YOANO 4
4
1Kashika muze Mwene anyingikine ngwe A-Fwariseu hanevu ngwo, Yesu kanapu nikutayisa nikupapachisa tumbaji anji kuhiana Yoano. 2(Chipwe chocho, Yesu mwene kapapachishile alioze tumbaji twenyi wika), 3wahichikile Yundeya, wayile cheka nawa ku Ngalileya. 4Chamutamba kupalika mu Samaria. 5Kashika yaheta ku limbo lia mu Samaria, jina lialio Saika, kwakusulangana ni munda uze ahanyine Yakomba kuli mwanenyi José. 6Ni fuji lia meya lia Yakomba liapwileko. Yesu kashika se kanevu yikatalo ha wenyi uze ayile, watwamine chizechene ku fuji lia meya. Hapwde ngwe ola #4.6 Tangwa ha muchima.yamuchisambano.
7Pwo wa ku Samaria yeza mukutaha meya: Yesu yamba kuli iye ngwenyi, Ngwehe kama meya ngunwe. 8(Mumu tumbaji twenyi te haya ku limbo akalande kulia). 9Pwo Ka-Samaria kashika yamba kuli iye ngwenyi, Ngwe kuchi yena, uli Ka-Yunda, unechi meya kuli yami, nguli pwo Ka-Samaria? (Mumu A-Yunda keshi kuliendela nichimwe ni A-Samaria). 10Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono. 11Pwo yamba kuli iye ngwenyi, Mwene, yena kushi nichimwe cha kuswita nacho, ni shima lisuku, mba kulihi unatambula meya a mwono? 12Yena uli munene wahiana kulwetu Yakomba, yoze watuhele lie shima, wanwinemo iye mwene, ni ana jenyi, ni yimuna jenyi, nyi? 13Yesu wamukumbulwile, ngwenyi, Mweswawo manwa meya ano mevwa pwila cheka nawa: 14alioze mweswawo manwa meya aze mungumwaha yami, kechi kevwa pwila nichimwe ku miaka ya mutolo; alioze meya aze mungumwaha kumakapwa muli iye fuji lia meya lia kuvwelwoka ku mwono wa mutolo. 15Pwo yamba kuli iye ngwenyi, Mwene, pe kama meya ano, hanga chichi kevwa pwila, ni chipwe chichi keza kuno mukutaha.
16Yesu yamba kuli iye ngwenyi, Yako, utambike lunga lie, wize kuno. 17Pwo wamukumbulwile ngwenyi, Lunga chishi nenyi. Yesu yamba kuli iye ngwenyi, Yena kanawa hiwamba ngwe, Lunga chishi nenyi: 18mumu wapwile ni malunga atano; ni yoze uli nenyi haliapwila hi lunga lie ko: chino chamwenemwene hiwamba. 19Pwo yamba kuli iye ngwenyi, Mwene, ngunamono yena uli profeta. 20Tulamba twetu awayilile mu mulundu uno; ni yenu nwakwamba ngwenu, Muma mwakuwayilamo mu Yerusaleme. 21Yesu yamba kuli iye ngwenyi, Pwo, ngufuliele, ola muyiza, muze chipwe hi mu mulundu uno ko, chipwe hi mu Yerusaleme ko, munukawayila mwe Tata. 22Yenu nwakuwayila chize kunwanyingikine: yetu twakuwayila chize tunanyingika; mumu ulamwino wa kuli A-Yunda. 23Alioze ola muyiza, ni haliapwila hiyaheta, muze akwa kuwayila amwenemwene makawayila Tata mu uspiritu ni mu umwenemwene: mumu mwe Tata kakufupa atu ngwe wano apwe akwa kumuwayila. 24Zambi iye Spiritu: ni waze akumuwayila chaatamba kumuwayila mu uspiritu ni mu umwenemwene. 25Pwo yamba kuli iye ngwenyi, Ngunanyingika Mesaya meza, yoze anambe ngwo, Kristu: muze meza makatwambulwila yuma yeswe. 26Yesu yamba kuli iye ngwenyi, Yami Mwene, yami ngunahanjika ni yena.
