yunda! O amulambile mbangala ni moko jo. 4Pilatu watuhukile cheka nawa, ngwenyi, Talenu, ngunamuneha haze kuli yenu, hanga nunyingike chawanyine chitela nichimwe muli iye. 5Yesu kashika watuhukile haze, kanazala chipangula cha mbimbo ni hina lia ufungo. Pilatu yamba kuli ayo ngwenyi, Talenu, mwe mutu! 6Muze kashika asasendote akwa lutwe ni tupita amumwene, akololokele ngwo, Muhachilenu ha kulusu! Muhachilenu ha kulusu! Pilatu yamba kuli ayo ngwenyi, Mutwalenu yenu, numuhachile ha kulusu: mumu yami chawanyine chitela nichimwe muli iye. 7A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi. 8Muze Pilatu kashika evwile liji lino, wevwile woma Wahiana; 9iye wanjilile mu palasiu cheka nawa, yamba kuli Yesu ngwenyi, Kulihi unakatuka? Alioze kamuhele kumbululo nilimwe. 10Pilatu kashika yamba kuli iye ngwenyi, Kwahanjikile kuli yami, nyi? Kwanyingikine chiyulo nguli nacho cha kukutusula, ni chiyulo nguli nacho cha kukuhachila ha kulusu? 11Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.
12Ha kwivwa chocho Pilatu wafupile kumutusula, alioze A-Yunda akololokele ngwo, Kachi mutusula yono, kachi hi uli kasendo ka Sesare ko. Mweswawo malipwisa mwanangana, mahanjika cha kulimika ni Sesare. 13Pilatu kashika muze evwile maliji ano, watwalile Yesu haze, Watwamine ha chitwamo cha upatwilo, haze anavuluka ngwo, Hakwalamawe, alioze mu limi lia Hepreu ngwo, Ngapata. 14Achi chapwile kululika cha Chizomboka, hapwile ola #19.14 Tangwa ha muchima.yamuchisambano. Iye yamba kuli A-Yunda ngwenyi, Talenu Mwanangana wenu! 15O kashika akololokele ngwo, Muchizenu! Muchizenu! Muhachilenu ha kulusu! Pilatu yamba kuli ayo ngwenyi, Nguhachile ha kulusu Mwanangana wenu, nyi? Asasendote akwa lutwe akumbulwile ngwo, Yetu kutushi mwanangana niumwe shina Sesare. 16Hohene kashika wamukunjikile kuli ayo, hanga amuhachile ha kulusu, o atambwile Yesu akamutwale.
17Iye watuhukile nikumbata kulusu yenyi, akaye kuze anavuluka ngwo, Kavwale, kuze anavulukako mu limi lia Hepreu ngwo, Ngolongota: 18kuze kwene amuliachilile ha kulusu; ni akwo aali hamwe nenyi, umwe ku sali lino, ni mukwo ku sali lize, ni Yesu mukachi ko. 19Pilatu wasonekene jina nawa, nikulisa ha kulusu. Kwasonewene ngwo, Yesu Ka-Nazare, Mwe Mwanangana wa A-Yunda. 20Jina lino kashika anji a kuli A-Yunda atangile; mumu kuma kuze ahachilile Yesu ha kulusu kwapwile hakamwihi ni limbo; nelio liasonewene mu limi lia Hepreu, ni lia Ngresia, ni lia Roma. 21Asasendote akwa lutwe ni A-Yunda kashika ambile kuli Pilatu ngwo, Kanda usoneka ngwe, Mwe Mwanangana wa A-Yunda, alioze ngwe iye wambile ngwenyi, Mwe Mwanangana wa A-Yunda yami. 22Pilatu wakumbulwile ngwenyi, Chize hinasoneka hinasoneka.
23Maswalale kashika muze te hahachila Yesu ha kulusu, anjile mazalo jenyi, o alingile yihanda yiwana, kuli swalale mweswe chihanda chimwe; ni chikuto nawa; achi, chikuto kuchapwile ni mutongwa, chatungiwile chize kwilu ndusu cheswe. 24Aliambile kashika umwe kuli mukwo ni mukwo ngwo, Kanda tuchipula, alioze tuchitenu chela, yoze muchipwa nichenyi: hanga chisoneko chikamanunuke, chize chinambe ngwo,
Alianyinyine mazalo jami hakachi ko,
ni ha uzalo wami atele chela.
Maswalale kashika alingile yino yuma.
25Alioze kwamanyine ku kulusu ya Yesu, naye, ni ndumbwa-naye, Maria, pwo lia Keleopa, ni Maria Ka-Mandala. 26Muze kashika Yesu amwene naye, ni kambaji yoze amuzangile kanamanako, yamba kuli naye ngwenyi, Pwo, tala mwané! 27Hohene yamba kuli kambaji ngwenyi, Tala noko! Chize ku ola yize kambaji yoze wamutwalile ku mahienyi mwene.
28Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu. 29Kwapwile kashika kuze sapa ya tò ni vinagre: kashika azalishile shiponja ni vinagre nikuyisa ha mushachi, ayisele ku kanwa lienyi. 30Muze te kashika Yesu hatambula vinagre, wambile ngwenyi, Chinamanunuka: iye washachilile mutwe wenyi, wakunjikile Spiritu yenyi.
