Luka 21
21
Meigongnu’ piakna
1Tua lai takin Zeisu in en a, sumhaute in sumkholna sungah sum a khiat uh a mu hi. 2A zawng meigong khat in dangka pai nih a khiat a muh ciangin, 3“Ke’n aman takpi kong cih-inah, mi khempeuh lak panin tua numei in tam a khia bel hi. 4Bang hang hiam na cih uh leh, tua mi khempeuhte in a sumval lak pan a khia uh hi. Tua numei ahih leh, zawng napi-in a kivaak nading khempeuh nangawn a khia hi,” ci-in a gen hi.
Biakinn Siat Ding Zeisu in Genkhol
5Mi kimkhat in biakna innpi suangmanpha leh mite piakna tawh kizepna thu a gen uh ciangin, 6Zeisu in, “Tua na muh uh nate ahih leh, a kiphelkhia lo ding suang khat tungah suang kiciang khat beek a om theih loh ding hun a hong tung ding hi,” a ci hi.
Limte Leh Bawlsiatnate
7Amaute in “Topa aw, tua thute in cikciangin hong tung ding ahi hiam? A pian’ ding hong naih ciangin bang limin a hong kihil ding hiam?” ci-in a dong uh hi. 8Zeisu in, “Note kuamah in hong kheem zawh loh nadingin na kikem un. Bang hang hiam na cih uh leh, mi tampite in, ‘Kei tua pa ka hi hi. A hun hong tung dektak hi,’ ci-in keima min tawh hong pai ding uh hi. 9Tua mite na zui kei un. Galdona thu leh gamlumna thu na zak uh ciangin lunghimawh kei un. Bang hang hiam na cih uh leh, tua thute a piang masa ding uh hi. Ahih hangin, a beina a tung nai kei ding hi,” a ci hi.
10Tua ciangin Zeisu in, “Mi namkhat leh namkhat, gamkhat leh gamkhat hong kido ding uh hi. 11Ziin nakpi hong liing ding a, mun khat khatah kial leh pul hong tung ding hi. Van panin kihtakhuai nate leh lim lianpite hong kilang ding uh hi. 12Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi. 13Tuate in note’ teci pan nading ahi hi. 14Tua ahih ciangin, ‘Bang ka ci thukkik ding hiam?’ ci-in na ngaihsut kholh loh nadingun, na lungsim sung uh ah na ciamteh un. 15Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi. 16Na nute na pate, na sanggampate, na behte leh na lawmte nangawn in note hong pia ding uh a, note kimkhat zong hong sisak ding uh hi. 17Keima min hangin mi khempeuh in note hong mudah ding uh hi. 18Ahih hangin na sam uh zang khat beek a kisia kei ding hi. 19Lung kipna tawh nuntakna na ngah ding uh hi.”
Jerusalem Siat Ding Zeisu in Genkhol
20“Jerusalem khuapi galkapte in a uumcip na muh uh ciangin, tua khua siat nading a nai cih na thei ta un. 21Tua lai takin Judah gamah a omte in mual tungah tai ta hen. Jerusalem khuapi sungah a omte in paikhia ta hen. Gampa lakah a omte in a sungah lut loin om ta hen. 22Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi. 23Tua lai takin naupai numeite leh naungeek nei numeite in gimna a thuak ding uh hi. Bang hang hiam na cih uh leh, hih gamah gimna tung ding a, hih pawlte tungah hehna a tung ding hi. 24Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”
Mihing Tapa Hong Paina
25“Tua lai takin ni, kha leh aksite tungah lim kilang ding a, leitungah mi a pawlpawlte in tuipi lian leh tui kilok ging hangin lungmangin, gimna a thuak ding uh hi. 26Leitungah a tung ding gimna teng mite in a lamen ding uh a, kihta-in a sibup ding uh hi. Bang hang hiam na cih uh leh, vanah a om vangliatnate a kiliing ding uh hi. 27Tua lai takin vangliatna leh minthan’na tawh, Mihing Tapa in meii tungah hong kumsuk a mu ding uh hi. 28Ahih hangin hih thu hong piang a kipat lai takin note suahtakna hun nai zo ta ahih maninah, khuadakin na lutang uh phongto ta un,” ci-in a gen hi.
Theikung Thuhilhna
29Khatvei Zeisu in thugentehna a hilh-inah, “Theikung akipan kung khempeuh va en un. 30A tehno na muh uh ciangin khuakhal a nai zo hi ci-in no na thei uh hi. 31Tua mah bangin, tua thu hong piang na muh uh ciangin, Pasian’ Gam hong nai zo hi ci-in na thei ta un. 32Ke’n aman takpi kong cih-inah, hih khang mite a beima-in hih thu khempeuh hong piang ding hi. 33Van leh lei a mangthang ding hi; ka thu ahih leh, a mangthang ngei kei ding hi.”
Ngak Ding Hanthotna
34“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi. 35Tua mah bangin leitungah a teeng mi khempeuh tungah hong tung ding hi. 36Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.
37Zeisu in ni simin biakna innpi sungah thu hilh a, nitak simin paikhia a, Oliv kici mualah a giak hi. 38Zingsangin mi khempeuh in a thu ngai dingin biakna innpi-ah ama kiangah a kikhawm uh hi.
Цяпер абрана:
Luka 21: TB77
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Tedim Bible © Bible Society of Myanmar, 1977.