27Hohene tumbaji twenyi ejile; o akomokene kumona anahanjika ni pwo; hindu niumwe wambile ngwenyi, Kuchi unafupu? Hanji ngwenyi, Kuchi te unahanjika nenyi? 28Pwo kashika wahichikile sapa yenyi, wayile ku limbo, yamba kuli atu ngwenyi, 29Tweyenu, nukamone mutu, yoze wangwambulwilanga yuma yize yeswe nayilingile: kuma, yono mwe Kristu, nyi? 30Hohene atuhukile mu limbo, ayile kuli iye.
31Ha shimbu lize tumbaji amulembelele ngwo, Longeshi, lienu. 32Alioze wambile kuli ayo ngwenyi, Yami, kulia nguli nacho chize kunwanyingikine. 33Tumbaji twenyi kashika aliambile umwe kuli mukwo ni mukwo ngwo, Umwe wamunehenanga chimwe cha kulia, nyi? 34Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi. 35Kunushi kwamba ngwenu, Kunasala tukweji awana ni mwaka wa kucha muwiza, nyi? Talenu, ngunambe kuli yenu ngwami, Hetulenu meso jenu, nwaze yifuchi, yinachili kulu ha kucha. 36Yoze macha matambula fweto, iye mahela mihuko ya kutwala ku mwono wa mutolo; hanga ni yoze makuwa ni yoze macha akawahilile hamuwika. 37Mumu mu chino chuma liji linapu liamwenemwene ngwo, Umwe makuwa, ni mukwo macha. 38Nanutumine mukucha haze kunwakilikichile: akwo hanakilikita, ni yenu hinunanjila mu kukilikita cho.
39Anji a kuli A-Samaria a ku limbo lize amufulielele mumu ha liji lia pwo, yoze washindakenyene ngwenyi, Iye kangwambulwilanga yuma yize yeswe nayilingile. 40Kashika muze A-Samaria ahetele kuli iye, aliumbile kuli iye, atwame hamwe no; iye watwamineko matangwa aali. 41Anji akwo afulielele mumu ha liji lienyi mwene; 42o ambile kuli pwo ngwo, Haliapwila tunafuliela, hi ha liji lie ko: mumu hitunamwivu yetwene, tunanyingika yono chamwenemwene mwe Kristu, mwe Chilamwina cha akwa hashi.
43Kulutwe lia matangwa aali, wakatukile kuze, wayile ku Ngalileya. 44Mumu Yesu mwene washindakenyene, ngwenyi, Profeta keshi ulemu mu chijima chenyi mwene. 45Kashika muze ahetele ku Ngalileya A-Ngalileya amutambwile, se hanamono yuma yize yeswe alingile iye mu Yerusaleme ku chiwanyino: mumu ayo nawa ayile ku chiwanyino.
46Kashika Yesu wahetele cheka nawa ku Kena, chihunda cha mu Ngalileya, kuze walumwine meya vinyu. Kwapwile umwe chilolo mu Kafwanaume, mwanenyi wa lunga Wayijile. 47Muze evwile ngwo, Yesu hakatuka ku Yundeya, haheta ku Ngalileya, wayile kuli iye, waliumbile kuli iye, apalumuke, akahindwise mwanenyi; mumu te hakamwihi ni kufwa ali. 48Yesu kashika wambile kuli iye ngwenyi, Kunuchi kufuliela nichimwe shina munumona yilayi ni yipekesa. 49Chilolo yamba kuli iye ngwenyi, Mwene, Palumuka kama shimbu mwanami kanda afwa. 50Yesu yamba kuli iye ngwenyi, Yako kwe; mwané ni mwono ali. Yoze mutu wafulielele liji lize amwambile Yesu, iye wayile kwenyi. 51Shimbu machipalumuka ndungo atakanyine nenyi, nikwamba ngwo, Mwané ni mwono ali. 52Kashika waahulile ola yize waputukile kuhinduka, o ambile kuli iye ngwo, Zau ha ola yamuchishimbiali kachiki kanakamukatuka. 53Tato kashika wanyingikine hapwile ha ola yize yene amwambile Yesu ngwenyi, Mwané ni mwono ali; iye wafulielele, iye mwene ni akwa zuwo lienyi eswe. 54Chino che chilayi chamuchiali Yesu walingile muze te hakatuka ku Yundeya, haheta ku Ngalileya.
Цяпер абрана:
YOANO 4: Csa
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chokwe Bible © Bible Society in Angola, 1975.
