YOANO 9
9
1Shimbu apalikile wamwene mutu kapuputa chize ku kusemuka chenyi. 2Tumbaji twenyi amuhulile ngwo, Longeshi, iya wavulumwine, shina yono, nyi? Shina yisemi jenyi, akasemuke kapuputa? 3Yesu wakumbulwile ngwenyi, Chipwe yono kavulumwine, chipwe yisemi jenyi, ka: alioze hanga akasolole yitanga ya Zambi muli iye. 4Changutamba kulinga yitanga ya yoze wangutumine shimbu kuchili mwalwa: ufuku muwiza muze niumwe mahasa kulinga. 5Shimbu nguli hano hashi, pangu lia hashi yami. 6Muze te hamba yino yuma, wafwilile mate hashi; walingile ndambo ni mate; wakwichile meso ja kapuputa ni ndambo. 7Wambile kuli iye ngwenyi, Yako, usane mu Chitende cha Sailome, (linalumbunuka ngwo, Kanatumiwa). Wayile kashika, yasana, yahiluka nikumona. 8Enyembo kashika ni waze apwile nikumumona kunyima, ngwe wapwile mukwa kuwunjila, ambile ngwo, Yono hi yoze ko Watwamine, wawunjilile, nyi? 9Amwe ambile ngwo, Iye mwene: akwo ambile ngwo, ka, alioze kalifwa nenyi. Iye wambile ngwenyi, Yami mwene. 10Ambile kashika kuli iye ngwo, Mba ngwe kuchi alawisanga meso je? 11Wakumbulwile ngwenyi, Mutu, yoze anambe ngwo, Yesu, walinganga ndambo, wakwitanga meso jami, kambanga kuli yami ngwenyi, Yako ku Chitende cha Sailome, usane; chocho nayanga, nasananga, nalaulaga ku meso. 12O ambile kuli iye ngwo, Kulihi ali? Yamba ngwenyi, Chanyingikine.
13Yaneha kuli A-Fwariseu yoze wapwile kunyima kapuputa. 14Achi, hapwile ha tangwa lia Sambata muze Yesu alingile ndambo nikulawisa meso jenyi. 15Cheka nawa kashika A-Fwariseu amuhulile ngwe chize walawisanga meso jenyi. Iye wambile kuli ayo ngwenyi, Kasanga ndambo ha meso jami, nasananga, mba ngunamono. 16Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko. 17Yamba kuli kapuputa cheka nawa ngwo, Kuchi yena unambe hali iye, ngwe walawisanga meso je? Wambile ngwenyi, Iye profeta.
18A-Yunda kashika kafulieleleko hali iye, ngwe wapupuchile, walawile ku meso, ndo atambikile yisemi ja yoze walawile ku meso. 19O aahulile ngwo, Yono mwanenu, nyi? Hali iye nwakwamba ngwenu, Wasemukine kapuputa, nyi? Ngwe kuchi haliapwila anamono? 20Yisemi jenyi nakumbulwile, ngwo, Tunanyingika yono, mwanetu, wasemukine kapuputa: 21alioze ngwe haliapwila anamono, kutwanyingikine; chipwe yoze walawisanga meso jenyi, kutwamunyingikine; muhulenu mwene; hakola; mahanjika hali iye mwene. 22Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga. 23Kashika yisemi jenyi ambile ngwo, Hakola; muhulenu mwene.