31Kashika A-Yunda, hanga mijimba kuyichi kasala ha makulusu ha tangwa lia Sambata, mumu chapwile Kululika, (mumu tangwa lia Sambata lize liapwile tangwa linene,) alembele kuli Pilatu, hanga akamakune molu jo, akaachizeho. 32Maswalale kashika akundamine, amakwine molu ja mutangu ni ja mukwo, waze aahachilile ha makulusu hamwe nenyi: 33alioze muze ahetele kuli Yesu, amwene te hafwa kulu, kamakwine molu jenyi: 34alioze umwe wa kuli maswalale watuwile lumbu lienyi ni kunga, ni haze hene mwatuhukile manyinga ni meya. 35Yoze hanachimono hanashindakenya, ni Shindakenyo yenyi yamwenemwene: neye kananyingika kanambe chamwenemwene, hanga ni yenu nawa nukafulile. 36Mumu alingile yino yuma, hanga chisoneko chikamanunuke ngwo, Chifwaha chenyi nichimwe kuchichi kamakuka. 37Cheka nawa chisoneko chikwo chinambe ngwo, Kumakahulikila yoze amutuwile.
38Kulutwe lia yino yuma José wa ku Arimatea, se wapwile kambaji ka Yesu, alioze ku tenga mumu ha woma wa A-Yunda, walembele kuli Pilatu, hanga akachize mujimba wa Yesu: ni Pilatu wamutayijile. Kashika ayile, wachijile mujimba wenyi. 39Nikondemu nawa, yoze hatangu wejile kuli Yesu ha ufuku, wejile nikuneha yitumbo ya mira, ni aloa, ngwe makumi awana a kilo ni kilo jitano. 40Kashika azundwile mujimba wa Yesu, aukashile ni miya ya mahina a linyu ni mbuto ya vumba lipema, ngwe ndako ya A-Yunda mukululikila ha kufunda. 41Achi mwapwile muma muze amuliachilile ha kulusu umwe munda; ni mu munda fuka liaha, muze niumwe kanda amusa nilimwe tangwa. 42Mwenamo kashika, mumu ha kululika cha A-Yunda (mumu fuka liapwile hakamwihi), asele Yesu.
Цяпер абрана:
YOANO 19: Csa
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chokwe Bible © Bible Society in Angola, 1975.
YOANO 19
19
1Hohene kashika Pilatu watwalile Yesu, wamulambile ni shikote. 2Ni maswalale ayinjile chipangula cha mbimbo, achisele ha mutwe wenyi, amujikile hina lia ufungo. 3O akundamine kuli iye, ambile ngwo, Vulie, Mwanangana wa A-Yunda! O amulambile mbangala ni moko jo. 4Pilatu watuhukile cheka nawa, ngwenyi, Talenu, ngunamuneha haze kuli yenu, hanga nunyingike chawanyine chitela nichimwe muli iye. 5Yesu kashika watuhukile haze, kanazala chipangula cha mbimbo ni hina lia ufungo. Pilatu yamba kuli ayo ngwenyi, Talenu, mwe mutu! 6Muze kashika asasendote akwa lutwe ni tupita amumwene, akololokele ngwo, Muhachilenu ha kulusu! Muhachilenu ha kulusu! Pilatu yamba kuli ayo ngwenyi, Mutwalenu yenu, numuhachile ha kulusu: mumu yami chawanyine chitela nichimwe muli iye. 7A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi. 8Muze Pilatu kashika evwile liji lino, wevwile woma Wahiana; 9iye wanjilile mu palasiu cheka nawa, yamba kuli Yesu ngwenyi, Kulihi unakatuka? Alioze kamuhele kumbululo nilimwe. 10Pilatu kashika yamba kuli iye ngwenyi, Kwahanjikile kuli yami, nyi? Kwanyingikine chiyulo nguli nacho cha kukutusula, ni chiyulo nguli nacho cha kukuhachila ha kulusu? 11Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.
12Ha kwivwa chocho Pilatu wafupile kumutusula, alioze A-Yunda akololokele ngwo, Kachi mutusula yono, kachi hi uli kasendo ka Sesare ko. Mweswawo malipwisa mwanangana, mahanjika cha kulimika ni Sesare. 13Pilatu kashika muze evwile maliji ano, watwalile Yesu haze, Watwamine ha chitwamo cha upatwilo, haze anavuluka ngwo, Hakwalamawe, alioze mu limi lia Hepreu ngwo, Ngapata. 14Achi chapwile kululika cha Chizomboka, hapwile ola #19.14 Tangwa ha muchima.yamuchisambano. Iye yamba kuli A-Yunda ngwenyi, Talenu Mwanangana wenu! 15O kashika akololokele ngwo, Muchizenu! Muchizenu! Muhachilenu ha kulusu! Pilatu yamba kuli ayo ngwenyi, Nguhachile ha kulusu Mwanangana wenu, nyi? Asasendote akwa lutwe akumbulwile ngwo, Yetu kutushi mwanangana niumwe shina Sesare. 16Hohene kashika wamukunjikile kuli ayo, hanga amuhachile ha kulusu, o atambwile Yesu akamutwale.