YOANO 4
4
1Kashika muze Mwene anyingikine ngwe A-Fwariseu hanevu ngwo, Yesu kanapu nikutayisa nikupapachisa tumbaji anji kuhiana Yoano. 2(Chipwe chocho, Yesu mwene kapapachishile alioze tumbaji twenyi wika), 3wahichikile Yundeya, wayile cheka nawa ku Ngalileya. 4Chamutamba kupalika mu Samaria. 5Kashika yaheta ku limbo lia mu Samaria, jina lialio Saika, kwakusulangana ni munda uze ahanyine Yakomba kuli mwanenyi José. 6Ni fuji lia meya lia Yakomba liapwileko. Yesu kashika se kanevu yikatalo ha wenyi uze ayile, watwamine chizechene ku fuji lia meya. Hapwde ngwe ola #4.6 Tangwa ha muchima.yamuchisambano.
7Pwo wa ku Samaria yeza mukutaha meya: Yesu yamba kuli iye ngwenyi, Ngwehe kama meya ngunwe. 8(Mumu tumbaji twenyi te haya ku limbo akalande kulia). 9Pwo Ka-Samaria kashika yamba kuli iye ngwenyi, Ngwe kuchi yena, uli Ka-Yunda, unechi meya kuli yami, nguli pwo Ka-Samaria? (Mumu A-Yunda keshi kuliendela nichimwe ni A-Samaria). 10Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono. 11Pwo yamba kuli iye ngwenyi, Mwene, yena kushi nichimwe cha kuswita nacho, ni shima lisuku, mba kulihi unatambula meya a mwono? 12Yena uli munene wahiana kulwetu Yakomba, yoze watuhele lie shima, wanwinemo iye mwene, ni ana jenyi, ni yimuna jenyi, nyi? 13Yesu wamukumbulwile, ngwenyi, Mweswawo manwa meya ano mevwa pwila cheka nawa: 14alioze mweswawo manwa meya aze mungumwaha yami, kechi kevwa pwila nichimwe ku miaka ya mutolo; alioze meya aze mungumwaha kumakapwa muli iye fuji lia meya lia kuvwelwoka ku mwono wa mutolo. 15Pwo yamba kuli iye ngwenyi, Mwene, pe kama meya ano, hanga chichi kevwa pwila, ni chipwe chichi keza kuno mukutaha.
16Yesu yamba kuli iye ngwenyi, Yako, utambike lunga lie, wize kuno. 17Pwo wamukumbulwile ngwenyi, Lunga chishi nenyi. Yesu yamba kuli iye ngwenyi, Yena kanawa hiwamba ngwe, Lunga chishi nenyi: 18mumu wapwile ni malunga atano; ni yoze uli nenyi haliapwila hi lunga lie ko: chino chamwenemwene hiwamba. 19Pwo yamba kuli iye ngwenyi, Mwene, ngunamono yena uli profeta. 20Tulamba twetu awayilile mu mulundu uno; ni yenu nwakwamba ngwenu, Muma mwakuwayilamo mu Yerusaleme. 21Yesu yamba kuli iye ngwenyi, Pwo, ngufuliele, ola muyiza, muze chipwe hi mu mulundu uno ko, chipwe hi mu Yerusaleme ko, munukawayila mwe Tata. 22Yenu nwakuwayila chize kunwanyingikine: yetu twakuwayila chize tunanyingika; mumu ulamwino wa kuli A-Yunda. 23Alioze ola muyiza, ni haliapwila hiyaheta, muze akwa kuwayila amwenemwene makawayila Tata mu uspiritu ni mu umwenemwene: mumu mwe Tata kakufupa atu ngwe wano apwe akwa kumuwayila. 24Zambi iye Spiritu: ni waze akumuwayila chaatamba kumuwayila mu uspiritu ni mu umwenemwene. 25Pwo yamba kuli iye ngwenyi, Ngunanyingika Mesaya meza, yoze anambe ngwo, Kristu: muze meza makatwambulwila yuma yeswe. 26Yesu yamba kuli iye ngwenyi, Yami Mwene, yami ngunahanjika ni yena.