24Chocho atambikile chisuho chamuchiali mutu yoze wapupuchile kunyima, ambile kuli iye ngwo, Chichimieka Zambi: tunanyingika yono mutu iye chivulumunyi. 25Wakumbulwile kashika ngwenyi, Kachi iye chivulumunyi, ami Chanyingikine: chuma chimuwika ngunanyingika; napwile kapuputa, haliapwila ngunamono. 26O ambile kuli iye cheka nawa ngwo, Kuchi alinganga kuli yena? Ngwe kuchi alawisanga meso je? 27Waakumbulwile ngwenyi, Hinanwambulwila kulu, kunwapanjikileko; kuchi te nunazange kuchivwa cheka nawa? Yenu nawa nunazange kupwa tumbaji twenyi? 28O amutukile, ambile ngwo, Yena uli kambaji kenyi, alioze yetu tuli tumbaji twa Mose. 29Tunanyingika Zambi wahanjikile kuli Mose; alioze hali yono mutu, kutwanyingikine kuze anakatuka. 30Mwe mutu waakumbulwile ngwenyi, Kuma, chino chikomokeso, kunwanyingikine kuze anakatuka, hindu kalawisanga meso jami. 31Alioze tunanyingika Zambi keshi kwivwa yivulumunyi: alioze kachi umwe mapwa mukwa kuwayila Zambi, malinga upale wenyi, yoze mamwivwa. 32Chize ku miakulwila kachivwile nilimwe tangwa ngwo, Umwe wapwishile meso ja mutu wasemukine kapuputa. 33Kachi yono kakatukile kuli Zambi, kachi kahashile kulinga nichimwe. 34Amukumbulwile ngwo, Yena wasemukine liakulu mu milonga, mba unatulongesa yetu, nyi? O amukatwishile.
35Yesu wevwile ngwo, Hamukatwisa; iye ha kumuwana, wambile kuli iye ngwenyi, Unafuliela kuli mwe Mwana Zambi, nyi? 36Wakumbulwile ngwenyi, Mwene, mwe Mwana Zambi iya, hanga ngumufuliele? 37Yesu wambile kuli iye ngwenyi, Hiunamumono, iye nawa kanahanjika ni yena. 38Iye wambile ngwenyi, Ngunafuliela, Mwene. Wamuwayilile. 39Yesu wambile ngwenyi, Ha upatwilo hinguneza hano hashi, hanga waze keshi kumona, akamone; hanga waze akumona, akapwe tupuputa. 40Waze a kuli A-Fwariseu apwileko hamwe nenyi, evwile yino yuma, o ambile kuli iye ngwo, Ni yetu nawa tuli tupuputa, nyi? 41Yesu wambile kuli ayo ngwenyi, Kachi nuli tupuputa, kachi kunushi mulonga: alioze haliapwila nunambe ngwenu, Tunamono: kashika mulonga wenu kuunasala.
Цяпер абрана:
YOANO 9: Csa
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chokwe Bible © Bible Society in Angola, 1975.
YOANO 9
9
1Shimbu apalikile wamwene mutu kapuputa chize ku kusemuka chenyi. 2Tumbaji twenyi amuhulile ngwo, Longeshi, iya wavulumwine, shina yono, nyi? Shina yisemi jenyi, akasemuke kapuputa? 3Yesu wakumbulwile ngwenyi, Chipwe yono kavulumwine, chipwe yisemi jenyi, ka: alioze hanga akasolole yitanga ya Zambi muli iye. 4Changutamba kulinga yitanga ya yoze wangutumine shimbu kuchili mwalwa: ufuku muwiza muze niumwe mahasa kulinga. 5Shimbu nguli hano hashi, pangu lia hashi yami. 6Muze te hamba yino yuma, wafwilile mate hashi; walingile ndambo ni mate; wakwichile meso ja kapuputa ni ndambo. 7Wambile kuli iye ngwenyi, Yako, usane mu Chitende cha Sailome, (linalumbunuka ngwo, Kanatumiwa). Wayile kashika, yasana, yahiluka nikumona. 8Enyembo kashika ni waze apwile nikumumona kunyima, ngwe wapwile mukwa kuwunjila, ambile ngwo, Yono hi yoze ko Watwamine, wawunjilile, nyi? 9Amwe ambile ngwo, Iye mwene: akwo ambile ngwo, ka, alioze kalifwa nenyi. Iye wambile ngwenyi, Yami mwene. 10Ambile kashika kuli iye ngwo, Mba ngwe kuchi alawisanga meso je? 11Wakumbulwile ngwenyi, Mutu, yoze anambe ngwo, Yesu, walinganga ndambo, wakwitanga meso jami, kambanga kuli yami ngwenyi, Yako ku Chitende cha Sailome, usane; chocho nayanga, nasananga, nalaulaga ku meso. 12O ambile kuli iye ngwo, Kulihi ali? Yamba ngwenyi, Chanyingikine.