17Iye watuhukile nikumbata kulusu yenyi, akaye kuze anavuluka ngwo, Kavwale, kuze anavulukako mu limi lia Hepreu ngwo, Ngolongota: 18kuze kwene amuliachilile ha kulusu; ni akwo aali hamwe nenyi, umwe ku sali lino, ni mukwo ku sali lize, ni Yesu mukachi ko. 19Pilatu wasonekene jina nawa, nikulisa ha kulusu. Kwasonewene ngwo, Yesu Ka-Nazare, Mwe Mwanangana wa A-Yunda. 20Jina lino kashika anji a kuli A-Yunda atangile; mumu kuma kuze ahachilile Yesu ha kulusu kwapwile hakamwihi ni limbo; nelio liasonewene mu limi lia Hepreu, ni lia Ngresia, ni lia Roma. 21Asasendote akwa lutwe ni A-Yunda kashika ambile kuli Pilatu ngwo, Kanda usoneka ngwe, Mwe Mwanangana wa A-Yunda, alioze ngwe iye wambile ngwenyi, Mwe Mwanangana wa A-Yunda yami. 22Pilatu wakumbulwile ngwenyi, Chize hinasoneka hinasoneka.
23Maswalale kashika muze te hahachila Yesu ha kulusu, anjile mazalo jenyi, o alingile yihanda yiwana, kuli swalale mweswe chihanda chimwe; ni chikuto nawa; achi, chikuto kuchapwile ni mutongwa, chatungiwile chize kwilu ndusu cheswe. 24Aliambile kashika umwe kuli mukwo ni mukwo ngwo, Kanda tuchipula, alioze tuchitenu chela, yoze muchipwa nichenyi: hanga chisoneko chikamanunuke, chize chinambe ngwo,
Alianyinyine mazalo jami hakachi ko,
ni ha uzalo wami atele chela.
Maswalale kashika alingile yino yuma.
25Alioze kwamanyine ku kulusu ya Yesu, naye, ni ndumbwa-naye, Maria, pwo lia Keleopa, ni Maria Ka-Mandala. 26Muze kashika Yesu amwene naye, ni kambaji yoze amuzangile kanamanako, yamba kuli naye ngwenyi, Pwo, tala mwané! 27Hohene yamba kuli kambaji ngwenyi, Tala noko! Chize ku ola yize kambaji yoze wamutwalile ku mahienyi mwene.
28Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu. 29Kwapwile kashika kuze sapa ya tò ni vinagre: kashika azalishile shiponja ni vinagre nikuyisa ha mushachi, ayisele ku kanwa lienyi. 30Muze te kashika Yesu hatambula vinagre, wambile ngwenyi, Chinamanunuka: iye washachilile mutwe wenyi, wakunjikile Spiritu yenyi.
31Kashika A-Yunda, hanga mijimba kuyichi kasala ha makulusu ha tangwa lia Sambata, mumu chapwile Kululika, (mumu tangwa lia Sambata lize liapwile tangwa linene,) alembele kuli Pilatu, hanga akamakune molu jo, akaachizeho. 32Maswalale kashika akundamine, amakwine molu ja mutangu ni ja mukwo, waze aahachilile ha makulusu hamwe nenyi: 33alioze muze ahetele kuli Yesu, amwene te hafwa kulu, kamakwine molu jenyi: 34alioze umwe wa kuli maswalale watuwile lumbu lienyi ni kunga, ni haze hene mwatuhukile manyinga ni meya. 35Yoze hanachimono hanashindakenya, ni Shindakenyo yenyi yamwenemwene: neye kananyingika kanambe chamwenemwene, hanga ni yenu nawa nukafulile. 36Mumu alingile yino yuma, hanga chisoneko chikamanunuke ngwo, Chifwaha chenyi nichimwe kuchichi kamakuka. 37Cheka nawa chisoneko chikwo chinambe ngwo, Kumakahulikila yoze amutuwile.
38Kulutwe lia yino yuma José wa ku Arimatea, se wapwile kambaji ka Yesu, alioze ku tenga mumu ha woma wa A-Yunda, walembele kuli Pilatu, hanga akachize mujimba wa Yesu: ni Pilatu wamutayijile. Kashika ayile, wachijile mujimba wenyi. 39Nikondemu nawa, yoze hatangu wejile kuli Yesu ha ufuku, wejile nikuneha yitumbo ya mira, ni aloa, ngwe makumi awana a kilo ni kilo jitano. 40Kashika azundwile mujimba wa Yesu, aukashile ni miya ya mahina a linyu ni mbuto ya vumba lipema, ngwe ndako ya A-Yunda mukululikila ha kufunda. 41Achi mwapwile muma muze amuliachilile ha kulusu umwe munda; ni mu munda fuka liaha, muze niumwe kanda amusa nilimwe tangwa. 42Mwenamo kashika, mumu ha kululika cha A-Yunda (mumu fuka liapwile hakamwihi), asele Yesu.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chokwe Bible © Bible Society in Angola, 1975.