Luka 21
21
Meigongnu’ piakna
1Tua lai takin Zeisu in en a, sumhaute in sumkholna sungah sum a khiat uh a mu hi. 2A zawng meigong khat in dangka pai nih a khiat a muh ciangin, 3“Ke’n aman takpi kong cih-inah, mi khempeuh lak panin tua numei in tam a khia bel hi. 4Bang hang hiam na cih uh leh, tua mi khempeuhte in a sumval lak pan a khia uh hi. Tua numei ahih leh, zawng napi-in a kivaak nading khempeuh nangawn a khia hi,” ci-in a gen hi.
Biakinn Siat Ding Zeisu in Genkhol
5Mi kimkhat in biakna innpi suangmanpha leh mite piakna tawh kizepna thu a gen uh ciangin, 6Zeisu in, “Tua na muh uh nate ahih leh, a kiphelkhia lo ding suang khat tungah suang kiciang khat beek a om theih loh ding hun a hong tung ding hi,” a ci hi.
Limte Leh Bawlsiatnate
7Amaute in “Topa aw, tua thute in cikciangin hong tung ding ahi hiam? A pian’ ding hong naih ciangin bang limin a hong kihil ding hiam?” ci-in a dong uh hi. 8Zeisu in, “Note kuamah in hong kheem zawh loh nadingin na kikem un. Bang hang hiam na cih uh leh, mi tampite in, ‘Kei tua pa ka hi hi. A hun hong tung dektak hi,’ ci-in keima min tawh hong pai ding uh hi. 9Tua mite na zui kei un. Galdona thu leh gamlumna thu na zak uh ciangin lunghimawh kei un. Bang hang hiam na cih uh leh, tua thute a piang masa ding uh hi. Ahih hangin, a beina a tung nai kei ding hi,” a ci hi.
10Tua ciangin Zeisu in, “Mi namkhat leh namkhat, gamkhat leh gamkhat hong kido ding uh hi. 11Ziin nakpi hong liing ding a, mun khat khatah kial leh pul hong tung ding hi. Van panin kihtakhuai nate leh lim lianpite hong kilang ding uh hi. 12Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi. 13Tuate in note’ teci pan nading ahi hi. 14Tua ahih ciangin, ‘Bang ka ci thukkik ding hiam?’ ci-in na ngaihsut kholh loh nadingun, na lungsim sung uh ah na ciamteh un. 15Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi. 16Na nute na pate, na sanggampate, na behte leh na lawmte nangawn in note hong pia ding uh a, note kimkhat zong hong sisak ding uh hi. 17Keima min hangin mi khempeuh in note hong mudah ding uh hi. 18Ahih hangin na sam uh zang khat beek a kisia kei ding hi. 19Lung kipna tawh nuntakna na ngah ding uh hi.”
Jerusalem Siat Ding Zeisu in Genkhol
20“Jerusalem khuapi galkapte in a uumcip na muh uh ciangin, tua khua siat nading a nai cih na thei ta un. 21Tua lai takin Judah gamah a omte in mual tungah tai ta hen. Jerusalem khuapi sungah a omte in paikhia ta hen. Gampa lakah a omte in a sungah lut loin om ta hen. 22Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi. 23Tua lai takin naupai numeite leh naungeek nei numeite in gimna a thuak ding uh hi. Bang hang hiam na cih uh leh, hih gamah gimna tung ding a, hih pawlte tungah hehna a tung ding hi. 24Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”
Mihing Tapa Hong Paina
25“Tua lai takin ni, kha leh aksite tungah lim kilang ding a, leitungah mi a pawlpawlte in tuipi lian leh tui kilok ging hangin lungmangin, gimna a thuak ding uh hi. 26Leitungah a tung ding gimna teng mite in a lamen ding uh a, kihta-in a sibup ding uh hi. Bang hang hiam na cih uh leh, vanah a om vangliatnate a kiliing ding uh hi. 27Tua lai takin vangliatna leh minthan’na tawh, Mihing Tapa in meii tungah hong kumsuk a mu ding uh hi. 28Ahih hangin hih thu hong piang a kipat lai takin note suahtakna hun nai zo ta ahih maninah, khuadakin na lutang uh phongto ta un,” ci-in a gen hi.
Theikung Thuhilhna
29Khatvei Zeisu in thugentehna a hilh-inah, “Theikung akipan kung khempeuh va en un. 30A tehno na muh uh ciangin khuakhal a nai zo hi ci-in no na thei uh hi. 31Tua mah bangin, tua thu hong piang na muh uh ciangin, Pasian’ Gam hong nai zo hi ci-in na thei ta un. 32Ke’n aman takpi kong cih-inah, hih khang mite a beima-in hih thu khempeuh hong piang ding hi. 33Van leh lei a mangthang ding hi; ka thu ahih leh, a mangthang ngei kei ding hi.”
Ngak Ding Hanthotna
34“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi. 35Tua mah bangin leitungah a teeng mi khempeuh tungah hong tung ding hi. 36Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.
37Zeisu in ni simin biakna innpi sungah thu hilh a, nitak simin paikhia a, Oliv kici mualah a giak hi. 38Zingsangin mi khempeuh in a thu ngai dingin biakna innpi-ah ama kiangah a kikhawm uh hi.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Tedim Bible © Bible Society of Myanmar, 1977.