13Yaneha kuli A-Fwariseu yoze wapwile kunyima kapuputa. 14Achi, hapwile ha tangwa lia Sambata muze Yesu alingile ndambo nikulawisa meso jenyi. 15Cheka nawa kashika A-Fwariseu amuhulile ngwe chize walawisanga meso jenyi. Iye wambile kuli ayo ngwenyi, Kasanga ndambo ha meso jami, nasananga, mba ngunamono. 16Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko. 17Yamba kuli kapuputa cheka nawa ngwo, Kuchi yena unambe hali iye, ngwe walawisanga meso je? Wambile ngwenyi, Iye profeta.
18A-Yunda kashika kafulieleleko hali iye, ngwe wapupuchile, walawile ku meso, ndo atambikile yisemi ja yoze walawile ku meso. 19O aahulile ngwo, Yono mwanenu, nyi? Hali iye nwakwamba ngwenu, Wasemukine kapuputa, nyi? Ngwe kuchi haliapwila anamono? 20Yisemi jenyi nakumbulwile, ngwo, Tunanyingika yono, mwanetu, wasemukine kapuputa: 21alioze ngwe haliapwila anamono, kutwanyingikine; chipwe yoze walawisanga meso jenyi, kutwamunyingikine; muhulenu mwene; hakola; mahanjika hali iye mwene. 22Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga. 23Kashika yisemi jenyi ambile ngwo, Hakola; muhulenu mwene.
24Chocho atambikile chisuho chamuchiali mutu yoze wapupuchile kunyima, ambile kuli iye ngwo, Chichimieka Zambi: tunanyingika yono mutu iye chivulumunyi. 25Wakumbulwile kashika ngwenyi, Kachi iye chivulumunyi, ami Chanyingikine: chuma chimuwika ngunanyingika; napwile kapuputa, haliapwila ngunamono. 26O ambile kuli iye cheka nawa ngwo, Kuchi alinganga kuli yena? Ngwe kuchi alawisanga meso je? 27Waakumbulwile ngwenyi, Hinanwambulwila kulu, kunwapanjikileko; kuchi te nunazange kuchivwa cheka nawa? Yenu nawa nunazange kupwa tumbaji twenyi? 28O amutukile, ambile ngwo, Yena uli kambaji kenyi, alioze yetu tuli tumbaji twa Mose. 29Tunanyingika Zambi wahanjikile kuli Mose; alioze hali yono mutu, kutwanyingikine kuze anakatuka. 30Mwe mutu waakumbulwile ngwenyi, Kuma, chino chikomokeso, kunwanyingikine kuze anakatuka, hindu kalawisanga meso jami. 31Alioze tunanyingika Zambi keshi kwivwa yivulumunyi: alioze kachi umwe mapwa mukwa kuwayila Zambi, malinga upale wenyi, yoze mamwivwa. 32Chize ku miakulwila kachivwile nilimwe tangwa ngwo, Umwe wapwishile meso ja mutu wasemukine kapuputa. 33Kachi yono kakatukile kuli Zambi, kachi kahashile kulinga nichimwe. 34Amukumbulwile ngwo, Yena wasemukine liakulu mu milonga, mba unatulongesa yetu, nyi? O amukatwishile.
35Yesu wevwile ngwo, Hamukatwisa; iye ha kumuwana, wambile kuli iye ngwenyi, Unafuliela kuli mwe Mwana Zambi, nyi? 36Wakumbulwile ngwenyi, Mwene, mwe Mwana Zambi iya, hanga ngumufuliele? 37Yesu wambile kuli iye ngwenyi, Hiunamumono, iye nawa kanahanjika ni yena. 38Iye wambile ngwenyi, Ngunafuliela, Mwene. Wamuwayilile. 39Yesu wambile ngwenyi, Ha upatwilo hinguneza hano hashi, hanga waze keshi kumona, akamone; hanga waze akumona, akapwe tupuputa. 40Waze a kuli A-Fwariseu apwileko hamwe nenyi, evwile yino yuma, o ambile kuli iye ngwo, Ni yetu nawa tuli tupuputa, nyi? 41Yesu wambile kuli ayo ngwenyi, Kachi nuli tupuputa, kachi kunushi mulonga: alioze haliapwila nunambe ngwenu, Tunamono: kashika mulonga wenu kuunasala.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chokwe Bible © Bible Society in Angola, 1975.