27Hohene tumbaji twenyi ejile; o akomokene kumona anahanjika ni pwo; hindu niumwe wambile ngwenyi, Kuchi unafupu? Hanji ngwenyi, Kuchi te unahanjika nenyi? 28Pwo kashika wahichikile sapa yenyi, wayile ku limbo, yamba kuli atu ngwenyi, 29Tweyenu, nukamone mutu, yoze wangwambulwilanga yuma yize yeswe nayilingile: kuma, yono mwe Kristu, nyi? 30Hohene atuhukile mu limbo, ayile kuli iye.
31Ha shimbu lize tumbaji amulembelele ngwo, Longeshi, lienu. 32Alioze wambile kuli ayo ngwenyi, Yami, kulia nguli nacho chize kunwanyingikine. 33Tumbaji twenyi kashika aliambile umwe kuli mukwo ni mukwo ngwo, Umwe wamunehenanga chimwe cha kulia, nyi? 34Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi. 35Kunushi kwamba ngwenu, Kunasala tukweji awana ni mwaka wa kucha muwiza, nyi? Talenu, ngunambe kuli yenu ngwami, Hetulenu meso jenu, nwaze yifuchi, yinachili kulu ha kucha. 36Yoze macha matambula fweto, iye mahela mihuko ya kutwala ku mwono wa mutolo; hanga ni yoze makuwa ni yoze macha akawahilile hamuwika. 37Mumu mu chino chuma liji linapu liamwenemwene ngwo, Umwe makuwa, ni mukwo macha. 38Nanutumine mukucha haze kunwakilikichile: akwo hanakilikita, ni yenu hinunanjila mu kukilikita cho.
39Anji a kuli A-Samaria a ku limbo lize amufulielele mumu ha liji lia pwo, yoze washindakenyene ngwenyi, Iye kangwambulwilanga yuma yize yeswe nayilingile. 40Kashika muze A-Samaria ahetele kuli iye, aliumbile kuli iye, atwame hamwe no; iye watwamineko matangwa aali. 41Anji akwo afulielele mumu ha liji lienyi mwene; 42o ambile kuli pwo ngwo, Haliapwila tunafuliela, hi ha liji lie ko: mumu hitunamwivu yetwene, tunanyingika yono chamwenemwene mwe Kristu, mwe Chilamwina cha akwa hashi.
43Kulutwe lia matangwa aali, wakatukile kuze, wayile ku Ngalileya. 44Mumu Yesu mwene washindakenyene, ngwenyi, Profeta keshi ulemu mu chijima chenyi mwene. 45Kashika muze ahetele ku Ngalileya A-Ngalileya amutambwile, se hanamono yuma yize yeswe alingile iye mu Yerusaleme ku chiwanyino: mumu ayo nawa ayile ku chiwanyino.
46Kashika Yesu wahetele cheka nawa ku Kena, chihunda cha mu Ngalileya, kuze walumwine meya vinyu. Kwapwile umwe chilolo mu Kafwanaume, mwanenyi wa lunga Wayijile. 47Muze evwile ngwo, Yesu hakatuka ku Yundeya, haheta ku Ngalileya, wayile kuli iye, waliumbile kuli iye, apalumuke, akahindwise mwanenyi; mumu te hakamwihi ni kufwa ali. 48Yesu kashika wambile kuli iye ngwenyi, Kunuchi kufuliela nichimwe shina munumona yilayi ni yipekesa. 49Chilolo yamba kuli iye ngwenyi, Mwene, Palumuka kama shimbu mwanami kanda afwa. 50Yesu yamba kuli iye ngwenyi, Yako kwe; mwané ni mwono ali. Yoze mutu wafulielele liji lize amwambile Yesu, iye wayile kwenyi. 51Shimbu machipalumuka ndungo atakanyine nenyi, nikwamba ngwo, Mwané ni mwono ali. 52Kashika waahulile ola yize waputukile kuhinduka, o ambile kuli iye ngwo, Zau ha ola yamuchishimbiali kachiki kanakamukatuka. 53Tato kashika wanyingikine hapwile ha ola yize yene amwambile Yesu ngwenyi, Mwané ni mwono ali; iye wafulielele, iye mwene ni akwa zuwo lienyi eswe. 54Chino che chilayi chamuchiali Yesu walingile muze te hakatuka ku Yundeya, haheta ku Ngalileya.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chokwe Bible © Bible Society in Angola, 1975.